يا خاطفي وين ألقى عزتي في زمان المذلة ! / كاملة للكاتبه : على شاطئ النسيان

[نبض روحك]

مشوآ خطوتين ووقفوآ قريب باب المجلس
سحر مسكت يد شوق بخوف وتوتر وكأنهآ تستمد القوه منها ...ابتسمت على شكلها الخايف والمرتجف تذكرت لما كآنت بتقابل فهد بصفتها خطيبته في نفس هذآ المكآن كانت مشآعرهآ مناقضه تمآمآ لمشآعرهآ الان ...في هذا الوقت أخذت مكآن الأخت الكبرى والأم لسحر
فتحت الباب المجلس ودخلت شوق وعلى وجهها ابتسامه
شوق: جات عروستكم
ام معاذ وقفت تنتظر دخول سحر المرتبك اول ماشافتهآ :ماشاء الله تبارك الله ..ياهلا بعروسة ولدي ياهلا
سلمت والأرتباك باين عليها مانطقت ولا حرف واكتفت بلصمت والإيماء على اي سؤال يتوجه لها ...جلست جنب شوق مارفعت راسها
خالة لينا: مشاء الله الله يحفظك ياحبيبتي ليش زعلانه ماتبين نشوف وجهك
شهد ابتسمت: لا ابد مو زعلانه بس حياء وخجل
شوق همست لها:خليك طبيعيه
سحر بشويش رفعت راسها وطلت في ريم ولينا اللي كابتين ضحكهم وتعليقهم على الموقف وبداخلها تسب فيهم وبنظراتهم اللي كلها سخريه واستهزاء
ام معاذ: كيفك يابنتي ايش مسويه مع دراستك؟
سحر بصوت خافت: الحمدلله ماشيه فيها
خالة لينا:شدي حيلك نبيك تصيرين احسن دكتوره في المدينه
سحر:ان شاء الله
شوق :ان شاء الله تكون احسن دكتوره سحوره قدهآ
أم معاذ: باين عليها ماشاء الله .. اقول سحر أبي أخذ رآيك بموضوع
سحر بحياء: تفضلي
ام معاذ: عمك أبو معآذ كلم أبوكِ عشان نبي نسوي شبكه وابوك موآفق ايش رايك
سحر بردت اطرآفهآ وبدأ قلبهآ تتسارع نبضاته ونظراتها مرتكزه على شوق وشهد
سحر:شوق هي اللي تقرر
شوق طيرت عيونهآ في سحر وردت بسرعه: مدآم عمي موآفق احنآ بعد موافقين بس يعني لو تأجلوهآ لين تخلص شهد من النفاس وتكون معآنآ احسن
ام معاذ: حقكم حبيبتي واللي تبونه يصير بس حددوآ اليوم اللي تبونه يمكن بنتنآ يكون عندهآ أمتحآن وألا شي
شوق لفت على سحر:اعطونا يومين عشان تشوف جدولهآ وتختار يوم مناسب
ام معاذ:على راحتكم أهم شي عروستنآ رآضيه
شهد طلت في سحر اللي ملتزمه الصمت:اكيد موآفقه
أستئذنت سحر وطلعت ..بعد دقايق لحقوهآ ريم ولينآ في غرفتهآ
لينا طاحت على الكرسي ميته ضحك:آآآخ ياشكلك توحفه
ريم :هاه جربتي اللي جربنآه
سحر بتوتر:بالله عليكم أهجد,ى ترى خلقه متوتره وممكن أكسر اي شي قدآمي
هنآدي بعدت الشرشف عن عيونها:كيفك لينا
لينا:بخير ..ايش فيك هنوده شكلك تعبانه
هنادي: زكآآم عادي
سمر تبعد كتآبهآ عن الطاوله بحماس:بالله حكوني عن شكلها
ريم جلست على نفس الطاوله:فاتك نص عمرك صراحه
لينا:ردينآهآ لها اول كآنت تستعبط علينا جآء دورهآ
دق جوآل هنآدي وقآمت من عندهم ..دخلت غرفه شوق وقفلته على نفسهآ أخذت نفس طويل قبل ترد على المتصل وبدآخلها خوف كبير من مستقبله ومصيرهآ المظلم مع هذآ الشخص
هنآدي بدون نفس: خير
..:ردي بأدب سآمعه ترآني زوجك مو خدآمك
هنادي:لك عين بعد تنطقهآ صدق انك وقح
..:هنآدي تأدبي معي أحسن مآ أأدبك بطريقتي
هنادي عصبت:ويش تقدر تسوي
..:بكل سهوله اروح لأبوك واقوله أني زوجك وقتهآ يمكن يقتلك ويتخلص منك
هنآدي نزلت دموعهآ بدون أي مقاومه منهآ:وآآطي
..:اسمعي انا متصل ابيك تجيني بعد صلاة العشاء سامعه
هنآدي بتحدي:ماني جايه وموآلك غنيه
ردت عليها بنبره حآده وجآده بنفس الوقت:شوفي زي ماقدرت اجيبك لحد عندي أقدر اجيبك الحين ...خلي عنآدك على جنب وتعالي فاهمه
هنآدي:عندنآ ضيوف ما أقدر أجي ايش تبغآهم يقولون عني
..:دآم كذآ بكره مآتروحي الجآمعه تجين عندي زين
هنادي خافت:ماني جايه فاهم
عصب منها:قد أعذر من أنذر انا نبهتك وعارفه ايش راح يصير فيك اذا ماجيتي
قفل الخط بوجهها وتركهآ مرعوبه من تهديدآته وخوفهآ الأكبر أنه يقول لأبوهآ وقتهآ مآحد يدري أي ردة فعل بتصدر منه ...جلست على سرير شوق ودموعهآ تسابقهآ


{هنآدي}
أيش قاعد يصير فيني؟..مآحسبت حسآب لهذآ الشي ...حسبي الله فيك يآمآجد أنت وعبير الله ينتقم منكم خربتوآ حياتي وقتلتوني ...لآزم أتصرف وألقي حل لهذي المصيبه لو يدري أحد وربي رآح يموتوني ...كل الحلول اللي فكرت فيهآ فاشله من قبل انفذهآ ...انا بتسفسر من أحد يقدر يسآعدني ...سحبت الآب توب اللي على كمودينة شوق وفتحته وبدت تلف بالشبكه العنكبوتيه تدور لهآ عن حل يمكن يفيدهآ او على الأقل يسآعدهآ مؤقتاً في هذي المشكله

