اليوم الثاني الصبح قمت اقرا سورة البقرة و قلت اليوم يوم التحدي يا مرتاحه نزلي تحت عند اهلج و قعدي بينهم, ليش تخافين وانتي الله معاج؟!! اكو احد يخاف وسنده ربي وربهم اجمعين
رحت نزلت تحت شفت الماما و البابا كانوا قاعدين يتريقون سلمت عليهم سلام من بعيد قلت بقلبي ليش خايفه بعد؟!! روحي بوسيهم و حطي عينج بعينهم , من صجج خايفه و الله حاميج
دنقت على امي و ابوي وبستهم وقعدت جدامهم و اطالع ويههم بس هالمره واهم حسوا ان نظرتي لهم مو طبيعيه لاني كله اخز وساكته ما اتكلم الا لما يسالوني غير عادتي لاني كنت قرقه
قام ابوي و طلع قال عنده شغل و الوالده راحت مادري وين وقعدت انا على الطاوله بروحي اتريق , اصلا ما كنت اتريق لاني حتى الاكل ما اشتهيه
وانا احوس بالطاوله ورفعت راسي اشوف الدريشه جان اشوف شكل من هالاشكال اللي تطلع لي
بس هالمره ما نحشت هالمره وقفت وقربت يمه خطوه خطوه واهو يسوي ويتحرك اكثر يبي يخوفني وانا كلمالي و اقرب منه وقرب لين صار بيني وبينه تقريبا 3 خطوات ووقفت و قمت اقرا قران بصوت اسمعه انا
اشويه اشويه جان يختفي
بنات صارت انا عقبها رحت شيخ بس ما ساعدني يعني بس وجهني وبس قال هالشي انتي من نفسج لازم تقاومينه
تدرون من اللي قدر عليهم
انا بعون من الله تغلبت عليهم باسبوع
بنات تدرون من وين صار لي كل هذا
من البنت اللي تصير لي ويوم قريت عندها الرقية الشرعية
تدرون اشلون؟
لانها انخدعت من مشايخ كانوا يسوون لها جوامع و خرابيط و كانت تحتفظ فيهم بدارها تقول علشان يحفظوني من العين و الجن
انا بالنهاية رحت لها وواجهتها و قالت لي عن الجوامع وقلت لها اطلعهم ووديناهم لشيخ ثقه و اتلفهم
ونصيحه لكم يا بنات
"اعتقد محد راح يحس بالشي هذا الا اللي مرت بنفس تجربتي لان اللي ما مرت بالشي هذا بتقول هذا تأليف و خرابيط مثلي انا قبل لما كنت اضحك و اتطنز على هالسوالف, بس اللي مرت بالتجربه بتصدق كل كلمه قلتها"
"بنات اللي يعانون من هالشي خلوا اعتمادكم على الله وقووا ايمانكم فيه لانج ما تقدرين تتغلبين على هالشي الا بايمانج انتي محد راح يحاربهم كثرج انتي وان شا الله تستفيدون من تجربتي"
" بالنهايه العالم اللي دشيت فيه كان غامض يعني لا تيي وحده تسالني منو هذيلا و شنو يبون فيج انا اصلا مادري شنو يبون مني الا انهم دايما يطلعون لي ويحاولون يخوفوني و كل ما اخاف يزيدون بتخويفي بس لما وقفت لهم حسيت اني انا اعلى منهم وانا اللي مسيطره عليهم"
والله يحفظكم يا رب و يكفيكم من شر الانس و الجن
التزموا يالاذكار و التزموا بسنة رسولنا عليه الصلاة و السلام سووا مثل ما وصاكم " عضوا عليها بالنواجذ" لان مافي شي يحميج غير الله و اتباع سنة النبي صلي الله عليه وسلم
رحت نزلت تحت شفت الماما و البابا كانوا قاعدين يتريقون سلمت عليهم سلام من بعيد قلت بقلبي ليش خايفه بعد؟!! روحي بوسيهم و حطي عينج بعينهم , من صجج خايفه و الله حاميج
دنقت على امي و ابوي وبستهم وقعدت جدامهم و اطالع ويههم بس هالمره واهم حسوا ان نظرتي لهم مو طبيعيه لاني كله اخز وساكته ما اتكلم الا لما يسالوني غير عادتي لاني كنت قرقه
قام ابوي و طلع قال عنده شغل و الوالده راحت مادري وين وقعدت انا على الطاوله بروحي اتريق , اصلا ما كنت اتريق لاني حتى الاكل ما اشتهيه
وانا احوس بالطاوله ورفعت راسي اشوف الدريشه جان اشوف شكل من هالاشكال اللي تطلع لي
بس هالمره ما نحشت هالمره وقفت وقربت يمه خطوه خطوه واهو يسوي ويتحرك اكثر يبي يخوفني وانا كلمالي و اقرب منه وقرب لين صار بيني وبينه تقريبا 3 خطوات ووقفت و قمت اقرا قران بصوت اسمعه انا
اشويه اشويه جان يختفي
بنات صارت انا عقبها رحت شيخ بس ما ساعدني يعني بس وجهني وبس قال هالشي انتي من نفسج لازم تقاومينه
تدرون من اللي قدر عليهم
انا بعون من الله تغلبت عليهم باسبوع
بنات تدرون من وين صار لي كل هذا
من البنت اللي تصير لي ويوم قريت عندها الرقية الشرعية
تدرون اشلون؟
لانها انخدعت من مشايخ كانوا يسوون لها جوامع و خرابيط و كانت تحتفظ فيهم بدارها تقول علشان يحفظوني من العين و الجن
انا بالنهاية رحت لها وواجهتها و قالت لي عن الجوامع وقلت لها اطلعهم ووديناهم لشيخ ثقه و اتلفهم
ونصيحه لكم يا بنات
"اعتقد محد راح يحس بالشي هذا الا اللي مرت بنفس تجربتي لان اللي ما مرت بالشي هذا بتقول هذا تأليف و خرابيط مثلي انا قبل لما كنت اضحك و اتطنز على هالسوالف, بس اللي مرت بالتجربه بتصدق كل كلمه قلتها"
"بنات اللي يعانون من هالشي خلوا اعتمادكم على الله وقووا ايمانكم فيه لانج ما تقدرين تتغلبين على هالشي الا بايمانج انتي محد راح يحاربهم كثرج انتي وان شا الله تستفيدون من تجربتي"
" بالنهايه العالم اللي دشيت فيه كان غامض يعني لا تيي وحده تسالني منو هذيلا و شنو يبون فيج انا اصلا مادري شنو يبون مني الا انهم دايما يطلعون لي ويحاولون يخوفوني و كل ما اخاف يزيدون بتخويفي بس لما وقفت لهم حسيت اني انا اعلى منهم وانا اللي مسيطره عليهم"
والله يحفظكم يا رب و يكفيكم من شر الانس و الجن
التزموا يالاذكار و التزموا بسنة رسولنا عليه الصلاة و السلام سووا مثل ما وصاكم " عضوا عليها بالنواجذ" لان مافي شي يحميج غير الله و اتباع سنة النبي صلي الله عليه وسلم
التعديل الأخير:
