يعني شنو جفاف المنطقه؟؟

[عزتي مالها حد]

رد : يعني شنو جفاف المنطقه؟؟

السلام عليكم ‘

شوفي حبيبتي عشان يكون عندج وقاية من الإلتهابات سويلج غسول بالبيت
ماي صحه و ذوبي فيه كسرة مره و كسره ملح خشن و اغتسلي فيه بايام الدورة
و مره او مرتين بالاسبوع تنقعي بماي دافئ وملح خشن ، و غيري ملابسج الداخلية
على الاقل مرتين باليوم ، و تقدرين تستخدمين فوط كير فري اليومية
عشان توفرلج النظافة و أنصصحج (( بالارطاء )) وصفة الدكتور جابر القحطاني ،
ارطاء + ملح + ماء ، تطبخينهم ويا بعض لين يصير لونها احمر
و تستخدمينها كغسول لمدة يومين وشوفي شيصير معاج
و اذا كلش مالج خلق تسوين غسول بالبيت اشتري غسولات طبية
احسن غسول (( سيباميد - كير فري )) و ملابسج الداخلية تكون قطنية 100%
و عسى الله يوفقج و ان شاء الله اكون افدتج ،

يعني شنو ارطاء ؟
شنو لونها ؟
واذا عندج صورتها يكون احسن

 

[M!sS v!P]

آآآآآآآآآآآآآآب

 

[لـوجيـن]

فوحي بابونج وخليه لما يفتر شوي واشخليه وحطيه بطشت مع ملح خشن وتنقعي فيه

 

[sweet december]

رد : يعني شنو جفاف المنطقه؟؟

حبيبتي جفاف المنطقه يعني الافرازات المهبله الي تسهل عمليه الجماع تقل وايد واحيانا تختفي

والسبب ببسطاه انه بعض البنات حسبالهم الغسول مال المنطقه الحساسه جنه غسول مال ايد ونسو انه المنطقه الحميمه لها ph خاص فيها وبكتيريا نافعه عايشه فيهاااا مع كثره الغسول تموت هالبكتيريا النافعه وتتغير درجه ال حمضيه فتقل الافررزات

نصيحه من صيدلانيه

اول شي لا تستخدمي الغسولات الطبيه القويه مثل اسيتال الا بعد الجمااااع لانه وايد قوي وينشف وعن تجربه

ثاني شي استخدمي كير فري الغسول الحميم العادي وفي منه للبشره الحساسه مره وحده باليوم مو اكثر

ثالث شي لازم المنطقه دايما ناشفه وجافه

لا تستخدمين ديتول الشور جل حق هالمنطقه ينشف وايد ومو زين لانه اصلا مو لهالمنطقه يلعب بالحمضيه مالتها ويقتل البكتيريا النافعه

لا تلعبين وايد بعمرج خلج عالمضاد والغسول وبس والجفاف شي نسبي يعني مجرد ما تروح الالتهابات بيقل استخدامج للغسول بيروح الجفاف

انتي الحين اهم شي عندج تروح الاتلهابات والريجه والله يوفقج

 

[sweet december]

رد : يعني شنو جفاف المنطقه؟؟

اي ونسيت اقولج الاندر وير لا تغسلينه بالغساله نقعيه بماي دافي مع شويه سائل غسيل مال يهال واحسن ماركه بيبي لاك الالماني مو المصري وحطيهم بالشمس وايام الدوره استخدمي كوتكس اسمه نانااااااااااا كله قطن مو اولويز ترا الويز اا سبللي التهابات وتقرحات ما ناسبني كلش وماينفع للي عندهم التهابات بالمهبل او بالبوووول

وتنقعي بملج انقليزي من الصيدليه مع ماي دافي لا تخربطين بعمرج من الحواي خلي شغلج كله طبي

وانتبهي لعمرج انتي بعدج ما تزوجتي وجذي التهابات عيل لما تتزوجين شلوووووووووون اهتمي بهالمنطقه عدل ولا تلبسين ملابس من احد حتى لو اختج

 

[انكسر خاطري]

رد : يعني شنو جفاف المنطقه؟؟

sweet december

حبيبتي معليش نستفيد من خبرتكم انا اخر مرة صار معي جفاف وقت العملية الخاصة وانحرجت من زوجي
لكن انا الحمدللة مافيني التهابات او افرازات
بس قرات بالنت اذا قربت الدورة او بعد انتهائها مباشرة احتمال يصير جفاف
وبعد اذا كانت عروسة هم يصير جفاف وانا الحين لي ثلاث شهور متزوجة
فماعرف السبب اللي صار معي علما انها مرة وحده وهي اخر مرة اللي صار معي الجفاف
والحين اخاف نعيد العملية ويصيبني مثل ماصابني وانحرج من زوجي اكثر

فممكن استفيد منك

 

[جــــاذبية]

رد : يعني شنو جفاف المنطقه؟؟

ماله شغل الجماع بالمنطقة إذا كانت جافة أو رطبة فيه بنات (عذراء) تكون دايم رطبة بسبة الإلتهابات
وفي بنات ناشفين ..
أوضح في بنات يكونون ناشفين يعني تكون المنطقة عندهم دايم ناشفة ومافيها إفرازات إلا قبل الدورة بأيام وبعد الدورة وينشفون وفي بنات 24 ساعة رطبين وأنا وحد منهم كنت أعاني برطوبة وكنت بنت مو متزوجة وكنت آخذ غسول من الدكتورة وماكو فايدة ولما تزوجت بعد أربع سنين صارت فيني قرحة بعنق الرحم وعالجتها ..

