يعني وين اروح وانا بجر

[LiL MaMa]

حبيبتي اذا بتسمعين كلام هذي و هذيك راح تولدين بالبيت
مو شرط الدكتوره اللي ترتاحينلها ترتاحلها غيرج
انا مثلن لو اموت ما اروح حق معصومه اللي بدار الشفا بس وايد بنات يمدحونها
هذا معناته انها مو موزينه
انتي اذا مرتاحه بمراجعاتج استخيري ربج و توكلي على الله
و الله يسهل عليج و يرزقج الذريه الصالحه

 

[حلوه بكيفي]

احسن حل انج تستخيرين
والله قلبج بيرتاح وما راح تترددين

انا غيرت دكتورتي يمكن ٣ مرات وكنت محتاره بس استخرت والحمدالله استقريت على دكتوري عمرو عصام مع ان زوجي كان كلش معارض ان يكون دكتور بس استخرت اهو قالي يلا متى نروح حق دكتورج
واهو اللحين من اشد المعجبين فيه وقالي هذا ماراح نغيره

 

[ام فطوووم]

وااااااااااااااي عمرو عصام عجيييييييييييييييييييييييب
ونعم الدكتور اخلاق وذرابه شي موطبيعي
ومو مادي كللللللللش اتمنى اولد عنده بس حراااااام
لولا الحرام جان ما اولد الا عنده
بس شوفي اختي انتي بحالتج هذي نصيحه نصيحه نصيحه خلج عالعدان
والله انهم شطار وكل شي حلو عندهم بس انشالله تلقيلج غرفه خاصه
انه ولدت عندهم في بجري واهتموا فيني وايد


وانتي اكيد الطفل اللي بتييبينه يبيله حضانه والله لايقوله لا احتاجزشي
بتتخسبقين معاهم بالخاص
الله ايعز الحكومه راح ايوفرولج كل شي
ميخالف تحملي لوعة جبد الجناح
عشانج وعشان اللي ابطنج
والله ايسهل عليج ولادتج ياااارب

 

[ام الحلوااات]

اللـــــه يـــهـــــووووون عـــلـــيــــج ويـــقــــومــــج بـــاالـــســــلامــــه

 

[مشتطـه]

شوفي دامج خفتي منها

انا انصحج ب ريم الخرس بالسلام كويتيه تييييييييننننننننننننننن

 

[مشتطـه]

ام علي اي نسيت اقولج
ترى السلام ما يستقبلج
لان انا لما بغو يولدوني بالثامن
قالولي روحي الصباح
لان الحضانه غاليه عندنا

 

[*فدك*]

دام حالتك صعبه واحتمال ولاده مبكره خلج عالحكومة
تحملي لوعه المكان بس اهما ادري بحالتج
وان ولدتي بخاص الحاضنه بتقص ظهرج

 

[فوشيـــا]

اقعدي بالعدان نصيحه واولدي عندهم
هم ادرى بحالتج
ودكاترتهم زينين وايد

 

[ربيع_الروح]

بصراحة دام حالتج صعبه وتعبانه
وأصلا سادحينج بالمستشفي

خليج على الحكومة


لأن الخاص إذا حالتج صعبه وتوهقو خيرتهم بيحولونج على الحكومة
عشان ما يحملون نفسهم مسؤولية ولادتج

******
وإذا ليلحين محتارة استخيري
بس ترى هذي ولادة لازم بتحسين بألم مافيها روح تعال

 

[Om_3ali]

مشكورين يابنات كلكم ذوق حنيه

انا طلعت علي مسؤليتي وراح اكمل مع دكتورتي

والله يسهلها وان شاء الله مافيني الا العافيه

انا رحت عيادات خاصه اكثر من وحده قالولي مافيج شي

وانتي طبيعيه ومافيج شي وراح تولدين بوقتج وشنو الله

كاتب لج بتولدي بالثامن بالتاسع بالعاشر الله الاعلم

حبيبتاتي يعطيك العافيه عسي ربي ما يوريكم مكروه ابد
​

 

[أم عزيـز]

الله يتمم عليج وتولدين بالسلامه حبيبتي*

 

[toto84]

حبيبتي اذا مرتاحه عندها روحي...

انا وايد ذمولي نداء بوخضور و ولادتي عندها كانت روعه...بس اذا انتي بالسلام روحي حق امل الراشد وايد يمدحونها و رفيجتي وايد ارتاحت عندها