يقدم اهله عني انا زوجته....اشلون اتصرف في مثل هذه المواقف....

[مشتاقة الى الله]

حبيباتي ممكن تعلموني اشلون اتعامل مع زوجي...

انا توني متزوجة ما صارلي الا شهرين بس لكن والله دخت من كثر ما انصدم من طبائع زوجي...للعلم ما كان في بيننا قصة حب قبل يعني الله يعين..

السالفة وما فيها انا حيل اتعب وقت صلاة الفجر يعني بالقوة والدفاشة يقوم وفي اغلب الاوقات ما يقوم وبعد ما يمر اليوم في اليل يقولي يا فلانة انا زعلان منك... اساله خير ان شاء الله؟؟؟؟ يقولي ما صحيتني لصلاة الفجر...اقول الله يهديك حبيبي صحيتك بس انت ما قمت... هذه نقطة

النقطة الثانية والي هي محيرتني للحين هل هو طبعه كذا او ان المسائلة عناد الله اعلم

يقدم اهله عني طيب شو الحل انا ما قلت شيء قدم الي تبى تقدم بس انا الي الحق طبعا مثل ماهم الي حق عندك... اليوم وصلني الدوام بسيارتي وقلت تعال شلني على الغداء وردني الدوام....لكن بدون فايدة لا جاء ولا اتصل والقهر اتصل يقولي اخوه بيشيل سيارتي لانه سيارته تعطلت وهم معزومين هو و مرته على الغداء في بيت ناس...

انا تضايقت وكتمت نفسي وتمالكت اعصابي لان المفروض يبديني انا لكن ركض ركض عند اخوه... خبروني شلون اتعامل مع هذا الموقف...

ما اريد احد من اهلي يعرف لان هذا الموضوع بيني انا وهو واهلي من النوع ما يرضو بنتهم تنجرح يعني راح يسونوها سااااااااااالفة عودة...

دلوني شاسوي بليز​

 

[Gatwa]

الله يعينج حبيبتي وقولي له صارحيه
ومبرووك ياحياتي وعقباال ماتشوفين عيال عيال عيالج معااريس
وربي يرزقكم الذريه الصالحه

 

[قطوه ورديه]

اممممممم حياتي والله الله يعينج على طبعه

عندج حلين يا انج تتحملين ؟
اتشوفين نفسج تقدرين تتحملين
انه يبدي اهله عليج ؟

شوفي انا ريلي تقريبا جذي
عنده امه بالدرجه الاولى
واذا زعلت يقولي انتي غير وامي غير
وماحب جذي ولا راح اتحمل
وادري ان قلبي بينفجر لاني ماحب هالسوالف

السالفه الثانيه سالفة الصلاة لو كنت مكانج
جان انا اللي زعلت
يعني هما امتعبه نفسي واقعده واخر شي
ايي يقولي اهو زعلان لاني ماقعدته
شي غريب والله
هذا رايي وبس
والله يوفقج

 

[قمر^خالد]

ماكو الا تصارحينه لا تحطين بقلبج وتبلعين موس وتسكتين لا كلميه بالموضوع وأنشالله .... الله يهديه

 

[jaaanooo]

حبوبتي انتي توج عرووس ياما بتشوفين

شوفي يا قلبي سالفة الصلاة .. اممم .. انا اقوولج قعديييه وحني عليه بس هاااا مو اذا ما قعد خلاص اتركيه ... خليج مثل ما انتي جذيه coooooooool لا تتناجرين معاه لأن اذا قلبه مو على الصلاة ماراح يقووم والله لو اذنتي ..

سالفة اهله واشلون يبديهم عليج .. والله يا الغالية لا تحطين ابقلبج .. انتوا توكم عرساان يعني للحين ما اخذ عليج تو الناس .. اياج تتأففين ولا تتنرفزين .. وبالكلمة الحلو والملقااا السنع راح موبس يبديج على اهله لا والله ينسا اهله وما يذكر الا انتي .. وهذا يعتمد عليج انتي وشطارتج حبووبتي

 

[جذابه بنت ذيابه]

اقعدي معاه وفضفضي له


قولي اللي بخاطرج لاتسكتين


والله يهديه لج يارب

 

[مشتاقة الى الله]

الله يصبرني ويهديه ويهديني لاني من النوع الحساس

 

[مجنونة بس عاقلة]

مدام يحب يقوم يصلي الفجر فهو رجال خير ان شاء الله
شوفي اقعدي معاه وفضفضي له ولا تناقشينه بقوة شوي شوي
عشان يتفهمك وتراك توك عروس يعني توكم مافهمتوا بعض