أذن العشآء ورآحوآ كل الضيوف اللي كآنوآ متوآجدين
سحر بتعب: احس هم أنزآح عن صدري بروح أنآآآآم عشان اصحى الساعه 2 بالليل اذاكر شوي
سمر: كأن رغد تأخرت في النوم ...مآحست الآ بصوت رغد ورآهآ
رغد بأبتسامه:صاحيه من زمآن بس جالسه بغرفتي أذاكر سمعت أصوآت ورجه قلت أكيد في أحد مافيني البس وأسلم عليهم
سحر ضحكت: يمه منك لئيمه
رغد تجلس جنب سمر: ايش بنتعشى؟
سمر:معكرونه بالباشميل يمي
رغد فرحت:لايكون شوق سوتها ترى اذا من يدهآ بأكل الصينيه كلهآ
سحر :يس يس شوقآآ سوتهآ
رغد:ياعمري أنآ على شوآقه تعرف أنآ أحبهآ من يدهآ الله لا يحرمنا منها
سمر بتخصر:مآشآء الله كل هذآ عشان سوت العشاء صدق دنيآ حظوظ
دخلت عليهم شوق وهي لابسه عبايتهآ:بنات روحوآ أتعشوآ انا رايحه مشوآر ضروري ورآجعه
سحر عقدت حوآجبهآ:وين رآيحه
شوق ابتسمت:الصيدليه بجيب لي أشياء ..المهم ترى عمي جآء حطوآ له العشاء يالله مع السلامه
سمر :لحظة لحظة بروح معك
شوق ارتبكت:هآآه لا اصلا انا راح اتأخر وانتي تعبانه نامي بدري
تركتهم وبسرعه نزلت لجلالي اللي كلمته يجهز السياره...قابلت شهد اللي شايله ولدهآ في حضنهآ ورايحه للصاله
شهد بأستغراب:وين بتروح شوق؟
رغد اخذت مشاري من أمه وجلست على الأرض:تقول بتروح مشوار مدري صيدليه
سحرمآشيه للمطبخ:تبون أحط لكم العشاء والا لا
شهد:الله يعافيك حطيلي معك مع عصير فرآوله
رغد ابتسمت بفرحه وحماس:ايه عفيه عليك سحوره حطي لنا كلنا
سحر تأشر لسمر بأصباعها السبابه:يالله انتي تعالي ساعديني
جآت هنآدي اللي كآنت بغرفه شوق تصلي وتدعي ربهآ يسآعدهآ ويلهمهآ الصبر على مصيبتهآ اللي ماتدري كيف تحلهآ...أستخارت بعد مآصلت وحست أنهآ مرتاحه للشيء اللي راح تسويه وعزمت بدآخلهآ انهآ تخطو هذي الخطوه
انصدمت من شكل هنآدي التعب باين عليهآ والسوآد بدأ يظهر تحت عيونهآ ومرتسمه على ملامحهآ علآمآت الحزن ... تأكدت في هذي اللحظة شكوكهآ
شهد قربت من هنآدي وحطت يدهآ على كتفهآوالذبول خافي كل معالم وجههآ البريء:هنو علامك ذبلآنه اللي يشوفك يحس أن فيك مصيبه
هنادي جاملة شهد بأبتسآمه ميته وبآرده:بطني توجعني شوي
شهد:متأكده بس بطنك ؟
هنآدي :ايه تعرفين كل شهر أتعب كذآ وأكثر بعد
شهد ابتسمت بحنيه:طيب ارتاحي أنآ بسوي لك شي دآفي يخفف عنك الآلم
هنآدي(آآآآه ياشهد ألمي صعب يخف ليته يظل كذآ ولآ يكبر وتصير مصيبه لنآ كلنآ):لا مايحتاج انا بعد شوي اسوي لي كوفي بس أذا تعشى أبوي قوليلي عشان ابي اتكلم معه
رغد: اجلسي معنآ الحين بنحط العشاء
هنآدي:عليكم بالعافيه أنا مالي نفس
شهد باستهآ بخفه:روحي على سريرك ارتاحي
اختفت هنآدي عن أنظآرهم ورغد لآهيه مع ميشو اللي منجنه عليه وتلآعبه وهو يتبسم لهآ
رغد:يانآس عليه كبر شوي يهبل على خدود تزنن
شهد جلت على الكنب وتربعت:أذكري ربك على الولد ترى مآجآء ببلآش
رغد لفت وطلت بشهد وانطلقت ضحكآتهآ:ايه مآجآء ببلآش
شهد انجرحت من رغد: هيه رغيد ارجعي لعبيه واتركي دقاتك بالكلام
رغد:انتي اللي بديتي والبادي أظلم
شهد تشد شعرهآ بشويش: أنطمي يالله عاد ..اقولك مين يشبه أنآ وألآ ابوه ؟
رغد تتأمل ملامحه بدقه:شوفي عيونه زي عيونك نفس النظرآت والرموش والوسآع بس خشمه زي أبوه حلو متوسط مو طويل ولآصغير أمآ فمه وخدوده كأنك قدآمي
شهد ضحكت:أنا أحسه يشبهني حتى يوسف يقول نفس الكلام
رغد بدقه أكثر: بس بشرته سمره انتي بيضاء وابوه ابيض من وين طلع بالسمآر
شهد ترفع حآجبهآ:السمآره أمآره
رغد بسخريه: شوفوآ أيش تقووول "قآم يبكي مشاري"
شهد:هآتيه هاتيه برضعه حس أنك تتمسخري عليه
رغد تشيله وتحطه بحضن شهد:عشنآ وشفنآ
شهد تطلع صدرهآ:لوسمحتي بصي هنآك
رغد مددت رجولها وعناد في شهد تطالعها:ترى مليت من كثر ماشفتك وووع
شهد دقتهآ بقوه:وع بعينك الحين القمر عندك وتقولين وع مالت عليك
رغد ضحكت: طيب طيب لاتعصبين اسفين

جآت سحر وسمر حطوآ سفرة العشاء ونآدوآ عمهم وبدوآ يتعشون مع بعض بهدوء وأخذتهم السوالف مع بعض

:::
:::
:::

قفل الملف اللي بيده وأنطلقت ضحكآته في أرجآء مكتبه بالشركه
فهد بنبره ساخره (بكره بنشوف ياعائله الجابر كيف بتتأقلمون بوضعكم الجديد )
وقف وأخذ شنطته واورآقه المهمه ورجع للبيت وأنسدح على طول في سريره وانغمس بنومه بعد يوم متعب جدآ

أمآ عند شوق ..راحت لأقرب عيآه خآصه بالنساء وسوت كشف
كآنت منسدحه على السرير والدكتوره تحرك الجهآز على بطنهآ بجميع الجهآت بعد مآسوت لهآ تحليل دم ولأشياء الازمه
شوق بقلق:طمنيني يادكتوره
الدكتوره:مآأخبي عليك ياشوق الورم كل مره يتضاعف حجمه يحتآج عمليه ثانيه نفس عمليتك الأولى ويمكن تكون أخطر لآن حجمه كبير شوي
شوق أكتسى ملامحهآ الحزن لآن توقعآتهآ كلهآ خآبت وأظهرت نتيجه معآكسه:مافي حل ثاني
الدكتوره طلت فيها وبدآخلهآ حزينه على حالتهآ الصعبه:أتمنى أنك تستخيري وبعدهآ تسوي العمليه عشان تحافظين على نفسك وحيآتك
شوق طالعت في شآشه الكمبيوتر اللي تشوف فيهآ انقبآضات رحمهآ وشكل الورم في جدآره:الله يكتب اللي فيه الخير
الدكتوره أعطتهآ منآديل ورقيه حتى تمسح بطنهآ وراحت لمكتبهآ عشان تكتب لهآ روشته بالأدويه اللي تسكن عنهآ ألالم لو لبضعة أيام
شوق لحقتهآ:دكتوره متى تطلع نتيجة تحليل الدم
الدكتوره: انتظري شوي على وشك تطلع
دقآيق ودخلت النيرس بورقة فيهآ نتيجة التحليل أخذتهآ شوق ورجعت للبيت وبدآخلهآ تتألم كيف رآح تخبر فهد بهذآ الخبر ...رمت الورقه دآخل شنطتهآ ودخلت تأخذ شور دآفي وتغير ملابسهآ ...أنسدحت على سريرهآ بتعب وأرهاق حطت يدهآ على بطنهآ تحسست مكآن الوشم اللي أسفله تذكرت اللي بكتف فهد مر شريط الذكريات بخيالهآ بسرعة البرق وأصوآت كثيره أمتلت في ذآكرتهآ العميقه ..صرآخ بكآء أنين وأهآت أعقبتها ضحكآت وقهقهآت وسعآده بعد عنآء ... تعوذت من الشيطآن وأستسلمت لحرب وسآدتهآ وعالم الأحلام

