يحليلها حالفه الا تزوج اخوانها على حريمهم وه @@

[~lonly-sister~]

((( لا أنا عكسكم كلكم )))) ....... !!!!!!!!!!!!!!!!

والله اذا زوجته مومريحته كلش كلش ومتضايق منها ومنرفزته ومهي قايمه بواجباته والله ازوجه ثنتين بدال الوحده !!


أي والله


اخوي سندي بهالحياه عزي وعزوتي لمن اشوفه مو مرتاح كلش اقول انا شكو ؟؟!!! ليش يبى مو اخوي من لحمي ودمي

وقف معاي ويخاف علي وحتى بكره مع ابن الحلال اذا كان مضايقني مارح يسكت اجل ليش خوان؟؟

ابسألكم ليش اهو تزوج ؟؟ موعلشان يلقى الراحه والهنا واللقمه العدله والوجه البشوش الحسن والذريه الصالحه ؟؟

ولا تزوج علشان المغثى والنكد والطلبات والتنيحس وهات وهات وهات صدق كلامي ولا لاء


ترضين لخوج يعيش بنكد ومومرتاح بقولة (أنا شكو ) حتى لو ساكن بروحه حتى لو ساكن بجزر القمر ههههههههههه


يابنات انا مااقول اني بخرب بيته (لا حشى) لاكن لمن اشوف شي لا ألله ولارسوله ولاعبده يرضون فيه يتكلم

لاكن مااجي احشي براسه على مرته لا واخلي امي بيني وبينها تشوفله المره السنعه اللي تهنيه موتغثه


اسمعو كلامي بالعقل وهذا اهو الصح

 

[رآآحٺ آيآمڪْـ]

الرجال مايصبر عالمرا إلا انه يبيهاا

وحوبة المظلوووم شينه لابد ترد للي تسعى بخرااب بيت وحده صدقيني كما تدين تداااان

معآهآ إ

 

[جوري الكويت]

اهي شكو تزوج وتطلق علي كيفها، اصلا مو سنع منها الا غيره وحقد ولا السنع انها تصلح بينها بس واضح خراااااااااابة بيوت ان شالله ربي يلهي كل وحده مثلها بنفسها هذولي العينات منتشره دمار الله يدمرهم قولوا آميييييييييييين

حدها غيرانه من حريم اخوانها واضحه السالفه

و انتي بعد لا تزعلين هم تكلمتي على حريم حموان اختج و انتي مو عايشه معاهم

شلوون تقولي بعضهم مو سنعات .. :bbbiu: عايشه معاهم

ترى اختج وحده منهم .. شدراج يمكن تقول هالكلام قصدها عن اختج

ترى محد يحكم على المرأه الا الريال و محد يحكم على الريال الا المراه اللي يتسكر عليها باب معاه

يمكن المرأه ماكله هوااا مع ريلها بس ما تبين حق الناس و لا تطلع خياسه جدام اهله

و هو يروح يتكلم و يتشكى حق اهله .. عن بنت الناس و هي مسكينه ما تدري

و هذا الشي اللي يخلي بعض الحموات يحتروون و يشتغلون فداويه حق اخوانهم

بس الله يشغل كل وحده من هالاشكال بنفسها يارب

 

[يارب اشرح صدري]

اخت lonaly اذا جربتي الزواج يمكن تغيريين رايج الزوجين محد يدري عن اللي بينهم دير بالج حبيبتي عشان ربي يوفقج

 

[تبطي عظم!]

في حالات تستدعي تزوجينه وفي حالات لا

يعني انا اعرف من عايلتنا واحد متزوج بس مو متزوج زوجته هادته لها فوق الـ 7 شهور

والسبب تبي تسكن فبيت قريب من اهلها وهو مل له 5 سنوات ساكن بعيد عن اهله علشانها

والحين قرر يقرب من اهله وهي تركته وتركت عياله بعد بذمتج هذا مو مال زواج على هالعووبه

كل يوم والثاني شايله شلايلها وطاسه بيت اهلها على شغلات تافهه وماتحترم اهله ولسانها وصخ مثل وجها

والله لازوجه وعين عمار بالنار بس هو مايبي يتزوج الحين بيعطيها فرصه بعد فتره وماردت بيتزوج عليها

 

[حجيه هيونه]

لا لي شغل فيه ولا فيها


شبي بعوار الراس لهدرجه ماعندي شغل !!

