يقول المصرف النص بالنص

[M!ss CoLoRz]

عند العرب عيب هالكلام يطلع من الريال ... ما فيه شدة الزواج والمسؤولية يقعد ينثبر مكانه

وشرعا اهوه الملزوم فيج وبالمصرف لو انتي بنت ملك واهوه فقير

خلي الرياييل يقعدون معاه ويعطونه كلمة تهزه

 

[انت حب حياتي]

الصراحة هالزمن وايد تغير وصار في قصص بهالحياة اقرب للخيال ... كل اللي قالوه البنات صحيح وياريت تفكري بابعد من الكلام لانو مو سهل تعيشين مع انسان يحدد الك خط سيرك المادي ويحد من استقلاليتك المادية ... من حقه يفكر في بكره لكن مو من حقه يرسم خططه الماديه على حسابك كلنا متزوجين ونتكلم من منطلق الواقع اللي قاعدين نعيشه ترى مو سهل احد يسالك شنو سويتي او بكم شريتي

من سؤالك باين عليكي التردد الكبير لو انتي بعدك على البر ارفضي ولو انتي متزوجه تكلمي بكل صراحة وما تخافي النقاش والحوار باب لتجاوز كثير من العقبات والصراحة راحة والسكوت عن الحق شيطان اخرس وهذا حقك انو يلتزم فيكي وفي بيته وفي اولاده

الله يسهل لك امرك ويجعلك لك دائما باب فرج اللهم امين ​

 

[الجادل الطرقا]

الحمدلله إنه قالج قبل لا تنصدمين بعد الزواج!!

إذا كان جاد بكلامه وهذا تفكيره صج خلييييه انحاشي عنه شحادج عالشقا؟!

مبين حياتكم ماراح تكون حلوه وكلها حسابات وماراح تعتمدين عليه بشي!!

نصيحتي من قلب لا تقصين على نفسج وتقولين بغيره مادام هو معترف وكان صريح من البداية عمره ماراح يتغير

وإذا حاولتي بعدين بيقول احنا متفقين من قبل العرس وراح يكون الحق معاه حتى لو اللي يسويه غلط!!

 

[*ريمي*]

لا وايد صعبه شروطه وين وجباته اهو كزوج
تساعدينه من كيفج برضاتج اوكي بس مقسم شنو تصرفين واهو شنو يصرف لا وايد موجذي كلش
من رايي تكلمينه مره ثانيه وتعيدون الاتفاق لان هذا شغله اهو مو شغلج انتي

 

[!الجادل الصعب!]

وضعه غريب .
اذا شايفه ان ممكن تلاقين فرص زواج احسن منه .. اتركيه
او اشرطي عليه يقوم بواجباته بحدود الشرع و الدين


الله يكتب لج اللي فيه الخير

 

[زبــــــــدة]

بالذمه نعم ياي يتزوج

ديربالج حبيبي دام من اولها جذي !!

المفروض الريال اللي يصرف والمرة تساعد بشي بسيط ومو ملزومة بعد من كيفها

حلوة هذي النص بالنص !!

واهم شي مايصرف عالبنات !!

نصيحه رفضيه مبين من اولها بعدين راح يلعوزج ويخلي كل شي عليج

 

[مناير ...!]

هذا داش على طمع وحده وسيه وجهه
لاتوافقين يبه توني مخطوبه المفروض تطيرني للسماء
مو تحزر علي وانا بعدني مادشيت بيتك
حتى لو المره بتصرف ماتصرف من اول الخطبه
بعد سنه سنتين لما يصير الموضوع من خاطرها مو غصب ومفروض

 

[Shinexo]

اذا ماسويتي العرس سحبي نفسج منه خل يولي هاي مب ريال

في اللي ارجل و احسن منه

قطيعه شنب ع الفاضي

 

[ظبية بوظبي]

خلاص لا تشتغلين وخليه يدفع لييين ما يكفر عن ذنوبه المؤجلة خخخخخخ

 

[زوجة عزيز]

الحمدلله اللي طلع ويهه الحقيقي من بدايته انتي موملزومه تاخذين واحد تصرفين عليه وعلى بيته واعياله عيل ليش متزوجج !! ليهالدرجه عاد يبي يشيل يده من كل شي !!! الوحده اتزوج تبي ترتاح وتستانس بحياتها واحد يشيلها ويشيل مسؤوليتها مو اهي اتكفل فيه حبيبتي راجعي نفسج قبل لايطيح الفاس في الراس واتوهقين فيه

 

[merrynice]

