يقولوون عيد >> سعيد ( تعالو سمعو السالفه )

[وحشني شوف الكويت]

-​

مرحبا يا جماعه :*

كيف حالكم

؟!


أبغى أحكيكم بـ سالفه ، صح إنها من زمان بس ما أعرف ليش حبيت اقولها وآخذ رايكم

طبعن صايره بأيام العيد ، الموهيم ما أطول عليكم


صاحبتي الله يسلمكم قالت لأمها ايش رايك ياماما نخلي العيد عندنا 2 يوم ونجتمع إحنا واخواتي واخوي وزوجته

قالت امها اوكي ، "هم عيدهم إنو يجون البنات ويسلمون على امهم أول يوم بعدين يروحون يعني مايقعدون يتعيدون ، وثاني يوم يروحون بيت الجده اللي هي أم الأم"

الموهيم حبّو يغيرون هالمررره ،، راحت صاحبتي أرسلت مسجات إنو ترا ثاني يوم حيكون العيد في بيتنا وحيكون أول عيد تجتمعون فيه عندنا وإن شاء مايكون آخر عيد ومن هالكلام الحلو :icon30:

فا أرسلت لخواتها و أخوها ، جا 2 يوم وكلّن جا بيتهم إلا زوجة اخوها ;/ استغربت الأم : قالت لولدها وين ام فلان وراها ما جت ؟ قال والله يايمه هي زعلانه منكم

قالت الام : هاو ؟ وش منه زعلانه :eh_s(12): ؟؟ قال لها : إنو عشان اختي أرسلت للكل مسجات ولا أرسلت لزوجتي ، فقالت أكيد مايبوني لأن لو يبوني بيرسلون لي وصراحه يايمه اشوف معاها حق !!

المفروض مثل ماترسلون للكل ترسلون لزوجتي وتبلغونها !

وقال حتى إني قلت لها وحاولت فيها تجي بس مارضت !! هنا مسكينه الأم تضايقت و حز بخاطرها ،، راحت دقت على مرت ولدها وقالت افا يابنتي وش هالكلام ، انتي عارفه اني اعتبرك زي بناتي

وبنتي لما ارسلت المسجات ماكان قصدها انو ماتجين بالعكس ماتكتمل جمعتنا الحلوه إلا فيك واحنا عديناك إنتي وزوجك واحد ويلا يابنيتي عاد تعالي عندنا مع البنيات واسهري وتعشّي وانتي عارفه انك منا وفينا ... الخ

قالت الحرمه : معليش ياخالتي حتى ولو ، المفروض تقولون لي وانا وش زودي عنهم و و و و ،، الموهيم بالاخير معنددده الحرمه ولا رضت تجي ..

فا راحت الأم وقالت لبنتها اللي هي صاحبتي / روحي كلمي على مرت اخوك واعتذري منها وقوليلها ماكان قصدك واحنا اكيد نبيها معانا وطيبي خاطرها

طبعن صاحبتي رفضت وقالت واللللللللللللله العظييييم ما أدق !! هي شكلها اصلن تبي تزعل !!

وهي تبيها من الله عشان ماتجي ! خلاص يكفي انتي دقيتي عليها وفهمتيها ! وقامت الام تهاوش بنتها وعصبت منها

وقالت مهما كان دقي ع الاقل عشان اخوووووك والبنت مررررره رافضه !! فا تنكدو بهذاك اليوم ،، تقول صاحبتي نبيه عيد ووناسه وانقلب العكس ;/ لدرجة قعدت الأم كم يوم زعلانه من بنتها وما تكلمها عشان اللي صار ;/

الموهيم انتهت سالفتهم وبعدين تراضو الام والبنت ومدري عاد ايش صار مع مرت ولدهم ...

نسيييييييييت اسألها

الحين ابغى آرائكم وحطو نفسكم مكان (( مرت الولد - الأم - البنت ))


1- هل لو كنتي مكان مرت الولد وصار اللي صار ، راح تزعلين وتسوين زي ماسوت ولا تجين ؟؟

2- هل لو كنتي مكان الأم بتروحين تدقين على مرت ولدك وتفهمينها السالفه وتعتذرين منها عشان ولدك وعشان مايصير مشاكل ؟؟

3- هل لو كنتي مكان صاحبتي وعصبت عليك أمك وقالت دقي اعتذري من مرت اخوك راح تدقين ولا تسوين مثل ماسوت البنت وترفضين ؟؟
​

بإنتظار أجوبتكم .. سـمـّـو

 

[! GaLaXy !]

