يعني شنو ( تحوال ) ؟

[لولو الكويت 88]

السلام عليكم
كيفكووون عسولات

امس كنت قاعده مع رفيجتي ولا تقولي ان يسوون تحوال بعد العرس ؟؟؟!!
طبعا اول مره اسمع بهالشي لووووول
شنو يعني التحوال ؟
وشنو يسوون فيه ؟!

 

[مدّهره !]

وعليكم السلام والرحمه ..~

تحوال يعني حفله عقب العرس بإسبوووع ..~



إذا كانت نفس المعنى اللي أعرفه ههههه

 

[lulu_q88]

لااااا

التحوال عندنا يعني عشااا بعد العرس

مسائيه يعني

 

[lulu_q88]

^ عشان اوضح اكثررر

باليوم اللي بعد العرس بضبط

يسسون عشششا ويعزمون اهلهم ببيت اهل المعرس وتجي العروس مع اهلها كاششخه

 

[مدّهره !]

أهااا إحناا كأني أسمع إنه عقب العرس بإسبوع ..~



يالله ززين إنهاا فهمت معناهاا بالآخر هههه

 

[بنت الكويت90]

التحوال بعد العرس بيوم



يكون صبح او بالليل يعزمووون الاهل والجيران والمععاااارف




والعروس تروح صالون وتلبس فستان عرس فخم بس مو الابيض هههه لا نفس فستان خوات المعرس اذا بالصااله بيوم العرس يكوون فخم

 

[مـهـــابــــه]

احنا ما نسميها تحوال .. نسميها صباحية مع انها بالليل مو بالصبح هههههههههههه

 

[مـهـاآ]

اللي اعرفه عقب العرس باسبوع مثل ماقالت مدهره

 

[.:lady bug :.]

احنا عندنا ثاني يوم عرس يا صبح يا بالليل
ويكون اخف من العرس
لاهل والجيران في ناس يسوون استقبال اكبير
مثل الاستقبال
وطبعا تكون العروس كاشخه بنفنوف كشخه

 

[جوري الصالح]

حبـــــــوبة التحـــــوال
بعــــــد ليـــــلة الــــــزفاف بيــــــوم يحـــــضرون عـــزيمة
تــــــكون بيـــن المـــــعارف خــــــاصة

 

[polish]

اذا كان الزوجين من منطقتين مختلفه وكان العرس بمنطقه الزوج او الزوجه المنطقه الثانيه يروحون لها ويسوون تحوال سواء اهل الزوج ولا الزوجه هذا اللي اشوفه عندنا

 

[Miss Cherry]

والله للامانه حنا مانقولها الكلمة هذي بس اسمعها دايم عندي رفيجاتي الرشيديات

حنا عندنا عقب العرس ثاني يوم يسوون اما صباحيه او الاغلب مسائية حفلة ملمومه وتكشخ العروس بس مو بفستان ابيض

وعقب شهر العسل يسوون استقبال

 

[<miss botamba>]

ماعندنا هالسوالف