يــــاا خـــيًــــــٓٓــــًــبه الرجــــــــــــا

[كليـ دلعـ]

الله يرزقها ويعوضها ان شاءالله وتخلي ايمانها بالله كبير
ان شاءالله مابيضيع عليها تعبها وكل شي بأجرة
انا ماجربت وان شاءالله ما اذوقه
بس شفت ناس صارتلهم قصص من خيانه وغدر والله العظيم كأن افلام
الحين نحن في زمن الفتن والناس تتغير حتى اقرب الناس والوحدة المفروص ماتثق باي احد

الدنياااا تخرررررع

 

[كليـ دلعـ]

يا الله شغالةة اخوي قبل جم سنه تودي لزوجه فلوس وفلوسه تزوج عليه تخليو
حسبي الله والنعمً الوكيل

جلااب حشااااكم

 

[كليـ دلعـ]

يمه احس انقهرت وقلبي عورني وبعيني دمعه ان شالله مانذوق هالاحساس والله يعينها و يصبرها


بس اسمحي لي اقولك اللي تثق ثقه عمياء غبيه

صاااجه المفر وووض مانثق حتئ باقرب قريبنا

 

[كليـ دلعـ]

,


رياييييييييييييييل مآمنهههههههم آمااااااااان

صااااجه

 

[كليـ دلعـ]

بصراحه شي يعور القلب ..
طيب ممكن هالاحداث اللي ذكرتيها صعب تصير للخليجين .. بس بقولك قصه بنفس المنطق و لكن بوجه خليجي
اخذته فقير او خلينا نقول ستور عيشتهم عالقد .. خططت معاه لمشروع صغير وساندته بكل شي قالت ابيع
اللي وراي ودوني ذهبي وجهازي و فلوسي وفلوسك تقوم المشروع ..
ضحت وصبرت وتعبت وربت عيالها لوحدها وهو يكدح ويسهر ويكد من عرق جبينه وصبر زوجته ..
يوم الله رزقه ونجح المشروع بدل ما يكافئ زوجته بهديه ولا حتى يرد فلوسها ولا يحتى يعوضها عن عمرها اللي
راح وهي تضحي عشانه .. كافئها بضره خذته عالجاهز راهي مرتاح ماديا عليه بس ينبسط معاها ..

نهايتهم وحده سبحان الله


الا من رحم ربي

 

[كليـ دلعـ]

،



اي هذي جارتنا مدرسه وزوجها شهادة متوسطه موظف بوظيفه حكوميه وطبعا بالكويت البيت نص للزوجه ونص للزوج
اخذت له قرض عشان يعدل وضعه وفتح له مطعم والحين مطاعمه سلسلة مطاعم بالكويت وبكل المناطق ومشهوره مطاعمه ومعروووفه شي لتوصيل وشي لكباين وشي وشي يعني بالعربي نجح نجااااح غير متوقع وبيفتح بدبي
كل معاشها له ولعياله مومخليه عليهم قاصر كبرت وقربت للتقاعد تزوج عليها وتهاوشت معاه يا انا يا اهي طلعها من غرفتها وسكن الجديده طردها من البيت وقال لعياله الكبار اكبر واحد 24 سنه الي يبي امه يروح لها بس دراستكم ماراح ادفع لكم ولا فلس وسياراتكم باخذها ومصروف مافي وقعدوا عيالها عند ابوهم وتركوا امهم اصغر عيالها بنت عمرها 5 سنوات
لفق لها قضيه بالواسطه وقذفها بشرفها عشره 26 سنه يطعنها بشرفها !! واخذ منها حقها بالبيت وصار كله باسمه وطالبت بعيالها القصر وقالو نخايرهم وجاب لهم الي يكهرب وكهربهم وقال الي يقول ابي امي بسويه فيه اكثر من جذي راحو المحكمه والعيال قعدوا يبجون مانبي امنا مانبي امنا ، امها وابوها متوفين والبيت باعوه الورثه واستأجرت شقه بروحها وساكنه فيها وردت لوظيفتها
وعرس ولدها ماحضرته وعيالها مايسلمون عليها الرجال الشوارب الكبار الي المفروض تشد فيهم الظهر مايجونها عشان ابوهم لايزعل ويكنسل دراستهم الي بالخارج ويقطع مصروفهم وعيالها القصر مهمين بعد الماركات والسنع بالصيف يلبسون شتوي وبالشتا صيفي محد يهتم فيهم ولا يدري عنه
والصغار الي اعمارهم 14 و 15 يستأجرون تاكسي ويروحون لها بالخش والدس بدون لاحد يدري
وسالفتها صار لها 6 سنين وللحين بشقه بروحها موقادره تعيش طبيعيه محد يشوفها ولاتشوف احد من الدوام لي شقتها ومن شقتها للدوام ردت الدوام عشان لاتزر عقلها من الهم والتفكير مسكينه
تزوج على الثانيه ثالثه وسجل فرع من فروع مطاعمه باسمها ووصارت اهي الآمره الناهيه والثانيه تبجي وتنوح ياليتني اقدر افتك منه راعي مصايب ويوديني ورا الشمس ومحد يقدر عليه !



