يــآ خريجـــــآت (( هــــــــــــــــآنت ))

[gala q8]

السلام عليكم ,


قبل اشهر , كنت افكر بالتخرج , و كنت افكر شلون راح ابدي اول ايامي الدراسيه ’,

وبهالمووضووع قلت لكم اللي بقلبي

http://www.q8yat.com/t935938.html


هالموضووع ^^ قبل لا نبدي دراسه بجم يوووم
تذكرون هاالموووضوووع !! :eh_s(2):



واليوووم اكتب لكم شعوري لمن بديت دراسه من اول يووم , :eh_s(2):



قبل كنت اقوول راح اشد حيلي من اول يووم و بالفعل بديت اول يوم و حسيت بحماس و كل ما اذكر اني ابي ارفع راس اهلي و البس روب التخرج و يقولون اسمي و اطالع ابلاتي يمي , و رفيجاتي معااي مستانسين , شعوووور يخرررع و حلوو بنفس الوقت , :eh_s(2):

لمن اشووف ان احنا كبرنا سنه و ورانا جامعه << و ماكووو شيء اسمه ثااااااانويهه احسس شيء غيررر , احس بخوووف



قبل لمن بدينا اول يوم كنت اذكر رفيجتي تقول لي يا الله متى تمشي الايام و نخلص الثانوي ملينـــــــــــآآ !!


واليوم تيي رفيجتي وتقول لي ليش بتخلص االايام الثانويه !! راح نشتاق لها :eh_s(2):



وانا بقول لكم ترا هاااانت , ترى امنا وابوونا ينطرون هاللحظه ليش احنا نوووقف بويووهم و نخرب فرحتهم لنا !


خلوونا نتخرج و نستانس ترى الدنيا ما راح توووقف لي هنيه !! :eh_s(7):

شدوووا حيلكم ترا هاااانت ,
هااانت
هاانت
هانت ​

ما ودكم تلبسوون روب التخرج !! و ما ودج تشوفين امج و ابوج يمج !! شايلين الورد و يفرحون فيج !!

ترى والله شعووور حلووو ,


تحيااتي :$ ,



اتمنى لكم بالنجاح ,

 

[@عسايل@]

يااااي ماتدرين شكثر استانست
وحسيت بشعوور يخوف وحلوو بنفس الوقت
والحين تحمست اكثر ع الا متحانات الفاينل
ياااااي ونااااسه ما بقي شي على حفلت التخرج ونااااسه ٢٣/٥
عساااا الله يونسنا ي اااارب
فديتچ الموضووع الحلوو..*

 

[gala q8]

يااااي ماتدرين شكثر استانست
وحسيت بشعوور يخوف وحلوو بنفس الوقت
والحين تحمست اكثر ع الا متحانات الفاينل
ياااااي ونااااسه ما بقي شي على حفلت التخرج ونااااسه ٢٣/٥
عساااا الله يونسنا ي اااارب
فديتچ الموضووع الحلوو..*

اي حده حماااس ,

الف مبروك مقدما , انا 30-5-2012 بإذن الله :d

 

[آلغرنوقهَ]

والله هالسنه آحلى آححلى سنه مرت علي
مع التعب الي فيها بس كنت استمتع لأني آعرف إنها آخر سنه
و راح اتمنى ترد هالايام ’ و الحين مابقى لنا الا حفلة التخرج و الفاينل

الله يوفقكم بنات ’ ويرزقنا الدرجات العليا بالدنيا و الآخره

 

[PO PO22]

دنيااا

الحمدلله ياررب

اي والله هانت مابقى شي

يالله ان شااءالله تسوين موضوع ثاني ((ها بنات متى تطلع النسب منو طلعت نسبتها ها بشرو ان شاءالله جايبين درجات حلوه :d

سووري رديت بنك اختي منساع هع

 

[أحلى البشر]

