%***$* يـوميـآت *$* حـملـه *$*بالصيف انتي احلا مع *al.7o0or**%

[t๏๏tคђ]

صباح الورد صبايا ..

بنوووتة سلامتك وماتشوووفين شر ..

مدهرة ..عادي ي قمر تحصل كثيير >سبق وصارت لي
يمكن يكون دافع تسوين دايت ..*_^

سوري تاخرت بتسجيل عنايتي امس ..

عنايتي لـ يوم الثلاثاء 27/6

الوجه غسول +بخاخ ماء ورد ..
اسناني غسلتهم بسنسوداين +الجيديوم ..
اليدين خلطة دلع +ترطيب ..
رطبت شفايفي ..
عيوني كحلتهم باثمد..
رطبت جسمي بجرجنز لشد البشرة +نيفيا للسيلوليت مع مساج ..
سويت تماريني +رقصت شوووي ..
شربت كوب شاي اخضر +نعناع +زنجبيل ..
شعري رطبت اطرافه بزيت جوز هند وظفرته ..


ان شاء الله اليوم احاول اكثف شووي بعنايتي ..

 

[برق السحاب]

:eh_s(16):صباح الخير اليوم تعبانه علي الطبيعيه الانثويه:eh_s(16):تعباااانه واااايد وعنايتي خفيفه غسلت وجهي بالبابايا وغسول كلين وبحط قناع البطاطا وخلطته الشفايف وكحل نواه التمر والركب ترطيب وبس وشربت حليب بقرفه وفلقل اسود وافطرت

 

[برق السحاب]

البنت اللي تسال عن الصابونيه وخلطته توريد الشفايف اخذتهم من تاجره برى المنتدى

 

[برق السحاب]

مدهره الحلبه تسمن لاتشربينها اذ ماتبين تسمنين

 

[MaryaBM]

مساء الفل للكل ،

بما ان الموضوع نايم قليل
قلت بنزل لكم صور أغراض جايبهم لي أبوي الله يحفظة من أمريكا

برب ،

 

[ام دانه الحلوه]

انا ما دخلت من الاسبوع الماضي لان النت انقطع
وغير كذا اكتشفت أني ما اقدر التزم بجدول احب اكون ع راحتي اكثر
علشان كدا انسححب وربي يوفقكم جميعا

 

[سنفورة كيوت]

عنايتي لليوم
ويهي: زبادي وحلبة+ سنفرة.المشمش + لوكس + غسول كلين اليومي
رقبتي ؛ ماسويت لها شي
جسمي : شور ب لوكس وليفة ناعمة
شعري : قبل النوم بحط خلطة المايونيز وبرقد فيها وباجر بغسلها

جسمي وويهي ؛ قبل النوم خلطة داهية

اكلي : اشرب حليب بارد يوميا اموووت في الحليب ^^



اخطط وافكر: اشرب قبل النوم حليب معا الحلبة عسبت امتن
بسوي رياضة للبطن والموخرة عسبت يوم امتن مايخترب جسمي هع

 

[دودي دمدم]

عنايتي الاربعاء8-5

فيسي بوكس مون لايت +لجة جاي اخضر

الشعر سيروم الحيه

الجسم بيبي اويل

الركب خلطة تفتيح

الايدين والجلين سنفرة +ترطيب
الشفايف توريد

لي باك

 

[MRS.coupe]

عنايتي اليوم
ويهي : ماي ورد سنفرة المشمش سن بلوك كريم فيتامين سي
ايدي اسكنول كريم وايت سك و فايتمين سي
شعري سيروم زيت الاركان والاطراف كريم جوز الهند من بالمرز شوي ثقيل
وجسمي كله كريم اس تي في بالكولاجين
​

 

[مدّهره !]

مرحباااا صبااايااااا :eh_s(9):


توني رااااده من العرس إنبسسسطت حيييل الله يوفقهااا يآآآرب :yaaaaaarb:

طبعاً غيرت الفستان :eh_s(16): والحممممد لله مشى الموضووع هههههاي

...’