والله‏ ‏البنات‏ ‏كفوا‏ ‏ووفوا‏‏ ‏المصرف‏ ‏شرعا‏ ‏عليه‏ ‏اذا‏ ‏ناوية‏ ‏تساعديه‏ ‏فبرضاج‏ ‏فهميه‏ ‏والله‏ ‏كل‏ ‏المشاكل‏ ‏بسبب‏ ‏الجهل‏ بامور‏ ‏الدين ‏‏ ‏او‏ ‏عدم‏ ‏التدين‏ ‏يعني‏ ‏يعرف‏ ‏بس‏ ‏يعصي‏ ‏الله‏ ‏
وزواج‏ ‏الرجل‏ ‏المتدين‏ ‏حقا‏ ‏من‏ ‏امراة‏ ‏متدينة‏ ‏حقا‏ ‏هو‏ ‏الزواج‏ ‏الناجح‏ ‏فقط‏ ‏سبحان‏ ‏الله‏ ‏هذه‏ ‏وصايا‏ ‏وكلام‏ ‏رسولنا‏ ‏الكريم‏ ‏صلى‏ ‏الله‏ ‏عليه‏ ‏واله‏ ‏وسلم‏ ‏بالنسبة‏ ‏للرجل‏ ‏‏”‏فاظفر‏ ‏بذات‏ ‏الدين‏ ‏تربت‏ ‏يداك‏”‏‏ ‏وللمراة‏"‏اذا‏ ‏جاءكم‏ ‏من‏ ‏ترضون‏ ‏دينه‏ ‏وخلقه‏ ‏فزوجوه‏"‏

 

[Kocheko]

الريال بخيل ... وراح تتعبين معاه مستقبلا .. أحلى شى فالريال الكرم مع مرته وعياله ..

 

[ReD&FoSHia]

خطيبج يضحك والله ويييع وين قاعدين النص بالنص
يا انه يجربج واذا قلتي ايي مو مشكلة بيكمل وان قلتي لا بيقول اتغشمر و اختبرج
او ان الاخ فعلا جذي مافيها السالفة كلام كلمي ابوج ولا امج يا ابوج يكلمه يا امج اتكلم امه
حلوة الايجار علي وماراح ادفع لاني بسكن ببيت امي و البنات عليج و الصبيان علي
يديدة ما شاء الله مبدع الاخ

 

[زوجة حياتي]

تساعدينه بالمصروف أوكي ما يخالف بس الطريقة الي قاعد يتكلم عنها غريبة وماتنفع

 

[ليدي بجد]

قولي له انا بعد الزواج بستقيل. بيهرب وتفتكين منه

 

[مسالمة66]

لااااا شالخرابيط لاقين الحريم بالشارع مصرف نص بنص الحمد لله ع العافية

قوليله اذا تبي المصرف نص بنص .. عيل القوامة في البيت نص بنص .. لان الله يقول ( الرجال قوامون على النساء بما فضل الله به بعضهم على بعض وبما انفقوا ) ليش له القوامة ؟ لانه بماااا انفقوا .. وقال اهل العلم ان الرجل اذا ما انفق سقطت عنه نصف القوامة

تساعدينه ممكن .. بس سوالف نص بالنص هذه سوالف ناس ناقصه عقل
خليج قوية ولا تستسلمين .. الانفاق مو من واجباتج من واجباته

 

[شهووووودة]

ما حبيت اطلع بدون لا ارد ...

شوفي حياتي ( شرعا ) اهو ( ملزوم ) ركزي ( ملزووووووووووووووووووووووووووووم )

يصرف عليج ... و على عيالج بالحاجات الاساسية ( الاكل + اللبس + البيت )

اما سالفه مثلا انتي تبين جنطة ماركة او شغله جذي يعني شي مو اساسي بالحياة لا حياتي انتي تاخذينها ...

اما سالفة النص بالنص هذي مو معقولة ... و انتي مو ملزووووومة ب ولا شي !!!
و اي شي انتي تصرفينه على بيتج يعتبر صدقه >> جني قريتها مرة ؟


و سمعيني .. اذا توكم بالبر .. يبا الله يعوضج بغيره ...
ترا اصعب 3 صفات بالريال : الشكاك و البخيل و الجذاب ....



و الله يوفقج و يسهل لج امرج و سامحيني ع الاطالة بس احتريت !!!!




- الله يرزقنا الطموشات الزوج الصالح -

 

[بخـــارى]

لاحول ولاقوة الا بالله

فرقاه عيد

 

[Nothing]

مب ريال الصرف عليهم وماله حق ياخذ ربع دينار من راتبج اذا صرفتي

او لا هذا من حقج وهذا يبين انه داخل على طمع الله يحرق اشكالهم

 

[((shoOoshoOo))]

ربي يعوضج بارجل منه