يا خسارة الملابس الشتويــــــــــــــــــــــــه

[سماء كويتية]

قوة بنات

ممكن اتحلطم شوي؟


يعني متى راح البسهم الصراحة مليت وانا اشوفهم داخل كبتي معلقين


قاعدة اتكلم عن ملابسي الشتوية، حضرتي قبل الشتا مجيلة كبتي


بهالملابس الثقيلة الي يشوفهم يقول عندنا اسكيمو


بس الواقع يقول غير جذي يعني من بدا الشتا لحد الحين ما استبردت


الا يومين بس >> عادتهم بعد هههههه


استغفر الله لا اعترض على حكمة ربي بس مادري شسوي حتى سيارتي هالسنة مابطلت الدفاية عكس


السنة الي طافت وبالعكس صرت افتح التكييف صارلي جم يوم


ولو ان التكييف عندنا منفصل جان فتحت التكييف بالبيت وجنه العيد



المشكلة ان الجو صاير حار على رطوبة والبرد القارس يصير يومين ويرد الجو يصير دافي مرة ثانية


كاسرين خاطري ملابسي شاريتهم وما اقدر البسهم والعجيري يقول ان الشباب يعني اللي طقتنا


راح يلبسون الملابس الصيفية أول مارس (3) واحنا دخلنا الحين بشهر فبراير(2) يعني خلاص


مو باقي الا اقل من 27 يوم ونصيف ولا قدرت البس الا جم لبس..


لو ادري الجو بيكون جذي هالسنة جان ماخذيت ولا شي وخزنت فلوسي حق الصيف


منو مثلي تحسفت على الشتوي الي ماقدرت تلبسه؟

:eh_s(2):


​

 

[بوران]

اي و الله صاجة
اشوة كنت بطلب لي بوت من برا بس شفت الجو ما يستاهل, انشالله اخذه السنة الياية
حتى ملابس يديدة ما شريت هالشتوية

 

[‏ღLave♥nderღ]

والله انا ماشريت ولله الحمد وتميت عالملابس الربيعية

صج شتانا دافي بس باذن الله ابشروا بالربيع الطيب

هذي الحسنة الحلوة من دفى الشتا

 

[cup-cacke]

خخخخخخخخخخ انا عيل ما شريت شتوي

قلت لامي الفلوس اللي راح تشترين لي فيهم ملابس شتويه عطيني اياهم وانا اعرف شلون اصرفهم:d

والله يمكن بس تريينقات شريت وعبايتين خامتهم تصلح صيف وشتا..لان حرام احنا شتانا ما يطول

 

[الـــدفـــشـــة]

انا حتى بجامه شتويه ماشريت هههههههههههههههه

صاجه بس يومين الي كان صج صج برررد وباجي الايام حر على رطوبه
عاد انا اموت بالبرد

 

[غـير نمؤنه ๏̯͡๏]

عرفت ليش البرد انحاش طلعتي انتي اللي مجيله للشتويه هههههههههههههههه

 

[حناينq8]

والله انا اشوف بعض هالحريم والبنات ولا هامهم اللبس الشتوي كله عليهم
هالبوتات والكوتات الصوف والجلد - لابسينهم عن الحسافه يمكن

الله يعوض علينا السنه اليايه

 

[شنكولة]

زين اني ما شريت ولا فصلت شتوي

 

[الشامريه]

الحمدلله على كل حال يااااااااااارب


انه ماعندنا صقيع ولا فيضانات ولا ثلوج تموتنا من البرد


المفروض الوحده تعرف لروحها تستبرد ولا لا؟

وعلى هالاساس تشتري

 

[باربي22]

وااااااااااااااو حطيتي ايدج عالجرح
انا اموت بالشتا وقعدته والدوا وطلعات البر السنه هذي استغفر الله حتى البر مو حلو الظهر خيسه وذبان الحمد لله على كل حال
المشكله ان يقولون كل سنه راح تيي بتكون ادفا من اللي قبلها سبه الاحتباس الحراري


الله يعوضنا خير عاد احنا السنه كلها خيسه وحر الا هالشهرين نستانس فيهم الله كريم
كثروا الاستغفار هذا كله من الذنوب

 

[سماء كويتية]

الف شكر بنات على ردودكم كلكم حياكم الله


غير نمونة: ههههههه الظاهر جذي حدي مخرعة البرد


حناين كويت: هههههههه اي من تمر علي هالنوعية اضحك حدهم مخرعين البرد


كب كيك و بوران: زين سويتوا والله لان حرام تاخذون شي حق الشتا خشوه حق الصيف وحطوا حيلكم فيه




الشامرية: اي والله الحمدلله شي احسن من شي ماعندنا فيضانات وصقيع الف الحمدلله والشكر لك يارب

باربي 22: العجيري قال في مقابلة له على الراي ان سبب الدفا ما يعود حق الاحتباس الحراري وهذي الظاهرة بعدها ما تأكدت ولازالت قيد الدراسة



بالنها

 

[C'est La Vie]

صاجة وهقنا الشتا هالسنة ولا شفناه
بس تصدقين فرصة الحين السوق كله مسوي خصومات <-- طاح بجبدهم الشتوي

 

[سماء كويتية]

سي لا في : اي شكله طايح بجبدهم ويبون يصرفونه لوووووووول لان مابقى شي على الصيف

 

[قـہۈه فـرنسيـہ™]

ذاااااك اليوووم كنت طالعه الصبح بروووح لدوااامي ,,, وكنت لابسه بالطووو ,,, وأمي تضحك علي تقووول ما في برد ... قلت يمه شسوي بحلله حراااااام شاريته ولا مره لبسه وغااالي ,,, وأتغصب عليييييييييييه ,,,بالسيااره فطست حر وقطيته ,,,

 

[توته وااااااااو]

والله حطيتي ايدج عالجرح انا شاريه حق هالشتا من برا والله العظيم صج صج تخسرت فيهم وايد من ترينقات ومن بجايم ونفانيف وبوتات يبا كل شي كل شي حتى الله يكرمكم الدغلات حسبالي راح نشتي نفس السنه اللي طافة بس مالوت السنه اللي طافة حللتهم وما تخسرت فيهم واااااااااااااااااي والله شي يضيق الخلق بس شنو نسوي يعني خلاص

 

[{الجارحه}]

عيل انا ماشريت شتوي وامس رحت وشريت صيفي
الحمدالله هالسنه ماجانا برد
تذكرون السنه اللي طافت برد يجمد الماي وغبار يخرع
الحمدالله على كل حال

 

[حصووونه]

صاجه
توني راده من برا لابسه بجامه من ويمن سيكرت تحت عباتي شتويه بغيت اموت فطست ماصدقت رجعت البيت بدلت وتسبحت ولبست علاق لوووووول وفاتحه الدرايش البيت وبالسياره اشغل التكيف خيسه وااااااااااي سبحان الله كلش مونفس العام اشوه هاللسنه ماتكلفت بالشتوي خيره

 

[رافعه الحاجب]

اشوااااا ما شريت وايد

 

[سماء كويتية]

اي والله بنات
السنة الي طافت البرد كان يكسر الضلوع ومو طبيعي هالسنة نقدر نقول
الجو ربيعي مو شتوي يعني صيف ربيع خريف والشتا في سبات

 

[....q8....]

ما شريت ملابس شتويه .. بس بجاايم

عندي ملابس شتويه من العام مو لابستهم