يخونها وتحبه صج غبيه؟؟؟؟؟؟؟؟؟؟؟؟؟؟؟

[anhaar77]

:hearting::hearting:قوه بنات اشلونكم هذي أول مشاركه لي في المنتدى
إلي جبرني اشارك رفيجتي الروح بالروح متزوجه من واحد يخونها من اول زواجه واحين لهم 11 سنه مع بعض ماتغير طبعه من وحده إلا وحده بس ها يقعد مع الوحده سنتين ليا اربع سنوات واهو يدري انها تدري واهي مادري اشفيها تتلقى الصدمات صج اول زواجها كل تزعل ويردها لين استسلمت اتحس انه يخونها وماتت مشاعرها ولو تسألينها اتحبينه اتقول موت وتقول عايشه معاه علشان اعيالها يحسون بوجود ابو في حياتهم لانه حيل طيب مع العيال ومع امه واخته ومع الناس كلها رمز للرجوله والطيبه إلا معاها مايقول حجي حلو مايطلعون مو رمنسي مره قالتله ليش انتى جاف قالها علشان ماتركبين علي تخيلو عاد اهي تقرى المسجات مع بينه وبين رفيجاته كل كلام حلوالاخ متفنن ومعاها سايلنت لما تكون مومتهاوشه معاه تمدحه وراضيه عنه تعالو شوفوها لما يكونون متهاوشين اتذمه ذم وتوصل مرحلة مادري تقولين الحين بيتفارقون بس ماشاء الله عليها صبر وعقل حسافه مومقدر هالشي حبيت اخذ نصايحكم لها وشنو تقدر اتسوي علشان تكسبه.
ومشكورين يالغاليات

 

[fr7ty]

رد : يخونها وتحبه صج غبيه؟؟؟؟؟؟؟؟؟؟؟؟؟؟؟

يعيشتن قشره..

الحب اعمى

وشتسوى تتصبر ولها الله

 

[غمامة حلم]

رد : يخونها وتحبه صج غبيه؟؟؟؟؟؟؟؟؟؟؟؟؟؟؟

وليش غبية ،ليش ماتكون صابرة على ابتلاء مثلاً
يعني حتى الصبر على الزوج له ثواب عند الله
واهي تدري إنه يفصخ عشيقاته مثل ما يفصخ نعاله واهي الثابته لأنه يبيها
وهذا طبع زوجها ومدام إنها ما عالجت هالطبع من أول وحاسبت زوجها مستحيل تجي الحين و تحاسبه وتزعل على خيانته حتى لو هددته بالطلاق بيترك جم يوم وبعدين يرد لطبعه
أصلاً الزوج إذا درى إن زوجته تدري بخيانته بيتمادى
أحسن شي الوحده ماتدري عن شي ولاتفتح على نفسها بيبان مسكرة ،التفتيش ومراقبة الزوج والتجسس ما لها فايدة إلا حرق الأعصاب والضغط النفسي والتعب ،إذا ماخاف من الله بتتوقعين بيخاف من خلق الله ،،توكل أمرها لله وتكمل حياتها عشان عيالها ترى مو سهلة يعيشون بدونه أو بعيد عنه..

 

[@ام ضاري@]

الله يعينها والله خلاص تعودت وماتبي الطلاق الحرمه
بينها وبين نفسها تقول كل يوم باجر راح يتغير
واهي عايشه وتصبر روحها مو عشانه لا عشان عيالها وعشره عمر 11 سنه
شتسوي يعني مالها الا الصبر والدعاء واكيد له يوم يمل من وضعه هذا ويهدي ربي لها ويعوض صبرها خير

 

[عاشقة_الجمال]

الله يعينها ويصبررررررها يا رب

ولها ثواب من الله

وخلاص لي فات الفووت ما ينفع الصووووووت

 

[_زينه_]

رفيجتج سنعه صابره عشان عيالها

مالها الا تدعيله الله يعيينها يارب

 

[a7la MUM]

رد : يخونها وتحبه صج غبيه؟؟؟؟؟؟؟؟؟؟؟؟؟؟؟

الله يهديه دايما جذي الزينه مالها حظ بس الاجر عندالله ان شاءالله

 

[حبيبتي إختي]

رد : يخونها وتحبه صج غبيه؟؟؟؟؟؟؟؟؟؟؟؟؟؟؟

الله يعينها 11 سنة وصابرة على المغثة والخيانة
الله يجزاها مقابل صبرها ويهديه لها ولبيته

 

[al-musk]

رد : يخونها وتحبه صج غبيه؟؟؟؟؟؟؟؟؟؟؟؟؟؟؟

الله يعينها ويهديه

 

