يا معلمات كم عدد المرات المفروض أراقب على البنات ؟؟ والله زهقت من المراقبة

[LA TROO7]

انا بس راقبت مرتين وخلاااااااااااص

 

[N F N F]

والله زهقت
زهقت
زهقت
من الاسبوع اللي طاف وأنا بس اراقب على الامتحانات
في وحدة الله معانا حطينها جاسوسه بقسمنا وكل ماشفت عندنا وحدة فاضية ( تقولها روحي عندج مراقبة )
وصراحة شديت معاها بالكلام
ولما اقولها انا امس راقب تقول مالي شغل روحي ( للوكيلة )
والله ان في ناس ما راقبوا الا مرتين :rgewrg:
وقلت لها ( ليش على ناس وناس ؟؟؟ ) ترد وتقول ان ( مالي شغل )
مع العلم انها اهي اللي تحط الاسامي اما الوكيلة ما تدري شطبخة
أف قهر :lkmnkl:

بس ابي اعرف منكم كم مرة المفروض اراقب خلال الامتحانات ؟؟

حبيبتي اذا وقعتي الصبح وماعندج مراقبه .. لاتقعدين في المكتب .. روحي اي مكان ثاني وقعدي فيه

لين تطوف اول نص ساعه .. واذا قالولج دورناج والا شي .. قوليلهم ليش شتبون ؟ انا ماعندي مراقبه !!

واذا حنوا والا قطوا حجي .. قوليلهم انج كل يوم تراقبين واليوم ماعندج شي .... شنو بتراقبين الامتحانات كلها !!

وانا اعرف هالنوعيه اللي يقطون الشغل على اللي يبون بحجة النقص .. حسبي الله ونعم الوكيل فيهم

وبانسبه لنا احنا متوسط ونراقب 4 ايام بس مادري عن الثانوي ..​

 

[كوثري]

كل يوم قاعدين نراقب للأسف ماكو عدل

 

[كوثري]

كل يوم قاعدين نراقب للأسف ماكو عدل

 

[flona99]

مافي عدد معين على حسب علاقتج بالااداره هههههههههههههههههههههههههههههههههههههه

 

[$ فراولة $]

احنا يوميا يوميا يوميا نرااااااااقب

ماعدا الايام اللي نصحح فيها الاختبارات

 

[brat]

عادي حياتي
احنا نراقب يوميـا ..
واليوم الوحيد اللي ما نراقب فيه اللي يكون عندنا تصحيح ..

بس طبعا في ناس ما يحوشهم الا مرة أو مرتيـن ..
الطبقة المخمليه عرفتهيم ..

بس عادي تعودنـا ..
وما بقى شي ونخلص ..

ويه عيل آنا أمس عطوني مراقبة بس لجنة خاصة مع إن كان عندنا امتحان إنجليزي فترتين وورانا تصليح، يعني ما يفكرون متى يمديني أتريق؟ والتصليح لي عقب نهاية الدوام!

 

[miley]

احتسبو الأجر وانتو تراقبون علينا
ومشو اذا شفتو احد يساعد احد بالامتحانات
وترى من راقب الناس مات هماَ << اتغشمر
الله يعينكم صج صراحة تعب انا اللي قاعدة على الكرسي احس بموت شلون انتو اللي تمشون
بس بليز اللي تلبس كعب وتاكل علج لا تراقب
ادري ممنوع بس في ابلات الله يكافينا شرهم يعاندون ويحطون حرتهم بالبنيات المسيجينات امثالنا

 

[أميرة طفولتي]

ماقول الا اذا حبتك عيني ماضامك الدهر

 

[ذويقة]

