يا نااااس شنو الحل مع الامساك المستمر والدائم! :(

[جاي وحليب]

مشكلتي يا بنات ان بطني دائما ماسك بشكل مستمر ..

وساعات تمر ايااام ما اخرج .. وانتو بكرامة ..

وبالتالي انا اللي اتأزم ..

ودي يكون بطني ليّن دايما وارتااااااح



فـ شنو الحل ؟



ادري الموضوع بايخ .. بس والله امأزمني

 

[HASB_83]

مشاركة: يا نااااس شنو الحل مع الامساك المستمر والدائم!

اكلي كيوي على الريج زييين
ولا تاكلين عيين وايد يعني فطاير وسندويشات لا كله سلطه وفواكه وعصاير وخضرا


وماتشوفييييييييين شر انشالله

 

[أسمى حب]

مشاركة: يا نااااس شنو الحل مع الامساك المستمر والدائم!

روحي للطبيب وتأكدي أنه ما عندج بواسير هذا أولا .


واذا ما تحبين أخذى ملين للمعدة والامعاء مثل ( اوكاربون ) ويسمونها حبوب الفحم جدا مفيدة


وما تشوفين شر .

 

[جاي وحليب]

مشاركة: يا نااااس شنو الحل مع الامساك المستمر والدائم!

هلا اختي ..

شكراً لج .. ان شالله ببر نفسي هاليومين بالفواكهه بجميع انواعها .. وشكراً لج

 

[FOZQ8]

مشاركة: يا نااااس شنو الحل مع الامساك المستمر والدائم!

اول ما تقعدين من النوم شربي كوب ماي دافي في جم نقطع ليمون
ربع ساعه راكضه للحمام
وعموما عودي نفسج اول ما تفتحين عينج يكون يمج ماي شربي لانه ينظف الجسم من السموم مع الليمون

 

[جاي وحليب]

مشاركة: يا نااااس شنو الحل مع الامساك المستمر والدائم!

فيض الايمان ... حبوب الفحم تليّن البطن ؟؟ انا كانو معطيني اياها للغازات ..

والله اذا طولت وياي الحاله مالي الا الطبيب ..


الشر مااييكم

 

[جاي وحليب]

مشاركة: يا نااااس شنو الحل مع الامساك المستمر والدائم!

Fozq8 .. ايييه ذكرتيني صح الماي الدافي كان كأنه سحر .. صج عجيب ..
للاسف انا بطني طبيعته ماسك دايما .. علشان جذي انا متأذيه ..
والاشياء اللي تليّن البطن مثل جاي الاعشاب .. او البرتقال.. وجذي ما اتأثر فيني تخيلو!!

 

[كويتية أمورة]

مشاركة: يا نااااس شنو الحل مع الامساك المستمر والدائم!

حبوبة لاحبوب ولا هم يحزنون
بالليل شربي عصير كيوي واناناس
قشري كيويتين وحطيهم بالخلاط مع قوطي عصير اناناس كي دي دي وشربيه والصبح ان شاء الله بتخرجين وعادي ينظف بطنج

انتبهي تستعملين ادوية ترى اختي خذت ايزي لاكس والظاهر معدتها تعودت عليه الحين كله فيها قبض

 

[أسمى حب]

مشاركة: يا نااااس شنو الحل مع الامساك المستمر والدائم!

الشر ما يجيج




بس روحي الطبيب بسرعه علشان تطمنينا عليج .

 

[جاي وحليب]

مشاركة: يا نااااس شنو الحل مع الامساك المستمر والدائم!

كويتية أمورة .. مو المشكلة اني مااحب لا الكيوي ولا الاناناس .. بس بتقصب اشربه دامه ينظف البطن وزين ...
بعدين عندي سؤال شفيهم الايزي لاكس ؟ لاني انا بعد اخذهم .. مع رجيم د.طالب .. بس صارلي فترة مو ملتزمه فيهم ولا في الرجيم عدل ..
بس سؤالي هل لهم ضرر بعد تركهم ؟؟؟




فيض الايمان .. لا لحد الحين الحاله مقدور عليها.. بس ان استمرت اكثر اروح ان شالله ..
شكراً لج على الاهتمام

 

[كويتية أمورة]

مشاركة: يا نااااس شنو الحل مع الامساك المستمر والدائم!

اها عشان جذي
اختي لما تركتهم كله فيها قبض
لا وقامت تشرب كيوي واناناس عشان تمشي بطنها وماكو فايدة
لاتاخذينهم نصيحة

 

[جاي وحليب]

مشاركة: يا نااااس شنو الحل مع الامساك المستمر والدائم!

عاد الطبيب قايل لي اعشاب معينه كـ بديل للحبوب ..
شكراً لج اموره نبهتيني ..

 

[lateealsa]

مشاركة: يا نااااس شنو الحل مع الامساك المستمر والدائم!

الورقيات الخضراء الدواء السحري
مع الكيوي والاناناس ولاانسى القراصيا اما تاكلينها على الريق او تنقعينها في ماء من الليل ثم تشربين مائها في الصباح
كذلك كورن فليكس اول بران
وماتشوفين الا الخير يا الغاليه

 

[ms_darkdream]

مشاركة: يا نااااس شنو الحل مع الامساك المستمر والدائم!

انا عن تجربه
التمر ثم التمر ثم التمر
والله بترتاحين جربي اسبوع
خذي عالريج وقبل النوم
وبعدين بتشكريني

 

[lateealsa]

مشاركة: يا نااااس شنو الحل مع الامساك المستمر والدائم!

والله يا مس دارك دريم نسيت التمر الله يذكرك بالشهاده
مثل ماقلتي
التمر ثم التمر ثم التمر

 

[همسات ليالي]

مشاركة: يا نااااس شنو الحل مع الامساك المستمر والدائم!

مشكورين على النصايح لان تمر علي ايام يصير فيني هالامساك

 

[سارا ديور]

مشاركة: يا نااااس شنو الحل مع الامساك المستمر والدائم!

السلام عليكم يا جاي وحليب

أكو دوا إسمة سكيلكس نقاط وايد زين بدليل يصرفونة حق الحوامل

 

[xxx]

مشاركة: يا نااااس شنو الحل مع الامساك المستمر والدائم!

كثري من الماي وخصوصا الدافي وعلى الريج

وحاولي تاكلين الفواكه (البرتقال - الكيوي )

والخبز الاسمر ممتاز علشان النخاله الي فيه


وماتشوفين شر ان شاءالله

 

[Tiffany]

مشاركة: يا نااااس شنو الحل مع الامساك المستمر والدائم!

انا دكتورة التغذيه تقولي اذا فيج امساك امشي على سطح بارد و انتي حافيه، الصراحه ما جربت بس شكلها كانت وايد متأكده من المعلومه
و هم شربي قفشة زيت زيتون على الريج و عقبهم الماي الدافي

 

[جاي وحليب]

مشاركة: يا نااااس شنو الحل مع الامساك المستمر والدائم!

شكراً لكم بنات .. واايد فدتوني صراحة ..
والله انكم خوش بنات وخدوميين ..

شكراً لكم مره ثانيه .. والشر ما اييكم