بنفس البيت بغرفة أبو مها
انتظرت لما الكل نآم ورآحت له ... حكت له كل اللي صار معهآ..صارت تبكي بهسيريا وأبوهآ مو مستوعب أي كلمه نطقت فيها ...هو حبل النجآه الوحيد لهآ ..يقدر يطلعها ويسآعدهآ
ابو مها بصدمه:هنادي انتي عارفه ايش تقولين
هنادي تمسح دموعها بعشوائيه:يبه انا ماقلت لك الا عشان ابيك تساعدني هو يهددني خفت يقولك اكيد بيكذب عليك وانا خلاص صرت زوجته يبه الله يخليك دبرني اعطني حل
ابوها انقهر حس ان الدنيا تسكرت بوجهه كيف يحمي بنته اللي هي عرضه وشرفه من وآحد متغرض لها ويبي يشوه سمعتهآ لو مآلبت له اي طلب من طلباته ...سمع شكوآهآ وبكل كلمه كانت تنطقها يحسها سكين تنغرز بصدره وتزيد ألمه أكثر واكثر ...التزم الهدوء والصمت وبعد دقايق قال:شوفي يابنتي الحين مالنا الا نسكت هذي مصيبه و فضيحه ويش بيقولون الناس عنآ لو دروآ..الله ينتقم منه ومن اللي ساعدوه مالنا الا الصبر وبعدها نشوف ايش نسوي
هنادي بخوف: طيب ويش أسوي بكره انا خايفه يبه خايفه مرره مابي أحد يعرف اكيد أخوه بيصير فيه شي لو درى عن سوآته فينآ
ابومها بتحذير:أنتبهي تقولين لأحد خلي النآس بحالهآ واذا سألك أنآ أدري قولي لآ على أساس كل شي بالسر وربك يحلهآ خليني أفكر بحل يناسبنا ومايفضحنآ
هنادي تمسح دموعها:الله يخليك تاج على راسي والله بدونك مآ اسوى شي
قرب منهآ وضمهآ لصدره وهو يحس بالنار تشتعل دآخله بس لآزم يكون حكيم بتصرفاته حتى مآيأذي بنته ويطلع عليهآ الكلام وتنخدش سمعتهآ وبنفس الوقت ينتقم لها منه لكن بأي طريقه وهو انسان ضعيف مسالم ماله بالمشآكل ابدآ ولايحبها او يفتعلها بقصد او دون قصد
ابوها:شوفي يابنتي بكره لاتروحين الجامعه روحي للفندق اللي قالك عليه هذآ زوجك اخاف لو ترفضين يسوي شي مانتوقعه ..حاولي انك تستدرجينه فهمتي يابنتي
هنآدي هزت راسهآ:ايوه
ابوهآ مسك يدهآ:لآتخافين ان شاء الله ربك يحلها وييسر الأمور كلهآ
هنادي رجعت دموعها تنذرف من جديد وأطرافهآ ترتجف :خايفه والله يبه خايفه
ابوهآ مسح عليها وحاول يهديها:خليك قويه لاتبينين له أنك ضعيفه وكل كبير موجود اللي أكبر منه وهو رب العالمين مطلع وعآلم بكل شي ربك يفرجها توكلي وأنآ أبوك على ربك
هنادي هدت شوي:اسفه يبه ضيقة خلقك
كآن قلبه يتقطع عليهآ بطل نظره يتأملهآ فيهآ شايف الانكسآر والحزن بعيونهآ ودموعهآ تشكي شدة الأحتياج والخوف من القآدم ...زفر انفآسه بحرقه وكأن صدره تتزآحم فيه أنفاسه وقوته تخور أمآم عينآهآ الحزينه المليئه بالدموع الهزيله ...تركت ابوهآ يعاني وحيد في غرفته من كبر سنه وأمرآضه المتعدد وعدم قدرته على رد أعتبار طفلته التي أُخذت بالغصب وأُجبرت مٌكرهه على الزوآج دون علم أي من أهلهآ أو وجود وليهآ كونهآ بغلت سن الـ 20.
رجعت للغرفه حآولت تنآم لكن للأسف النوم مجآفيهآ وعينآهآ تذرف الدموع بحرقه وحرآره تُجبرهآ على الألم ...شآفت ضوء شآشة جوالهآ يضوي في ظلام غرفتهم الحالك أخذته بتكآسل وحصلت مسج فتحته
( خمس دقآيق وأدق عليك دبري مكآن تكلميني فيه عشآن أتفاهم معك على موعدنآ بكره )

 

[نبض روحك]

فزت من مكآنهآ بشويش وطلعت جري للمطبخ بدون مآحد يحس عليهآ فتحت الثلاجه تدور شي تسد فيه جوعهآ لآنهآ مآأكلت أي شي من صآر اللي صار انتبهت لجوال اللي سايلنت يهتز ردت بصوت بارد خالي من الحياه: هـلا
باسل:صباح الخير
هنادي بكره:صباح النور
باسل: أخبارك يازوجتي العزيزه
هنادي تصر على أسنآنهآ:بخير
باسل بصوت مبتهج:هآه مستعده لموعدنآ بكره
هنادي جلست على الكرسي:ايوه
باسل:ماشاء الله على زوجتي تسمع الكلمه من أول مره
هنادي بعصبيه: أيش تبي خلصني
باسل:لالالا الا هنودتي ماتعصب كل الدنيا ماتهمني بس أنتي غير مابي أي شي يكدر خاطرك
هنادي انقهرت منه:واللي سويته أيش تعتبره
باسل:أنآ وعدتك اردلك حركتك اللي سويتيهآ فيني بالرياض وجآء اليوم اللي اردهآ لك وصار احلى شي تمنيته
هنادي: انت اخذت اللي تبي ويش تبي مني ثاني
باسل :وي مره وحده مستكثرتهآ علي ترى أنآ زوجك ياهانم المفروض تكونين مرزوعه عندي 24 ساعه
هنادي بسخريه:هذآك لو أنك جآي مع الباب مو مع الشباك زي القطآوه وطعنتني في الظهر وجبرتني على شي أنآ مآبيه
باسل:عاد صار اللي صار...نسيتيني ليش متصل المهم الصباح رآح أمرك بننزل السوق مع بعض
هنادي استغربت :خير ايش قلت ؟
باسل:حطي بالك أنك بتقضين أغلب يومك معي سمعتي
هنآدي شهقت: أهلي أيش أقول لهم وخوآتي مجنون أنت
باسل بحده: مالي خص تصرفي انتي زوجتي وأنآ ابيك وهذآ أبسط حقوقي
هنادي عصبت منه:صدق أنك وآطي
باسل ضحك:وتبسبيني المفروض أكون توب عندك لأني زوجك وأبو أولادك
هنادي انصدمت من كلامه ردت عليه بسرعه ببغض:من قالك أني ابي منك عيال تموت ومآ أحمل منك
باسل مآت ضحك على ردة فعلهآ تعجبه دفاشتهآ وردودهآ اللأرآديه يحب ينرفزهآ لأنه يتلذذ بأسلوبها الخشن اللي مآيوحي له أبدآ بنعومتهآ أو أنوثتهآ..يعشق شكلهآ المسترجل حب فيهآ كل شي بعيوبهآ ومزآياها...تحدى نفسه وفضل أنه يوصل لهآ بطريقته اللي أستمتع فيهآ كثير لآنه خآف لو تقدم لهآ ترفضه ومحد يقدر يجبرهآ ترضى فيه
باسل:صدقتي أني بجيب منك عيال أصلا حبوب منع الحمل شريتهآ وجآهزه عندي تنتظر وصولك يازوجتي
هنادي حمر وجههآ وصرخت عليه:أنت من أي طينه مخلوق حقير وسآفل ماعمري شفت أنسآن نجس زيك
باسل ببرود رد عليها:قولي عني اللي تبين أهم شي أنك حلالي ...ولاتنسين موعدنآ بكره ولو تسوين حركه مالهآ دآعي ترحمي على نفسك ..تصبحين على خير
قفلت بوجهه وظغطهآ وصل ألف منه ومن كلامه اللي يسمم ...حطت يديهآ على الطاوله ودفنت رآسهآ بينهآ وكملت بكآئهآ ...وهي تحس بشي دآخلهآ تحرك من بعد هذي المكالمه لكنهآ تجهله ولاتعرفه ...أخذت بندول يخفف عنهى الصدآع ورجعت للغرفه وقبل تنآم حطت المنبه عشآن تصحى عليه وماتنام والا يكسرها باسل.


صباح اليوم التالي
صحى من النوم بدري عشآن ينزل عند أخته ويسلم عليهآ قبل يروح لعمله
منال بأبتسامه:ماشاء الله صاحي بدري اليوم على غير العاده
نواف :ههههههه صباح الخير
منال:صباح النور
نواف : شخبارك وشخبار ولدك
منال :نايم فديته
نواف: ماعندك أخبار جديده
منال تأكل من صينية الفطور حقتهآ: ابد مافي اي جديد
نواف ابتسم: اقول منال حاب اسئلك عن شي
منال ضحكت: أنا عارفه أن ورآك بلوى ..اسئل
نواف أنحرج:البنت اللي جآتك أمس مدري قبله أيش اسمهآ؟
منال تحاول تتذكر: متى ؟
نواف:اللي جوآ الصباح كآنوآ ثنتين وحده متغطيه والثانيه كاشفه حآس أنهآ ماهي سعوديه
منآل تذكرت:آهــآ تقصد صفاء
نواف:مدري ايش اسمهى بس عيونها زرقاء وبيضاء مرره
منال ابتسمت وغمزت له:ليش تسأل عنهآ
نواف ارتبك:هاه لا ولاشي بس استغربت من شكلها اكيد ماهي سعوديه
منال: لالا سعوديه تطمن
نواف بلهفه:صدق ..من هي بنته وكيف تعرفينها؟
منال:هذي تعرفت عليها وانا ساكنه بجده لما كنت بالنادي وصرنا اصحاب مرره من يومها
نواف:ماشاء الله عليها صراحه عجبتني
منال: تبينا نخطبها لك؟
نواف عقد حواجبه بأستغراب:ليش هي ماهي متزوجه؟
منال بحزن:لا ماتزوجت محد خطبها واذا احد خطبها ابوها يفض لآنه يبي من مستوآهم ألاجتمآعي اوقريب منه لان أغلب اللي يخطبونهى متوسطين الحال وتلاقيهم طمعآنين بفلوسهآ
نواف :كم عمرهآ؟
منال: تقريبا الحين يمكن 28 مو كبيره يعني قريبه من عمرك انت بالثلاثين أحكم منآسبين لبعض ومن نفس الطبقه تقريبا
نواف تنهد واستجمع قواي:بقول لأمي تخطبهآ لي صرآحه من شفتها وفكرة الزوآج برآسي
منآل بفرحه: صدق والله مره لآيقين لبعض يحصلك تتزوج وحده امهآ اوربيه
نواف فتح عيونه على الأخير وبدأ يأخذ منهآ كل التفاصيل عن صفاء وعن أبوهآ وأهلها في جده

