يا رئيسات الأقسام شنو اتسوون بمعلماتكم الغير متعاونات

[أحلى^حياه]

شكو تحاسبينهم ,, مو أهم شي ان الشغل خلص؟؟
ولا عشانهم قعدوا بقسم ثاني ؟


بعدين أنا ما أحب سالفة غير متعاونه ,,,يبه كل وحده بكييييفها ,,,واذا جااا وقت التقرير حطي عند بند التعاون الدرجه اللي تبينها ,,, ترى التعاون مو غصب ,,,أنا اللي أعرفه ان اللي يبي يتعااون من نفسه محد يجبره ,,, مثل أغلب رئيسات الأقساام حسبالهم معلمات القسم سيلانيات حاطينهم مطراش للناظره ودي وجيبي ولا وزعت سجلاتها عليهم وكل وحده مسؤوله عن سجل ,, واذا قالت لأ المعلمه راحت سيده عند الناظره وتقوول فلانه مو متعااونه <<<<<<< شوفوا نفسكم بالأول

انا معاها يمكن الابلة ما تبي الامتياز مو غصب يعني
كل وحده وكيفها

 

[%CLaSs-LaDY%]

بصراحه امر غريب...يعني تتضايقون اذا شفتو المدرسات فاضيين وقاعدين هاليومين؟ ترا اهم طول السنه كراف ليش حاسدينهم على هالقعده؟؟؟؟؟؟؟؟؟؟؟؟؟؟؟!!!!!
انا اذكر روضتي الي كنت فيها ميداني المشرفه اذا شافتنا قاعدين كنها شااااايفه ابليس!!!!والله خذت من الدعااوي لين قالت بس!! عاد ليش كل هذا...ميخالف الاشياء الظروريه ولي لها داعي المعلمه ملزومه فيها بس سالفة التكدش وعلى الاكو والماكو لاا والف لاااااااااااا ..ترا بالاخير احنا اواادم مو مكاين!
وبعدين مثل ماقالو البنات الي ماتبي الامتياز بكيفها ماتبي تشتغل خلاص مو غصب احنا مو بمعسكر...............

 

[sweet-doll]

هذي مسئوليه الله يعينج عليها

وردودنا جذي ميخالف من القهر والظيم الي ماكليته بمدارسنا

بس تبين طريقه ؟ لاتسيرين متسلطه وتعطينهم التكاليف باوراق ومادري شنو

في طريقه سوتها معانا رئيسة قسمنا الي قبل واللللللللله حبينها حتى اي شي يبون يسونها البنات يسونه من طيب خاطر.. الله يذكرهاا بالخير

كانت حيل معانا يعني عمرنا ماحسينا انها ضدنا كانت وايد تساعدنا وتغطي على وحده اذا تاخرت او سوت شي وكبرت بعينا وكانت تبادر معانا يعني كانت تشتغل بايدها جدامنا تسوي لوحات ومادري شنو

فجاه حتى الي مالها خلق قامت تساعدها لا سووينا لوحات معاها بعد

يعني انتي بادري بالشي وشجعيهم

اهيا كانت تشجعنا وايد يعني تقول شفتو القسم الفلاني سوو جذي احنا يعني مانقدر نسوي ونسوي يله همتكم وعلى غشمرة وظحك والللللللللله دشت قلوبنا الله يذكرها بالخير وكنا نتستحي نردها باي شي

 

[عالية الذوق]

هذي مسئوليه الله يعينج عليها

وردودنا جذي ميخالف من القهر والظيم الي ماكليته بمدارسنا

بس تبين طريقه ؟ لاتسيرين متسلطه وتعطينهم التكاليف باوراق ومادري شنو

في طريقه سوتها معانا رئيسة قسمنا الي قبل واللللللللله حبينها حتى اي شي يبون يسونها البنات يسونه من طيب خاطر.. الله يذكرهاا بالخير

كانت حيل معانا يعني عمرنا ماحسينا انها ضدنا كانت وايد تساعدنا وتغطي على وحده اذا تاخرت او سوت شي وكبرت بعينا وكانت تبادر معانا يعني كانت تشتغل بايدها جدامنا تسوي لوحات ومادري شنو

فجاه حتى الي مالها خلق قامت تساعدها لا سووينا لوحات معاها بعد

يعني انتي بادري بالشي وشجعيهم

اهيا كانت تشجعنا وايد يعني تقول شفتو القسم الفلاني سوو جذي احنا يعني مانقدر نسوي ونسوي يله همتكم وعلى غشمرة وظحك والللللللللله دشت قلوبنا الله يذكرها بالخير وكنا نتستحي نردها باي شي

صاجة ... والله

نصيحة اختي مريم لا تتبعين طريقة اوراق وتوقيع ومحاسبة وين قاعدين

بالعكس انتي اشتغلي وبيستحون لا شافوج وكوني اخت

انا اول اجتماع لي معاهم قلت شوفي ترى رئيسة قسم ماهو الا مسمى وظيفي

وانا اختكم في الله ومعاكم قلبا وقالبا .. وياكثر ماغطيت باستئذانتهم ودورت اعذار

ولما بغيت شغل بمناسبات طلعنا احسن عرض واحسن قسم وتفاعل في كل المناسبات

يهبلون فديتهم .. وقعدتي وشاي وقهوة معاهم كاني وحده منهم وفيهم مو احط ريل على ريل وامر عليهم آمر واطلع

