يطلب مني فلوس بالهبل نص معاشي له وان طلب منه يقولي ..................................

[المستبــده]

اهو صح مافي فرق بين المره والريال وعادي تعطينه ((لا احتاج))
بس ريلج ياخذ ما يعطي
والله لو ياخذ ولمن تخلص فلووسج يعطيج مو مشكله
لكن يعطيج 5 !!
اختي انتي غلطانه المفروض من اول شي تبينين له انج ممكن تعطينه لا احتااااج مو من اول ما ينزل المعاش خذا منج
والله ما اشيشج لكن انتي تقولين تشوفين بوكه متروس وما يعطي
يعني اهو مو بحاجة اللي ياخذه منج
بس لانه تعود ياخذ منج والحين بتتعبين على ما تعودينه ما يااخذ
ربي يعينج

 

[q8sweet]

ديري بالج تعطينه

خيولي مع احترامي لج

الرياييل خمير فلوس

حقرية خل يزعل لين ينسى لا تعطينه نصيحة

 

[حشمه]

والله مادري شقولج

ودي اقولج لاتعطيني بس يمكن تزيد المشاكل بينكم

او اقولج اعطيه وانتي تتحسفين وتحرقين بنفسج

فلوسج وكله له وفوق هذا تدفعين ديونه ولو طلبتي

مايعطيج شي حر والله

جربي فتحي حساب وحولي كل شهر الفلوس

ولو يبي منج قولي له تبي ادقع لى حسابي مافيه

 

[kekat kakaw]

استغفر الله شنو هالزمن اللي الرياييل يعتمدون عل الحريم


الله يعين حبيبتي .. ماعندي شي اقوله لج غير جذي

 

[ام علاوي وعزوز]

حبيبتي الغلطة منج
ليش تعطينه ويييييه
انتي مو ملزوممممممة تصرفين عليه ولا بدينار
اهو ريااااااال واذا احتاج كيفة ادبر نفسة لا تقولين ريلي وبساعدة
وانتي اذا احتجتي منو اساعدج
بالعكس اهو لازم يعطيج حتى لو انتي موظفه ويمشيلج معاش لا تنسين الاعانه الزوجية اللي ياكلونها عنا واحنا ساكتين علبو عندنا معاشات
ارد واقول لا الشرع ولا القانون يجبرج انج تصرفين عليه ( واذا مو مصدقه سألي ناس تفهم بالقانون والشرع )

 

[كوارين]

خلاص قوليله انت ملزوم تصرف علي ولا تاعطينه ولا فلس

 

[رومنطقيه]

حياتي مابي ازعلك ولكن كفااااايه انك ماخذتله قرض المفروض مايطلب منك شي نهائي ويكتفي بالقرض واذا حصل وطلب مايتجاوز 100
دينار ومو دايما بعد ولكن كاله من غير بواب ولاحمد ولاشكورا هذي يبيلها حزم بالموضوع ولكن من غير مايحس انك اتخذت قرارك بالتدريج اليوم ماعندي الا هالكثر والشهر اللي بعده سلفت امي او اختي اللي يكون واللي بعده تعطينه اقل من قبل وهكذا ترى هذا معاشك وعرق جبينك على قولتهم وماله اي فضل فيه صج كلنا نتعاون مع ازواجنا ونعطيهم اذا احتاجوا بس موبالطريقه هذي ولادايما وانتي ماقصرتي ماخذه قرض
علشانه حتى لويزعل ماعليك منه لانه عارف نقطة ضعفك ومستغلها لان زعله مو على حق اسفه يمكن زعلتك ولكن صدقيني من كثر ماانا حاسه بمعاناتك وزوجك مستغل عطاك له ويحاسبك على الفلس اذا احتجتي الله يهديه لك ويسخر قلبه ويرزقه القناعه

 

[alhabibah]