::
::

صحت والتعب زآيد عليهآ اليوم بعد مآروآحوآ الكل لدوآمتهم عدآ هنادي طبعآ ..رجعت لسريرهآ وانسدحت لكنهآ ماقدرت تنآم ..فتحت الآب توب وصارت تتصفح الموآقع وتشوف موآقع الجرآيد الألكترونيه وتشييك على أخر الأخبار وتضييع وقتهآ حتى ماتحس بالوجع والألم
لفتهآ عنوآن بالصفحآت الأولى ..ضغطت بزر الفاره حتى تنعرض لهآ صفحة الخبر كآمل
( أفلآس عآئلة الجابر ..ومزآدآت على مآتبقى من أملاكهم)
قرت الخبر وهي مشلوله من الصدمه ..بسرعه مسكت جوالهآ واتصلت على فهد ..لكن حصلت الخط مشغول..كل ثانيه تجرب الى أن مسك معهآ الخط
فهد: ياصباح النور والسرور
شوق بصدمه: الخبر اللي قريته صحيح؟
فهد ضحك: أي خبر شوآقتي ؟
شوق بحده: مآتدري أن أبوك أفلس ؟
فهد : يووووه توك تدرين العالم أزعجوني بالاستفسآرت والصحآفه برى الشركه يبون مني معلومآت عن الخبر
شوق عصبت: فهد رد علي صح والا الخبر كذب
فهد : للأسف الخبر صحيح 100%
شوق شهقت: أهلك ايش صار فيهم؟
فهد بخبث ولئم: جآء الوقت اللي يدفعون ثمن تبطرهم على النعمه وأستحقارهم لي
شوق شكت بالموضوع:انت ورى كل اللي صار؟
فهد ضحك ضحكة لئيمه ممزوجه بمكر: لآ بس أنآ الوحيد اللي شريت كل عقاراتهم وشركآتهم
شوق: شلون يطآوعك قلبك تسوي بأبوك وأعمآمك كذآ
فهد رد عليهآ بحده:وهم كيف طاوعهم قلبهم يرموني ويعايروني بأميوعلآقاتهم بأبوي
شوق غمضت عيونهآ حست بدوخه بسيطه رمت نفسهآ على المخده ونزلت دموعهآ: فهد أنا خايفه عليك مآبي يصير فيك شي ..أخاف حوبة أهلك تلاحقك
فهد بنبرة ساخره: قصدك هذي حوبتي اللي من سنين تلاحقهم
شوق أخذت نفس طويل: وبعدين أيش راح تسوي
فهد : ولاشي انا شريت كل شي يملكون وأفكر اخلي لهم شي بسيط يعيشون منه
شوق بحنيه: حبيبي تذكر أنه ابوك جنتك ونآرك مهمآ كان قاسي معك ومايبيك يظل هذا أبوك كل خيره لك وكل خيرك له
فهد غمض عيونه ولف على شباك مكتبه الزجاجي يتأمل الناس من خلفه:ليش أنآ هنت عليه ياشوق ليش مآرباني وعلمني ..ليه رمآني على جدي أنآ مآ أنسى كل شي سوآه فيني ..حتى مرضى كآن بسببه
شوق تمنت أنه يكون جنبهآ وتخفف عنهآ وتحنن قلبه على اهله:حبيبي ايش رآيك تجي للمدينه تغير جو شغلك وترتاح من المسؤليه اللي ورآك لآني محتاجتك
فهد: أتمنى بس مقدر
شوق : ايش اللي يمنعك يافهد اهلك اللي تبي تدمرهم خلاص دمرتهم وأنتهيت ايش بقى شي ثاني
فهد :باقي أشياء كثير ياشوق أشياء كثير مع الآيام راح تفهمي قصدي
شوق: ياخوفي يجي اليوم اللي مآ أكون فيه جنبك
فهد أرتجف من سمع كلمتهآ أنقبض قلبه وبصوت ملهوف:أيش معنى كلامك هذآ؟
شوق ذرفت دمعه يتيمه من عينها: ولاشي أنسى اللي قلته
فهد بحده:ماراح أنسى صاير شي معك ..تكلمي قولي لو تبين أجيك الحين جيتك
شوق:مو مهم كل الحكايه أشتقت لك
فهد مامشت عليه تصريفتها:وانا بعد فاقدك حيل
شوق: يالله حبيبي بقفل الحين اخليك في شغلك وانا بنام لي شوي
فهد ابتسم على حنانها تمنى أنه جنبهآ حتى يقبلهآ ويضمهآ لحضنه اللي مشتآق لهآ: راح أتصل عليك اليوم انتظري أتصالي
شوق بحب: ويش يصبرني لين تتصل اتوقع راح اسبقك
فهد ضحك: اليوم مستحيل تسبقيني
شوق ابتسمت وبصوت فيه شوية بحه: باي
فهد: باي

