يصير ولا مايصير؟!

[B7rainia]

السلام عليكم

مابدش في التفاصيل من البداية

بس اوووول شي قولولي في حب من اول نظرة ولا مافي؟ يصير احد يحب احد بدون مايعرف اسمه حتى؟!

 

[هنووفوو]

والله ماعرف احد حب من اول نظره


بس قاريه قصص واقعيه xd
عن الحب من اول نظره

 

[granted]

لا مااعتقد هذا بس بالافلام والقصص

 

[B7rainia]

وينكم بنات ابي اسمع آراء اكثر بعد

 

[بندووشه المطيري]

ممكن يكون أعجآب

بس مو حب عآد

 

[دلوعه ززوجي]

ههههههههه عادي انا قبل احب ولد جيرانه من اول نظره ههههههه مراهقه وتعدي

 

[حنان الحربيه]

ايه يصير

 

[frozntouch]

شوفي اعجاب تصير وااايد

بس سالفه حب من اول نظره

ماعندي فكره والله بس اومن فيه

واتوقع هالشي نادر كلش الا اذ تلاقت الروحين <<< الله ع الكلام

 

[قمر بيت أبوها]

ممكن تكون موجوده بس بهالزمن بصرآآآحه ماأتوقع ممكن أعجاب هيبه بس حب مره وحده لا
الحب اللي من اول نبض مو نظره حب الوالدين
غيره اي حب بالدنيا مايكون من نظره يكون من مواقف وتجارب

 

[مهندسة الابيات]

حب من اول نظرة يمكن بس بالمقابل راح يكون حب من طرف واحد وهذا رايي

 

[سفييره الكويت]

ماعترف بحب اول نظره بس اعترف بتبادل الاعجاب بينهم للي ممكن بعدها يتحول لحب

 

[غلاى الغويليه]

امممم لا بالعقل مافى احد يحب من اول مررره قوويه هذى بس قصص

 

[صديقت قوقل]

اب
اب

 

[دلع العتبان]

يصير حب من اول نظره عادي بس المشكله محد يقدر مثلا الحب بهزمن من وجهه نظري


الله يكفيج الحب وبلاويه هههههههههه

 

[لحظآتَ]

سبحان الله
هذي كيميائية الجسم
هرمونات وشغلات تُفرز تخليج ترتاحين لبعض الأوادم !

يجوز حب من اول نظرة من يدري !
بس الأفضل تغضين البصر ..
زمن الحُب ولّى وراح

 

[MayOumii~]

لووول فيه اعجآب في ارتيآح بس حب مرة وحدة صعبة !
بس مو شرط يكون ذكر ممكن تكون انثى..
وفي حديث للرسول صلى الله عليه وسلم
" الأَرْوَاحُ جُنُودٌ مُجَنَّدَةٌ فَمَا تَعَارَفَ مِنْهَا ائْتَلَفَ وَمَا تَنَاكَرَ مِنْهَا اخْتَلَفَ . "

يعني ممكن ترتاحين للشخص فتحبينه وممكن تحسين ان مدري شلون فمآ تفضلين تقعدين معاه

 

[cute lulu]

سبحان الله
هذي كيميائية الجسم
هرمونات وشغلات تُفرز تخليج ترتاحين لبعض الأوادم !

يجوز حب من اول نظرة من يدري !
بس الأفضل تغضين البصر ..
زمن الحُب ولّى وراح

:rerrerek::rerrerek::rerrerek:

 

[B7rainia]

شكرررررررررررا بنات ماتوقعت هالتفاعل مع الموضوع

اغلبكم قالو مافي حب ممكن اعجاب

انزين احين نيي حق قصتي هع

بنات ترى انا وانا بكتب ترى حدددده من صجي مب قاعدة اتغشمر اوكي؟

انا الله يسلمكم وبكل صراحه احس اني احب واحد ماعرف شي عنه

بس قسسسسسم بالله في شي مب طبيعي

عنبووو شهالاعجاب الي صارله سنة

بقولكم من البداية انا كنت في الجامعه حزتها قبل سنه بالضبط يعني عمري كان 22 كنت ادرس في كوفي شوب يم بيتنا مابسوي دعاية هع بدون ذكر اسماء لاتقولون رايحه تغازلين ترى انا غيرررررررررررررر والله بس مادري ليش هلون صار جفته هناك في يوم ماعرف اقدر الاعمار بس اكبر مني بوايد ضحك لي انا الغبية مادري ليش عبالي مب عربي قمت وضحكت له مع ان والللللللله مو من طبعي ضحكتي كانت ع اساس جايفه اجنبي وحلو واكبر مني بواايد فهمتو؟ خخ عقب شوي كلم الي يشتغل حق يضبطله الليت ذاك مافهم فوقف ع الكرسي وعدله وهو فوق كان يطالعني ويبتسم انا من هاللحظه حبيييييييييييييته دش قلبي

