يعجبني ...:)

[وفـــا]

يعجبني الشباب الواعي والمتفتح على دينه واكثر شي يعجبني منظر الشباب وهم يتوضون بيروحون المسجد

تعجبني البنت المحتشمه حتى بمشيتها ..

تعجبني العوايل الي ما تخلي المهملات وراهم في الاماكن العامه ..

يعجبني طموح البنت الخليجيه بس لا يتعدى حدود دينها

واخيرا يعجبني موضوعش وبقوه

وانا بعد

 

[لا انام]

يعجبني لما اشوف زوجي حبيبي داش علي وهو فرحان ويضحك لانه كل ما يدش علي اشوفه متضايق من اهله حسبي الله عليهم
يعجبني لما اشوف انسان يشتغل ويجتهد على شان يوصل لهدفه

 

[(كويتيه عسل)]

يعجبني قسمي بالدوام ماشالله على قلب واحد ويخافون ربهم ولا يحشون
وعسى ربي لايفقرقهم ويتمم عليهم :gathering:

رئيسة قسمي موبس تعجبني امووووووووووت فيها

اهيا اللي لامه وميمعه القسم ومخليتهم قلب واحد وايد وحده لومهما تسوين لها يبين في عينها

يعجبني باسكن روبنس

لو يحصلي كل يوم آكل منه بس اخاف استمرض :krkrkr:

يعجبني كاكاو كيندار يمي يمي

يعجبني الجو الشتوي البااااااااااااارد والمطر واللبس الشتوي

تعجبني الكويتيه اللي تحب ديرتها وتمثل ديرتها أحسن تمثيل بكل المحافل والمجالات

 

[shayom al-q]

يعجبني
الشاب المحترم الي يخاف على حريم ديرته ويوقف معاهم بالمواقف الصعبه من غير اي مقابل
تعجبني
البنت الواثقه من نفسها وتحافظ على عمرها وما تقلد اي شي لانها واثقه من نفسها
يعجبني
​

الموظف والموظفه المهتمين بشغلهم ويعطون من كل قلبهم ونفسهم حلوه صج صج صج عليهم بالعافيه معاشهم

 

[تنـــاســـانــي]

يعجبني موضوعج ،،

يعجبني الشباب الهادف ،، اللي يخاف على مستقبله ،، و اللي يفكر صح ،،

يعجبني الشباب اللي يخاف من الله ،، و اللي يصلي و عالم بامور دينه (( ما اقصد المطاوعه بس ))

يعجبني البنت المؤدبه ،، اللي تخاف من ربها ،،

يعجبني الاب الحنون اللي همه بهالدنيا سعادة عياله

يعجبني اشياء وايد ،، لي عوده بموضوعج لان بروح بروح ارتب داري

 

[منانا]

تعجبني ردووودكم العسل يا عسل



يعجبني


منتدى كويتيات والقائمين عليه مشالله الله يعطييهم العاافيه بصراحه افتخر اني عضوة فيه واتمنى اكوون فعااله


يعجبني


لما ادش محل والقى الي يبيع فيه كويتي او كويتيه او حتى ما يبيع بس يكون موجوود مجاابل حلااله


يعجبني


السفر بس غير اوقاات العطلاات كل شي يصير روااااق


يعجبني


لما احس بفرحة النااس عقب ما يطق مطر ويخلص والشواارع والنااس مزااجهم حلو واحسهم مستانسين الله يديم علينا نعمته والونااسه يارب


يعجبني


لما اشوف مره كبيره طالعه مع عياالها مطلعيينها ومونسيينها ويخلوونها تغير جو مو شرط الكباار يقعدون بالبيت ينحبسوون خل يطلعون يغيرون جو


هذا مافي جعبتي الحين

 

[! بــدويه وآآيــد !]

،


تعجبني روحج المعنوويه وصرآآحتــج وحبج لـ مصلحة البنآآت ..~


يعجبنــي شبآب الديرهـْ المحترمين ألي يوقفون للـي سيآرتهآآ مبنشرهـْ ويكلمونهآ بـ كل أدب واحترآآم ..~


يعجبني ستآآيل الكويتي الذرب والكيوت وعدمْ تقليدهـْ لـ ابنآآء الشوآآرع بـ الغرب ( ابنآء الشوآرع = الإيمو وغيرهـْ )


يعجبني احتشآآم بنآتنآآ الي مآتخلوا عنه الـ بعض ..~


ولي عووودهـْ~ وكل عآم اونتي بخير حبيبتي لج وحشششششه ..~


،

 

[منانا]

حيااج الله حبيبتي ومشكووره على كلامج الذوق كل عام وانتي بخير

 

[منانا]

 

[a7la sho sho]

يعجبني

المواضيع اللى لها معنى وتحسسنا انه ديرتنا للحين بخير

يعجبني

الاب اللى يطلع مع عياله وتشوفه يلعبهم ويونسهم

>>>>> فاقده هالايام واحب اطالع العايله اللى جذي وادعيلهم

يعجبني

البنات اللى تشوفونهم يمشوون بحالهم واهم بوسط اللويه والحجي والمغازل ورافعين الجام