رد: يقولوون عيد >> سعيد ;/

: )

اول رد واتشرف

: )

1- هل لو كنتي مكان مرت الولد وصار اللي صار ، راح تزعلين وتسوين زي ماسوت ولا تجين ؟؟

بسراحه راح ازعل يعني هم انا لي قدر وانا منهم لازم يوجبوني ويحسبولي حساب

2- هل لو كنتي مكان الأم بتروحين تدقين على مرت ولدك وتفهمينها السالفه وتعتذرين منها عشان ولدك وعشان مايصير مشاكل ؟؟

اي اكيد لان احنا زعلناها وصار بخاطرهاا

3- هل لو كنتي مكان صاحبتي وعصبت عليك أمك وقالت دقي اعتذري من مرت اخوك راح تدقين ولا تسوين مثل ماسوت البنت وترفضين ؟؟

عادي ادق اول شي ارضي امي وثاني شي انا غلطانه اما اعزم الناس كلها ولا بلاش حزحزه

لان هي حرام بعد مرت ولدنا المفروض نحسب لها احساب وخاصه لما تكون طيبه وحبوبه وماضرتنا

وترا مايصلح هالي سوته ترا الامور البسيطه هذي تسبب فجوه بالقلب

 

[كنوشة 2009]

رد: يقولوون عيد >> سعيد ;/

شوفي اذا انا مكان الزوجة ما راح ازعل لان بالاساس بلغوا زوجي وانا معاه واحد
واذا انا مكان الام عادي ادق واعتذر وابين لها الاسباب
واذا مكان ابنت ما راح ادق يكفي الام دقت واعتذرت

 

[DooLy88]

رد: يقولوون عيد >> سعيد ;/


1- هل لو كنتي مكان مرت الولد وصار اللي صار ، راح تزعلين وتسوين زي ماسوت ولا تجين ؟؟
ةليش ازعل ان شالله ؟ اولا اهما دزو حق زوجي - يعني انا واهو واحد
ثانيا دام علاقتي معاهم شحلوها وشزينها اكيد مافيهم شي علي
ولا ازعل ولا شي - وحتى لو لـــــــــــــــــــو زعلت مثلا ولو ان مو من طبعي ازعل على تفاهات وجذي
اول ماتتصل امي زوجي - اكيد بيطيح الحطب - راضوني شنو ابي بعد ؟؟؟ وزوجي لازم بييني وبياخذني معاه

2- هل لو كنتي مكان الأم بتروحين تدقين على مرت ولدك وتفهمينها السالفه وتعتذرين منها عشان ولدك وعشان مايصير مشاكل ؟؟
اكيد @@ عن المشاكل ولازم افهمها واقول لها ياقلبي ترا مافينا شي عليج وبفهمها السالفة عدل - ان رضت خوش شي مارضت بدز لها ولدي اييبها غصب لوول واشرح لها فيس تو فيس وقلم وورقة لوول

3- هل لو كنتي مكان صاحبتي وعصبت عليك أمك وقالت دقي اعتذري من مرت اخوك راح تدقين ولا تسوين مثل ماسوت البنت وترفضين ؟؟
اي عادي بتصل - لانها خربت الموضوع عدل وكبرته وماله داعي ليش تعاند - وهاذي امي تترجاني اعدل السالفة ليش العناد - عشان امي واخوي وعشان ماتخترب علاقتنا بمرت اخوي - ولو اني اجوف انها دليعة هالجنة

 

[fdeet_shosho]

رد: يقولوون عيد >> سعيد ;/

بالنسبة لو مكان الزوجه باخذ بخاطرى وازعل لانه صج شمعناته ماترسلي ؟ وماكنت راح اروح حتى لو خالتى دقت لانى بكون متنرفزة وخلاص اليوم كله انعفس فماله داعى اروح انكد عليهم . ترا انا اهم شي عندي نقطه اللى يبيني يعزمنى مايقول لزوجي يعرف رقمي يعزمنى
وهذا كان احد اسباب خلافاتى قبل مع زوجي لما يبيني اروح لمناسبات اهله وانا ما انعزمت
لو كنت مكان الخاله اى والله بدق واعتذرلها واقتنعها وان ارفضت ثانى يوم اعزمها عندى واتقوى وياها اعوضها عن اليوم اللى طاف دام بنت الناس زينه وياي ومع ولدى
لو من رفيجتج اى والله بدق على زوجه اخوى وبعزمها واعتذر منها واقول انى نسيت واعذريني وهى بكيفها تجي ولا ماتجي

