يشهد الله اني مظلومه-تعالوا ساعدوني الله يفرج عليكم

[برنسيسة2007]

ولاااااا يهمك طنشيهم واذاااا زودوووو ف الكلااام عليكـ ووواجهيهم
اهم شي انك مبسوووووطة ف بيتك مع زوجك والباااااقين خليهم ع جنب
تدرين ليش يطلعووون ع كلام لانك انسااانة رزينة وعاااقلة وعقلك كبير
امااا الناااس ذولي فااااضين تااافهين ماعندهم شي
اللهـ يحفظكـ ويخليكـ دوووم مبسوووووطة
ادعيلي حياااتي انو اللهـ ينولي مرااادي ​

اسال الله العلي القدير انه ينولج مرادج بفضله وكرمه وجوده

جزاج الله خير يا الغلا علمشاركه

 

[شقاوةحلم]

انا مثلك ووصل الناس القريبه كلام اني قلت كذا وكذا
حاولت ابرر لقيت الناس تبي تصدق ..
تعرفين شسويت ...
طنشششششششششششتهم ولا بررت لاحد وعااادي جو يسلمون اللي افترو علي سلمت وبعد السلام حذفتهم بس سلام ولا كانهم موجودين حتى بالنظر ما اناظر لهم
وادعي ربي كثير بس يارب تستجيب
ادعي ربنا ربي اللهمني رشدي واكفني شر من ارادني بشر واجعل تدبيره تديمره ياحي ياقيوم
بالتوفيق

 

[غراوي]

بما ان طبعج مسالم وانتي عارفه ان التغاضي عن البشر من شيم ديننا الحنيف
خلج مثل ما انتي دامنج مرتاحه واللي ظلمج بس تحسبي عليه وانتي مومنه وربي بياخذ بحقج
واذا عالغيبه زادوج حسنات

صدقيني اللي عايشه انتي فيه احسن من مليون وحده غيرج ..همها بس المشاكل وارد علي فلانه واسكت علينا واحش بهذيج وتوصل المشاكل لبين العوايل ومقاطعات

انتي مسالمه ومعطيتهم طاف وحريم واجد ودهم يصيرون نفسج يعطون طاف بس موقادرين
لاتخربين صفو حياتج وصدقيني ماتكلمو فيج بالعاطل الا لانهم مالقو بالورد عيل

تحسبي عليهم وقولي اللهم اجعل كيد كل من اراد بي الشر بنحورهم

 

[بهبهانيه]

الشجره المثمره لازم ترمى بالحجاره
ناس مليون بالميه يغارون منج
الحل الطناش بيملون صدقيني
المهم بيتج وراحتج وريلج

 

[انتهت قصة هوانا]

السلام عليكم انا انسانه اولا احتاج من ينصحني ثانيا لاني دكتوره او مصلحه اجتماعيه او ماشابه بس تجارب الحياه لها دور اتمنى اجابتي لك تكون سبب لتغير نفسك الناس غايه لاتدرك يعني راح نتعب معاهم احلى شيء تسوينه بحياتك خليك على مانتي عليه طنشي وربي الطناش علاج للحالات المستعصيه خذيها نصيحه من اخت وطبقي وبتشوفين النتائج صدقيني

 

[انتهت قصة هوانا]

ياختي دامك مظلومه والله قد يشعرون كذلك بالظلم قد يكون الظلم الذي وقع عليك وقع عليهم كرارا لكن ثقتك بنفسك بانك لم تاذي ولاتظلمي انسان صدقيني راح يكون لك نصر من الله وزوجك واثقه انه يحبك يكفيك ولا مليون شخص يفرق بينكم ودائما ادعي اللهم الف بيني وبين قلبه واقاربك ليس جميعا يتمنو لكي الشر تاكدي من ذلك وازرعي الخير تحصديه وليس كل انسان يشعر بالظلم ويدافع عن نفسه مغرور والا غيران قاعده واتبعيها مادم واثقه من نفسك امشي وتقدمي وواثق الخطوه لايعثر ابدا

 

[دلع الدواسر]

عليج بالاستغفارر وبس

 

[Beyoncee]