 

[dectora 7elwa]

ادعي عليها الله يبتليها

 

[انصاريه قمره]

لا مالي شغل اختياره وهو يتحمل لوو اشوووف بلاوي ما اتكلم لانه احنا نصحناه قبل الزواج ما سمع الحجي الحين الاخ تعبان ويبينا نزوجه حووش والله

 

[صعب أسامح]

لا طبعا ماسويها واناةشكو باخوي ومرته كيفهم ينصك عليهم بابهم واهم ادري بامورهم
وهذي اللي تقول ازوجه ازوجه مو هامها راحة اخوها بس تبي تغث مرته لانها محتره وغيرانه منها اكيييييد
وراح تصيبها حوبة المره اللي خربت بيتها وماراح ترتاح بحياتها وبعيالها

 

[om MaRyooM]

لا طبعا حراااام

اذا مرت اخوي جذي اخذها بالنصيحة اول شي

وبعدين اذا اخوي ماتشكى ليش ارز فيسي واتدخل .. فعل خير يعني ؟!

 

[Rawonah]

اهيه شكو فيهم ضارينها بشي ؟
كل واحد ومرته ينيازون اذا اهوه معترض جان تزوج :/
بتييلها حوبة المره اذا صج سوتها

الله يهدي النفوس بس

 

[$حبيبة عبودي$]

نفس وحده معاي داومنا فتره مع بعض لووووعت جبدي والله لزوج اخوي حرمته موسنعه قتلها وانتي شكو
بغت تاكلني وقالت ان شاء الله زوجج يتزوج عليج بطت جبدي تفكيرها غرييييب عجييييييييب ..

 

[صمت المرافئ]

واهي شكوا تبي تزوج اخوانها
ما أقول إلا عسى الله يعطيها على قد نيتها
وكما تدين تدان
والريال اللي مو مرتاح مع مرته
يتفاهم معاها واخته ما تتدخل
احتراما وحشيمة للاثنين
​

 

[classicyah]

مستغربه من الي يقولون حووبه ؟

ليش أنآ رحت خليته يزني مع بنت ليل و لآ زوجته بالحلآل ؟

مآلي حوبه دآم زوجته مب محترمتنه و لآ هي سنعه ، :/

،

عموماً أنآ في موآضيع التعدد ،

مآ أحب أتدخل ، لأني أرآعي مشآعر النآسْ . .

بس في حآلة أخويه بغآ يعدد ،و يآ قآلي ،

بسأله عن الأسبآب ، و بحآول أنصحه لأن التعدد شي مب بسيطْ ،

و مب أي ريـآل يقدر يعدد ،

و أنآ شخصياً مآ عندي أي مشكله ، اذآ اتزوج أخويه 4 حريمْ ،

لأنه مآ عندي الآ اخو وآحد . . .

 

[miss_jamsheer]

لا مستحييييل مالي شغل فيهم كيفهم حتي لو معانا موزينه كافي معاه زينه مالي شغل باحد موزينه علي ريلها مو علي واذا اهو يبي كيفه مايشوف شر احنا مالنا شغل بشي واذا امون علي مرته اقدر اكلمها افهمها تسوي جذي وجذي
عاد عندي مرت اخوي وبنت عمي بنفس الوقت والله فديتها كله تنصحني واتعلمني حيييل مستفيده منها نفس تفكيري وكل شي وقريبه مني حيل فديتها

 

[نونو العصله]

اخاف من الحوبه ما اسويها

شكو فيهم انا اخوي عنده لسان واذا مو عاجبته هو حر
انا شكو

 

[عطورات المطيري]

ماشالله عليها بين عليها قويه
لايبا مالي شغل فيهم بكييفهم اهم وحريمهم
بعد وحده ثاانيه عشاان ازيد عوار القلب

 

[FeShinGoOo]

بنات الي يقولون نزوجه ..!!

ليش ماتصيرين وسيلة صلح اتقولين انحاجيها ننصحها نصلح بينهم ..الخ

على طول بتحرقين قلب المره وبتزوجين ريلها ؟؟

انزين انتي اشدراج يمكن اهي عند روحها سنعه وواثقه من روحها مثل ما انتي واثقه من روحج ويمكن الناس يشوفون غير جذي

ترى الدنيا دواره خلكم وسيله صلح اذا اخوج ياج وشكالج وقالج زوجيني لكل حادث حديث

بس الريال ماتحجى ولا بطل حلجه بتدورينله مره مادري ليش احسه حسد وحقد وغيره ..

ولاتنسين الدنيا دواره باجر الله يبيلج فبنت عوبه وهامله بيتها وريلها وحمواتها يتنيحسون ويقولون بنزوجه

تكفييييييييييييين ترضينها على بنتج ؟؟ ابي كل وحده تجاوب بصراحه ..!!

 

[خالف تعرف]

انا ما احب الزواج الثاني وكلش ما اايده مينونه احط على اخوي التزامات عشان ايين لو احبه اصلح حاله مع مرته اذا قدرت واذا ما قدرت مالي شغل

 

[يا كويتنا]

معروف ياقلبي الرجال ما يعرف الزواج الا لمن احد يحن راسه وينام براسع بعد


ولي بغا يتزوج الله يسهل اموره