يقولي انتي ناعمه ؟؟؟

[طالبة انجلش]

,

حبيبتي سوي الي يبيه ريلج
مو يقولج غيري ؟ قعدي وياه و شوفيه بشنو وده يشوفج
شعر قصير .. سمبل ميكب فرنش منيكير .. تصبغين شعرج آشقر
تغيرين لون حوآجبج .. تسوين برونزآج
سويله لوك مآرلين مونرو الرياييل يحبون جي لوكآت الميكب الناعمه
التلطخ مآ يحبونه خلج بعيده شوي عن اللوآن الايشدو الغامجه
اكتفي بالايلاينر و الماسكرا و الاشياء الخفيفه آحلى و انعم

هاج بوسه
امووووووووووووواه
انتي لو تشوفين اختي تزفني تعلمي والله ماقدرر ايدي ماتسوي مادري ليش
اعرف ناعم حيل يعني ايلاينلار فوق العين ماعرف احط تخيلي ضياع
وحدي متحطمه
امشكوره ردج يريح :eh_s(17):

 

[ديمة بنت غنيمة]

شكرآ بنآآآت

 

[دلوعة أبوهآ]

تصرفآت زوجك جداً غريبه
يعني معآه حق انه يحب البسآطه ويبي شكلك طبيعي ومآيحب الاوفر !!
بس مو بعد فتره يجي يطلب منك التغيير ويقولك مايمنع لو حطيتي مره ولو سويتي هالشي مره !!

يعني يناقض نفسه بنفسه ...

مدري شقولك بس حاولي تسايرينه وسوي اللي انتي يعجبك ..

 

[امـ خــزامـى]

حبيبتي انت مافهمتي الرجال عموما
ترى اذا قال انا احب النعومه وسويتيها له فتره ويمل ويالله عاد غيري

واللي تقول زوجك متناقض وغريب
فعلا متناقض وله مليون راي بس للامانه مو زوجهت بس


كل الرجاااااااااااااااااااااااااااااااااااااااال اطفال ومتناقضين

ويملون بسسرعه

انت بالجمال والتزين والتضبط لاتحصرين افكارك على اللي تحبينه واللي هو يحبه

انت سوي له جميييييييييييييييييييييع اللوكات حتى لو ماتحبونها اثنيناتكم
لان التغير حلو للعلاقه

واذا طلعتي للناس سوي اللوك اللي يناسبك وتحبينه

انا زوجي عكس زوججججججججججججك بالتمام

يحب فل الميك اب بشهر العسل قالي ليش ماتحطين لون على عينك هههههههه يقصد اي شدو

والكحل طلعيه برا عينك هههههههههههههه عليه شرح

المهم اني مااخذت على كلامه لان مااحب الاوفر احب الطبيعي جدا

بس صرت اعرفله يعني لو حبيت اكشخله احط له اللي يحبه

واوقات اسوي اللي انا احبه


واوقات اسوي اي شي واجرب اي لوك واي طريقه حتى لو غريبه
بس عشان مانمل ونغير


موفقه حبيبتي

 

[لوفيه]

يعني شنو تبين انقولج طلعي شنبج ولا شنو

خو ريلج بعد سوي اللي يحبه

بعد انتي الله يهديج ريلج وانتي ابخص فيه هااه

 

[PuPa^^SWeeT]

متناقض



بس شتسويين سوي اللي يبيه

 

[ناتشوو]

خلاص انت اتركي ملاحظاته القديمة
وابدي ارجعي ديمة القديمة
لا تحاسبينه خلاص اعتبري ذوقه وتغير
بس بشكل عام احس مرات الشي اللي يعجب الزوج تلقينه ينتقد طلعتج فيه

 

[شوقني ياشوق]

تدرين؟؟؟؟
بقعد اقرا الردود واستفيد معاج
لان نفس المششششكله بالضبط بالضبط
احبااااااااط ولا تعلييييق!! قصيت شعري قصيييير بعد اربع ايام خالتي قالت الله قصيتي شعرج
جان زوجي يقول صج ؟؟ توني انتبه... بغيت اموت من القهر

الحين قمت البس بجايم او جينزات وشورتات وبكيفي
حتا لو قال ويع مالي شغل اهم شي عاجبني
بس النعومه غالبه علي ودي تصير ملامحي وشكلي اكبر او حاده شوي*

 

[اميره1980]

مره حطي مكياج ثقيل و مره ناعم نوعي بشكلج
بالنسبه للملابس نفس الطريقة لا تخليج على ستايل واحد

 

[ديمة بنت غنيمة]

يعني شنو تبين انقولج طلعي شنبج ولا شنو

خو ريلج بعد سوي اللي يحبه

بعد انتي الله يهديج ريلج وانتي ابخص فيه هااه

البنات كفو و وفو ماني بحاجة ردج ؟؟؟؟

لاتقولين شي
كثر الله خيرج

 

[ديمة بنت غنيمة]