 

[الغلا الصعب]

رد: يقولوون عيد >> سعيد ;/

صراااحه سخيييفه مرت اخوها

حمدلله والشكر

يعني اهم قاالو لزوجج وانتي وياه واحد بعد شتبين

....

انا من حزب الطمااشه مو متزوجه :d
..

بس صراحه مو حلو منها مرت الاخو .. يعني الناس عيد ومستانسه ولكم حق عليها انها تسلم عليكم من باب صله الرحم واخر شي تزعل وتقوم القايمه على سبب اقل من تاافه
..

والبنت مالومها اذا مادقت بس الافضل انها تدق من باب انها تاخذ الاجر وتبدا بالحسنه

..

والام واايد طيبه والدليل انها دقت عليها وقالتلها الحجي الطيب

وهم عااندت وماارضت تيي ماعندها سالفه

 

[شيخه الحلى]

رد: يقولوون عيد >> سعيد ;/

الحين ابغى آرائكم وحطو نفسكم مكان (( مرت الولد - الأم - البنت ))


1- هل لو كنتي مكان مرت الولد وصار اللي صار ، راح تزعلين وتسوين زي ماسوت ولا تجين ؟؟

اي ازعل ليش ما دزولي مسج حالي حال غيري :eh_s(11):
بس اول ما تتصل خالتي واطيب خاطري برضى
بس يمكن ما اروح حزتها لأني اكيد بكون طالعه بمكان ثاني
مو معقوله زوجي يروح ويزور وبالعيد وانا اقعد بالبيت بروحي

2- هل لو كنتي مكان الأم بتروحين تدقين على مرت ولدك وتفهمينها السالفه وتعتذرين منها عشان ولدك وعشان مايصير مشاكل ؟؟

اي طبعا ادق وافهمها
مرت ولدي مثل بنتي وما ابيها تزعل
وبعد عشان أطيب خاطر ولدي وما يحس انه زوجته اقل من غيرها

3- هل لو كنتي مكان صاحبتي وعصبت عليك أمك وقالت دقي اعتذري من مرت اخوك راح تدقين ولا تسوين مثل ماسوت البنت وترفضين ؟؟

اي راح ادق عشان اخوي وعشان أمي
مهما يكون انا احب اخوي وابي اطيب خاطره
وهذي مرت أخوي يعني مثل اختي
وعشان امي بعد
اشدعوه عاد شنو هالنحاسه
الواحد لازم يصير طيب ويوسع صدره
ولايصير اهوا الغلطان
نام مظلوم ولا تنام ظالم

 

[English.Teacher]

رد : يقولوون عيد >> سعيد ;/

خير ان شاء الله تزعل

لا يكون كاتبة في المسج اجتماع عائلي سري

يعني عزيمة وعيدية يعني طبيعي يقصدونها تجي

والله لو احد من آخر الدنيا مرسل هالمسج لزوجها تشوفينها راازة وجهها

انا اساسا لو مكان صديقتك برسل لها مسج وبكتب الله يكدر عليك مثل ماكدرتي علينا

ويعطيك على قد نيتك السيئة وباااين انها مرره معبية زوجها على اهلها


مدري كيف يفكرون هالحريم صدق متخلفااات

<< يعني مو منهم؟؟!!

 

[مطيرية والعزليه]

رد : يقولوون عيد >> سعيد ;/

1- هل لو كنتي مكان مرت الولد وصار اللي صار ، راح تزعلين وتسوين زي ماسوت ولا تجين ؟؟


اكيد بزعل وبتضايق بس اكيد بروح عشان زوجي وخالتي.. ولا وصلت عاتتهم بطريقه الضحك


2- هل لو كنتي مكان الأم بتروحين تدقين على مرت ولدك وتفهمينها السالفه وتعتذرين منها عشان ولدك وعشان مايصير مشاكل ؟؟


