يصير خريجة حقوق تحول معلمه ؟؟؟ ابي خبراتكم ورايكم ....

[Zaina-al-zaina]

​

السلام عليكم حبووبااات

ادري في وايد منكم مايدون الفكره !

بس بسالكم ايصير طالبة حقوق تحول الى معلمه ؟؟؟

وشنو الشروط وشنو راح تدرس ؟؟؟


نبي رايكم وخبراتكم ؟؟؟

 

[Winter Q8]

و الله حرام ..
حقوق شهادة و منصب و برستيج تصيرين مدرسة ..
احنا المدرسات نتمنى أي شهادة غير التربية علشان نطلع من الوزارة بكبرها ..
انا مرات افكر لو أرد أعيد الثانوية و أدش كلية غير التربية بس اللي مانعني ظروفي الشخصية ..
فكري عدل و لا تضيعين مستقبلج ..

 

[Zaina-al-zaina]

حبوبه

انا زميلتي بالعمل طرحت هالموضوع
وودها بمزايا التدريس ...

واشوف اللي قالته صح خصوصا الامهات !
اللي تحتاج شوي فجه تقعد مع عيالها خصوصا
اذا عطلوا تظل اهيا مداووومه !! فالتدريس شوي ارحم
هذا غير المزايا الماليه وان المدرسة غالبا بنفس المنطقه !


الله يهديها ويهدينا كلنا للاحسن ويوفق الجميع !
ويبارك للكل في وظايفهم !

 

[iLLuMinaTion]

خوش موضوع

 

[الباسمه]

حبيبتي لاتفكرين
الحين الحقوق حطو لهم كادر واختارو الوزاره الاريح الي مايكون فيها شغل
اما تحولين مدرسه راح تتعبين خصوصا انج تعرفين الحقوق ومطالبها نفسيا ماراح ترتاحين لان المدرسات مظلومين حيل وضغط نفسي عليهم من هالناظرات والوكيلات

 

[Winter Q8]

حبوبه

انا زميلتي بالعمل طرحت هالموضوع
وودها بمزايا التدريس ...

واشوف اللي قالته صح خصوصا الامهات !
اللي تحتاج شوي فجه تقعد مع عيالها خصوصا
اذا عطلوا تظل اهيا مداووومه !! فالتدريس شوي ارحم
هذا غير المزايا الماليه وان المدرسة غالبا بنفس المنطقه !


الله يهديها ويهدينا كلنا للاحسن ويوفق الجميع !
ويبارك للكل في وظايفهم !

توقعين المدرسة لما ترد من المدرسة فيها حيل ادرس .. سألي اي مدرسة اذا تدرس عيالها بعد الظهر كلهم متكلين على المدرسين و المعاهد ..

اذا ردت من الدوام انتهي الدوام ما تفكر الا بوقتها مع عيالها تطلع و تستانس معاهم مو المدرسة اذا طلعت راحت المكتبة و لا التصوير و تحاتي تحضير باجر و لا درس و لا ورشة و بلاوي ما تخلص ..

و ترا العطلة و كل مالها و تقلص عطلتنا السنه اليايه شهرين بالضبط و ان شاءالله بعد جم سنه راح نصير حالنا حال كل الوزارات ..

و الراتب و الله العين محطوطه عليها و لا يغرج الزيادات ترا اغلبها للي درجاتهم عالية و حاليا ماراح نوصل لها الا بعد طلوع الروح و طبعا ماكو اعمال ممتازة حالنا حال باجي الوزارات.. و شرايج انا محافظة و مدرستي بمحافظة ثانية و السبب اني مرتاحة بمكاني و مايهمني الطريج .. الطريج ان كثر نص ساعه بس انا قاعدة 7 ساعات بمدرستي ..

قولي حق زميلتج انتي بنعمة و النعمة زوالة لا تفكر بالتربية معناته حكم مؤبد مع الاشغال الشاقة ..