بغرفه ثانيه من هذآ البيت
طلعت من الحمام توهآ مآخذه شور وقفت قبال المرآيا تجفف شعرهآ وعندهآ رغبه بالتجمل ...كحلت عينهآ بكل أزرق وحطت مآسكآرا كحلي وبلآشر مشمشي وروج مشمشي يميل شوي للحُمره ..فتحت دولابهآ وطلعت بنطلون لويست أسود وبلوزه أورنج فيهآ رسومآت كارتونيه بالاخضر والأحمر ..لبست حزآمين صغار لون احمر وأخضر ..طلت صندل سحر الأورنج اللي بكعب مايتجاوز طوله3 سم ولبسته واخذت الشنطه طقمه وحطت فيهآ اغراضهآ ..نفشت شعرهآ اللي رفضوآ خواتها تقصه ..وسوت بف خفيف من قدآم ونزلت خصلتين على جنب والباقي رفعته بشبآصه صغيره حتى بعدين تتركته مفرود بعشوآئيه ...أخذت العطر ورشت على نفسها رشتين وبخت على يدهآ اليسار ومسحت شوي على رقبتهآ
بعد مالبست عبايتهآ استغربت من نفسهآ واقبالهآ على هذآ الشي نست كل اللي صار وكأنهآ مو هنادي الأولى حابه هذا الشي اللي يصير معهآ رغم انه جرحها وعذبهآ لو لوقت قليل الآ أنه غير فيهآ اشياء كثيره واهمهآ لوكهآ الرجولي بدأ يتلآشى لكن المضمون مازال كمآ هو ...انتظرت أتصاله اول ما ارسل لهآ المسج عدلت عبايتهآ وقرت المعوذآت وحصنت نفسهآ وتوكلت على ربهآ ...نزلت الدرج وكآنت خطوآتهآ تثقيله جدآ ... وقفت عند باب العمآره شافته وآقف جنب سيارته اللكزس 2009 ولآبس ثوب ومسوي العِمَه الأماراتيه ..ونظآرآته السودآء مغطيه اغلب ملامحه ...قربت بسرعه وركبت السياره ..دخل قبلهآ واول مادخلت حرك السياره من قدآم بيتهم
باسل ينزل نظارته شوي عن عيونه:لآيكون داخله على يهودي في شي أسمه سلام
هنادي بتافف:وعلييكم السلام
باسل رفع حاجبه:الظاهر تفهمين بالمقلوب ...بس أنآ اللي راح اخليك تتعدلين يابنت محمد
هنادي انقهرت منه وقالت بنبره حاقده:تخسي أنآ اللي راح اخليك تتعدل
باسل لف عليها مصدوم من كلمتها نفخ عليها بشراسه: أيش قلتي ؟..ماسمعتك والله
لفت على جهتها أصرت على اسنانها:عساك للطرم والصم
باسل وعيونه على الطريق: قلتي شي حضرتك؟
هنادي: سلآمتك
باسل وقف عند مجموعة محلات معروفه:يالله أنزلي
هنادي عقدت حوآجبها:ليش جايبني هنآ
باسل ابتسم بلئم:ليش مآتبين تشترين شي أشوفك فيه
هنادي عصبت: الظاهر أنك خرفت يالشيبه
باسل ضحك بهستيريا على كلامها:انآ شيبه ... اخلصي علي يالله انزلي
هنادي بعنآد:ماني نآزله
باسل أرتفع ضغطه من عنآدهآ نزل وقفل الأبوآب عليهآ ودخل للمحل مرت نص سآعه وهو لسى مآرجع لها
هنآدي تشوفه من بعيد(بجد حقير الله يأخذك ان شاء الله تطلع وتصدمك سياره )
رد صوت بدآخلهآ( استغفري ربك مايجوز تدعين عليه نآسيه أن في ملائكه ترد على دعوتك)
نفضت كل شي من رآسهآ واستغفرت ربهآ ...حست أنهآ مخنوقه وأنفاسهآ مضطربه خآيفه منه ومن تسلطه بالرغم أنه يحاول يكون طيب معهآ لكنهآ مآتشوف الآ جآنبه الاسود والمظلم
مآحست ألآ بفتحته للباب ورآهآ يحط الأكياس اللي بيده ..دخل وحرك السياره
هنآدي : وين بنروح؟
باسل :يهمك تعرفين؟
هنادي انقهرت: ايه يهمني والا تبيني مثل الأطرش بالزفه
باسل:بنروح الشقه اللي أشتريتهآ
هنآدي فتحت عيونهآ على الأخير:أي شقه ووين؟
باسل: بطريق سيد الشهدآء قريبه شوي من الحرم
هنآدي :وليش أشتريتهآ ؟
باسل لف عليهآ :خير بتعلميني ويش اسوي وشاريهآ عشان لمآ أجي المدينه ماحب الفنآدق أنآ
هنآدي عصبت:اوووف
باسل:وألا عادي عندك تنآمين بفندق
هنادي بعصبيه:لالا أنت أكيد أنجنيت والا صار لعقلك شي مصدق أني بكون زوجتك
باسل ضحك :أيه زوجتي على سنة الله ورسوله
هنادي صرخت عليه:برفع عليك قضية خلع
باسل اللي وقف بسبب الأشاره لف عليهآ وهو مستغرب أنطلقت ضحكآته بالسياره:خــلـــع مره وحده ..الله عليك ياهنودتي
هنادي قامت تبكي: وربي أنك سافل ووآطي
سكت عنهآ لمآ شافهآ تبكي ..وأتجهه لشقتهم

 

[نبض روحك]

بجده
صحى من النوم مكسل سمع اصوآت برى جناحه طلع بسرعه وشاف اخته جالسه وعندهآ وحده من الخدم تسوي لهآ منايكير
حازم:صباح الخير
صفاء ابتسمت له:صباح النور
حآزم: أخبار اختي الحلوه
صفاء: تمآم ..انت كيفك أمس لما جيت ماحصلتك
حازم : تأخرت برجعتي وماحبيت اصحيك اخر الليل عارف انك واصله تعبانه
صفاء: ياعمري أنت ...غريبه ماروحت دوآمك
حازم جلس جنبهآ:مالي نفس أروح للدوآم ..وين الجرآيد؟
صفاء تأشر على الطاوله:شوفهآ هنآك واعطيني الوطن بقرأ فيهآ شوي
حازم بسرعه رمآهآ عليهآ واخذ بقة الجرآيد يتصفح عنآوينهآ ..سمع شهقه طلعت من صفاء
حازم تعلقت عيونه فيهآ: خير أيش بك مفجوعه
صفاء:تخيل عآئلة الجابر أفلست
حازم عقد حوآجبه:لآتقولي اللي يصيرون أعمآم فهد
صفاء:أيوه هم
حازم بصدمه:مآ أصدق مستحيل
صفاء تدور جوآلهآ أخذته بسرعه وأتصلت على فهد تستفسر منه عن اللي صار

::
::

في المستشفى
اليوم كآن كله تدريب عملي للطالب ...أنهلكت وهي تنتقل من مريض لمريض ..رجعوآ للغرفة المخصصه للطالبات فقط
أسيل بتعب:أنآ خلاص تعبت بتصل على مطعم يوصل لنآ طلب
رغد جلست جنبهآ:تسوين فينآ خير
أروى بحيره:بس أيش نطلب والله ميته جوع
رغد:أي شي المهم شي نأكله قبل صلآة الظهر ونبدآ التدريب الثاني شكلنآ مطولين اليوم
أسيل : ايوه اتوقع كذآ ..يالله بدق أسكتوآ
رغد غمضت عيونهآ :نعساآآآآنه مره
اروى حطت راسهآ على رجل رغد: وأنآ أكثر "نقزت من مكآنهآ" رغوده مالآحظتي نظرآت دكتور وليد لك
رغد بكره: المتوحش أكيد شآيل علي
أروى تغمز لهآ:ايه باين شآيل عليك ..من تتحركي مايبعد عيونه عنك حآسه أنه معجب فيك
رغد عقدت حوآجبهآ واحتدت ملامحها:مآ أتوقع اصلا من يشوفني يتقصد بكل حركه يأذيني بصراحه يعني أنآ اكره وأتمنى اليوم قبل بكره ينقل ويجينآ دكتور ثاني ما ارتحت له
أسيل خلصت المكالمه:تتكلمون عن مين
أروى: عند دكتور وليد ..لآحظتي كيف يطالع رغد
اسيل بنبره طويله:هيمآآآآآن ..واذا طلع عكس كلامي قابليني
أروى: ترآه يخقق ديري بالك يضيع منك وربي يهبل يكفي جسمه وهيبته وألا عوآضه يالبيه بس
رغد بكره: وووع اذا عآجبك كلميه أنتي ولاتفسرون الامور على مزآجكم
أسيل تدقهآ بقوه:ياغبيه احنآ نبي مصلحتك تخيلي يحبك وبعدين يتزوجك يكفي أنه دكتور ولآ فيه عرق شآمي
أروى:صح مين قالي أن أمه سوريه ياربي اضن من القروب الثاني قالوآ لي في وحده يقرب لهآ
رغد تحاول تتذكر: أيه اعرفهآ مره شفتهآ تسلم عليه بس مدري أيش تصير له
أسيل:قالت لي غلآ بنت عمه
أروى: لاتضيعيه من يدك يارغد الحق ينقال أنتي حلوه ومتعلمه مانقصك شي حتى مآيُعجب فيك
رغد بتأفف:أنتم مآتملون قلت لكم أكرهه مآ أحبه
اسيل مدت لسانها: أذا تزوج وقتهآ بتتحسرين وتعدين أصابعك ندم
رغد بصدمه:ليش هو مآتزوج توقعت انه متزوج وعنده أطفال
أروى تضحك:أنآ جبت كل المعلومآت عنه من اللي تقرب له مآهو متزوج رآفض فكرة الزوآج حاليا على قولتهآ
رغد طلت فيهم مآهي مصدقه أنه عزآبي:بجد وألا تكذبون علي
أسيل :قسم بالله وبكسر الهآء انه أعزب يعني الحقي عليه
رغد تلف رآسهآ بغرور:مو أنآ اللي أجري ورآه خليه يولي
اروى عصبت : غبيه وبتظلين غبيه ماينفع فيك شي
رغد بترجي:تكفون ترآني جوعانه وقرفانه لآتزيدون علي

آلبآرحه
آلله يگون بـ/ عون آحآسيسي وَ عوني ’
أحــآول آهرب من عمآيلـهـم . . وَ لگن مآهربتْ !
مآ گنت آحسّ إني أنـآ . . " أنـْــآ "
وَ هذآ آلگـون , ~گونـي
/
أمرّ في حآلة ضيآع وَ شبه غيبوبـه وَ گـبـتْ ,
أحبآب !!
أي أحبآب ذول آللي على موتي خذوني؟!
آلظآهـر آنـي شبت يآ عآلـم!
وَ أنـآ مـآ بعد شبتْ,,