وعليكم السلام
حبيبتي عندج حلين تحقرين وتطنشين
اواللى سمعتى منها كلام جارح ويأثر لا تسكتين عن حقج واواجها افشلها جدام امها او خواتها
واخليها تصير عبره
بس لا تتصرفين الا بمعرفة زوجج
سكوتج عطاهم مبرر انج ضعيفه وتمادوا خللى عندج موقف حاسم مو كل الامور تتطنش وينسكت عنها
الله يوفقج وينصرج على من ظلمج

 

[ktkoota90]

واااااضح انهم محترين منج طنشي وعطيهم طاااف وصدقيني راح ايي يوم ويعرفون انتي شنو
حبيبتي والله لا تنقهرين طااااف وترتاحين*

 

[الدنيا لحظه**]

والله اذا اهتميتي لهم بتموتين قهر وموت طنشيهم ياقلبي وعيشي ملكه رافعه راسج الله يخليلج زوجج ويقرب لج الناس الطيبه

 

[وسن الوجد]

اختي وسن الوجد اشكر مشاركة العطره

وجزاج الله خير عالنصايح الرائعه
ولكن عندي استفسار قلتي برري عن نفسج>>كيف ابرر عن نفسي ادق على صاحبة الموضوع واقولها وصلني انج قايله جذي وجذي ترا انا مو مثل منتي متصوره>>احس بعطيها مجال اتفسر وتزيد واوحط اكثر من اللي حطته
وكم وحده بدق عليها
والله تعبانه موعارفه وين الحل والتصرف انا حيل كشخه والبس ذهب والماس ومجتمعي ناس بسيطه قلت يمكن هذا السبب والله فكرت ماعاد البس واكشخ عشان افتك منهم

مَ سوينآا شي حبيبتي .. =)
امممم لما قصدت برري عَن نفسسج !
أكييد مو قَصدي تقولين لهَآ في طَريقة غِير مُباشرة
مثل لو تزورج على يوم جذي قولي لها بغير مبآششر
>> يَ ليت عآد فهمتـي عليّ p;

و إذا قصصدج إننهم حآآسدينج

- لا تنسين اذكآرج ( صبآح و مساء و النوم و بعد الصلاة وتقرين لو باليوم صفحة من القرآن )
و اهممم شي سسمي باسم الله اول ما تلبسين الذهب او اللبس

الله يعيينج على خخَلق الله و عليج بالدعاااااء

و الله ولي التوفيق

 

[عاشقة الاسلام]

حبيبتي كل الناس بطقاق وقطي كل شي وراه ظهرج اهم ما عليج رضي ربج وريلج
وصدقيني هذا من حرتهم منج ويحاولون يستفزونج لا تردين عليهم وكلي امرج لله
والله يحفظج منهم ويحفظ ريلج وبيتج لج ويبعد عيون الحساد عنج وعن حياتج
اللهم امين يارب العالمين

 

[بنات حواء2]

حبيبتي واضح من كلامج انج واثقه بنفسج و قنوعه بذاتج و القناعه كنز يا حياتي لايفنى
فانا اشوف انج الف الحمدلله مرتاحه بالقناعه الي عندج
لاكن الي متعبج هو التفاتج الى كلام الاخرين و هني احب اقولج ارضاء الناس غايه لاتدرك
لذلك ياحياتي لاتعبين نفسج بكلامهم خليهم يقولون الي بيقولونه بتبقين انتي انتي و بيبقى الي قالوه حجي لايودي و لا ييب و الحجي ابلاش
و الله يوفقج

 

[|| بنت السعودية]

اللهم صلي على محمد و آل محمد

 

[dalo0oa121]

حبيبتي الظالم بيجي يوم والله ينصره
والله يسر لج امورج ويصرف عنج كل شر اللهم امين

 

[برنسيسة2007]

مشكورين بنات
جزازكم الله الف خير
اسال الله العلي القدير للجميع
التوفيق والسعاده

 

[عادت ذكرياتي]

ادعي ورددي هالدعاء ((( اللهم من أراد بي سوءا فأشغله في نفسه واجعل كيده في نحره واجعل تدبيره تدميره )))