يا عروسه هل تفضلين تسكنين بأجار ولا مع بيت حمولتج؟؟؟شنو رايج لو خيروج

[غرور وايل]

كوون بعيد وسعيد

احسسسن لج والله ..~

تاخذين راحتج باللبسس والطلعه والجيه

وتكوون فيه خصووصيه اكثر !!

وبعدين يقهوونج بيت اهلج او بيت اهل زوجج

وبعدين مو لازم الغدا عيششش لالالالا عاتي اي شيء

وبالتوووفيق ~

 

[فديت عيوني]

عن تجربه
السكن برا احسن واريح

 

[بولندية]

انا المشكلة قمت اشبك من البي بي ماقريت مشكلتج عدل بس مع اني افضل الحمولة علشان الطباخ و يكون عندج احد بالبيت و يكون اونس لج بس هم الشقة بايجار له ايجابياته على كلام البنات تطلعون على راحتكم و اهل الريل يقولج لا تحتكين فيهم وايد خليج رسمية معاهم والله يوفقج و يوفقنا معاج

 

[LOLETA]

اكييييييييييييييييييييييييييييييدد


الايجار

 

[smartlady]

رد : يا عروسه هل تفضلين تسكنين بأجار ولا مع بيت حمولتج؟؟؟شنو رايج لو خيروج

يبا الحمدلله انج بره عندج وقت تتعلمين الطباخ واذا عن الدراسه ححدي ألاوقات

 

[L I N D T]

انا بشقة اجار .. بس متأذين من ناحية المصرف .. خاصة ان عندي ياهل =) ..

وان شالله كلها جم شهر ويخلص بيت حمولتي اروح اسكن عندهم .. << ان شالله برتاح لان بيت جيرانّا قبل وعارفتهم وعارفيني =) ..

وبالنسبة لسالفة يقهووني لوول اول مرة اسمع فيها

\

يا وخيتي ترا الطبااااااخ سهههههههههل ما ياخذ منج وقت ..

تعلمي هالجم شهر جم طبخة وعقب مسكي الكتب وطبقي ^_*

المعكرونياات اشكاااااااال والوان بصلصاااتها .. والعيوش نفس الشي ..

ترا عندي طبخ العيش اسهل من المعكرونية ^_*

واذا مو فاضيه و حمولتج ولا اهلج عندهم ساايق .. خل يدزوون لكم غدا يوميااا دام ان عندج دوام !!

 

[المـــــها]

إي و الله صاجه حبيبتي
الله يعينج و يوفقج
إن شاء الله تتأقلمين مع الوضع
خلي أهلج يطرشونلج غدا مرات إذا دوامج متأخر
و مرات طلبوا من مطعم
و مرات اقلي لج برجر و شبس
و أحيانا تغددوا برى
و العشا خفايف أو مطعم أو برجر أو مكرونه لو كنتي فاضية أو بنهاية أسبوع
و الغسيل مصبغة و اللي تقدرين تسوينه بالبيت سويه و الملابس الداخلية عليج
الكوي كواية بخار
باجي التنظيف و ما يخالف حياتي إن شاء الله تتعودين ع الوضع و يصير روتين عادي

 

[غروري ذابحهم]

بنات انا مستغربه حيل من ردودكم وانا مع ضحاوي 100%

الحين اللي ساكنين عند الحموله جنهم باجار شقه خاصه فيهم ومدخل خاص فيهم وانا الحمدالله ساكنه عند حمولتي والحمدالله مرتاحه حييييييل انا

ما احب اقعد بروحي اذا طلع زوجي او داوم اقعد عندهم واستانس معاهم وصدقوني الطيبه تكسب الناس بطيبها

والله يوفقج ويسعدج

 

[MY-O2]

صباااح الخير

انا اايد الايجار المثل يقول ((بعيد وسعيد))
اهم شي الخصوصيه والراحه
انا متزوجه وساكنه عند اهله صج اني مرتاحه معاهم بس ما احس بخصوصيه لي انا وياه
على كل شيس يحاسبون بطلعتج وبنومتج والخاله اذا ما شافتكم قدامها تاكلون تقول انتو ما تاكلون وتقعد تتحلطم اذا سهرتوا وقعدتوا متاخر غير كل يوم لازم دراعه ولازم تكون ساتره عشان حماج وجارات خالتج وزياراتها لجيرانها ووووووووووو
شقول وشخلي
شقه بروحج امج وخواتج 24ساعه عندج
ولا تظنين في بيت اهلها ما تطبخين وبتنظمين وقتج بالكليه بالعكس بالذات اول الايام سأليني انا
تبهدلت لما اجي احط له غداه واذا جيت العصر ما يمدي اتسبح والبس واكشخ وانزل لجاراتهم بيقهووني وخالاته وعماته وبناتهم كل يوم وحده تعذبت حتى زوجي ماكنت اشوفه الا بالليل ولا اكون قااافله حدي بنام ولا اقدر اطلع معاه عشان هالقهاوي

والله ما حسيت اني عروس الا بعد 3 شهور لما افتكيت من القهاوي والكليه اووووووووف

 

[مذهــلــه]

لا الحموله مايخرعون بس مهما كانوا طيبين خصوصا اذا في بنات مو متزوجات راح يصير مناشب وتشييش

انا خالتي وايد طيبه وحمواتي الا وحده هي سبب المشاكل وان خالتي مرات اطنقر

يا ليش ماتنزلين
ليش ماتعزمين اهلج
شنو غداكم خصوصا لما اكون مو طابخه ومو شامين ريحه

اوف سوالف مالها اخر

لا يبه اجار اريح

 

[مذهــلــه]

وي الموضوع وايد قديم توني انتبه بس عجبني

 

[نبض شرياني]

على حسب شغل الزوج

اذا كان شغله يداوم يوم بالاسبوع او مايداوم نطلع اجار

اما اذا كان دوامه شهر بشهر او خفارات وغيره
تقعد عند حمولتي اضمن لي اكون تحت عينهم

 

[اميره^_^بحلآها]

انا عن نفسي أكيد احپ عند اهل زووچي !
لانه بعدين اذا جاني بيبي وانا عندي دوام وين اروح فيه !
فا انا أشوف انه عند اهل زوچي حيل احسن مؤ بس عشان البيبي عشان بعد اذا ضاق خلقي انزل عند خالتي و البنات !