يصير احف ايد بنتي؟

[غـرامـي أنـت]

لا حرام صغيره

 

[G!RLooNa]

ما عليج لا تتنطرينها لما تبلغ حرام والله خصوصا البنات الحين من و اهما صغار يبون يهتمون بروحهم و تصرفاتهم سابقه عمرهم يعني انا الحين 21 ايام ماكنت 10-11 والله كنت اتاذى من الشعر واستحي البس لو جدام اهلي ورفيجاتي شي يطلع ايدي وريلي حرام والله حاسه ف بنتج قوليلها فلانه تبين اشيلج ايدج ؟؟ و اذا عالعوار و ما تتحمل اخذي المخدر السبراي اللي يرشونه حق اللاعبين لي تعوروا بالملعب يخدر المكان و املا وربعه ما يخدرون خواره

 

[MissChoco]

وليش تحفين لها؟؟ حرام توها صغيره شعرفها بالحف

 

[كويتيه مذهله 87]

لا حرام لا نير ولا شيره بعدها غيره اذا هالشي يسببلها احراج ويتطنزون عليها ممكن تشيلينه
بس حق حفله لا حرااام بعدها صغيره ع هالسوالف

 

[دمثة]

لا تشيلين لهااا راح يكثر لانها ما بلغت واذا ابلغت بيكثر اكثر


خليهاااا

 

[اليازيا2007]

لا تو الناس على شيل شعر يدها خليها تعيش طفولتها لاتدخلينها بسوالف الحف من الحين.........

بما انكم فتحتوا موضوع الحف حبيت اخذ رايكم في الحف من تحت وانتوا بكرامه...........

بنتي عمرها 11 وفيها بدا يطلع الشعر وتقولي شعر طويل وتوها مابلغت اشلون اخليها تشيله رفضت الشيره تقول تعور شنو

احسن شئ اخليها تستعمله الموس او الكريم او النير اكيد مرت عليكم هذي الازمه.........

 

[سلاسل ذهبيه]

توها صغيره لاتفطنينها ان شعرها وايد
واذا حفيتيهامره لازم كل شوي تحفينها

 

[Diva-Q8]

اذا مو بالغة انا ما أأيد تحف وانتي براحتج اذا معزمه مكينه احسن عشان مايعورها

 

[reham123]

البنات اللي قالو حرام ...مادري اذا اهي تبي وتحسينها متعقده شيليه جنه العيد وبعدين اليهال اللي بعمرها راح يطالعونها بنظره شيليه مرده بينشال

 

[ام @ضحاوي@]

لا مو بالغه
اليوم رحت سويت لها بالمكينه بيدها بس اشوووه ماعورها

 

[عنووشه]

حبيبتي الشيره تعور وهي صغيره

النير يسود المنطقه والتشقير يكثفه يخليه بزياده


احسن شي مكينه واستخدمي الحلق مو النتف

تخلي ايدها ناااااااااعمه ولا تعورها ولا تسبب لها اي مضاعفات

 

[جوري الكويت]

حرام صج انها صغيره و راح تتعور

بس الحين الزمن تغير

و يمكن تتاثر نفسيتها

اذا هي اللي قايله لج انها تبي تشيل شيلي لها و راح تتحمل الالم

و اذا كبرت الليزر موجود

 

[تخيل اعطيك وجه]

حبيبتي كريم احسن لها
نفس بنت اختي عمرها 11 ولو تشوفين ايدها يما حدها مشعرره ..

وشلنا لها بكريم

 

[آهات الليل]

احسها صغيره عالحف؟؟ الله يحفظها
ليش ماتشقرين ايدها؟

 

[بنت الاصيله]

تبين نصيحتي اشتري لها كريم مخدر وخليه عشر دقايق وبعدين شيليلها بالشيره ماتحس واحسن من الموس وهالخرابيط انا بنتي عمر بنتج وايد شعر بايدها وسويتلها مثل ما قلتلج ولأن الشيره مع المده تخف الشعر من الأيد وانشاء الله شوفيلها الأفضل

 

[Dalal.al3tibi]

انا اقول ماكينة ملاقط نفس نظافة الشيرة ويطول على مايطلع الشعر