يا مستمرات نداااء عاجل شالفرق بين المواد الاجبارية والاختيارية << مااا نعرف

[اخت خالتهم]

السلام عليكم ورحمة الله وبركاته

بنات بما ان مستجدات نقينه المواد على عمانا

انا كان قبولي فوري فـ ما مداني اسأل لان ما كنت ادري ان تسجيل المواد يكون على طول

المهم
<< علوم اجتماعية
و موادي


حقوق انسان
مدخل علم اجتماع


مادري ايهي اجباري وايهي اختياري
ولا ادري شنو الفرق ؟؟
وشلون اتخصص
و انا وييين بالضبط هههههههههههه و وين نروح و وين نرد

ضايعه بالطوشة
ودي ابوي يروح معاي اول يوم يحضر ههههههههههههههههههههههههه

so بليز ساعدونا

 

[قطوووة]

المواد الاجبارية هي مواد تخصصج
والاختيارية لكل التخصصات بالكلية نفسها عادي تكون مشتركة رفع معدل وجذي

 

[ام اللقافه]

اللي اعرفه حقوق انسان ماده اختياريه
و مدخل علم اجتماع اتوقع اجباري

المواد الاجباريه اللي لازم تاخذينهم يعني ما تتدخرجين بدونهم
اما الختياريه فيكون عندج مجموعة مواد وانتي تختارين منهم على حسب عدد الوحدات اللي محددينها لج

 

[شموس الوطن]

اخت خالتهم لاحقتج لي هني لوووول
شوفي قلبوو >> المواد الاجباريه في منها مواد عاامه يعني من كل تخصص ماخذين لج ماده
مثلا
تاريخ كويت وتاريخ حضاره واحصاء وانجلش مادتين ما تاخذينهم الا لما تخلصين التمهيدي
ومادة معلومات وكتبات >> الكورس الياي ماخذتها الله يعيني
هذول المواد موجودين عندج من قبل لا تتخصصين يعني تاخذين منهم واجباريين عليج كلهم
وعادي تاخذينهم بأي سنة يعني مو شرط بوقت معين
وفي مجموعة مواااد يقولون لج اختاري منهم مثلا 3 او مادتين
وانتي تختارين الماده السهله عشان ترفعين معدلج
ويعني لازم تاخذين منهم بس مو كلهم كم ماده بس
ولما تتخصصين يعطونج بعد مواد الزاميه كلهم تاخذينهم
ومجموعة اختياريه بعد
وسوووري طولت عليج اتمنى وصلت المعلومه وبالتوفيق

 

[jen2n]

مثل ما قالو لج البنات

بس بزيد شغله بسيطه في كتيب يعطونج الجامعه فيه الميجر شيت وعاد يبين لج شنهي المواد الاختياريه وشنهي المواد الاجباريه

ومثل ما تعرفين كل سنه يصير في تغيير بالمواد

فانتي تاخذين الميجر شيت مال 2010 دفعتج يعني

 

[أم منيـرة]

إخت خـآلتهم ،

الإجباريه الي لازم تاخذينهم وداخلين بتخصصج مثل مدخل علم إجتماع تكون إجباريه للي بيتخصصون علم إجتماع وهييك ،

والإختياريه يكونون حاطين لج مجموعه من المواد غالبا تكون سهله وتختارين منهم مثلا " حقوق انسان ، ثقافه إسلاميه ..إلخ "
انا اخترت ثقافه اسلاميه لانها سهله ، وترفع معدلي هيك يعني


وهالشي هذا انا كنت نفسج ماعرفه يومني مستجـده ، لما تـداومين انتي راح تعرفين أكثر بنفسج

ومــوفقه ياقمر

 

[ام حديجان]

بالميجيرشيت مواد اجبارية ومواد اختيارية

المواد الاختيارية يحطون لج مثلا 6 مواد اختاري منهم 4

والاجبارية تاخذينهم كلهم

ومواد رفع المعدل هذي مو موجوده بالميجيرشيت يسمونها > اوفرلود

فانتي طرشي احد توجيه علوم اجتماعية يجيب لج الميجيرشيت حق التخصص اللي تبيه

او انطري ع بداية الكورس روحي اخذيه

وسلامتج

 

[اخت خالتهم]

يااااااا حبايب قلبي والله
تسلمون على مروركم و الشرح اللي يبرد الجبد
وشمووس لوووووووووول حياااااج احسن شي تسوينه

مشكورين وماقصرتو

 

[عواار قلب]

اب
اب
وموفقهـــــــــــــــــــــــــــــــــــــــ؟

 

[المـــــها]

هلا حبيبتي

حقوق انسان اختياريه

انتي لااااااازم تشوفين الجرشيت مالكم (دليل المواد و التخصصات) و تختارين شنو التخصص اللي تبينه عشان على أساسه تنقين موادج للكورس الجاي

فانتي شوفي مدخل علم اجتماع موجوده بالتخصص اللي تبينه ولا لأ ؟؟؟


و على هالأساس يكون تسجيلج عشان ما تاخذين مواد عالفاضي

 

[اخت خالتهم]

حياتي المها تسلمين ياقلبي على التنبيه
مشكوره

 

[Miss-Madry]

لا
لا
لا

اخت خالتهم طلعتي مستجده من طقتي خخخخخخخخخخخخ

وانا عبالي انتي اكبر مني بجم سنه


واي ونآسه


خنتعرف خخخ والله

مدخل اجتماع ماخذه عن منو انا عند فواز الساعه 10 ؟

وثآنكس ع الموضوع افديتني

 

[JaDeL]

حبايبي اي مستجدة فيكم اول ماتداوم تحط ببالها التخصص اللي تبيه وتروح على طول للكلية مالتها وتاخذ منهم الميجر شيت


ومن الميجر شيت تعرفين شنو المواد الاجباريه اللي لازم تاخذينها وشنو المواد الاختيارية :bye22: