يقولولي اذا سافرتي درستي برة ما تتزوجين ؟؟؟؟؟؟؟

[انا و بس]

الله يسلمكم انا ناوية ادرس برة بس والله الحريم ذبحوني كل وحدة تقلط علي نغزة اكبر من الثانية اولهم ماحد بياخذج الناس اذا اخطبوج بتسأل وين دارسة الخ ....... :eh_s(14): مع العلم انا ماكنت ناوية اني ادرس برة بس علشان احقق طموحي لأن جامعة الكويت ماتقبلني التخصص الي انا ابي
بنات انتوا شرايكم رايكم يهمني ترضين تزوجين اخوج وحدة دارسة برة ؟ عندج بنت تعرفينها درست برة وتزوجت ؟؟ والله بنات واايد مضيق خلقي هالموضوع :eh_s(16): بس انا عندي قناعة ان دراسة البنت اهم شي
واترك المايك لكم :eh_s(7):

 

[Nanoosa]

انا من زمان احن على امي ابي ادرس برا و ابوي راضي ما عنده مانع
بس امي نفس الشي تقولي بعدين يطالعونج بنظرة الناس انج دارسة برة و محد بيخطبج

ما ادري ليش احسه شكو!!

ما اقدر افيدج لأني تقريبا نفس مشكلتج

 

[انا و بس]

انا من زمان احن على امي ابي ادرس برا و ابوي راضي ما عنده مانع
بس امي نفس الشي تقولي بعدين يطالعونج بنظرة الناس انج دارسة برة و محد بيخطبج

ما ادري ليش احسه شكو!!

ما اقدر افيدج لأني تقريبا نفس مشكلتج

:eh_s(10): ايه والله حدةة شكو مادري ليش يمكن تفكير حريم اول جذي حسبالهم يعني بروح اهيت لوول :bbbiu:

 

[رمانه كويتيه]

بنت عمي ادرست بامريكا ٥سنوات هندسه ويوم ردت الكويت وشتغلت اتزوجت ظابط

 

[مسك حياتي]

انا ما اشوف فيها شي ...

الغربه تعلم الصبر الحزم و غيره بس اهم شي توصلين لهدفج و تخلين همج دراستج ...

الله يوفقج لما يحبه و يرضاه من قول و عمل ...

 

[انا و بس]

بنت عمي ادرست بامريكا 5سنوات هندسه ويوم ردت الكويت وشتغلت اتزوجت ظابط

:eh_s(7): وناسة الله يطمنج مثل ما طمنتيني

انا ما اشوف فيها شي ...

الغربه تعلم الصبر الحزم و غيره بس اهم شي توصلين لهدفج و تخلين همج دراستج ...

الله يوفقج لما يحبه و يرضاه من قول و عمل ...

ايه والله :eh_s(15): اهم شي دراستي

 

[انا و بس]

:lkmnkl: بنات يلاااا ابي تفاعل اكثر من جذي :eh_s(11):

 

[el lulu]

امبي ما ادري شسالفه الحريم على هالموضوع انا بامريكا صارلي 6 سنين و تزوجت هالسنه وأعرف وحده من رفيجاتي ما تزوجت الا لمن يت امريكا عقبها بسنه تقريبا انخطبت وتزوجت بالصيف ماله شغل النصيب يصيب لو احنا بالقمر بس تفكير الحريم اللهم يا كافي عبالهم فالتين صايعين هني ما جنه طاحسين بين الكتب ..
مالج شغل بكلام احد لا يأثرون عليج تعالي ودرسي واخذي شهادتج ولي رديتي كل من يبيج اصلا لانه الغربه تعلم المسؤووليه والصبر والاعتماد على النفس تتعلمين تنظفين بيتج بنفسج تطبخين تخلصين امورج كلها ما تعتمدين على أي احد تردين الديره مو بس معاج شهاده من احسن جامعات العالم .. معاج شخصيه قويه و مميزات تأهلج تكونين ربة بيت ناجحه وكل من يتمناها
اهم يمكن قصدهم ما تتزوجين اثناء الدراسه لانه الريال يبي وحده معاه مستقره بالديره الا في حالات خاصه مثل حالتي وحالة رفيجتي بس اذا تخرجتي ورديتي الديره ليش ما يبونج الا بالعكـــس طريقة تفكيرج بتتغير وحياتج وتجربتج بره بتخليج اصلا انتي الي تتشرطين على الي يتقدم لج
اللـــه يوفقج ويسهل امرج ركزي على دراستج ولاحقه عالزواج قريب تتخرجين او لي تخرجتي انشالله بييلج النصيب السنع الي يستاهلج

 

[LuLiTa]

شكو ؟
انا كنت ادرس في بريطانيا ...و رفيجاتي اللي معاي اغلبهم تزوجو خلال فترة الدراسة يعني قبل التخرج بـ سنة و سنتين .... نصيبج بـ يصيبج في اي مكان ....الغربة اساسا اتخليج مسؤلة اكثر من البنت اللي عايشه فـ الديرة لانج مو بس تدرسين و اتيبين شهادة ..هم اتعلمين شلون اديرين مسؤولية بيت و ميزانية كاملة... و حتى اسلوب حياتج المتنقل مو مشكلة ...لانه التكنولوجيا اتساعد عـ التواصل ... و ريلج اذا ما كان يدرس معاج فـ يقدر اييلج متى ما قدر و انتي بـ اتردين حزت الكريسماس و الصيف 4 شهور كاملة.. يعني بـ اول الزواج ما اتجابلين الا ريلج و دراستج ...



