يصير أغير البامبرز و الزوج موجود ؟؟؟؟؟ محيرني هالسؤال

[دنيا أبوها]

السلام عليكم ، شخباركم يا أحلى أمهات ؟
طبعا عرفتو السؤال من العنوان ....
دايما يخطر ببالي هالسؤال لأني حامل (بجرية )
يعني إذا بغير بامبرز البيبي إذا بنت يصير أبوها يشوف ولا لأ ؟
أحس هالسؤال حيل حيل مدوخني ، مرة أقول أكيد عادي أبوها بعد ،
ومرة أقول مو حلوة أغيرها و هو يشوف...

بنات أحس السؤال ماله داعي أو سخيف بس تحملوني عن جد دايما أفكر بهالشي ....
من واقع خبرتكم ، شرايكم؟؟؟؟؟؟؟؟
و يعطيكم ألف الف ألف عافية و عسى ربي يحقق لكل وحده اللي تبيه و تتمناه دنيا وآخرة .....

 

[ام ناصر 80]

عادي حبيبيتي وين المشكله

 

[miss swan]

اي عادي​

 

[دنيا أبوها]

مشكورين أم ناصر و مس سوان عالمرور
انا قصدي يصير يشوفها بدون ملابس يعني يصير أسبحها و هو موجود ....

 

[فاقده حنان ابوه]

عااادي حبوبه

 

[الدلع انا]

ايييي عادي هذي بيبي شنوو المشكله

 

[دنيا أبوها]

تسلمون خواتي : فاقدة حنان أبوه ، الدلع أنا
آنا ما عندي أي مشكلة بس أكثر من مرة أسمع حريم يقولون لا ما يصير وووو ....
فحبيت آخذ راي البنات في المنتدى ...

 

[منو انت]

اي ياقلبي خل يشوف واذا تبين خل يساعدج بعد علشان يحس بالمسؤليه شنو يعني بس بنتج بروحج

 

[شموسة كيوت]

عادي لانها بيبي اذا كبرت على 3 او 4سنين صح مو حلوة وعيييب اصلا

 

[A boss]

الى 4 سنين عادي

 

[الحسن الرقيق]

اناا اشوف انه لاا ما يصيررر ..
ماله داعـي .. يعني اذا تبينه يحس بالمسؤوليه ممكن يشربها حليب يلبسها هدومهاا مو يغير لها البامبرز اصلا اهوا ما راح يرضـى ..

 

[noynoy]

لاادي انا ريلي ساعات يغير لها و يسبحها معاي عمرها سنه و شهرين
لا يروح تفكيرج بعيد هذا ابوها
يمكن اذا صارت 3-4 سنين اقولج فشله
مو عشانه اهوا لا عشانه اهيا تتعود على الحيا و ان هالمكان محد يشوفه الا اهيا و ماما

 

[الأميرة جوري]

ليش يشوف ماله داعي الااذا بصدفه عادي...

 

[حلوه ولمآحه]

ههههههه كنج انا وانا حآآمل،
عادي بالبدايه اطلع من الغرفه واروح ابدل لها بغرفه ثانيه وبعدين مع اللويه صار عادي ،،
بس اذا كبرت عيب ،،~

 

[لولوة الكويتية]

اي عاادي حبيبتي لا تحاتين

 

[دانة بعين بحاري]

عادي مافيها شي خو ابوها واهي بيبي مو كبيره
ومثل ماقالت الاخت لي كبرت ايه مايصير عشان البنت نفسهها ماتتعود
وبعدين يصير عادي عندها تغير هدومها جدام احد*

 

[alhnan]

ما اخليه يشوف اصد شوي

 

[دنيا أبوها]

يعطيكم ألف ألف ألف عافية عالمرور و تسلمون حبايبي .....
إذا وحده عندها راي ثاني ياليت نعرفه .....*

 

[ام حمد 85]

ماادري انا اشوف انه عادي بعد ابوها بس اذا اكبرت عيب وحرام وفشله

 

[om al ghaleen]

حببيتي عادي انا اول شي مثلج كنت اخشها وابدل لها بغرفه ثانيه
عاد من ياخذها تكرمين يفصخها البامبرز ويقول خليها ترتاح من البامبرز
ويسويلها مساج بعد لوول
اهي بيبي وتفكيره انه بنته وبس
عاد اذا كبرت اهنيه اهو يقول لبنته عيب .. "

\\