يقول لي زوجي تسنعي

[ام الحلوااات]

اللــــه يــــعــــيــــنـــــج

 

[صاعقة بيوتي]

شوفي حبيبتي اذا تاكلون معاهم لازم تقسمون الطبخ بينكم يعني يوم على امه ويوم عليج ويوم على اخته يعني على حسب عدد الحريم اللي في البيت بيطلع لج كم يوم تطبخين بالاسبوع وديري بالج لاتقسمون الطبخ حق اليوم الواحد عليكم لانهم ممكن يرمون عليج الشغل الثقيل وياخذون الخفايف ، وبصراحه مو معقوله اهم يطبخون وانتي بكل برود تيين وتاكلين معاهم اهم بعد مو خدم عندج.
اما اذا ماتكلين معاهم عاد اهني لا والف لا تطبخين لهم لانج انتي بعد مو خدامة عندهم نفس ماقلتي، بس هذا مايمنع انج من وقت لاخر تدزين لهم صينية من ايديج او سلطة او حلو، وممكن مرة كل شهرين مثلا تقولين لخالتج اليوم انا بطعمكم من ايدي لاني انا وريلي اشتقنا لقعدتكم ونبي ناكل معاك

 

[برنسيسة2007]

اذا انتي تاكلين معاهم وتنزلين عليهم>> حبيبتي لازم اتساعدينهم مو حلوه بحقج ولا بحق اهلج من الاصول ماتاكلين وتمشين ايدج بالطوفه
اذا ماتاكلين معاهم وزوجج ياكل معاهم>>نزلي غداج حقهم واخذي جزء منه هم مو عدله يوكلون زوجج مازوجوه عشان يخدمونه! وزوجه اميره في جناحها وامه فقيره تخدم فالمطبخ عزي زوجج وعزي اهلج
اذا كنتي ماتاكلين معاهم بس تستفيدين منهم خادمينج مثلا اذا رحتي الدوام اوالسوق اتخلين اولادج عندهم>>لازم اتساعدينهم هذه بتلك
واذا كنتي لاهذي ولاذيك يعني ماتاكلين معاهم ولايساعدونج بشي:
اذا خدمتي امه هذا من باب الاحسان وشي طيب لصالحج دنيا ودين
ولا في الحقيقه انتي مو مجبوره تخدمينهم بعد رضا زوجج
واذا ماتبين نصيييييييييحه اقنعي زوجج باسلوب حلو حتى وان كان اسلوبه سيء لييييش؟؟ توقعي ان اهله ضاغطينه وحاشين فيج فراح تقنعينه باللي قالوه عنج لاباس انج تعاتبينه على كلمته ولكن في موضوع بروحه بعيد عن موضوع الاقناع
يعني اقنعيه: استحي انزل قدام حماي والمطبخ حر وانا متعوده اقط كل شي..الخ بعدين خليج زعلانه كعتاب على اسلوبه
انتي بكلمتج خلطتي الامور زعلتي من كلمته وحطيتي حرتج بالموضوع وهذا اكبر خطأ
تتوقعين لو قال حبيبتي ودي افاخر بطبخج وتطبخين مع امي وافتخر فيج قدامهم راح تقولينانا مو خدامه طبعا لا راح تقنعينه انج ماتطبخين
لذلك الاولى انج اقنعتيه بعدين عاتبيه
وتقبلي مروري واسفه عالاطاله

 

[حليلة نايف]

حطي امك مكان ام زوجج ومرت اخوج مكانج وانتي جاوبي عن نفسك اللي ترضينه لامج ارضيه للناس وانتي وضميرج وسوي مايملي لج ضميرج

 

[نظره خجوله]

ياعمري نصيحه اذا كانوا ناس محترمين ومايدخلون فيك ساعديهم عشان خاطر زوجك بينيله انك تحبينهم موشرط كل يوم تتطبخيلهم متى ماحسيتي نفسك فاضيه روحيلهم

 

[ماني من الناس]

اذا ماتاكلين معاهم مو مجبوره

ع قولتج خواته كبار يساعدون امهم واذا شغل البيت مو عاجبهم يتصرفون بروحهم يطلبون خدامه دام اكلج مو معاهم


اما اذا اكلج معاهم ساعديهم
مع اني أأيد ان الوحده تكون لها خصوصيه بمطبخها وشقتها وطلعتها ونزلتها

 

[om_3azoz]

حبيبتي اذا كان غداكم معاهم كل يوم نزلي ساعديهم ,, واذا انتي مطبخج بروحج تطبخين فيه الغدا وجذي ماله داعي سوي كيك حلو شي والعصاري نزلي ونزلي الحلو وتقهوو عادي مافيها شي

