يـوميات عائله كويتيه الغزو العراقي الغاشم <<تصوير حقيقي

[مبرقعات]

هذا التصوير انعرض على قناة الوطن قبل 3 سنين وبتاريخ 2-8 وبعدها تم عرضه على قناة الراى والقناتين استضافو صاحبة الفيديو تهاني الأيوب وحطو عيالها بعد ما اكبرو وحطو اخوها اللى اخترع من الرصاص وكان كبير وحطو اخوها الثانى بعد ماكبر والطفله الرضيعه هم حطوها بعد مااكبرت اشكالهم غييييير ماعدا تهانى شكلها كلش ماتغير والحمدلله على سلامتهم وردت الديره ماراح انسى يوم الاربعاء قبل الغزو بجم ساعه ولاراح انسى اول يوم للغزو ولا راح انسى حضر التجول الساعه 7 ونص ولاراح انسى اللحم اللى نسينا طعمه وشكله لمدة شهوووووور وحتى العيش اخر فتره انقرض وانحرمنا منه قوتنا كان الخبز والماى والبكاء والدعاء فقط

 

[nono18]

المقطع الثاني يوم تحررت الكويت والولد يركض شايل علم الكويت مره حزني دمعت عيوني
الله يحفظ الكويت والخليج من كل شر ي رب

انا وقفت على المقطع لاني هم قعدت ادمع :eh_s(2): مابي ابجي اكثرر.....:q8::q8: الله يحفظ الكويت انشالله

 

[اشراقه]

ذكرياااات مؤلمه..الله يحفظ الكويتييين المخلصييين للكويت


up

 

[DALA3.RA8EY]

وربي حسييت بغصه > حسسبي الله عليهم ..

يعطييج العآفيه

 

[samyah a.o]

جد لحظات رعب تنذكر و ما تنعاد إن شاء الله

 

[مُخملْ]

مبرقعآتْ ، شفتْ آلفيديو اللي تتكلمينْ عننه
احس لو مرة بالصدفه اشوفها واخليها تقولي كل شي استوا بالتفصيل
نفس البيت ماتغير فيه شي ، نفس الامآكن اللي بالفيديو ،
شُكرآ تهآني على الفيديو ، رجعتينآ للوقت اللي صورتي فيه الفيديو
الثاني قبل 21 سنة !
/
والله نحن بحآجة مثل هالافلام القصيرة اللي توثق هالفترة
،

 

[عسولتي]

الله لايرجع هذيك الايام مافتحت ولارابط لاني مابي اتذكر شي الله يحفظ الكويت واهلها من كل مكروه واللي ماتذكر الغزو احسدها على انها ماشافت شي

 

[شيخه القلوب]

نورتوا

والله يحفظ كويتنا من كل ششر​

 

[اليقظة]

ماراح ننسى اللى صار ابدآ​

 

[ايمان الغساني]

الله لايعـودها عليكم ان شاءالله ...اختكم من سلطنه عمان تموت فالكويت وخاطري ازورها

 

[نوف الصقعبي]

الله لايعيدها من آيام

صج كان الخميس الأسود​

 

[نوف الصقعبي]

مازال فى اماكن وايد عندنا بالكويت ماعدلوها وفيها اثار الغزو

ابسط مثال


فيلجا

اللي يروح فيلجا ويشوف مكان المشروعات السياحيه اللى كان جنه قبل الغزو

واللى مازال محروق ومكسر وخرابه


بيعرف شنو الغزو

وشنو الهمجيه اللى كانت فيهم​

 

[نوف الصقعبي]

اهم حتى الحيوانات مارحموها تبون يرحمون الانسان وله الطبيعه

اذا الاطفال الخدج قطوهم عالارض وذبحوهم بالمستشفيات​

 

[غلا ..]

ياالله خنقتني العبره
خاصه منظر الاطفال الابرياء

 

[نوف الصقعبي]

في اشرطه نادره وتعور القلب عن احداث الغزو تنباع بمركز الفنون​