رجال مالهم امان يخرعون اليوم حاطين المره فوق الرآس باجر تصير بعينهم كخه!

اهلييين

نورتي الموضووع بمرورج

من فتره ادزلج خاااص وعندج فل ماقااعد تروح لج الرسايل

صاااجه بكلامج

والقصه تقطططع القلب

حسبي الله ع عديم الضميييير

تكفين قووليلي المره هذذذي من يرجع لهاا

عمرهاا

من يعووضهااا بشباابها اللي رااااح

ليش ماااكانت نهايتهاا مثل النااس

تعيش حياه هنيه ومستقره!؟

اللهم لااعتراااضض

ارزاااق يقسمها ربي

 

[كليـ دلعـ]

,’
هو الرجال المفروض هو الي يكد علي المره
هو الي يتعب آآخ بس حسافة علي عمرها الي ضيعتة
​

المفروض

 

[كليـ دلعـ]

اي شفت هالقصه في فيلم ناديه الجندي وسعيد صالح يعور القلب الغلط كل الغلط من الزوجة انها رضت على نفسها تشتغل وزوجها مسؤول عنها وعن اعيالها اهي ليش تضحي واتغرب وتشقى واتيمع عشان راحة ريلها ومرته الريايل مالهم امان كل واحد محله بيسوي نفسه لا اتقولون اصابعج مو مثل بعض لا كلهم بيتصرفون جذي

لا ياا امي

اللي يخاف الله وبذرته سليمه وعقله سوي

وفيه شيمه وعنده مبااادئ مستحيييل

يكوون جذي

الغدر مومن شيمه العرب العرب

مو المستعربه

هذي مبااادئ وقيييم

عيييب وحراام ومنكررر يغدر برفيجه

فمابالج بام عياله شريكه حياته!؟

مااايصيير نعمم

نقوول الا من رحم ربي لانهم اصبحوو ينعدون ع الاصابع

والله الهاادي والمستعان

 

[كليـ دلعـ]

وليش اهي تغترب


وينه اهوو ؟؟؟


هذي خدامة عندي كانت


سيلانية كبيرة

اتطرش فلوووس بالاخير بنتها قالتلها


ابووي يشرب بالفلوووس و يطقني لي قلت يوعانة


قامت اتبووق مني




انزييين الحريييم ترا مو ملزومين يغتربووون



خصوصا العربيات و الخليجيات



يعني احنا المفروووش ينكرف الريال علشان يوكلنا مو ننكرف علشان اهو ياكل و يسكن

يالغاليه القصه لمصريه

والفلم اللي شفته مصري

وتصير القصص هذي وااايد

اوك احنا موملزومين نتغرب

لكن اهم ملزومين

واحنا حتى لوماتغربنااا نفس القصه تصير لنا

بس بسيناريوو اخر

يعني اذا بنقوول انغدر فيهم لانهم تغربووو

احنا ينغدر فينا واحنا ماتغربنا

اللي يحط عليها قروض واهي ماتدري

واللي يبوق حلالهاا

واللي تساااعده من الصفررر وليكبرت جنوبه تزوج عليها

واللي واللي

يعني الغربه مو السبب







بنات انا حااااااسه بالابله

فقدت كللللل شي

معقوله بترد سويه سليمه!؟

 

[كليـ دلعـ]

يكاافينا شر الغدر

والقهرر

والالم

والحزن

يكااافينا شر الصدمه

والحره

عسى مانذوقها

لا انا ولا انتو ولاجميع بنات المسلمين

والدنيا ماتسواا

لكن من يتعض!؟

 

[بحر الأشواق]

انا حسيت بخيبة امل كبييييييييييييييييييييييييره وألم نفسي

بس ما احس اني خسرت زوج لا احس اني خسرت نفسي وخسرت سنين عمري الي كنت معاه

بس الحمدلله الأمل موجود والصبر جميل بديت احس اني كسبت نفسي بعد انفصالي

 

[طريق السعاده]

في قصتين مرت علي وشفت هالاحساس بعيوني عليهم

الاولى شغالتنا كان عندنا شغاله اندنوسيه مو كبيره حيل عندها بنتين بس يعني باقي توها صغيره قبل 6 سنين كل شهر ترسل لزوجها وعندها بنتين صغار ابو خمس وابو سنتين المهم اهي قالت انها تبي تبني بيت ومزرعه وكانت دايم تكلمهم ويخبرونها التطورات وان خلاص واخر 6 شهور كل شيء اكتمل وصارت ترسل الفلوس عشان تسجل بنتها بالمدرسه !