اليوم كله من الدوام نوووم وعقبهااا شااور ووع الصالون


ماافي عناايه كككللللش حتى ماااء ماشربت وااايد ...~



...’

قبل مااأنااام بحط كريماات بس ...~

 

[مدّهره !]

توتااا إي والله شعور مو حلو يااشيخه هههههه

 

[نوفآ]

مرحبا بنووتات

عنايتي 8-5

الفيس:
غسول كلين اند كلير
بخاخ ماي ورد
مكعبات ثلج عرق السوس
كريم تبييض
صابونية مون لايت
سنفرة مون لايت

الاسنان :
كولجيت
معجون دكتور شيفلد مبيض
وباجر باذن الله راح ابدا بلزقات كريس لقيتهم بمركز سلطان
غسول ليسترين الازرق

الايد : خلطة داهية
صايونية و سنفرة مون لايت

الركب والاكواع : كريم تبييض


والى الان عنايتي خفيفه بسبب الم اذني ممنوع يدشها الماي ،،،


و سلامتكم

 

[نوفآ]

ماريا
الله يخليلج الوالد
ناطرره الصوور ع احر من الجممر

مدهرره

الله يوفقها ويسعدها والفال لج

 

[t๏๏tคђ]

صباحكم ورد ي حلوووين ..

مدهرة ربي يوووفقها وعقبالك ..وزين مشت الامووور ههههههههههه

نوفا سلامتك ي قمر ..

عنايتي اليوم ..
بسم الله ..
يوم الثلاثاء 28/6

قبل بقووولكم سر صار لي عليه 5 ايام عجييييييييييييب ....
عالريق اخذ لي ملعقه كبيرة زيت زيتون +كاستين ماء فاتر والله ي بنات نقصت كيلو ونص بدون حمية او شيء ثاني بس اشرب كوب شاي اخضر +نعناع +زنجبيل بعد وجبة الغداء واسوي شووية تمارين واكل اللي بخاطري ..
صح اول يوم بتحسون بغثيان وسدة نفس بس بعدين تتعودون ..
دوروا بجووجل وبتلقووون تجارب الناس وتتحمسون ..

نرجع لعنايتي

الصباح شربت كاسين ماء فاتر +ملعقة زيت زيتون .
الوجه غسول +بخاخ ماي ورد ...
اسناني سنسوداين +الجيديوم ..
اليدين خلطة دلع +ترطيب ..
الشعر خلطة زيوووتي ولفيته ..
الجسم شاور بصابونية افوكادو عالسريع وغسلت ..
رطبت جسمي كامل بخلطة الزيوت مضاف لها قشور برتقال +كركم ..
رجولي رطبتها بخلطة ارام ..
بعد 4 ساعات ..
شاور ..
الشعر شامبو صانسيلك +ماسك لوريال ..
الجسم صابونة افوكادو وتفركت زين بالليفة عشان الزيوووت وغسلت ..
بعده سنفرة الكيكة مع مساج بيدي وتركتها دقايق بهالوقت فركت رجولي بالحجر ..
بعده صابونية حوور وتفركت فيها زيييييييييين بالليفة وغسلت ..
بعد الشاور ..
سنفرة وجهي بسنفرة جاهزة بالخيار والجلسرين اول تجربة لي روووعه وماتسبب جفاف ..
ترطيب الجسم كااااااااااااااااامل بلوشن جرجنز لشد البشرة +نيفيا للسيلوليت مع مساج ..
شعري سيروم لوريال وبعد ماجف شووي رطبته بكريم فاتيكا ولفيته ..
سويت تماريني +شربت شاي اخضر +نعناع +زنجبيل ..
رطبت خدودي بزبدة شيا ..
رطبت شفايفي ..