 

[عادت ذكرياتي]

أب
أب

 

[FeShinGoOo]

رد : يعني شنو جفاف المنطقه؟؟

حبيبتي الجفاف يعني لما ريلج يداعبج تكونين ناشفه من تحت .. يظايق زوجج وقت الشسمه وبنفس الوقت ممكن اذا وايد ناشفه يسبب الم خفيف
وعلى فكره كثرة الغسول تسبب جفاف معني استعمله بشكل يومي بس موزين انا وسواسيه انتي خلج يوم وترك مثل ماقالت الدكتوره ..

 

[انكسر خاطري]

رد : يعني شنو جفاف المنطقه؟؟

اب

اب

ابي جواب لسؤالي

 

[متى تفرج بس]

رد : يعني شنو جفاف المنطقه؟؟

مشكورين فديتكم استفدت من ردودكم
عسى الله يحفظكم ويحميكم يارب
دعواتكم لي بالشفاء

 

[TamraBarney]

رد : يعني شنو جفاف المنطقه؟؟

ياقلبي طالما الالتهابات تتكرر معناها في شي غلط وانتي قاعده تكررينه بدون ماتدرين انه غلط

راجعي مع نفسك طريقة اهتمامك الا ماتلاقين

ولاتنسين كل يوم تبشرين فصين ثوم على علبه زبادي وكليهم ممتازه للالتهابات ولاتنسين تاكلين وراهم ورق نعناع عشان ريحة الثوم تروح

اما الجفاف فعلا المويه والملح كثرتها تسبب جفاف الافضل تروحين طبيبه تكتب لك غسول خاص يناسب حالتك

وحاولي تقعدين ساعتين ولا ثلاث باليوم بدون اندروير عشان تتهوى المنطقه

وبعد ماتخلصين من الحمام تكرمين جففي نفسك مرتين وثلاث

​

 

[رحيل المرافيء]

رد : يعني شنو جفاف المنطقه؟؟

لازم تعطيج غسول ومضاد وكريم بعد ماعطتج كريم دهان
والجفاف قصدها يجفف الافرازات لانه هالمنطقة فيها افرازات بطبيعتها تنظف المهبل ماله شغل متزوجة ولاا لااااااا
ويقتل البكتيريا النافعة كثرة استخدامه
وغيري ملابسج الداخلية وقطيها واشتري يدد ضروري ولازم تغلينهم بكل غسلة وتكوينهم لانه الحرارة تقتل الميكروبات
ولاتحطين ديتول مو زين
واللي تقول انتي بنت مايصير فيج التهابات من قال هالكلام
حتى البنات الاطفال يصير معاهم عادي

 

[ام منــى]

رد: رد : يعني شنو جفاف المنطقه؟؟

حبيبتي جفاف المنطقه يعني الافرازات المهبله الي تسهل عمليه الجماع تقل وايد واحيانا تختفي

والسبب ببسطاه انه بعض البنات حسبالهم الغسول مال المنطقه الحساسه جنه غسول مال ايد ونسو انه المنطقه الحميمه لها ph خاص فيها وبكتيريا نافعه عايشه فيهاااا مع كثره الغسول تموت هالبكتيريا النافعه وتتغير درجه ال حمضيه فتقل الافررزات

نصيحه من صيدلانيه

اول شي لا تستخدمي الغسولات الطبيه القويه مثل اسيتال الا بعد الجمااااع لانه وايد قوي وينشف وعن تجربه

ثاني شي استخدمي كير فري الغسول الحميم العادي وفي منه للبشره الحساسه مره وحده باليوم مو اكثر

ثالث شي لازم المنطقه دايما ناشفه وجافه

لا تستخدمين ديتول الشور جل حق هالمنطقه ينشف وايد ومو زين لانه اصلا مو لهالمنطقه يلعب بالحمضيه مالتها ويقتل البكتيريا النافعه

لا تلعبين وايد بعمرج خلج عالمضاد والغسول وبس والجفاف شي نسبي يعني مجرد ما تروح الالتهابات بيقل استخدامج للغسول بيروح الجفاف

انتي الحين اهم شي عندج تروح الاتلهابات والريجه والله يوفقج

انا مع اختي كلامه ميه ميه
وجزاج الله الف خير