 

[sereen]

عزيزتى , بالنسبه للصلاة السهر راح ياخذ من وقته عشان ياخذ كفايته من النوم فى حال كان يسهر , اذاحاولتى تعقدينه خلاص سويتى اللى عليج جدام الله اولا وهو نايم ان شا ء الله يذكر ,
النقطه الثانيه سالفة تقديمه عليج , طيب لما حسيتى ان الامر ضايقج على طووول كلميه انتى الحين شهرين , الريال على ماتعودينه والضنى على ماتربينه , لا تسكتين باجر لو تبطلين حلج بعد سنوات بقووول ليش شلى تغير تتكلمين الحين ,
لا طلعى اللى بقلبج بس بهدووء , يعنى مثلا لو انا بقووله اتصل على الاقل خبرنى باللى يصير اقعد انطرك واخر شى مثلا بتااخر عشان ادبر عمرى ,
شوفى خليج بحسن النيه وقولى ماعرف تصرف مثل ماانتى ماتصرفتى من خلال انج تقوليلنه , ترى شهرين بعدكم ماتعرفوون بعض كل واحد له اسلووبه وتصرفاته جنه عايش فى بيت اهله ناسى الطرف الثانى ياعينى , مرة على مرة انتى تتغيرين وهو بعد بس لا تقولين اصبر واسكت مالاداعى ترى كثر الضغط يولد الانفجار ومافى الا العافيه اهم شى الكلام بحب ودلع وهدوووووووووووووووء

 

[الريشة]

وايد رياييل مثل زوجك
بس تذكري :
ما دام اهو يركض حق أهله يعني اهو فيه خير لج ان شاءالله
( اللي ما فيه خير لأهله ، ما فيه خير لزوجته)
و ما دام اهو يصلي خلاص الحمدلله أحسن من اللي ما يصلون خير شر.

 

[أبله^زوزو]

شكله ريلج ماينام مبجر حاولي تنامين مبجر وتعودينه ينام معاج مبجر وقوميه قبله بمده عشان تخربين نومته عدل مو لحظتها !

وبالنسبه لتقديم اهله عنج يالغاليه انتي توج متزوجه ريلج ماعرف خيرج من شرج

واهله اكيييد عاشرهم وعرفهم ولهم وقفاتهم فاكييييد يحبهم ويبديهم

ولاتصدقين اي احد يقولج ريلي يفضلني عن اهله ،

اهله صله رحمه ويوم القيامه محاسب عن بره لهم لكن انتي مثل مايتحاسب عليج انتي هم بتتحاسبين عليه فهمتي علي ؟؟

لاتتكدرين ولاتتحسسين توج عروسه لايضيق خلقج ولاتخلين الغيره تاكل فيج موتي قلبج احسن حل مع الرياييل

ومع الايام انا متاكده ان عرفج صدقيني ماراح يعتب الباب ووده بس يناظرج

بس صبري وخلج قويه وزينه مع اهله عشان تكبرين بعينه ويقدرج اكثر ، الريال يحب المره الي تقدر وتحترم اهله

ولج منه بالمثل ان شاءالله

 

[fdeetni]

حاولي تسوين اشياء يحبها

عشان ما يفكر الا برضاج

 

[غدووور الكويت]

توكم متزوجين بيتغير مع الوقت بس هذا ما يمنع من انج تصارحينه باللي بقلبج بهدوء وبطريقه حلوه والله يسخره لج

 

[tmtmt]

يا قلبي .. اول شي مبروووك ..

ثاني شي مابي اخرعج بس هالسنه اغلبها راح تكون مشاكل لنكم توكم بتتعرفون على بعض اهوا مايعرف بيئتج وانتي نفس الشي

شهرين تو الناس لي الحين ماعرفتوا بعض ..

وعن سالفة يقدم اهله مافهمت السالفه عدل
بس مافيها شي .. الي مافيه خير لاهله مافيه خير لناس
اهما معاه عمر وانتي توج شهرين تبينه يقدمج عليهم صعبه شوي ...

وانا 6 سنين وعندي اهلي على ريلي ... اقدمهم عليه واهوا يدري
واهوا نفس الشي اصلا لو يقدمني على امه انا راح اتضايق وازعل

والله يسهل امورج

 

[tmtmt]

واييي على سالفة الصلاة يمكن اهوا نومه ثقيل ..

انا اعرف واحد نقعده يقوم يتكلم ويسولف ويرد ينام ولما يقوم مايدري ان مسولف معانا
وريال يعني مو ياهل... حاولي فيه اكثر من مره والله يهدي الجميع