اكتشفت انه تزوج بفلوسها ! اخوها دق عليها وخبرها فالبدايه سكتت ماقالت شيء خلصت مكالمتها وساكته

بعدين صارت ماتنام طول الليل تبكي وفجاه سمعنا صوت قوي صوت احد طاح قلنا سوت بعمرها شيء !

وديناها للمستشفى وطلع مغمي عليها صار فيها انهيار وخليناها تروح لعيالها وتتلاحق بعمرها


^ انقطع قلبي عليها عشت وشفت ردت فعلها بشكل مباشر هزني حيييل الي صار


الموقف الثاني عندنا بالسعوديه وناس بدو وقبيله معروفه بس بعض الناس عار ع الرجال وعار ع قبيلته

خالت صديقتي كنت اشوفها كثير ونتقابل بالجمعات كانت متزوجه واحد عسكري بس اضن ماعنده شهاده يعني بالثانويه متوظف والراتب مو شيء وهي كانت مدرسه ! الاخ جاته قرارات يبي يترك شغله ويشتغل تجاره حره ع قولتهم :/
ترك الشغل وشهور عايشين ع راتب المسكينه ! لين اتفقو هو يشتغل يكد ع تكسي وهي تاخذ قرض براتبها ! لان راتبها كان قوي ويتحمل قرض قوي يعني ويبنون فله

خذت القرض بنوها 6 سنين يبنون شوي شوي تجمع مبلغ من راتبها وتحط ف ذا البيت

اكتمل البيت تاثيث وكل شيء قالو بنسوي عزيمه افتتاح البيت وعزمو كل جماعتهم < كل التكاليف ع حسابها للعلم لان هو تاكسي يدوب يجيب مصروف يومه !

عزمو كل جماعتهم ع ذيك الحواشي والدنيا وقاتوه رايح وقاتوه جاي والمره مو مستوعبه انها جد تحققت امنيتها واخيرا استقرت هي وعيالها ببيت يلمهم ويحميهم من ذل الاجار !

يوم جات بترجع البيت الا الرجال مو فيه طلع اصلن ماحضر العزيمه الا يوم وصلهم دخل سلم ع الرجال وطلع !!

اثاريه كان ع موعد تجديد شباب ! موعد احتفال العمر ! موعد الصفقات !

طلع متزوج عليها اساسا وحده مو قبيليه ! وكان مسوي حفله لزوجته الجديده !

وهديه الحفله الخاصه كان حاط البيت باسم الجديده وعطاها الاوراق تبع كتابه البيت باسمها كهديه بهاليوم !

وراح البيت قبل يجون اصحابه الاساسين زوجته الاوليه وعيالها وحط اغراض زوجته بالغرفه الي ذيك مختارتها !

لما رجعت بيتها هي وعيالها وشافت المره !!

انهاااااااااااااااررت

كل شيء راح منهااا

شفتها بعد سنتين من هالسالفه وربي يابنات وربي ياشعرها راحح

وجهها ذبلااااان منكسره وضحكتها ماتنشاف !

زين ماراح عقلها وربي

( للعلم هي تبي تطلق ورافعه قضيه ورافض يطلقها ! مسكنها بملحق هي وعيالها ) !

وماعندها اي اثباتات ان البيت تعبها !!


الله يصبر قلب كلمن انظلم بهالدنيا ولا يجعلنا نذوق هالشعور ولا احبابنا يارب ولا كل مسلم ومسلمه

 

[Canon~]

هذي السالفه صارت لوحده بمنطقتنا

مدرسه وزوجها خذى قرض باسمها وبنى البيت من فلوسها واكتبه باسمه


وتزوج وهي خلااااص انجنت


ولا راح شهر العسل بعد


ولما رجع لقى البيت بح


المره هدمت البيت

 

[طريق السعاده]

هههههههههههههههههههه احسن كفو هدمته يستاهل الحقير :/

 

[كليـ دلعـ]

قصص تعوور القللللللب

يابنات لاتامنون للريايييل