اخذي الامور بلين وحب وربي تفوزين دنيا وآخرة لان هذي تعاليم دينا

وخليك محتكة فيهم يعني قعدي معاهم اذا ماعندك شغل ترى هم ينفعونك اكثر من الادارة

وربي يوفقك معاهم

 

[مريم ص]

انا اشكر كل اللي و قفوا معاي
اما الباجين اللي هاجموني بصراحة و بدون زعل
انتوا عبالكم اني كارفة المدرسات و ان الناظرة قاعدة تآمر عليهم جنهم خدم
لا احنا انخاف الله و اللي رادة علي بهل رد لا تحكم على شي ماشافته ( اصابع ايدج مو سوى )
يا جماعة انا كلفتهم باعمال القسم من تجهيز المختبرات و التحضير ما قلت لهم غسلوا و صبغوا و بعدين كانوا الفراشات موجودين اهم بس يآمرون عليهم و يرتبون معاهم هذا شغلهم لاني موزعة على كل معلمتين مختبر و انا ماسكه الممر مال القسم
و بعدين ليش ما تبون يصير عندكم انشطة بالعكس انا احب الانشطة اهي اللي تبرز الوحدة بس بالمعقول و بدون تكليف
هونوا السالفة ​

 

[فنانة تشكيلية]

شكوو عندهم شغل يقعدون بقسم ثاني


اختي مريم سوي الي عليج وهذو يايين عمل مو ياييين دوانيه حريم يسولفون وما يبون يشتغلون اذا ما يبون يشتغلون خل يتقاعدون ويعطون الفرصه لغيرهم يشتغلون وخل يحللون معاشاتهم


وايد ناس ما يحللون معاشاتهم

 

[aladeer]

والله شي يضيق الصدر شسوي فيهم مااشتغلو شنو الشغل اللي طلبتية اول وعلي فكرة تري يكتبون بشهادتنا مدرسات مو منفذات خدمة والله حالة حطونا خدم عندهم

 

[مريم ص]

مشكورة فنانه تشكيلية على المؤازرة انا بجتمع فيهم و بفهمهم عشان لا يزعلون مني اخر السنه اذا حطينا التقارير
اختي الادير مو معنات مدرسات يعني يدرسون بس في انشطة ثانية و بنود بتقرير الكفاءة
انا ابي معلماتي ما يقصرهم شي عشان لا يدعون علي اذا حطينا التقارير
و ترى انا ما قلت لهم سوا شغلي و شغل بيتي
كل اللي طلبته يخص القسم ولا زم يلتزمون فيه

 

[كويتية222]

عاملي الناس بما تحبين ان يعاملوكِ

شنو هالشغل اللي بدأ ومافي طلبة وإلا المديرة حاطه في بالها ان لازم تستفيد من قعدة الابلات بطاليات

المعلمة تقوم بشغلها والمطلوب منها وفق منهجها وبس

ورئيسة القسم اهي حلقة الوصل بين الادارة والمعلمات فقط

لان في زميلات لي كثر خبرة وسنوات طويلة لكن يرفضون الاشراف يعني استفيدي من القديمات ومن نشاط الجدد وافكارهم ولاتحطين في بالج سوالف المعزبة والخدم

ترى اهمه حالهم من حالج ومثل ما قلت لج انتي حلقة وصل بين الاداره وبين المعلمات

وبهالوقت ترى المعلمات فهموا ان التقرير والتهديد فيه حجي فاااضي

الحسنى والاسلوب الراقي والكلمة الطيبة لها مفعول السحر

وخلي البساط احمدي وشوفوا النتيجة :klhfl:

 

[درر النور]

أنت سألت رئيسات الأقسام .... صراحة أنا وحدة ما أحب أكثر رئيسات الأقسام لأني ما شفت منهن خير كله تأمر وتحط الغلط على المدرسة وحاطه حاجز ينيا وبينها .. كأنها ما شاء الله ملكة ... تكابر .. وتغلط وتزرع الفتنة بالقسم مطبقة سياسة فرق تسد ... عمرها ما نصرت مظلومة منا .. تكذب وتشهد زور وتغشش قرايبها وياليتها ملمة بالمادة لا .. تغششهم غلط .. وأزيدكم من الشعر بيت كل يوم مهددتنا بالتقرير بند التعاون بند التعاون ... يبه السيلانيه تقول لا ... اختي اذا كنت حابة تكسبين مدرساتج .. أول شئ حبيهن .. ولا تكونين من رئيسات الأقسام اللاتي يضعن حاجز بينهن وبين معلماتهن .. صدقيني أن لو صادفت رئيسة قسم طيبة وتحب الخير وتدافع عني والله أخدمها بعيوني لكن المشكلة تما لقيت بطريقي غير حيزبونه وام الدواهي مرضعة ابليس تكره الخير للناس وكل يوم تقول أنا رئيسية قسم وأنا رئيسية قسم مسكينة ما صدقت تسير رئيسية قسم علينا . وأنا أتذكر انها أيام الجامعة كانت أكسل وحدة في القسم ونجحت بتقدير ضعيف وشافت بنت الحلال و روحها طاحت فينا أوامر .. تسوين هذا الشئ غصبن عنك أو أقول عنك ما أنت تعاونه .. بس كل اللي أوقوله حسبي الله ونعم الوكيل .. راعي الله في معلماتك يراعونك .. حبيهن يحبنك .. وقبل لا تسوين أي شئ ابدأي بنفس أنت .. صدقيني بهذا التصرف يحبونك أما اذا بدأت من أولها تهديد ما راح تلقين أحد يتعاون معاك .. وأنت حرة .............معلمة مقهورة ........ أستغفرالله وأتوب اليه