و ما عليج من كلام الناس ...عبالهم اللي اتسافر بره اتخربط عشان جذي ما تتزوج ... لكن المتربي متربي و الكل يرى الناس بـ عين طبعه

 

[تذكر خافقي رمحك]

ليش حبيبتي
شفيها الي تدرس برا ؟؟؟
والي يظن ان كل من ادرست برا صايعة ومو متربية
فتسمحلي اقول عنها متخلللفة
اصلا اغلب البنات الي يدرسون برا يردون أحسـن من اول

بعدين ترا النصيب اهوا اهوا سواء درستي برا او داخل الكويت

ولا تعلقين دراستج على الزواج

ترا أهم شي الحين الشهادة وعقبها باجي الاشيا

 

[~{GooShTa}~]

انا ادرس بره و تزوجت من ثاني سنه واحد كان يدرس معاي بس تقدملي عقب ما تخرج يعني
و رفيجتي اللي تدرس معاي تزوجت قبلي بسنه
و اغلب البنات هناك قبل التخرج يملجون و عقب التخرج يردون الكويت و يتزوجون

انا بعد كانوا يقولونللي نفس الكلام لدرجه وحده اعرفها قالتلي بالحرف الواحد بتعنسييييين و بتطيحين بجبد اهلج و طنشتها .. و مو شماته فيها بس كا انا تزوجت و اهي للحين
يعني كله حجي فاضي و تفكير سحطي .. انشالله لو كنتي باخر الدنيا نصيبج ايييج ..
انا اقول توكلي على الله ترى مافي احلى من الدراسه بره و اقولج ياها عن تجربه و اهم شي طموحج و دراستج ايون بالمرتبه الاولى
و الله يوفقج

 

[(دنيتي)]

لا ماله شغل هذا نصيب سواءا بره ولا داخل دارسه اهو نصيب

بس شوفي نظره المجتمع للبنت تدرس بره حسب مجتمعج انتي اهو يتقبل هالشي ولا مايتقبله عرفتي


بس طبعاااااااا الدراسه اهم واولى ماعليج شهادتج وحجي الناس مايخلص

والله يوفقج ياقلبي​

 

[Miss Cherry]

وانا رايي من راي امج .. اذا فيه مجال تدرسين بالكويت يكون احسن بالاخير اهو راي شخصي

بس ترا مو الكل عادي عندهم .. احنا لو بنخطب بنت ودرينا انها تدرس او كانت تدرس برا بنغير رايينا

 

[G!RLooNa]

لا شهالخرابيط جان ما شفنا كل هاللي درسوا برا متزوجين

و الزواج قسمه و نصيب و الناس كل واحد و مستوى تفكيره اكو ما يرضون يتزوجون بنات التجاري و اكو ما يرضون يتزوجون بنت دراستها ولا شغلها مختلط حتى لو دارسه بحوشهم :dddds:

 

[randomy]

انا رفيجاتي ثنتين اللي راحو ادرسو برا

الحين عمرهم 31 ماتزوجو للحين

بصراحه الاولى لبسها حيييل فري علبو متأثرة بامريكا والكل ينحاش منها اذا شافها خاصه ام اللي ياي يخطبها

والثانية نفس الشي اذا اسمعوا انها بلندن راحوا لا حس ولا خبر( اهي للحين تدرس هناك دكتوراه)

النصيب مكتوب لكل واحد بس هم الواحد يدرس ظروفه

احنا ناس تفكيرنا البنيه اخرتها تتزوج وتكون اسرة
فاحسن انج تكونين بيئه مناسبه علشان الناس اييون ويخطبونج

في جامعات وايد عندنا غير جامعه الكويت استخيري يمكن التخصص اللي تبينه هني

الله يوفقج

 

[مـعـجـبـة]

اختي كانت تدرس طب بدولة أوروبية ، وكاهي تزوجت ويابت عيال

وانا اللي درست هني ما تزوجت ..

يعني نصيب ، وحد أمه شددددخـل !!

خليهم يولّون لا تفتكرين ولا تعطينهم اهتمام

 

[ScarletteO'Hara]

شنو هالتخلف؟؟؟؟
منو قال ان الي تدرس برا تبور؟
انا كنت ادرس برا
و خطبني ريلي و ملجنا و انا توني سنة ثانية
و حبيت اقول لج ريلي عمره ما فكر انه يتزوج وحدة تدرس برا
بس سبحان الله نصيب
و ما اذاني طول ما انا ادرس و من تخرجت سوينا عرس و الحمدلله يا ربي
مالج شغل بحجي الحريم روحي توكلي على الله و كملي دراستج برا
الزواج ماله علاقة بالموضوع بتاتا

 

[انا و بس]

لوول ونااسة اغلبكم تأيدون :d يلااا لا يوقف

 

[دلوعة أبوهآ]

النصيب يجي لو كانت بِ المريخ ..
ياكثر اللي بديرتهم ومآتزوجوآ ..

 

[cOFFEe SmeLL]

حبوبة اهمه قصدهم ان فرص الزواج تقل بالنسبة حق اللي يدرسون بره
واحتمال كبير يتأخرون بالزواج

بس الزواج قسمة ونصيب مع صحة كلامهم ..
واللي الله كاتبه ومقدرة يصير
واي حبيبتي عادي في وايد بنات أعرفهم درسوا بره وتزوجوا
بس مثل ما قتلج الفرص تقل والاختيارات تقل بعد

بس شدراج ياما بنات درسوا بره وأعجب فيهم طلبة يدرسون معاهم وشافو أخلاقهم وعجبتهم وتزوجو