عقبها تميت كله اجوفه بس نظرات لمده شهرين او ثلاثه نفس الحاله بس نظرات بشكل شبه يومي كل واحد في حاله بس انا من صوبي حب والله من صوبه مادري بس احساسي يقول نفس الحاله بس اكيد مب لدرجه الي انا فيه خخخخ اعترف اني مب طبيعيه

بعدين الاجازه شهر تقريبا او شهر وشوي

بعدين رحت هناك يوم فتحت الجامعه قلت لاااا مابجوفه رحت الا هو هنااااااااااااااااااااااك تعرفون شسوا غير مكانه يه يمي واللللللللللله وكان معاه رفيجه اشكره قاله بعدين الحلو اختفى ماكنت اجوف غير الرفيج وكان الرفيج من يجوفني يتصل ويسوي حركات يعني حركات الصبيان البايخه طنشت

بعدين تطورت السالفه لين صار الرفيج يلاحقني لي سيارتي وهو في التلفون يتحجى وانا مااااادري شسالفه

عقبها بفترررررررررررررررررره يه الي احبه بناااااات ماتوقعت كلش تدودهت سويت روحي ماجوفه خخخخخخخ بس التفت طالعني قاااال شي مادري شنووووووو يمكن هاي او هلوو شي جذي انا حزتها ماعرفت شسوي ابتسمت وجابلت الاوراق يعني عطيته ظهري اليوم الي عقبه جفته بدل طاولته عشاني جابلني بس ماتحجى انا كنت متوقعه يبادر بس ماصار يمكن لاني مارديت عليه

وبسسسسسس ذي آخررررر يوم اجوفه فيه

عقبها صرت ماروح اصلا اخاف اروح بس رحت مرة سألت الهندي عنه بالغصب عرفه قالي اكيد بيي وكان مايعرف عنه ولا شي!

ميته ابي اعرف معلومات عنه بس مايصير مافي طريقه انا اصلا مب جريئة وحتى لو كنت جريئة شلوووووووون بيصير

قهر واللللللله اكيد بيتهم جريب لانه يروح نفس المكان ع طول انا حتى سيارته وشغله ماعرفهم هو يعرف سيارتي وتخصصي والله اعلم شنو بعد

انا مب مراهقة ولا خفيفة انا اصلا مستغربة من روحي ليش جذي اسوي تصدقون ساعات ازف روحي اقول خليه يولي يعني احتمال ناسيني كلششش ومابينا شي بس ارد مرة ثانية نفس الشي لانه والله احسه مثلي واللللللله هو غير هو مب مثل الباقي

اعرف معظم الردود بتكون متشابهه ماعندج سالفه وتركيه عن

ترى بنات السالفه مب بيدي احس روحي مسحورة جوفو شقد طافت مدة افكر فيه على طووووووووووووووووول احس يكفيني من بعيد بس وحشني ماقدر اوصله

انا من النوع الي ماعطي ويه حق الي يغازلون بس ذي غير اصلا اذا يات عيني في عينه استغفر الله كنت احس عاااادي! مادري انا ينيت ولا شسالفتي

بقولكم شي يخرررررع تعرفون في البحرين عقب السوالف صار في وايد فعاليات انا في يوم قعدت من الرقاد مب من زمان يعني توووه يعني عقب ماجفتهم بشهووووووووور قسم بالله من الصبح اقول بجوفه او بجوف رفيجه اليوم حتى في الطريج قلت بجوف رفيجه خلاص مب هووو رحت هناك قلت في هالبراحه بالذات بجوف رفيجه بناااااااااااات تعرفون جفت رفيجه هناك عقب جم دقيقه!!!!!!!

ليش جذي يصيرلي والله يعني ابي يروح من بالي احاول اشغل نفسي بناس ثانيين مافي فايدة كل تفكيري فيه

علاقه حلوه انها من بعيد بس تعبت بتقولون غلط ومحد قالج تغازلين بس انا ماكنت متوقعة

انا ابي افهم شقاعد يصير هل انا طبيعيه ولا لا ؟ هل هو مثلي ولا لا؟

متى بحسه ماضي؟! وهل بجوفه في مكان؟ انا متأكدة من داخلي بجوفه وبكلمه بس شلون ومتى مااااادري

انا على فكرن لو وحدة تقولي هالسالفه انها سالفتها بقولها ماتستحين بس انحطيت في الموقف احس ان انا مب انا في هالسالفة

شالحل شلون اوصله؟! مافي ولا رابط وهاي غير اني خايفة  ساعدوووووني لاتطنشون الموضوع

 

[Tom ♥ Jerry]

.


شوفي الحب من اول نظره ما يسمى " حب " يسمى " اعجاب " !
بس اكيد اذا تعرفني على هالشخص و قعدتي وياه
و سولفتي و عرفتي شخصيته اكثر و آكثر راح يتحول الاعجاب الى حب : )

 

[عـيّــآره]

:33_1185028183:يصير ​