[يارب نور حياتي]

رد : يخونها وتحبه صج غبيه؟؟؟؟؟؟؟؟؟؟؟؟؟؟؟

شتسوي
اتطلق مثلا
انا اقولكم
من خلال تجربتي
وتفكيري
تزوج
علي مرتين
صح خف حبه شوي
وهذا من صالحي
اقوم في بيتي من يجي البي كل طلباته مقابل رضى الله ثم عشان ما اهدم بيتي
باجر بناتي بيتزوجون
لازم امهم وابوهم مع بعض لوتسير مشكله او شي
الا لهم ضهر
والباجي بحله الله
ومحسنه الضن بالله انه يهديه

 

[al_jood]

ليش ينقال عنها غبيه ؟؟؟؟؟؟؟؟؟؟
بالعكس صابر ومحتسبة الاحر عند رب العباد وا شاءالله الله بيجزهاها خير على صبرها
من صبر نال

 

[انا مو هني]

رد : يخونها وتحبه صج غبيه؟؟؟؟؟؟؟؟؟؟؟؟؟؟؟

تبينها تنفصل عقب 11 سنه
اصلا مايصير تهدم بيتها لو تبي تتطلق جان تطلقت من اول مو الحين

 

[Al-RoRo77]

رد : يخونها وتحبه صج غبيه؟؟؟؟؟؟؟؟؟؟؟؟؟؟؟

الله يعينها ويهدي زوجها ويسخره لها ياااااااااااارب
فديتها والله "ذهبه" ولازم ريلها يقدر أقوى تضحيه ضحتها له واهيا: " الصبر على خياناته"ويعوضها
الله يهديه يارب

 

[عاشقة-الكفيل]

رد : يخونها وتحبه صج غبيه؟؟؟؟؟؟؟؟؟؟؟؟؟؟؟

ماشاء الله عليها الله معطيها الصبر .. والحكمه ..
شنو بتستفيد لو اتطلقت ..؟؟
عيالها بيتشتون - بتتبهذل فبيت اهلها اللي اكيد بيصفون ضدها - ابتنحكر لان المظلقه عندنا مثل الي طالعه من السجن المجتمع كله ضدها - الناس ابتتشمت فيها والاعداء بيفرحون - غير هذا الحين على الاقل يصرف عليها وحاطلها سكن .. لاتخسر هالاشياء حتى لو كان شين اهي عندها مميزات ماتبي تخسرها وبنفس الوقت ممكن بين ليله وضحاها الله يهدي هالريال ويصحيه من الضياع اللي اهو فيه .

 

[نور الكوثر]

لابد بيوم من الايام يعقل صدقيني مرده لمرته

 

[ام شووووق]

رد : يخونها وتحبه صج غبيه؟؟؟؟؟؟؟؟؟؟؟؟؟؟؟

اهي عارفه مهما يسوي مرده لبيته وعياله

يمكن هذا اللي مصبرها

 

[الأميرة جوري]

رد : يخونها وتحبه صج غبيه؟؟؟؟؟؟؟؟؟؟؟؟؟؟؟

الله يعينها ويمكن خلاص صار فيها تبلد تعودت عليه بس الله يكافيها شر الامراض

 

[شهوووودة]

رد : يخونها وتحبه صج غبيه؟؟؟؟؟؟؟؟؟؟؟؟؟؟؟

مسكينة الله ياجرها
يارب تعطيني من صبرها وتصلح احوالنا

 

[Sweet_CoFFe]

رد : يخونها وتحبه صج غبيه؟؟؟؟؟؟؟؟؟؟؟؟؟؟؟

ليش تقولين غبيه
يعني خانها آخر انسانه ريلها يخونها؟؟ فيه رياييل إتييهم نزوه ويخون فيها تلقين من ربعه يقصون عليه
ليش ما تصبر والصبر فيه خير لا تصيرون جذي يعني ريلها خانها تطلب الطلاق وماتبيه خلاص
هالحجي ماينقال والطلاق مو لعبه ترا
تصبر و تواجهه بالموضوع

 

[hooryah q8]

رد : يخونها وتحبه صج غبيه؟؟؟؟؟؟؟؟؟؟؟؟؟؟؟

الله يعينها ويصبر قلبها
خل تجابل بيتها وعيالها واذا 11 سنة خلته والحين تبي تناقشه وادور حل؟؟ انا اشوفها صعبه
بس مرده يمل ويحس ابمرته شلون صاينه وحافظته بغيابه ويرجع البيته

الله يهديه