يبه وينكـ ..؟؟!

[هدوئي معذبني]

​

​

اليوؤم جبت لكم خاطرة عن آلأب
آتمني تعجبكــم ..
بصرآأحه حييل تقطع القلب


يبـه وينك ؟
ولهت لنظره من عينك .
يبه وينك ؟
اشوفه طوّل غيابك !
و من ودّاك .. ما جابك !
قالوا ما يدوم الزين
و انا عندي امل للحين
و لا كني اعرفك وين !
يبه وينك ؟
عسى الداعي يبه بس خير ؟!
عساك بخير.!
مداين تكرم لعينك
بس ارجوك علمني
علمني .. يبه وينك ؟
سألت امي عن رجوعك
ولا كني اعرفك وين !
و قالت ..
ما يدوم الزين !
و انا .. عندي امل للحين
في رجوعك !
يبه بس تكفى علمني
متى رجوعك ؟
يبه بس تكفى علمني
وش احلى من طلوع اثنين ؟
طلوع الشمس …و طلوعك
يبه وينك ؟؟
سألت امي … غيابك طال ؟
ولا كنّي اعرفك وين !
و قالت مثل ما قالت
حسافه
ما يدوم الزين
مع كل هذا صدقني
انا عندي امل للحين !
سؤالي عنك يالوالد
صبح موال
و اشوفه طال
والله طال ..
حزين .. بلحنه و حروفه
يخاف .. يموت من خوفه
و قلب ٍ كان اقوى قلب
ضعف .. من قسوة ظروفه
يبه !
ارجوك علمني
تشوف اللي انا اشوفه ؟
انا اشوفك نهار و ليل
في وسط المجلس تصلي
و تدعي الرب ييسر لي
يبه !
ما عاد بي من حيل
وين الحيل ؟
و انا اشوفك نهار و ليل
مع اني ادري ما ترجع !
غريبه .. بعدها تدمع
عيوني من هموم البين !
و ادريبه مكانك وين !
مع َ هذا .. ارد و اسأل !

يتبع ..>​

 

[هدوئي معذبني]

يبه !
وينك ؟
و لا كني اعرفك وين !
شبكت العشر في غيابك
على راس كساه الشيب
و من وداك … ما جابك
و لا ادري وش يخبي الغيب !
و جرح ٍ عذب احبابك
يبه ..عيّا يخف و يطيب !
يبه.. كل جرح في الدنيا ..
مصيره بالدوا يلتم …
و لكن البلا من جرح ..
نزف فرقاك … بليّا دم !
و هذا الفرق في جرحي
عجز يلقا الدوا دكتور
انا جرحي غريب الطور !
ينزف … بس بليّا دم
و زاد الهم فوق الهم
و دام انك يبه غايب
جروح الغيبه ما تـلتم
بس عندي امل للحين !
و لا كنّي اعرفك وين !
يبه .. ذكراك تفرحني
في نفس الوقت تجرحني
لا من جبت في طاريك
دموعي غصب تفضحني
يبه .. تذكر ليالي الصيف ؟
عرس الحي .. و رقص السيف ؟
و كرم قلبك معَ هـالناس
كل ٍ كان في بيتك ضيف
الا يا حيف …. الا يا حيف
زمن قاسي
زمن قاسي …
اخذ مني بلا رحمه
اخذ مني اعز ناسي !
و خلاّلي سهر هالليل
في عيني ضيف
الا يا حيف !
يبه وينك ؟
تعال و شوف …
كبرنا مثل ما تمنيت
درسنا كل ما حبيت
نصلي مثل ما وصيت
و ندعيلك في كل ظروف
يبه وينك ؟
تعال و شوف
صحيح الدنيا ما ترحم
تجرعنا التعب انواع
و لكن الأمل ما ضاع
و انا عندي امل للحين !
و لا كني اعرفك وين !
يبه تذكر شطانـتـنا ؟
انا و اخواني و اخواتي
معانا عيال حارتنا
نلعب في زوايا البيت

يتبع ..>​

 

[هدوئي معذبني]

يبه … والله انا حنيت
لذاك الوقت في وجودك
الا يا ريت … الا يا ريت
ترجع .. يا يبه حنيت
حسافه الدنيا ما ترحم
خذت منا سعادتنا
خذتك بعيد .. و خلتنا !
يبه امي تذّكرنا
بأيامك قبل ما تروح
تناديها.. يا روح الروح
تغازلها و تنظر لك
مثل طفله
ملامحها عشق مفضوح
في ذاك الوقت .. كنا صغار
معَ هذا … كنا نغار
عليها .. او بعد منها … كنا نغار
نحبك يا يبه … ارجع
مثل شمس الفجر .. اطلع
حزينه الشمس في غيابك
و نفس الحزن في احبابك
واخاف الشمس من حزني
تغيب و ما بعد تطلع !
يبه ارجع !
اذا لي خاطر فـ قلبك
تعال و زورنا بس يوم
مع انه ما يكفينا .. نشوفك يوم
نبي حضنك يدفينا .. و نشوفك دوم
لكن قلّت الحيله … و يمكن مـ البطا ضاعت
و قلنا يوم !
يبه سامحني بترخّص
قبل ينشف حبر الأقلام
كلامي بعده ما خلّص
و لكن موعد الأحلام
حان ..
ولازم اوفي له
بعد ما ضاعت الحيله
اشوفك والوعد باكر !
اذا فكّر يجي باكر ..!
و برجع اسألك وينك !
بس لازم تجاوبني
ترى عندي امل للحين
و لا كني اعرفك وين !


رايكم يهمني ..!










​

 

[Miss.Nony]

أخييييييه قممــه بالإحسآس

حيل أثررت فيني ., يعطيج ربي ألف عافيه حبيبتي .,

 

[ملوك الكويتية]

رووووووووووووووعه

كلهاااا حنيييييييييين واحساااااااس

 

[لطوف غير]

خيال والله ماقصرت تقطع القلب

 

[ضيوانه]

اه ياقلبي يابوي مشكوره ياقلبي روووووووووعه

 

[بلوووشية]

ثااااااااانكيوو

 

[مزيونه ميمو]

حيييل ححلو تققطــعع الققلب
مششكــورههـ حيــآآتي

 

[aNa mNe]

أليييمه وأحساس ..
قواج الله ~

 

[قهوتي ريقك]

جنان لاهنتي

 

[ملآمح يوسفيه]

,

سلمت ٍ

 

[هدوئي معذبني]

نوورتوا ..​

 

[بنوتة الخبر]

اه من ججججد فقدآن الاب شششي صعب وربي يقطع
القلب وفقدآنهه ششششي لايتحمله القلب

خآططره اثرت فيني بقوه

الله يرحمكك ي يبه وجنآت الخخلد يسسكنكك ويرحم جميع اموآت المسلمين

الله يعطيكك العآفيههه

 

[مشاعلة]

قمه الروعه
أليييمه وأحساس ..