ذكرتيني بشعوري السنه اللي طافت كنت خريجه والله اني مريت بظروف ظييييم بس ربي مايضيع جهد احد والحمد لله الايام تركض
وفرحة التخرج مابعدها فرحها والله شي لايوووصف وان شاء الله كلكم متفوقات واتدشون التخصصات اللي تبونها بس شدو حيلكم شوي

 

[MayOumii~]

وآي ونآسة ..حتى انا احس برهبة وخوف كل مآ ذكرت اني كبرت وبتخرج
اييني احساس بونآسة لان كبرت وبتخرج وبنفس الوقت احس اني منصدمة مو قادرة اتقبل اني خلاص مآرآح ادرس ولا اشوف زميلآتي
ورآح افقد المجتمع البنآتي لووول مغ انه اغلبه مشاكل بس تأقلمت معاه وحبيته !!

حدي خايفة والشعور طلعت مو بروحي الي حآسه فيه لا طلعو بعد البنآت وياي !!
الله يستر ويوفقنا ونييب نسبة حلوة تدخلنآ المكآن الي نبيه ونفرح أهلنآ (=

 

[gala q8]

نورتوووا والله وودي ارد عليكم بس بروح المدرسه لووول ,


اتمنى لكم ولي التوفيق يااارب , قولوا امين ;p

 

[nina_q8]

هااااانت انا بس شايله هم اني ما ادش الجامعه بقولكم جم جمعت وانتو قولولي جم يمكن اييب
ب10 يبت 7 من 10 و ب11 ادبي يبت 27 من 30 واللحين الدور على امتحانات الفاينل يحسبون درجات الفتره الرابعه معه الثالثه ولا كل فتره برووح


انا عن نفسي ما راح ارووح حفلة التخرج لانه قبل امتحانات الفاينل صرااحه مالهاا طعم ...

 

[MayOumii~]

اي يجمعون الفترات كلهم ويقسمونهم على 2 وبعدين يقسمونهم على 660 ويضربونهآ ب 100

 

[gala q8]

نينا إن شاء الله يقبلوونج :>


شدعوا حيلكم انا اليوم يمكن اخر يوم اشبك عشااان الامتحانات ,


عن نفسي بروح حفل التخرج ان شاء الله لان يمكن ما اسوي حفله تخرج فبيتي ,

و بعد ما تدرين شيصير بعدين !! ,





و انتوا لا تحطون فبالككم انهم ما راح يقبلونا قولوا ان شاء الله وراح ندخل , بس شدوا حيلكممممممم ,



مووووووووووفقييين ياارب ,

 

[Miss Baskin]

انا اليوم اخر يوم لنا
بجيت بجي طبعاا انا طول السنه ابجي وهالاسبوع بجيت
الاخيره انهرت تقولين متوفي عندي احد " بعيد الشر
تخيلوا صوت البجي بالممر كله
وابلتي تبجي وتسلم ع بناتهاا
وربي مرت الايااام بسسسسسسسسرعه
مو جني امس اضحك ع خريجات العاام ليش يبجون
وتوني احس بشعورهم 

 

[gala q8]

^^ وااااااي ذكرتيني اليووم جذيه بس بخيت و محد شافني لوول ,
اليوم ابوي يا اخذني من المدرسه و كلهم باااي و ايوون يسلموون علي و يضمووني و انا فيني البجيه بس ماسكتها لووول ,

و لمن اووصل البيت اخووووووووره من البجي و لا اختي تعايرني تقول لي انا اعرف الوحده اذا بتتخرج تفتك من المدرسه تستانس ما راح تشوووف ويوه الابلات الصبح وانتي تبجين !!



صج صج محد يحس فينا الا اللي نفس ظروفنا

بس اول امتحانات لنا الدستور و القرآن , لوول من حسن حظي اول يوم امتحان يووم ميلادي لووول , يعني انا بستانس بيوم ميلادي و بتكآئب بسبت امتحاااني خخخخخخخخخخ ,



موفقيين بناات