يعني الواحد وين يروح وين يذلف

[DaLoo3t BaBaTii]

.


استغفر آلله !

وين آلممنوع بـ ديرتنآ !؟

آلآمآكن شكثرهآآ ! ضآقت عليج آلديرة !؟

آلله يهديج بـس ..


.

 

[bambena]

تقدرين تروحين اي مكان بالكويت

 

[bambena]

انا معاج بسالفة الفنادق

يعني انا اعرف وحده عندها ولد وبنت كبار بالمتوسط والثانوي ماتقدر تحجز فندق تروح معاهم ممنوع لازم عقد زواج الواحد احيانا يبي يغير جو ومايقدر يطلب فلان وعلان يحجزله

 

[q8dvd2000]

اختي شنو مشكلتج بالضبط؟
منو اللي قاضبج عن اي شي؟

سيارتج عندج . والسفر تقدرين تسافرين اي مكان تبين حتى لو بروحج او بدون محرم



يمكن المشكله عندج بالبيت اهلج حكره او شي جذي!

 

[اشلون يعني &]

اقري قران تنسين المكان والزمان الي انتي فيه

 

[james546613]

الحمد لله ويالله الجنة -وعلى قولت خالد العبدالجليل الله يحفظك ياديرة مامثلة ديرة - امان وفرح وسعادة وحب وسلام والكل يسال على الكل والاذان يصدح في الاجواء والجو ويازينة من جو مافي غبار ولارطوبة ويالله من فضلك -والاهل حوليك والجيران شوفتهم تشرح الصدر والبيوت مليانة خدم وحشم والجمعيات والاسواق مليانه بكل ماتشتهي النفس - وعلية على الي عندهم مجاعة ويموتون من الجوع -وناس ذابحهم البرد والثلج وحنا من نعم الله الي مانقدر نحصيها -دفايات وسنترلات تدفئة ودوة وذرة وكستناء مشوية وجاي وحليبه مهيلة واستكانة شاي زعتر على دارسين وزنجبيل -والله يعطي الله يرحمنا برحمته الي ياكل من الزباله -مكرم السامع - والدورات مجانية الي يبي يحفظ القرىن او يتعلم مهنة او يسلي نفسة - والي يحب الفرارة كرم من رب العالمين مجمعات ومولات وكل ماخلق الله من ماركات تيي للكويت باردة مبردة من الماني وصيني وامريكي -والقنوات على قفا من يشيل على قولة اخوانا المصرين من قنوات دينية وتروحية وعلمية وسينمائية ....حتى الواحد مايقدر يلحق عليهم - والبنزين من ارخص مايكون من الوهاب العزيز -يكسرون خاطري اللبنانية لما يوقفون بالساعات علشان المازوت الله يطعمهم مما اطعمنا وهذي الايام من عطفه علينا نعيش اعراس ديمقراطية وندوات تنويرية واطلاع سياسي مكثف .....ترى لو اعد مااخلص قولوا معاي الله يحفظ الديرة والامير ويطول بعمرة ويتمها علينا من نعم اللهم آمين ....

 

[manoooram]

اختي الغاليه استغفري ربج
الكويت الحين صارت شنو هالديره !!
الله يهديج بس
الأماكن بالكويت الله ما كثرها لله الحمد

 

[فطووومة]

حبيبتي لازم تشرحين لنا مشكلتج بالتفصيل
شنو اللي مضايقج الزحمة بكل بلد


؟؟؟؟

 

[* بنت المطر *]

شنو بخاطرج انا حاسه فيج لاني نفس حالتج

 

[عآبرة]

احس وانتي تكتبين الموضوع لو احنا عندج ذبحتينا
كل بش بهالكون يتمنى انه كويتي بس انتي لج ظروف أكيد الله يفرجها عنج يارب ولا تصيرين من النوع اللي يجزع
تذكري كلام ربي وبشر الصابرين

 

[ام سالم وايه]

اقري قران وبيشرح صدرج

 

[روح الطبيعه]

مو عاجبتج الديره دوري غيرها يصلح لج

موانتي من ربع الفضل والجويهل >> اطلبي منهم

يبنون لكم ديره تصلح لكم

الكويت حلوه بكل شي فيها حتى لو يوقفون لنا عند كل باب بيت واحد يقول لنا

لاتطلعون ممنوع راح يكون حلو ع قلوبنا

هذا اللي ناقص

ياربي لك الحمد والشكر ع هالنعمه اللي احنا فيها

والله يخلي لنا ديرتنا وشيخنا ونوابنا الصقور وع راسهم مــســلــم الـبــراك ^_*

 

[روح الطبيعه]

ع فكره انا ليش رديت عليها هالرد

لاني قبل هالمره قريت لها كذا رد في قسم الانتخابات وهذا واحد من ردودها

http://www.q8yat.com/t1006802.html#post29142103

دايما تستفز بردودها

واللي مومصدقني يروح يشوف ملفها وردودها


الكويت حلوه في بردهاوحرها حلوه

 

[نياره]

سافري

 

[معلومه دآآآيخه]

انحاشي

 

[قطوة@@]

واايد اماكن بالكويت حلوة

بس شوفي انتي شنو تبين بالضبط

مثلاا عندج هوايه نميها مثل السباحه او التصوير

 

[اخت واختها]

ع فكره انا ليش رديت عليها هالرد

لاني قبل هالمره قريت لها كذا رد في قسم الانتخابات وهذا واحد من ردودها

http://www.q8yat.com/t1006802.html#post29142103

دايما تستفز بردودها

واللي مومصدقني يروح يشوف ملفها وردودها


الكويت حلوه في بردهاوحرها حلوه

استفزاز

خصلتي كلامج ؟

يا قلبي ويهج

هذا الاستفزاز مو لما ادافع عن شخص انا مقتنعه فيه تسمينه استفزاز

ويلا صج عاد قلبي ويهج انت واشكالج

 

[ترانيم القصيم]

أنا ما راح أتطنزّ عليك ,, أبنصحك نصيحة تفيدك بدنياك و آخرتك

لامنك طفشتِ .. اقري قرآن ,, صلي ,, استغفري ,, اسمعي قرآن ,, اطلبي من الله عز و جل تيسير الأمور

باختصار .. تقربي من الله عز و جل , لأنك لن تجدي الأنس و السعادة ( إلا بقربـه )