يقول لي زوجي تسنعي

[غلا الاحساء]

السلام عليكم

شخبأركم حبيباتي


زوجي يقووول لي تسنعي

قلت له انا متسنعه والحمد لله

يقول ليش ماتساعدين امي في المطبخ

مع ان لي جناح فوووق ولي مطبخي الخاص

يبيني انزل تحت واشتغل عنهم وعنده خوات بعد كبار


انا عصبت وقلت له انت ماخذتني خدامه لاهلك وتركته ولاكلمته وهو راح ينام


بليزززززززززز هل انا غلطانه ولالا

شوروا علي وش ارد عليه وش اسوووووي

انتظركم

 

[مناير ...!]

مايضرج تنقصين لهم شي
او تساعدينهم بين وقت ووقت
حلوه تحسسين ريلج ان اهله اهلج

 

[مفعمه بالحيويه]

هو سكت وراح يدري انه بالغ شووي

عوديه عللي تبينه

وان ساعدتيهم لاتصيرين طيبه وايد ... يستغلونج صح ترى

 

[سيدة الذوق]

علي حسب هم شنو ؟؟

اذا حبوبين انزلي ساعديهم .. واقصري شر

ولا فهميه انج دوام وتعبانه وانج بتطبخين بمطبخج وتنزلين

 

[خالتي قموش]

مافيها شي اذا ساعدتيها
ونصيحه لا تقارنين نفسج مع خواته
خواته لزواجهم
هذه بيتج انتي
بين كل فتره سوي شغله و نزليها
اذا عني عادي مافيها شي اذا طبخت شي و تنقصت لهم منه
هلشي ما ينقص من قيمتي
بلعكس بيزيدها

 

[ام الدرر]

ياقلبي
حتى لو كنت رافضة او ماعندج وقت
في اسلوب حلو للكلام تقنعين فيه زوجك
ليش تجيبون لنفسكم المشاكل
قال لك انزلي ساعدي امي
قولي ان شالله
وطنشي
رجع كرر الطلب قولي مافضيت اليوم كان عندي غسيل وشغل
ان شالله بكرة وهكذا لين ينسى الموضوع واذا اصر انزلي ووقفي معاها ماراح تخسرين لي وقفتي نص ساعة بالمطبخ مع خالتك
اما تعاندين بيركب راسه وبيطلعك غلطانه
عسى الله يهديكم ويصلح حالكم​

 

[*مطبخ الذواقة*]

مافيها شي اذا ساعدتيها
ونصيحه لا تقارنين نفسج مع خواته
خواته لزواجهم
هذه بيتج انتي
بين كل فتره سوي شغله و نزليها
اذا عني عادي مافيها شي اذا طبخت شي و تنقصت لهم منه
هلشي ما ينقص من قيمتي
بلعكس بيزيدها

عدل حبيبتي كلامج صح 100%

 

[لبـى قلبـي]

إذا كان طبخك و اكلك كله بجناحك
ماله داعي تساعدينهم خاصه ان فيه بنات كبار ..

ومايضر إذا سويتي حلى او خفايف العصر او المغرب ونزلتيها ..


اما إذا كانت وجباتكم الأساسيه من مطبخ اهله
انزلي واعرضي على أمه المساعده ..


بس لا تشيلين كل شي ..


سددو وقاربوا
ساعدي بس بحدود

 

[bal8es]

اذا غداكم انتي دايم تسوينه وما تتغدون معاهم من الاساس مو شرط تساعدين بالطباخ
بس اذا غداج معاهم ساعدي حتى لو يوم بالاسبوع بس بسلطه سهله الله يعافي المعلبات فاصوليا على ما ادري شنو صارت سلطه ولا تاخذ وقت ولا تعب واسمج ساعدتي
والله يهدي النفوس ان شاء الله

 

[صحكة الايام]

موفقه

 

[هـــنـــاء]

يا حبيبتي غلطانه مثل ما اهو غلطان

الله يهديكم ليش تيبون مشاكل بدون سبب

كان المفروض تردين بأسلوب أفضل

 

[بخـــارى]

كلمتج ماني خدامه لاهلك كلش مو حلوه
مافيها شي اذا نزلتي ساعدتي خالتج وتنقصين لهم
الحين روحي ضحكي بويهه وطيبي خاطره باسلوبج

 

[هيبة ملك]

كنت حاده في ردج

كان ممكن تردين بهدوء

 

[انثى الكويت]

انا بقولج شياسلوبج حاد اي متفقه مع البنات جان قلتي له ان شاء وطاااف ولا قولي له ماقدر اي عذر باسلوب حلو

ممكن ريلج طلبه وطريقته مو حلوه وقالج تنسنعي هذا غلط


بس نصيحه لا تسوين ولا شي معاهم صراحه اهل الريل مو مال نعطينهم ويه واذا صرتي طيبه لعنو خيرج

ولا جان ماشوف مشاكل عن اهل الريل اهني بهالقسم

اذا بتسوين شي بمطبخج اوكي سلطه ولا حلو

بس هم مو كل مره اوكي عشان لا يتعودون


وعشان تصلحين الموضوع مع ريلج قولي له ماكان قصدي بس انت قلت لي تسنعي
يعني ماصير سنعه الا اذا نزلت المطبخ انا كاني سنعه شزيني وشحلوي مو مقصره معاك ولا معاهم بشي

واذا بنزل بساعد قوليله بطريقه ثانيه مو الا بالمطبخ ممكن اسوي طبق حلو واسويه
ولا اشتري حلو من بره ومن هالسوالف



بس نزوال وتعودينهم مانصحج

 

[انثى عاشقة]

كأني رديت ع الموضوع وين طار ردي !!
​

 

[المسكـ]

يبون خدامه اييبون من مكاتب الخدم مايابج طباخه لاهله وخل يتسنع اهوو ودام حطوللج مطبخ مالهم شغل باكلهم ولا لكم شغل باكلهم وعنده خوات يقومون يساعدون امهم هذا اللي ناقص بعد

 

[المسكـ]

كلمتج ماني خدامه لاهلك كلش مو حلوه
مافيها شي اذا نزلتي ساعدتي خالتج وتنقصين لهم
الحين روحي ضحكي بويهه وطيبي خاطره باسلوبج

سؤال؟

كلمته تسنعي حلوه ؟؟؟؟؟؟؟؟؟؟؟:bbbiu:

المرا مو مجبره تسوي اي شي بالبيت هذا الشرع يقوله غير واجباتها ماتسوي شي يعني شكو تساعد امه ؟

لو يايها باسلوب اذرب جان امنا بالله شنو تسنعي وساعدي امي ؟ مال امه داعي هالاسلوب

 

[دلال و غلا]

اختي شنو فيها اذا نزلتي و ساعدتي باللي تقدرين ..؟
و ردج ع زوجج مو حلو وين احترام الزوج !
الله يهديكم لبعض

 

[بدويه ستايــل..]

اب اب اب

 

[واصله]

حبيبتي اذا خالتج طيبه وتستاهل مافيها شي بين فترة وفترة تساعدينها
او سويلج كيكه او شي نزليه معاج ترا زوجج حيل بيستانس