يصير ادرس بألمانيا ولا ما يصير ؟

[Hope Soon]

السلام عليكم ورحمة الله وبركاته

بنات الله يعافيكم انا الحين ادرس بمعهد كمبيوتر الي تابع للتعليم التطبيقي

بس يا بنات انا مفكرة عقب ما اخلص من دراستي واتوظف ... مفكرة ادرس في المانيا برمجة كمبيوتر هل يصير ولا لا ؟؟؟:eh_s(10)::eh_s(10):

لان اخاف يقولون ما يصير لان شهادتي وكل مراحلي الدراسية في الكويت فما يصير ادرس في المانيا برمجة كمبيوتر ولا لا ؟؟؟

افيدوووني الله يعافيكم

​

 

[دكتواره]

مادري والله يمكن يصير اتوقع اي اب للرفع

 

[Hope Soon]

تسلمين اختي دكتوراه جزاج الله خير على المشاركة والرفع

 

[قسوة الزمن]

درسي احسن لج يا حظج انا هلي ما يخلوني اسافر بروحي ادرس اهى

 

[سارونه الامورة]

اب اب اب

بالتوفيق​

 

[amal ksa]

يصير ان شاءالله
بس افضل لك بريطانيا اذا رحتي المانيا بتدرسين الغه الالمانيه
وبتوفيق

 

[توتا الكتكوته]

الله يوفقج​

 

[عادت ذكرياتي]

أتوقع يصير ليش لأ

 

[miss_whitemocha]

سألي فيها التعليم العالي​

 

[خليفة العظماء]

روحي التعليم العالي وشوفي شنو يقولون

 

[سحـورة]

ربي يوفقج و يسهل أمورج !
سواء ألمانيا أو بلد آخر ... المهم إنه العلم نوور و المعرفه طاقه
ياارب تحققين اللي ف بالج وتوصلين لـ مبتغاج عزيزتي

 

[Unusual]

ماعندي فكررة ،، بس ان شاءالله تقدرين تكملين وترجعي بلدك بأعلى الشهادات ..

ربنا يفتحها بوجهك ..

 

[عزتي مالها حد]

الخبر الاكيد عند التعليم العالي
استفسري منهم عن الجامعات المعترفه

وموفقة

 

[~..samar]

مآدري حبوبة بس أعتقد يصير لأن أخوي كآن بيدرس اهنآك بس ترآ لآزم تتعلمين ألمآني يعني الانجليزي مآ ينفع اهنآك والله يوفقج .. ..​

 

[روح مغليهاM]

روحي التعليم العالي وشوفي شنو يقولون

 

[شهد ~]

أب أب

أحسلج روحي بريطانيا ,
بالتوفيق

 

[*toot]

عادي حبيبتي يصير ماله شغل اذا ماخذه اغلب شهاداتج من لكويت!!

كاه وايد يسافرون يكملون بكلريوس وماستر ودكتوراه وناس تدرس الثنوية تكملها بره .. ماله شغل حبيبتي بس قبلها يدرسون لغة

تالي يبلشون بدراسة التخصص الي يبونه ..

بس عشان تطمنين وتاخذين المعلومات الموثوقة و الصح روحي التعليم العالي وسأليهم كل الي بخاطرج فيه

والله يوفقج ;*

 

[Hope Soon]

مشكورين بنات على مرورك الكريم وردودكم الرائعة

بصراحة حمستوني اسافر وادرس برة

وان شاء الله مثل ما قلتو اروح اسأل التعليم العالي احسن

 

[انا لها شمس]

ااااالله كريم الحين خلصي ونطري اسمج ينزل بهالديوان المليق
وبعد 5 سنييييين شوفي يخلونج تطلعين تفرغ دراسي ولالا

بس شدعوووه هالنقزه المانيا عاد ..

بس تتوظفين تنسين السفره

 

[*الهنوف*]

لوتحطين موضوعج بقسم التعليم يمكن البنات يفيدونج لان اغلبهم جامعيات ويمكم ماره عليهم هالامور
ردي نسخيه هناك