يا خبيرات اسواق البحرين تعالوا !!!!!!!!

[أم هـجـرس]

مساء الخير حبيباتي

انا انشاءالله بعد جم يوم راح اروح البحرين وابيكم تدلوني على محلات عبي حلووه واسعار حلووه

وابي اسماء المحلات الي موموجوده عندنا بالكويت

وشنو احسن الاماكن الترفيهيه هناك؟؟

ومشكورين حبيباتي :tek:

 

[شموخ العجمية]

اي والله نبي نعرف

 

[أم هـجـرس]

هلا فيج اختي شموخ

شي موطبيعي 29 بنت دشت الموضوع وماردوا

 

[سكووون]

مرحبا اختي

المشكلة انا دائما اروح البحرين و توي البارحة رايحتها بس مطيحه بالسيف

بس على العبايات روحي زمردة اللي بالسيف و بالعالي

عبايتهم بالسوارفسكي روعة

و بالتوفيق

 

[أغلى حبيبه]

العبايات روحي سوق المحرق في وااايد حلوين

وفي مدينه ملاهي اسمها عين عذاري توها يديده

وفي جزيره هم حلوه

وفي عرض الدلافين

وموفقه بسفرتج

 

[أم هـجـرس]

جزاكم الله الف خير

انشاءالله بعد شوي ماشيه البحرين وياليت بعد تفيدونا اكثرررررر لان راح اخذ الاب توب وياي

 

[اوركيدا]

اماكن ترفيهيه اذا معاج يهال اخذيهم
جنة دلمون المفقوده ..
حديقه مائيه كبيره وايد حلوه .. تسكر بالليل يعني روحو لها العصر ..
او بمجمع العالي .. جاكازولو .. فيه العاب لليهال وتقدرون تدخلون السينما بس المجمع مافيه محلات وايد

السوق .. دوري محل رفحه بسوق لمحرق عباياته روعه واسعارهم وايد زينه ..
في فندق الموفنبيك يم المطار مسوين معرض تخفيضات فيلا مودا .. مادري اذا بتحصلين اشيا لانه اللحين اخر الايام لكن تقدرين تاخذين فكره .. لانهم اليوم بينزلون الدفعات الاخيره

مجمع السيف عندج القسمين اليديد والقديم .. فيهم معظم المحلات اللي بسوق البحرين واغلبها عندكم بالكويت!
اذا تحبين الاكل الجاينيز والسي فود .. في مطاعم وايد بمنطقة العدليه حلوه تعشو فيها .. منها ميراي ومونسون .. اغلبهم يبيلهم حجز ..

عندج كافيه ليلو بمجمع العالي وايد حلو ..

 

[حور العيون]

تروحين وتردين بالسلامه انشاءالله

 

[غَـنْـجَـى و دَلـوعْ]

تروحين و تردين بالسلامة همن احنا اليوووم بنروح البحرين الله ييسر لنا ..