 

[قهوه ساده]

سألت من سنه بالوزاره قالولي مايصير خريج الحقوق يدرس
وقالتلي ولا وحده حقوق راحت تدريس
البنيه تسأل اذا يصير او لا
صج معاكم حق انه التدريس تعب وحرام شهادة حقوق تروح اتدرس
والحقوق بالذات مايعرف قيمتها الا الي درس بهالكليه
بس اذا عندنا علم بالتحويل نفيدها

 

[ريشة بيضاء]

اتوقع صعبة 000بس تأكدي احسن

 

[Zaina-al-zaina]

تسلمون حبيباااتي

والله يهني كل وحده بوظيفتهاااا


وصاجين كل وظيفه لها تعبها

وعلى قولتكم صعبه بس السؤال زين

ناطره تفاعل اكثر بالموضوع

 

[سمو ذاااتي]

ليش من البدايه ماراحت تربيه !

الحقوق دراستها صعبه ومتعبه عانينا وشفنا الامرين فيها

التربيه كمهنه متعبه اكثر من وظيفتها كقانونيه

ماكو مجال او مهنه كلها مزايا ومافيه عيوب ولا تنسي المدرسه مجتمع حريم لاحبو حبو ولا اكرهو طلعو عينج والمدرسه تكون مرتاحه متي ماكانت ادارتهم زينه

كقانونيه مسؤولها واحد عكس المدرسه فوقها رئيسة قسم وموجهه وكيله وناظره
القانونيه تعاملها مع مراجعين وموظفين او محكمه المدرسه تتعامل مع جيل كل ماله اسوء واولياء امور بعضهم مايقدر ولا يحشم

المدرسات الله يعطيهم العافيه زياداتهم واجازتهم مستحقه وقليله بحقهم لانه مهنتهم مهنه شااقه

 

[lebanon night]

بظن انوا ممكن تكملي بالحقوق و تخلصي وتصيري معيدة و تحضري الماستر و عدين تدرسي بالجامعة وعندك تخصص الحقوق بالكويت جامعتين جامعة الكويت و كلية القانون الخاصة

او في شغلة انا سمعت لوحدة من اصحابنا الكويتية كانت عم تدرس حقوق بس صار معها ظرف وما كملت فدرست شريعة و صارت مدرسة تربية اسلامية
بالتوفيق

 

[قدوتي رسولي]

يعني خواتي مافي ولا وحده تفيدنا براي اكيد يصير ولا مايصير
جني مره قريت عن وحده حولت وبعد هالزيادات وقفوها لان الضغط زاد
طبعا هذا الي قريته ما ادري ولا متاكده من شي

 

[مغتربه1]

اذا يصير احتمال ادرس اسلامية , لأن خريجين الشريعة يشتغلون وكلا نيابة ويفتحون مكاتب محاماة . وأحتمال يقدر خريج القانون يشتغل

شغلتهم , كان في مطالبة بها الخصوص مادري وين وصلت.


أ

 

[الأميرة جوري]

لرفع

 

[قهوه ساده]

خريج الحقوق اذا صار معلم يدرس دستور مو اسلاميه
سألت بالتربيه قالولي مايصير قبل الزيادات وقبل كل شي انا سائله

 

[قدوتي رسولي]

يعني الحين بنات يصير
ولا مايصير
ولا يصير بس اسلاميه
ولا يصير بس دستور
علا ما اعتقد مافي دستور الحين مو جنه حطوه فتره وشالوه
ياليت وحده عندها الخبر الاكيد

 

[قدوتي رسولي]

خواتي مافي وحده تساعدني وترييييح قلبي تعبت من المحاتاه

 

[مستقله]

أنا مثلج ناطره احد يفيدنااااااا



اما ماده الدستور
امبلا اكو هالماده تُدَرَس ثنوي 12ادبي،،،،،،

 

[قهوه ساده]

في دستور
بس انا رحت التربيه والموظفه قالتلي مستحييييييل
محد قانون يدرس
بس انا ان شاء الله بروح الوزاره الاحد والا الاثنين واسأل احد مختص

 

[قهوه ساده]

بس انا
بس انا
شفيني معلقه
سامحوني سهرانه من امس