 

[بيلسسان]

انتي قلتيها شنو خدااااااااااااامه لهم
اطبخي لزوجج و ودي لهم صحن بالشي هذا مايضر




اما اذا انتي بشقه ببيتهم واكلج يوصلج فوق زاهب وماتساعدينهم
لااااااااااااااااااااااااااااااااااااااااااازم تطبخييييييييييييين لهم
عيل امه واخته خدم عندج وانتي فوق بشقتج




اما اذا غداج وعشاج انتي تسوينه عادي ودي لهم نقصه

والا يوم بالاسبوع اعزميهم
ترا العزيمه حلوه
بتفرح خالتج اذا قلتي لها ياخالتي حياج اليوم مسويه عشاج انتي والبنات علي



بس مو كل يوم اطبخ لهم

 

[انا لحبيبي .]

يلي بناسبك اعمليه ،

بس حاولي ما تقللي من قيمه نفسك بالرد والاسلوب على زوجك عشان ماتعطيه ثغره يدخل منها .

 

[نوفااااا]

نفس سالفة اختي ب الضبط اصبري والله سهالات في رياجيل يقولون اعبر من ذا الحكي

 

[kwait doll]

والله على حسب اذا كنتي تاكلين معاهم يعني لازم تساعدين امه


اما اذا اكلج انتي وريلج بروح لا شكو تساعدينهم

 

[sanyoretaQ8]

الله يهديكم

 

[غلا الاحساء]

فديتكم كلكم ع الردود

بس انا مرات غداي معهم ومرات اطبخ لحالي قوووق

بس اذا كلت من غداهم اغسل اللي بعدي

واذا طبخت فووق انزل لهم نقصه عادي

بس انا ما ابي ارتبط فيهم عشان مايتعودون علي

 

[خالتي قموش]

خلاص عداج العيب

الله يهنيكم يا رب

 

[غلا الاحساء]

تكفووووون بنات ادعوا لي بالصلاح والثبات

وان الله يكبر عقلي معهم ومع زوجي وان يقوي ايماني ويحفظ لساني يارب

 

[خالتي قموش]

حلوه هذه يكبر عقلي ههههههههههههه

الله يسخر لج ريلج و حمولتج
بس انتي قبل لا تعصبين
عدي للعشره و استغفري
مو سيده تردين
انا مثلج عصبيه
بس بعدين لا
قمت ما اعاند ريلي و ارد بسلوب حلو حتى لو ما ابي اسوي شي
اخذهم بسلوب حلو
ولا تحجين فيهم ابدا جدام ريلج
جامليهم ومشي امورج

 

[لافلي روز]

شوفي حبيبتي ,, انا تعلمت من زواجي فهالسنوات الثلاث ,,,,

ان الزوج لو قالجد شي وكرره وانتي رفضتي ياخذ منج موقف في قلبه وماراح ينساه لا وراح يذكرج يه بين فترة وفترة وراح يقول او يتهمج بالتقصير او الانانيه عشاااااااااااااااااااااان كذا من البدايه اقصري الشر واعرفي كيف تتعاملين ويا ريلج وبالج مرتتتتتتااااااااااااااح

اولا ,,,, روحيله واعتذريله وقوليله اسفه حياتي كنت متكدرة شوي من ............. سيناريو من الخيال ,,, لووووووووول
وخالتي في حسبة الوالدة وخواتك خواتي ومن هالكلام ترا الريال يصدق الكلام

ثانيا ,,,, في الاسبوع مرة ومرتين ,,, سوي حلو ووديه لخالتج ,,, عالاقل راح تمدحج جدام ريلج (مو شرط حلو اي شيء تطبيخينه سنع)

ثالثا ,,, لما تكونين فاضيه وزوجج معاج ,,, قوليله حبيبي نازله شوي تحت لاني سمعت خالتي تبي تسوي الاكلة .... وحابه اتعلم منها عشان اطبخلك ,,, وحتى لو ماطبختي ماراح يسأل ,,, بس عالاقل بياخذ موقف جميل عنج

رابعا ,,,, لاتشتكي ابدا ابدا ابدا من اهله ولاتدخليهم في حساباتكم مع بعض ,,,,,,

والله يحفظج ويوفقج ويسخركم لبعض باذن الواحد الاحد

 

[أخت أخواني]

حطي امك مكان ام زوجج ومرت اخوج مكانج وانتي جاوبي عن نفسك اللي ترضينه لامج ارضيه للناس وانتي وضميرج وسوي مايملي لج ضميرج

:rerrerek:

ماقصرا البنات , والله يهدي النفوس