اكيد بدق واحلف عليها تجي وهذا يدل على طيب الام ولانها شاريه جنتها وشاريه رضى ولدها



3- هل لو كنتي مكان صاحبتي وعصبت عليك أمك وقالت دقي اعتذري من مرت اخوك راح تدقين ولا تسوين مثل ماسوت البنت وترفضين ؟؟


ترى المفروووض من صاحبتج تدق وتعتبرها مثل خواتها ما تدز لاخوها بس لان اخوها ماراح يقعد معاهم مثل مرته اكيد بسلم ويطلع لو انا مكانها والله من قبل لا تطلب مني امي اروخ وادقواقول ما قصدي ومن هالسوالف اطيب خاطرها.

 

[ام زاكي]

رد: يقولوون عيد >> سعيد ;/

شدعوه شدعوه كل هذا على شان ماوصلها مسج
انا متعوده ماانعزم مباشره زوجي اهو لي يجي يقولي ترا امي عازمتنا ومافيها شي عادي
واصلا لو عندي خاله مثل هالخاله احطها في عيوني واغمض
والله حماتها عدل الي سوته فيها شنو تعتذر وعلى شنو والمفروض الام ماتزعل من بنتها
البنت ماغلطت يعني لو ماتبيها جان مره وحده مارسلت حق اخوها

 

[وحشني شوف الكويت]

رد : يقولوون عيد >> سعيد ;/

مشكورين بنات على تواجدكم :*

نورتو =)

 

[ام الدرر]

1-
هل لو كنتي مكان مرت الولد وصار اللي صار ، راح تزعلين وتسوين زي ماسوت ولا تجين ؟؟

لا والله اروح عادي لان اكيد جمعة العيد تشمل الكل مو بس زوجي


2- هل لو كنتي مكان الأم بتروحين تدقين على مرت ولدك وتفهمينها السالفه وتعتذرين منها عشان ولدك وعشان مايصير مشاكل ؟؟

والله يعتمد عالجنة اذا كانت حبوبة وطيبة تستاهل ادق عليها اما اذا تنطر الزله وتحب المشاكل افهم ولدي السالفة عشان يوصل وهي الله حسيبها



3- هل لو كنتي مكان صاحبتي وعصبت عليك أمك وقالت دقي اعتذري من مرت اخوك راح تدقين ولا تسوين مثل ماسوت البنت وترفضين ؟؟


ادق عشان امي طلبت وعشان اخوي مايزعل مني​

 

[تعويذه الحب]

1- هل لو كنتي مكان مرت الولد وصار اللي صار ، راح تزعلين وتسوين زي ماسوت ولا تجين ؟؟

ايي راح آخذ على خاطري وراح ازعل بس ماراح اكبر السالفه واذا دقت علي خالتي ماراح اعاند راح ابدل على طول وارح لهم

2- هل لو كنتي مكان الأم بتروحين تدقين على مرت ولدك وتفهمينها السالفه وتعتذرين منها عشان ولدك وعشان مايصير مشاكل ؟؟

ايي ادق عادي جنه البخت

3- هل لو كنتي مكان صاحبتي وعصبت عليك أمك وقالت دقي اعتذري من مرت اخوك راح تدقين ولا تسوين مثل ماسوت البنت وترفضين ؟؟

ايي راح ادق واوضح لها السااااالفه

 

[*peace*]

اوكي اهما غلطوا المفروض يعزمونها

بس خلاص دقت عليها خالتها وتعذرت منها !شهالمصاخه ويع

 

[حبي حبيبي]

رد : يقولوون عيد >> سعيد ( تعالو سمعو السالفه )

1- هل لو كنتي مكان مرت الولد وصار اللي صار ، راح تزعلين وتسوين زي ماسوت ولا تجين ؟؟
لا لان انا وزوجي واحد
2- هل لو كنتي مكان الأم بتروحين تدقين على مرت ولدك وتفهمينها السالفه وتعتذرين منها عشان ولدك وعشان مايصير مشاكل ؟؟

اي


3- هل لو كنتي مكان صاحبتي وعصبت عليك أمك وقالت دقي اعتذري من مرت اخوك راح تدقين ولا تسوين مثل ماسوت البنت وترفضين ؟؟

راح ادق عشان ماتصير مشاكل وحزازيات .. وعشان تتفهم الموضوع

 

[قلبي عبدالله]