دخلت ورآه بعد مآفتح الباب والدم نشف بعروقهآ ...حاولت تتمالك نفسهآ ومآتبين خوفهآ وأرتباكهآ سكرت الباب ورآهآ ونزلت الطرحه عن وجههآ
باسل: تفضلي هذآ بيتك
اعطته نظره أحتقار مختلطه بأحسآس التقزز والأشمئزآز ..تأملت المكآن كل شي فيه رآقي ويدل على ذوق فريد ورفيع ..طلت فيه طاحت عينها بعينه
هنادي بكره: خير ليش تتطالعني كذآ
باسل: ابد بس عاجبني شكلك وانتي متكشخه لزوجك
هنادي كشرت: منآك اتكشخ لك اضن انك تحلم بس اوعدك هذآ الحلم ماراح يطول وبتصحى منه
مد لها الأكياس: ماتبين تشوفين أيش جبت لك
هنادي اعطته ظهرها ونزلت عبايتها:شكرا مابي منك شي
بآسل جلس على الكنب وحط الأكياس على الأرض:هذي كلهآ لك روحي رتبيهآ في الدولاب
هنآدي لفت عليه معصبه: أنت ماتفهم قلت مآبي منك شي
باسل: طيب لاتعصبين
هنادي:شوف نفسك كيف تنرفزني بكلامك وحركآتك
باسل يحط رجل على رجل:امممم بتسوين لنآ أكل وألآ اطلب من برى
هنادي جلست قباله والمسافه شآسعه بينهم: شوف أحلم أني أسويلك أي شي
بآسل ميل فمه وتكى بيده على الكنبه:لآتعآنديني لآنك بتخسرين
هنادي انقهرت: ويش أخسر بنظرك؟
باسل: اللي تفكرين فيه
هنآدي:مآافكر بشي
باسل:نآويه تطفشيني عشآن أطلقك ..هذآ بُعدك ياحبيبتي
هنادي طيرت عيونها فيه وبنبره مغصوبه قالت:متى ترجعني بيتنآ
باسل:قلت لك اليوم كله معي
هنادي بتأفف:وأهلي اذا حسوآ بغيابي ويش اقولهم
باسل ببرود:عادي قولي لهم رحت مع زوجي
هنادي وقفت معصبه وصرخت عليه: حشى أنجنيت أنت
باسل وقف وقرب منهآ:أيه مجنون لايكون عندك أعتراض
هنادي بعدته عنهآ تبي تهرب منه بس مآتهرب أي شي بهذآ المكآن


::
::

في بيت أبو مهآ
قآمت تسوي الغدآء لأخوآتهآ لمآ يرجعون من الدوآم ... سمعت صوت شهد ورآهآ
شهد :شوق قلبي شنو تسوين ؟
شوق لفت عليهآ وبيدهآ مريلة الطبخ:أسوي الغدآء
شهد تأملت وجههآ اللي باين عليه التعب:طيب اتركيه أنآ اكلم الغدآء عنك
شوق زآد عليهآ الآلم:طيب أنا بروح ارتاح تعبانه شوي
شهد :اوك انا بكمل الطبخ بس ارتاحي
شوق ابتسمت لها:تسلمي ياقلبي
شهد بحب: الله يسلمك يالله
راحت للغرفه ورمت نفسها على السرير نزلت دموعهآ تحسست أسفل بطنهآ ورجعت لموآل الحزن والبكآء


{شوق}

خلآص لآزم أتخذ قرآري وأتوكل على ربي ..أذا ربي كآتب لي أعيش حيآتي أو أموت أكون سويت اللي خآطري فيه ...بس فهد رآح يوآفق أو يرفض أكيد رآح يرفض ويغصبني اسوي العمليه وأكون خسرت كل شي هذي المره لآزم أصر على قرآري مهمآ كآن الثن حتى لو كآن حيآتي..يارب كون معي وسآعدني وأجبر قلبي ياررررب
غمضت عيونهآ وهي تتخيل وتحلم بالشي اللي طول عمرهآ تتمنآه لكن كآبوس مرضهآ يرفض ألا ان يسيطر على حيآتهآ ويفقدهآ سعآدتهآ..تذكرت امهآ وأبوهآ وموتهم المبكر وتيتم أخوآتهآ في طفولتهم ...فكرت بنفسهآ وحيآتهآ كيف كآن وكيف صآرت ..تطمنت على كل خوآتآ مابقى الا سمر وهي بذمة عمهآ اللي أحسن تربيتهم ..خآيفه من موآجهة الحيآه وصرآعهآ مع الألم الذي سيكون هو نهآيتهآ المحتمه وربمآ القريبه

دعت ربهآ وورجآئهآ كآن اكبر كل مخآوفهآ تلاشت لآنهآ وآثقه بقدرة رب العالمين الذي لآيستحيل عليه أمر من أمور الدنيآ




^^^
^^

 

[نبض روحك]

البارت الرابع والآربعون


لآتعقد حجآجك
لجل عين[ تكرم] ~
كـِـِـِـِـِـِـِلآ لمدآين فدوةٍ لـآصبعينك
هـ آلكثـر‘‘ آحبك،،
آنبسسط حيييل يـآعم ..!
شف وش كثر؟! عذآلنـا حآسدينك
وطآلعبـ عيني
وُآعترف هوبقى هم ..؟؟؟!
اكيدلآ
مـآدآم عيني بـعينك
مـآدآم عيني بـ عينك
مـآدآم عيني بـ عينك






لفت على يمينهآ ماقدرت تتحمل أكثر ونزلت دموعهآ وبعض الأبخره تتصآعد من سيجآرته المشتعله وهو بجوآرهآ.. مآحدث كآن بمثآبة كآبوس رمآدي قاتل يُجبرهآ على الاختنآق وتزدآد بعده ألامهآ ومشآعرهآ التي أصبحت مشتته وبعض من رُفات محطم...أغمضت عينآهآ بقوه رفضاً منهآ لهذآ الوآقع الموجع وهي مُجبره على التعايش معه لو كآن بقسوه ..أستفاقت من دوآمتها المؤلمه على صوته ذو البحه الخفيفه
بآسل: ايش بك؟
ماردت علي اكتفت بدموها التي تتسابق على خدهآ النآعم..حست بيده تلآمس كتفهآ العاري التي أقشعر لها كآمل جسدهآ ..بحركه سريعه بعدت يده عنهآ
باسل عقد حوآجبه وبعد سيجآرته عن فمه: لفي على جهتي
هنآدي بحده: أيش تبي مني كمآن مآكفاك اللي سويته
باسل عصب وقال بصوت زآجر: ترآك زوجتي وحلالي اسوي اللي برآسي أنتي مجبوره تنفذين طلباتي
هنادي لفت على جهته وصرخت عليه: زوجتك مكره ومغصوبه على العيشه معك أذا انت رجال طلقني
باسل حط يده على خده ومسح دموعهآ:في وحده تقول لزوجهآ كذآ..ياقلبي بسآمحك عشان هذآ اول يوم لنآ مع بعض
هنادي تبعد يده بقوه ومن بين أسنآنهآ:أحد قالك أنك حقير
باسل ابتسم على شكلهآ وهي معصبه لآنهآ تعجبه أكثر:أنتي ياروح باسل
مسك يدهآ قبل توصل لخده ونزلهآ بقوه خلتهآ تتألم:مآعآش اللي يمد يده على بآسل
هنادي شوي وتبكي من قوة مسكته لهآ:أترك يدي وجعتني
باسل ركز عيونه فيهآ وبنظره حاده:جربي تمدينهآ مره ثانيه وشوفي أيش بيصير لك
هنادي بقوه ردت عليه:اول مره أشوف انسآن يبي شخص وهو بنظره كلب وحيوآن
بآسل عقد حوآجبه الكثيفه والمرسومه بأتقان:وأنآ بخلي هالشخص يتعدل معآي وتربيته بتكون على يدي
هنادي ببرود ردت عليه:الحيوآن طول عمره حيوآن مايفقه ولايفهم
فز من جلسته المتمآيله وثارت جنونه لكنه قدر يتمآلك أعصابه حتى مايسوي لهآ شي يندم عليه ..بنبرة تهديد حآده:فكري بألفآظك قبل تنطقيهآ ولآ لسآنك هذآ بقصه لك
هنادي بسخريه: مآتقدر
باسل تنرفز منهآ وأرتفع ضغطه:هنآدي خلي هذآ اليوم يعدي علي خير مابي أزعلك
هنادي اعطته نظرة استحقار:ماتبي تزعلني؟!..بعد كل اللي سويته ماتبي تزعلني .. انت عديم أحساس
باسل رجع أنسدح في مكآنه:ايه عديم احساس عندك أعتراض
هنادي لفت عنه وقالت:قوم رجعني بيت أهلي مابي أجلس معك دقيقه حآسه اني مع أسفل واحقر خلق الله
باسل ضحك: ايه تجهزي بس وبوديك
هنادي رمت عليه الخدآديه اللي جنبهآ بقوه وصرخت عليه :أكرهك ياحيوآآآآآآآآآآآآن أكرهــك