ناتشو هههههههههههه عجبتني ديمة القديمة


يعطيج العافية

 

[ديمة بنت غنيمة]

وتسلمون جميعا

 

[قوس قزح]

الله يعينج ويسخره لج
بعد الوحدة تحب تكشخ ومايعطون مجال لازم تعليق اخرتها وتكرهين نفسج

 

[the note book]

مثل ريلي
انا قمت ماحط مكياج خير شر مو بس احط خفيف
خواتي كله يزفوني يقولون انتي اهملتي نفسج
و هالشي غلط حطي الشي حق روحج مو حقه
اول ما تزوجنا كنت اسوي له ليالي رومنسيه شاده حيلي
و اكشخ الحين حتا قميص النوم صار شخباري
يمكن الحين عشان حامل اهملت العلاقه الزوجيه مره وحده
بس تقريبا كل جم شهر اسوي شي يديد يعني ماكو شي بعدين فجاه
اروح الصالون واقط همجه و اسوي جو رومنس بالشقه اصرف ولدي
و اناديه يستانس
وانا ماقولج انا صح انا حاسه بالذنب الكبير من الاهمال بس الحين شوي عاذره نفسي
مع الحمال..
بالنسبه حق انج تردين من عرس مايعلق عندنا و عندج خير
حمدي ربج تلقينا ناطرج اعرف وحده تقول ولا مره شافني راده من عرس كله ارد القاه نايم
انا مايعلق الا اذا حيييل حيييل دشيت مزاجه و التعليق شنو الله يسلمج ( ااوووه كاشخه) اهني اعرف اني اوووف حدي عاجبته هههههه
بس خذيت و تعودت على طبعه الحمدلله مافي يحبني و مو مقصر لا معاي ولا مع ولدي اللهن لك الحمد في ريايل حبهم و اعجابهم بالافعال مة بالحجي
و سوري قرقت عليج وايد بس شفت انج مثل مشكلتي وسعي صدرج جم سنه و تتعودين ههههههه

 

[منووله مشعل]

الرجال امرهم غريب

الله يسخره لج يارب

 

[صمت المرافئ]

الله يسعدج يا ديمة
ويعل هذي تكون أكبر همومج
صدقيني انت محظوظة بريلج ...
يعني قاعد يصارحج باللي يحبه
يا اختي ما أدري ليش طرا على بالي هالمثلين وآنا أقرا مشكلتج :
" يا ظلمة ... يا سراجين "
" ناقة عريمان لا ثارت نارت ولا بركت ما قامت ... "
لا تزعلين والله أضحك معاج ... :d
يبا ... نوعي في ستايلج علشان العين ما تمل
خليج بمكياج نااااعم طبيعي مجرد حمرة طبيعية وكحل وماسكرة
وشعرج مفلول أو سويله تسريحة ناعمة
و بعد أيام فاجئيه بمكياج ملفت وتسريحة ولبس جريء
راح يستانس عليج
أما مسألة كل يوم مكياج اوفر وصبغ أظافر مو حلوة
وأكثر الرياييل تقلب جبودهم من المكياج الاوفر
والاعتدال مطلوب
والله يسعدج ويسعد ريلج فيج
اللهم آمين
​

 

[latkt7as]

الله يعينا

اغلب الرياجيل جذي

يعني زوجي حبيب قلبي

المكياج مو حلوو كانج ارقووز

صرت بس مسكره وقلوس واحيانا حمره سحريه ههههههه

الكعب بايخ وصوته مزعج ويسبب لي توترر

ماصرت البسه والحين اتوهق ماصرت اعرف امشي فيه

بالعروس

صبغ الاظافر ينقدددددني عليه وكرهته اصلا

شعر مو طويل حيل ومره بغيت اقصه بعرس اهلي

لعن خيري وراح النسايم وشرا باروكه نفس القصه الي كانت بخاطري

كل الي قريته فووووووق

انتهى الحين

صار عادي عنده احط فل ميك اب

عادي اصبغ اظافري

قصيت شعري كذا مره

بس الشي الجديد الحين

يقول لاتلبسين قمصان نوم

خليج عالبجامات كيوووت اكثر

ادري قرقت شكثرر

بس عااادي تاقلمي

وبعدين بيصير الي تبين


تقبلي مروري

 

[ديمة بنت غنيمة]

ذا نوت بوك ما الومج والله اذا ماكو تشجيع انتي مالج خلق يصير

تحسين تعبج عالفاضي يروح

عسى الله يسهل حمالج وتولدين بالسلامة يارب

 

[ديمة بنت غنيمة]

صمت المرافئ هههههههههههههههههههههههههه

صاجه والله
شنسوي يختج هذا الموجود

يالله شي احسن من شي

نورتي ياقلبي

 

[ديمة بنت غنيمة]

latkt7as

عيزت اقرا نكج ما عرفت هههههههههههههههه


عسى الله يخليلج ريلج

تسلمين عالمرور