بالنسبه لسؤالك الاول لا ماراح ازعل لان انا وزوجي واحد وهذا يدل على ان مرت اخوهم متحججه

بالنسبه للسؤال الثاني لو كنت مكان الام راح اتصل فيها توضيحا للموضوع وان حنا مو قاصدين نكشت فيج بس عادينج انتي وولدنا واحد

بالنسبه للسؤال الثالث عمرها مارضت وتطق راسها بأقرب طوف مو ناقص الا نبوس رجولها اذا امي ماحسبت لها حساب وهي متصله تطيب خاطرها تبيني انا اتصل وتصرف صديقتك سليم وعجبني زين سوت

 

[سيدة الذوق]

مس كيرلي هني فديتج والله منووووووووره

- هل لو كنتي مكان مرت الولد وصار اللي صار ، راح تزعلين وتسوين زي ماسوت ولا تجين ؟؟
ايه ماراح اجي عبالي بس اهم حقهم بروحهم .. بس اذا فهمت الوضع بجي حياني الله


- هل لو كنتي مكان الأم بتروحين تدقين على مرت ولدك وتفهمينها السالفه وتعتذرين منها عشان ولدك وعشان مايصير مشاكل ؟؟
ايه اكيد بدق عليها افهمها ..

- هل لو كنتي مكان صاحبتي وعصبت عليك أمك وقالت دقي اعتذري من مرت اخوك راح تدقين ولا تسوين مثل ماسوت البنت وترفضين ؟؟
بدق شسوي غصبن عني ولو ان مرت اخوي مفروض قب ما امي دق ترضي بس عشان خاااطري امي

 

[لؤلؤية]

رد : يقولوون عيد >> سعيد ( تعالو سمعو السالفه )

هل لو كنتي مكان مرت الولد وصار اللي صار ، راح تزعلين وتسوين زي ماسوت ولا تجين ؟؟

لا ما ازعل لانه الاخت دزت لخواتها واخوها....
لو عندهم مرة اخو ثانية ودازين لها مسج اكيد بازعل بس واضح انه ماعندهم مرة اخو الا اهي
دام انه زوجي اهو الاخو الوحيد اللي متزوج...فما طرشوا له الا يبوني معاه..وانا وياه واحد
فـــــــــهي تتحجج وتدور الزعل

2- هل لو كنتي مكان الأم بتروحين تدقين على مرت ولدك وتفهمينها السالفه وتعتذرين منها عشان ولدك وعشان مايصير مشاكل ؟؟

ايه ادق اوضح موقفي..وخاصة انه العلاقة بينا زينة
وان دل على شي يدل على طيبة الام وحبها لمرة ولدها ونحاسة مرة الاخو

3- هل لو كنتي مكان صاحبتي وعصبت عليك أمك وقالت دقي اعتذري من مرت اخوك راح تدقين ولا تسوين مثل ماسوت البنت وترفضين ؟؟
اذا امي طلبت ادق..اعتذر

اختي ليش مدوخين عمرهم مرة الاخو تتحجج وتدور الزلة و......سلامتج

 

[أنفاسي دخون]

1- هل لو كنتي مكان مرت الولد وصار اللي صار ، راح تزعلين وتسوين زي ماسوت ولا تجين ؟؟

لا ما اسوي نفسها انا وزوجي واحد ودامهم متعودين على الجمعه بالعيد بس تغير اليوم يعني انا من ضمن الحضور مو لازم يبلغوني

2- هل لو كنتي مكان الأم بتروحين تدقين على مرت ولدك وتفهمينها السالفه وتعتذرين منها عشان ولدك وعشان مايصير مشاكل ؟؟

ايه عشان وليدي

3- هل لو كنتي مكان صاحبتي وعصبت عليك أمك وقالت دقي اعتذري من مرت اخوك راح تدقين ولا تسوين مثل ماسوت البنت وترفضين ؟؟

بدق بس بيكون مرتفع ضغطي من تعصيبه امي وزعل مرت اخوي وبالوقت نفسه عشان خاطر اخوي

 

[لؤلؤية]

رد : يقولوون عيد >> سعيد ( تعالو سمعو السالفه )

بس فيه نقطة رجعت اقولها
مرة الاخو كانت جليلة اصل
لما خالتها اتدق عليها بنفسها اتعذر لها..ولا رضت ...!!!!!