يحليلهم رياييلنا حق التدقر جاهزين !!

[يآسمينه]

قبل كل شي لازم تكونين كاشخه من ملابس انثويه مغريه والشعر و أهم شي العطر يعني بإختصار إجذبيه

بعدين ,,

أهم شي في نظري إنج ( تعلمينه عليج )

يعني لا تفوتين أي موقف يحصل بحياتكم يمر و السلام

أنا ما أؤيد اللي تقول لج زعلي وطنقري عليه ولا تفيسينه ! لا !!

تعودي تتكلمين معاه بالشي بنفس اليوم و تشرحين له موقفج و قصدج بكلامج

قوليله هالكلام بعتاب و ما يمنع تزعلين و تبجين عنده إنه فهمج غلط

مثلا ً ردا ً على كلامه إنج مصلحجيه و كلمتيه عشان تروحين بيت أهلج

قوليله حبيبي إحنا ما بيننا مصالح وهالكلام .. اثنينا لبعض و نشيل بعض برغبتنا .. و من حبنا ببعض

وأنا يوم إني اسويلك شي استحي من نفسي إني أذكرك فيه وأعايرك .. أنا مو جذي .. ولا إنت جذي

و بهالطريقه مع الوقت تفهمينه و يفهمج و تقل الخلافات ان شاءالله​