يعجبني

الشباب اللى لا شاف شي غلط بحق بنت ديرته يفزع لها ومارضى وعنده غاريه


يعجبني

منتديات كويتيات بكل ماتحمله المعنى​

 

[منانا]

مشكورره حبيبتي عالمشاااركة وفعلا انا ملاااحظة ان الغالبية فاقديين اللمه العاائليه وطلعاات الاهل ومهما كبرنا واسقليينا بانفسنا تبقى الطلعاات العاائلية لها طعم حتى لما تتزوج الوحده ويصير عندنا عياال هم تحب تكوون مع اهلها ترجع ايااام زمااان



يعجبني

الي يستاانس بالعيد ويحس بالعييد بقلبه وينقله للي حواليه مو يقعد يتحلطم ويقوول ليش العيد ماله طعم وليش صرنا ما نستاانس بالاعياد ؟؟
الجواب ببساطه


لان العيد عند الغاالبية صار سوووق وحجوزاات مسرحياات وسفرااات وشاليهاات و و و ففقد معنااه انشغلنا بالكماليات والامور السطحيه ونسينا المضمون وجوهر العيد موجوود بقلووب البعض ...

 

[منانا]

 

[~ miss NERD ~]

يعجبني لما أطلع و يمرون يمنا شباب ما يقطون تعليق ماصخ
يعجبني لما أكون داشه عــ المسن و بنت خالتي موجوده
يعجبني لما اكلم احد بــ اسلوبي و ما يحتقرني عليه .. لأن وايد ناس مو عاجبهم اسلوبي =<

الله يعطيج العافيه عــ الموضوع

 

[قـہۈه فـرنسيـہ™]

تسلمييييييييين ,,,موضوووع روعه ,,,
أنا يعجبني :لما أشوووف صبيان مراهقين دااشين المسجد..
وأشيااء واجد ,,,

 

[منانا]

اشكركم على مشااركااتكم اثريتو الموضووع يا عسل

شنو يعجبكم بعد؟؟


يعجبني

لما اشووف البناات يسووقوون عدل بالشاارع واايد اتضاايق لما وحده تلف علي وشوي وتلزقني بالرصيف وتسوي روحها ما سوت شي


تعجبني

الوحده الي تكون عاليسار ووتشوف سياره تتركلها وتوخر لان واايد يصدف عندي حالات طارئه مودية احد المستشفى او احد طاريء ويعاندون جنه الشارع مكتوب باسمها واذا وخرت بينقص شي منها


تعجبني


البنت الي تكون مثال يقتدى به بالادب والاخلاق والاسلوب الحلو بالتعامل مع الاخرين وما تعجبني البنت الوقحه الي تتكلم بصوت عالي وما عندها حدود وقواعد في الحوار مع الاخرين حتى لو في ميانه بس في حدود

 

[shai5at al3arab]

يعجبني لما اشوف العيال يحبون راس امهم بدخلتهم وبطلعتهم ..

يعجبني لما ادش مصلى اي مجمع والاقيه مفول والكل هد التسوق وراح يصلي ..

يعجبني لما اشوف ابو مخصص وقته حق عياله ومطلعهم ..

ولي تذكرت شغلات تعجبني برد اكتبها ان شا الله

موضوعج مميز

 

[الصعيريه]

تسلميين يالغلاا عالطرح الرووووعه...

يعجبني
لما اشوووف المساجد متروووسه شباب حزت الصلوات...

يعجبني
لما اشوف البنات محتشميين بلبسهم ومظهرهم سواء متحجبه ولا لأ...

يعجبني
لما الرجاال يحترم زوجته ويبتعد عن الخيانه

يعجبني
لما اشوف الزوجه صاينه ومحترمه زوجها بحضوره وغيابه

يعجبني
لما اشوف الوحده سواء متزوجه ولالأ تحترم اخوانها وماتكسر كلمتهم ..

وان شاءالله لي عووده ....

 

[mamanoonaa]

يعجبني منظر الزحمه بره المسايد وخاصه اذا شفت سيايير شبابيه
يعجبني منظر الولد لما يبوس ايد ابوه وراسه ويكون له السند
امممممممممممم وكل شي اذكرو البنات
وسلامتكم

 

[so_what]

يعجبني لما اشوف وحده لابسه لبس محتشم وعلى الموضه وبدون ميكب او ميكب خفيف ، يعجبني الانسان اليي دايما حاط في باله ان الله يشوفه ، يعجبني لما الوحده تقعد وتسولف ما تحش بأحد ! يعجبني لما الانسان يخش لو 20 دينار من معاشه و يسويها بأعمال الخير

 

[منانا]

اشكركم مشااركااتكم كلها عجبتني وخصوصا انها دلت على طيب اصلكم ورووحكم الحلوة


تعجبني هذه الكلمات


الحزن هو أن ألتقيك في زحمة العمر,,,, وأنسج معك أجمل حكاية حب ,,,, نعيش تفاصيلها وطقوسها ,,,, ونحلم بغد أفضل ,,,, ثم تنتهي الحكاية بمأساه ,,,