الله يعينج
اناا من راي ما تعطينه دام الفرق 100 دينار وانتي اساسا ماخذه قرض علشان ديونه
اختي وفري فلوسج ماتدرين شنو خاشتلج الايام دشي جمعيات فتحي حساب توفير المهم يكون عندج التزامات بمصلحتج على الاقل الفلوس بترد لج بالنهايه من غير مذله واعذريني بس طفارتي الرياييل اللي من هالنوع

أوافقها.الله يعينج

 

[3eemeeya]

انا اقولج عساه زعل مارضي شالرياييل اسمحيلي هذي فلوسج من حقج وتعبج واهو ياخذ نج وياليت ياخذ شويه او مايطلب اهو بعين قويه يطلب وكل شهر وانتي الفلس ليج بالحسره انا اقولج لاتعطينه ولافلس خليه يتصرف بكيفه ووفريلج بروحج وماله داعي تقوليله ان عندج فلوس ماتدرين باجر شيصير هالناس مامنهم امان تري
اي والله هذا الي ناقص على شنو يسمونه عيل رياييل هم احنا نتعب ونحمل ونولد ولازم نسمع كلامهم وهم نصرف عليهم مايصيييير
ولايبببببه cherry kisses اتزوجي والله يرزقج بريل مثل مارزق غيرج ريال وكفو في وايد رياييل مايرضون حريمهم يدفعون فلس واحد

 

[الاخلاص]

الرجال الي مو محتاج وياخذ من مرته مو رجال شيبي من فلوسج مو كافي القرض يحمد ربه

 

[منورة الكويتية]

امبيه ريللج مو صج!!
الحين فوق شينه قواة عينه@@
اسمحيلي انا حدي حدي منقهرة ومييييييييييييييييتة من القهرر
شنو هذا ياخذ منج بالاميات ويمن عليج@@
انتي غلطانة وستين غلطانة
مفروض ماتعطينه ولا فلسسس دام هذي سواياه
وخل يزعل من الحين لين يشبع
انتي مو ملزووووومة فيه

 

[@شمس الضحى@]

انا اقول عطيه كل معاشج احسن ؟؟؟؟؟؟؟؟؟؟؟؟؟؟؟؟


انا ما ابي اشيشج على ريلج بس والله مو لصاااااالحج


وعامليه مثل مايعاملج .. واذا طلب منج ثاني مره قوليه اول شي شتبي فيهم ؟؟؟؟؟؟؟

مالك حاااجه ؟؟؟؟؟؟؟؟؟ انت تلعب فيهم وتخربط ؟؟؟؟؟؟؟؟؟ وعطي خمس دنانير او عشره

وغيرهم والله ما اقدر محتاجه فلوسي لشغلات اهم ..

يزعل ؟؟؟؟؟؟؟؟ عادي خل يزعل شنو بتموتين اذا زعل

بوكه متروووس عشرات وعشرينات ويستخسرهم فيج .. يعني انتي ماتسوين الا خمس او سبع دنانير بنظره .. واهو بنظرج يسوى

اميات ؟؟؟؟؟؟؟؟؟؟؟

وعلى فكره مهما اهو حب ياخذ منج .. صدقيني اهو مايحب تصرفين علي ..

كل رياااااال بالدنيا يحب يحس برجووولته ويصرف على بيته واهل بيته ..

وشرعا من حقج انه يصرف عليج وعلى عيالج ويجيب لج خدامه هذا باشرع بديينه .. واذا تبين تعطينه هذا من طيبج ..

بس لا تزيدين الطيب ترى الرياييل مايستاهلون ماراح اقولج النص ؟؟ لا كلهم وكثر ماتعطينه ماراح يبين بعيونه

وكل رياااال حتى اللي عنده عزت نفس وشاف زوجته تعطييه بالاول بيتضايق وبعدين بيتعود على الطراره من مرته ..



واسفه اذا ردي ضايقج او ضايق احد

صح لسااااااااانج نفس الكلاااااااام الي كنت بقوله:ggdw::ggdw::ggdw:

 

[RaAaRy]

حبيبتي أهو شنو دوره كرجل إذا انتي تصرفين عليه ؟؟؟؟

شوارب عالطل ، ورياييل آخر زمن اللي يمدون إيدهم حق الحريم !!!!