:::
:::
:::

بهذآ الوقت في بيت أبو مهآ
الساعه صارت 2 الظهر ...جوآ البنآت كلهم ألآ هنآدي
شوق بخوف: ياربي فين رآحت هذي البنت جوالهآ مغلق وعمي مآرجع
رغد نزلت عبايتهآ:غريبه فين رآحت مآعمرهآ سوتهآ
سمر طلعت من الغرفه : شوق كلمت جلالي يقول ماراحت اليوم الجامعه
شوق هنآ بدت تفقد صبرهآ حست الكون كله ضآيق فيهآ :يآآآآرب مايكون فيهآ شي يااااارب
شهد جآت من المجلس:هآه ماجات
شوق جلست على طرف الكنبه جلست تبكي: لآ مآجات حتى عمي مايرد علي لايكون صاير شي قلبي مو مرتآح
رغد بخوف قربت من شوق:لآان شاء الله تفائلي بالخير
شهد سمعت صوت الباب:وصل عمي وصل ...ركضوآ كلهم للجهة الباب
شوق مسحت دموعهآ لما شافت عمها: عمي هنآدي مــ
ابو مهآ نزل رآسه:ادري كلمتني بتروح بيت صاحبتهآ تقول عزمتهآ على الغدآء وجوالها خلص شحنه
رغد: طيب كيف كلمتك يبه
ابو مها: من جوال صاحبتها تقول ترجع المغرب او قبله
شوق ماتطمنت لوجه عمهآ اللي باين فيه الضيق:الحمدلله أهم شي عند ناس ثقه
ابو مها يحاول يهديهم ويطمنهم ودآخله برآكين متأججه: تطمنوآ مافيهآ الا كل خير
سحر: يبه أحط لك الغدآء
ابو مها يمشي من بينهم:لايابوك تعبان وابي أنآم صحوني لصلاة العصر
شوق اللي تمشي ورآه :تأمر ياعمي العصر بصحيك
بعد مادخل غرفته وكلهم ارتآحوآ من هم هنآدي اللي مايعرفون عنهآ شي ..حطت شهد وسمر الغدآء وأجتمعوآ حول السفره
شهد : شوق تعالي تغدي
شوق :مالي نفس عليكم بالعافيه
رغد كشرت:شوق ايش فيك كل يوم مالك نفس وربي ما تأكلي شي حرام عليك
شوق ابتسمت:والله مالي نفس وقلقانه على هنوده
شهد تمد لها صحن سلطه: كُلي وهنادي الحمدلله تطمنا عليها بس انتي غاويه نكد
رغد ضحكت: معك حق يالله عاد عن الدلع وكُلي
شوق نزلت عن الكنب وجلست جنبهم وبدت تشاركهم الأكل:تدرون تعودت على طاولة الطعام
سحر انفجرت ضحك:الله أكبر الحين سفرتنا ماصارت تعجبك هههههههههههههههه
شوق :ماهو قصدي بس صرت ما أرتاح الا على طاولة الاكل تعودت عليها
شهد ضحكت: كُلي وانتي ساكته قال طاوله طول عمرنا عايشين كذآ ويش أختلف يعني
شوق ابتسمت:مالت عليكم الوآحد مايقول عندكم كلمه ألا اكلتوه وين فهودي يدآفع عني
سمر: لالا صاحب العضلات زوجك مانبيه قسم بنفخه منه نروح وطي
شوق انفجرت ضحك: قولي ماشاء الله لايصير في زوجي شي
رغد : تطمني مايجيه شي ههههههههههههههه
شوق بعدت شعرها اللي تسلل الى وجهها: قل اعوذ برب الفلق من عيونك يبي لها فقع بسم الله على زوجي الله يحفظه لي
شهد غمضت عيونها:آآآآه مشتاقه لسوسي حبيبي
سمر تحط يدهآ على راسها: هذي ويش يفكنا من هذرتها الحين ابلعي ابلعي زوجك الحين تلقينه يشاخر نوم
شهد تمد لسانها لسمر: اسكتي عني انتي زوجي مافي مثله اثنين
شوق تدقهآ: في أحسن منه مليون مره
رغد بتأفف: نبي نأكل زين خلي زوجك وزوجهآ على جنب
خلصوآ من الغدآء وكل وحده رآحت لسريرهآ لأخذ قيلوله بعد تعب صباحي شاق ...بقت هي الوحيده الصاحيه في البيت ..دخلت غرفتهآ وسكرت الباب عليهآ ..حآولت في البدآيه أنهآ تأخذ قيلوله لكن تفكيرهآ يرفض ألا ان يشغلهآ ولايترك لهآ مجال للرآحه بتآتآ ...قامت ووقفت قبال المرآيآ الطويله رفعت بلوزة البجآمه تتأمل بطنهآ لفت عن يمينهآ وعن يسارهآ الأثار ماقدرت تمحيه الأيام والسنين بمرورهآ بقى هو العلآمه الفارقه بجسدهآ النآعم والرشيق ...تذكرت أنهآ تكره تشوف كتف فهد لآن الوشم لآزال مرسوم فيه لكنهآ التزمت الصمت خوفا انها تضايقه أو تذكره بشي تحاول هي جآهده نسيآنه ... مرت عليهآ ذكريآت أوقات كآنت هي الأصعب في حياتها أخذت لوشن ودهنت فيه بطنهآ بخفه ورجعت انسدحت على سريرهآ ..جآهآ أتصال من العياده اللي رآحت لها الصباح لآن زيآرتهآ امس للدكتوره مآريحتهآ وحست أن نتيجة التحليل خطآء
شوق: نعم
..:السلام عليكم مدآم شوق
شوق: وعليكم السلام
..: مدآم لازم تجين اليوم المغرب للعياده
شوق:ليش في شي ؟
..:الدكتوره تقول لآزم تجين
شوق تنهدت: خير ان شاء الله بجي المغرب
..: أوكِ مدآم موعدك الساعه 7 ونص
شوق: شكرآ
..:مع السلامه
شوق:مع السلامه
قفلت الخط ..تذكرت هنآدي جربت ودقت رقمهآ ..أخير مسك الخط معهآ وبدأ يرن