وووبس

 

[يٱسمييڼ]

صباااحكم وورد

ثالثث مررة اكتب وينمسسسح
المهم
ثلاث اياام ماكتبت عناايتي
اليوم

غسول لوريال +ماي وورد
فرشت اسناني بمعجون الودنت
تسبحت بالصابونية مع الليفة من بودي شووب
رطبت جسمي بفاازلين
الان
دهنت جسممي كله بخلطة داهية مطير ولبست بجاامة

يوم الاحد سويت حمام مغربي يبووووووي يجننن طلع وصااخة الدووورة كلها هههههههههههههه

❤

 

[برق السحاب]

صباح الخيرعنايتي اليوم غسلت وجهي بصابونه البابايا وغسول كلين وللانف لصقات النقط السوداء وبعدها بحط قناع البطاطا وللركب كريم ترطيب وللشفايف خلطته الشفايف وللعيون كحل نواه التمر والزيتون وبرطب وجهي بكريم الكولجين

 

[بنت بني تميم]

صباح الخير ياعسولات ..
عنايتي الصباحيه
ماشاء الله لا قوة الا بالله
بسم الله الذي لايضر مع اسمه شئ في الارض ولافي السماء وهو السميع العليم ..
الوجه /
صابونة الجلوتاثيون وبعده مقشر المشمش ورطبته بكريم الكولاجين ..
الشفايف /
سنفرة اسراري بالفرشاة ٥ د وبعده حطيت المرطب والروج ..
الاسنان /
معاجيني ٣
اليدين /
تسنفرت بسنفرة اسراري ٥ د وبعدها غسلته وحطيت صابونيتها وتفركت فيها لين نشف وبعدها غسلت وحطيت لوشن للتفيتح تبعها وحق الاظافر ..
الرجلين /
مرطب ..
وبسسسسسس
ولي عوده العصريه ان شاء الله .

 

[MaryaBM]

توتا بخصوص الزيت زيتون لانة يمشي البطن ، يعني لاحسيتي ان فيج مغص و مارحتي الحمام اخذي قفشة او قفشتين زيت زيتون

بنات سوري انشغلت امس وماقدرت اصور الاغراض انشاءالله فليل اصورها
امس عنايتي
غسلت ويهي ب نيتروجينا رطبت ب بوبي براون
+ ويهي محسس أحط كريم كورتيزون عشان يخف من امريكا
شعري ماسك فلفل حار + بصل + ثوم + زيت أختنقت بس مشيت الموضوع
جسمي تنقعت ب بانيو حااار و عقب قعدت افرك جسمي طلعت البلاليط السوده حسيت روحي وصخة
عقب رطبت جسمي ب كريم ٢١
و حطيت سيروم الوفيرا ع اطراف شعري و مسحة ع شعري كامل
سويت رياضة سكوات + بطن + قرص الدوار مرتين فاليوم يعني كل تمرين اسوية ٢٢ مره و المره الثانية بعد ٢٢ مره

فليل حطيت خلطة كريمات ع ويهي
زيت شعري عشان تروح ريحة الحمسة
وبس *

 

[نوفآ]

بنات ابي منكم تشجييع
الله يجزاكم خير
انا مهدده بالسكر و هالشي مو زين عالجنين
وخربطت بحميتي لاني كنت فاهنتها غلط والحين خايفه يكون البيبي متاثر بالخربطه
وببدا من الحين الحميه و راح اكون صادقه مع نفسي قبل لا اكون صادقه معاكم
واذا جيت وكتبت لكم اني خربطت فيها زفوني وقولوا نفسي رديه

باذن الله راح امشي عليها بالحرف الواحد و راح ابتعد كليا عن السكريات والنشويات

والله المستعان ..

 

[MaryaBM]

حبيبتي مستحيل تقطعين السكر انتي بنفسج مابتقدرين
فخففي لين ماتقطعين يعني اذا الجاي تحطين قفشتين سكر خففي وحطي قفشة ونص
و المره اللي عقبها قفشة
واللي عقبها نص قفشة و عقب خلاص اقطعي وبتتعودين انشاءالله
و حتى الحلاويات اقطعيهم اكلي بدالهم بيبي كاروت اللي هو جزر الصغير
و تميتو جيري الطماط الصغار طعمهم حلو و يسد عن الكافي حبيبتي
وانشاءالله ماعليج شر انتي و البيبي حبيبتي ،