تبين الصج الغلطة الأولى والأخيرة عليج إنج فتحتي له المجال من الأول ، ولا شكو تدفعين له 300 و 400

باردة مبردة من غير ما تعرفين وين راحوا ؟؟؟؟؟؟

يا ليت يعوضج خير ، باجر يجمع هالفلوس من وراج ويحط عليج ثانية و يدفع مهرها من فلوسج ، بذمتج

تحترين ولا لأ ؟؟؟؟؟؟؟؟؟؟

لا يا بعد قلبي فتحي عينج وقلبج زين ورديه مرتين وثلاث وأربع ، وإذا قالج انتي تمنين علي قولي له من حقي

شوف آنا شنو أدفع لك وانت شنو تعطيني بالمقابل !!!!

ولا تساحلينه ولا تراضينه خليه على هواه ، متى ما رد رد .......

آنا ما أشيشج عليه بس اللي قاعد يصير مو طبيعي ، آنا أهلي درسوني وحطوا الوظيفة بيدي عشان أصرف

على ريال غامض ، ماني ملزومة ..........

هالفلوس اللي تدفعينها له انتي أولى فيها ، وخلي بوزه يوصل الشارع ، لو فلوسج بجيبج ماراح تحتاجين منه

حتى 100 فلس حق ماي صحة ، مو تطلبين منه ويعطيج دنانير وأرباع وأنصاص ...........

حتى مصروف بيت منتي مجبورة تدفعين ، هذي من التزاماته ( المصروف والإيجار والخدامة ) كلها أهو اللي

لازم يدفعها لا تصيرين كريمة زيادة عن اللزوم ترى يستغفلج !!!!!!!!!! ​

انا معاها ما شالله كلامها عين العقل :tek:

 

[مدندنه]

ياريت تشوفين هالموضوع :

(اضغط)
جعاصة رجل ... وكرم امرأة .. عندما تقوم المرأة بواجب الرجل في النفقة !!

 

[اهواك بلا امل]

والله ريايل هالوقت استخفو وقعدوا صج صج لله يعينج

 

[Q8ia_100%]

اللي مثل هذا ما ينعطى
خليه يولي
وال 250 دخليهم بحساب ثاني لج
هذا ما تضمنينه باجر ياخذ عليج على بو انه يبي عيال
بس عسى الله يرزقج اعيال يترسون بيتج
وهم لا تعطينه لانه بخيل عليج

 

[اجوان]

اصلا لا تساحلينه ولا شي

قوليها اشكره ماراح اعطيك

واهو شسوي بهالفلوس وانتي اخر الشهر تتنتفين

لآلآ الغلط منج انج عودتيه ان ياخذ منج


ادعي ربج

 

[om-HaSsoOon]

خل يزعل مرده بيرد لي لان يبي فلوس

انتي عودتيه من البدايه وهذا غلط المفروض الريال مهما صار ماياخذ من مرته فلوس صراحه الا للضروره القصوى

مو بكل معاش ياخذ شنو حلاو ؟

خل يزعل انتي ماقلتي له الا الصج ، فلوسج وكيفج عاد تفسفسينهم بملابس والا سوق هذا حلالج انتي ، ويتكلم عن المنه وهو بروحه معطيج خمس دنانير بالغصب ! طالع من يتكلم عن المنه عفيه مايشوف روحه بالاول

قولي له لو بالمنه جان ماطلع مني ولا فلس والا جان عطيتك خمسه مثل ماتسوي انت

 

[FANTAST!K]

شحقه تعطينه فلوس ؟

 

[الفراولـه]

وي شهالسالفه هذي بعد ؟؟؟
شنو انتي تعطينه لايكون انتي الريال ؟؟
لاااااااازم تعرفين وييين يصرف الفلوس لايلعب من وراج ترى ديري بالج