نفس المشكله الي نعانيها يوميا ونفس الاعتراضات من المعلمات المتذمرات
يعني انا من النوع الي اذا شفت احد يتذمر صابتني نفس العدوي واتذمر مثلهم
امس كلمت الوكيلة وقلتلها شمعنا احنا ناس وناس بصراحة كلامها احرجني لما ورتني كشف الغياب
المعلمات يغيبون بالهبل ويجون اذا عندهم تصحيح بس
تقول من اعطي الاحتياط بصراحة عذرتها يعني اذا ما نراقب منو الي يراقب ؟؟الفراشات يعني!!!!!!!!!!!؟؟ كلامها مقنع وقالت حددي بالاسم الي ما نعطيها احتياط اكيد معها عذر طبي مثل نزول المشيمة او ديسك مثلا خواتي اعذروو الوكيلات وحطو نفسكم مكانهم وارضاء الناس غاية لا تدرك وكلها ايام وتعدي

 

[UM M&M]

انا كل يوم اراقب بس اليوم اللي فيه اختبار مادتي اكون مساعدة رئيسة لجنه
بس لاعت جبودنا بالحر و المراقبه من 3 ساعات الا ربع الى ساعتين الا ربع

تعذيب و التكييف ينفخ من غير تبريد
الله يكون بالعون !

 

[FJ style]

راقبت الى الان كل الايام ويوم منهم كان فترتين
غير التصحيح لي العصر
ماكو تحديد معين لعدد ايام المراقبة
انا متوسط فحسب الحاجة وعدد الابلات والغياب واللسان الطويل لووول

الاداريات ما يراقبون لأن وظيفتهم ومعاشهم مو مثلنا ف مو من مهامهم مراقبة الامتحانات حتى لو يشتغلون معانا بالمدرسة
لكن فرق المعاش والمهام الوظيفية اهو اللي يحكم

وما عليه صبرو والله كريم واجرنا على الله
وكن معلما وكفاك اجرااااااا

 

[@سيدة نفسي@]

انا متوسط وراقبت يوميا حتى بالأيام اللي فيها تصحيح ولما حطوني قراءة أسئلة
بدلت مع زميلة لأن مالي خلق أوقف على راس كل طالبة تبي الاجابة قصدي تبي تسأل هههه
والحمدلله قربنا نخلص هاااااااااااانت ..

 

[سأشرق]

كل يووووم حتى لو عندنا تصحيح و ماشي الحال ربج يعين ما بقى شي

 

[النجمة المتألقة]

إي والله صاجة القانون إذا حبتك عيني
احنا بمدرسة بالقرين ابتدائية بنين تصدقون
مجموعة معينة بس هم اللي يعطونهم مراقبة
بشكل يومي أما مايعرفون بالطبقة المخملية
حاطينهم تحت مسمى مساعدين كنترول يعني
يدبسون أوراق التلاميذ تخيلوا .....
بس الحمد لله افتكينا

 

[al_3needa]

طيب سؤاااااااااال مهم جدا

مو من حق الطالبات يطلعون من نص الوقت

يعني بعد انتهاء نص الوقت تطلع الطالبات وتخف

المسأله على المعلمه؟؟؟؟؟؟؟؟

ليش الناظره عندنا ما ترضى بالقانون هذا؟؟؟

السؤال

من حقي اشتكي عليها؟؟؟؟

تقهر قاعده في مكتبها المكيف ولا لها شغل

الا بس تامر وتنهى من زين الدبره والتصرف

 

[ro7 al8mar]

الله يعينج اختي بلغي المديره

 

[سفيرة العشق]

الله يعينج .. اذا مدرسة مجالات يوميا المراقبة يعني قصدي رياضة موسيقى بس اذا مدرسة مادة اساسية اكثر شي 3

حبيبتي أنا مادة أساسية لغة عربية لا وحامل وفيني سكر بعد وكل يوم ذابحيني مراقبة واذا بيرحموني يعطوني فترة وحدة بس ساعتين ونص

مادري يعني بيرحموني

ماقول غير مالت عليهم وعلى وزارتهم الدايخة اللي مخليتنا نداوم بهالحر الموووووت ...:eh_s(16):

 

[PRADA]

احنا كل يووووووووووم مراقبه من دشيت التدريس وهذا اللي اعرررررفه والله حتى يوم كنت حامل بالتاسع ومعديه شهري وحالتي حاله يطلعوني مراااقبه

 

[درة أهل الطولات]

مااااااا له عدد