على الطرف الثاني كآنت تبعده عنهآ وتقاومهآ بقوته لكنه في كل مره ينتصر عليهآ ويفوز باللي يبي وهي تظل أسيره لمتطلبآته ودموعهآ وصرخآتهآ هي المتنفس الوحيد لهآ في كل ماتمر به ...صدحت نغمة جوالهآ بزوآيا الغرفه ...دفته بعيد عنهآ
هنادي صرخت:بــــــــــــس حرآآآم عليك
باسل عصب:هذآ مو وقت جوالك ماقلت لك قفليه ماتفهمين أنتي
هنآدي تحآول تفتك من يده وتبعد عن حضنه:بشوف مين ياحقير ..سحبت جوالها بالقوه من الكمودينه ..أرتجفت من شآفت الأسم وبدأ قلبهآ ينبض بسرعه غير أعتياديه ..طلت بباسل وبدت تبكي
باسل:مين ؟
هنادي ضربته على صدره:شوق شووووق الله يأخذك
باسل ضمهآ لحضنه بقوه وهي تحاول تبتعد عنه:ردي على أختك ولآتبيني لهآ شي
هنادي ردت بسرعه وهي تحاول تكبت دموعهآ وصوتهآ المبحوح من كثر الصراخ والبكاء:هلآ شوقه
شوق بخوف:هنودتي خوفتيني عليك وينك الحين؟
هنادي دقت باسل على جنبه بقوه عشآن يتركهآ:عند صديقتي
شوق ما أرتاحت من نبرتها:هنوده فيك شي حاسه أنك تبكين
هنادي تطل بباسل وتتوعده بنظرآتهآ الناريه:من قال ابكي بالعكس مبسوطه وفرحآنه جلستها رهيبه ماينمل منهآ
شوق:طيب قلبي أنتبهي لنفسك انا خايفه عليك
هنادي حست كلام شوق مثل الشفرآت تنغرز بقلبها:لاتخافين علي انا بخير انتي نآمي أنآ اتأخر عندهآ احتمال أجي اخر الليل
شوق وقلبهآ مآ تطمن أبدآ بل زآدت مخآوفه وشكوكه:طيب اذا تبين شي دقي علي وانتبهي لجوالك
هنادي: اوكِ حبيبتي تبين شي الحين
شوق:سلآمتك في حفظ الكريم
هنادي: مع السلامه
بعدت عنه بتحط جوالهآ على الكمودينه سحبهآ لحضنه لفت بسرعه وصفقته كف بأقوى ماتملك ..طير عيونه فيهآ منصدم من ردة فعلهآ مآحس بنفسه الا وهي تخنقه وصارت فوقه حتى تثبته
هنآدي تبكي وتصرخ بوجهه بشرآسه: بقتلك وأرتآح منك يآنذل
كآنت تكرشه بأظافيرهآ الحاده بدون ماتحس جاتها قوه فظيعه وقدرت تطلع كل غلهآ فيه وحقدها عليه ..بعد معاناه قد يتحكم فيها ويمسك يديها ويثبتها ...انعكس الأتجآه وثبتها زين
باسل يطالع بصدره اللي تشوه منها وصار ينزف دم..طل فيها بحقد:يامجرمه شايفه ايش سويتي فيني
هنادي ودموعهآ مآتوقفت:تستاهل بعدك ماشفت شي
باسل بنظرات شرآريه خوفتها:انا ما أمد يدي على بنت خصوصا انها زوجتي ماني حقير لهذي الدرجه ...بتحملك يابنت محمد صدقيني بالأخير رآح امشيك على مزآجي وأربيك على يدي هذي
هنادي تلفت بوجهه:تخسي تمشيني على كيفك
مسك نفسه قبل يضربها بعد عنهآ وصرخ: متوحشه ..أخذ المنشفه ولفهآ على خصره ودخل الحمام يغسل الدم اللي على صدره بسببها ...أستغلت دخوله للحمام وجريت لملابسهآ لبستهآ ولبست عبايتها بسرعه بعدت صارت تدور على المفاتيح في ثوبه لكنهآ تفاجئت لما سمعت صوته اللي يرعبهآ خلفها

 

[نبض روحك]

وصل للبيت بعد معآنآه من الصحفيين اللي كانوآ ينتظرونه عند بوابة شركته الكبيره لآستفسار عن صحة خبر افلاس عائلة الجابر التي تعتبر من أكثر العوآئل السعوديه ثرآء وغنى
وقف سيارته الفرآري عن درج قصره اعطى المفاتيح للسواق اللي جاء يركض من سمع البوابه الحديديه تنفتح لوصوله ...طلع الدرجات بهدوء غير طبيعي ...فتحت الباب الخشبي ودخل الى دآخل قصره الشاسع ...مشى خطوتين وهو يتأمل المكآن الفخم الذي يدل على ثرآء مالكه ..انطلقت ضحكاته الرنانه ليتردد صدآه في زوايا القصر بحده
..: تضحك شماته على أهلك يافهد
لف بسرعه مثل المقروص وشآف ابوه واخوه رياض-هزآع جالسين في الصاله الجانبيه حقت الأستقبال
تفاجئ من وجودهم هنآ أخر توقعاته انهم يلجئون له في اصعب مرآحل حياتهم
فهد ارتبك وتغير لونه: يبه
ابو رياض بعصبيه:أيه أبوك اللي كنت السبب بأفلآسه ماكنت متوقع أنك تطعني في ظهري
فهد بشموخ:أنا ماطعنتك ولآ كنت السبب بأفلآسك
رياض وقف وتردد صوته الرجولي الممزوج بخشونه:لاتكذب يافهد كل اورآقك انكشفت
فهد رفع أصباعه السبابه:أحترم نفسك ترآك في بيتي انا مآ أكذب انا شريت كل نسبكم في الشركه نسبة أبوي وكل أعمآمي وصارت 90% من الشركه ملك لي وحدي والعشره الباقيه ملك لآبوي ماحبيت أخذهآ وأدمره مره وحده
هزآع وقف جنب ابوه اللي بدأ يرتجف: انت طول عمرك حاقد علي
فهد رد عليه:أنت اللي متبري مني ..مارميت نفسي عليك والحمدلله ربي أكرمني من فضله ورزقه ومثل ماتشوفني من أكبر رجال الأعمال
رياض بنبرة لوم: كيف هان عليك تسوي بأهلك كذآ كيف؟!
فهد رفع صوته وصرخ عليه:أهلي ؟..اي أهل الله يسلمك أنآ مالي أهل الآ جدي الله يرحمه أمآ غيره ماتربطني فيهم ألا أوراق نسب فقط لاغير
ابورياض:طول عمرك أبليس ومستحيل تتعدل وتصير أدمي
فهد بحده:مابي أغلط عليك لأنك أبوي بالأسم فقط ووآجب علي أحترمك ..هي كلمه مااكررهاالــ 10% الباقيه اذا تبيهآ خير وبركه ماتبيهآ بكره 5 ملايين برصيدك تدبر فيهآ حالك أنت والعائله وتتنآزل لي عن الشركه بكبرهآ
رياض :منآك يافهد اللي تحلم فيه لآيمكن يصير
فهد ضحك بسخريه:اصلا الشركه مآهمتني أبدآ وانت يارياض تدري قد أيش أملاكي وشركآتي بالخليج جت على شركه مثل شركتكم اللي تعتبر اصغر من أني ادفع فيهآ 5 ملايين
هزآع:أجل ردهآ لأبوي
فهد مشى وجلس:أنآ ماشريتهآ ألا لآني نآويه كلكم تصيرون تحت رحمتي
ابو رياض جلس الكرس مصدوم من كلام فهد:أنآ قايل أنك عديم فايده مايجي من ورآك الآ البلآوي
فهد حط رجل على رجل:عندي عرض ينآسبكم وينآسبني
رياض جلس جنب ابوه وضغط على يده حتى يتمالك نفسه:ويش هذآ العرض
فهد يرفع حاجبه وعلى شفايفه ابتسآمه نصر وخُبث:تشتغلون عندي ورآتبكم كل شهر يوصلكم ولكم نسبه 10 % من الأربآح ...أيش قلتوآ؟
وقف ابوه وأعصابه هايجه:ويش تقول ياولد أكيد أنخبلت ومنت دآري ويش تقول
فهد وقف : هذآ اللي عندي وغيره مآ أقبل
ابو رياض: رآح أبيع كل شي حتى اشتري الشركه منك
فهد ابتسم :ادفع 25 مليون وتأخذهآ باللي فيها
رياض شهق: ياولد الـ... استغفر الله العظيم منك صدق ابو يوم قال انك شيطان بهيئة أدمي
فهد لف واعطاهم ظهره:وقتي مايسمح اضيعه اكثر ماضاع
تركهم في الصاله وطلع لجنآحه ..سمع صوت فرآمل سياره تحركت بسرعه جنونيه ...فتح الستاره ورآقبهم لين طلعوآ خارج حدود مزرعته الوآسعه
نزل ملابسه ودخل يأخذ له شور يبرد عليه بعد يوم كان شاق ومتعب بالنسبه له

::
::

المغرب
كآنت بالعياده ..اخذت ورقة تحليل الدم نفس نتيجة اللي قبله طلعت من العياده وركبت السياره ...بدون ماتحس رفعت جوالها وكتبت له مسج وارسلته له ...دقايق ودق عليها
شوق: هلا فهد
فهد بصدمه: أيش قصة المسج ؟
شوق غمضت عيونها:حللت مرتين ونفس النتيجه
فهد شوي ويبكي:شوق أنتي مستوعبه ايش يعني .... ؟
شوق تبكي:وانت مستوعب اني حامل
فهد ضاقت انفاسه بصدره حس انه يختنق وصوت انينها بضعفه اكثر:والحل؟
شوق اللي كانت تبكي من اليوم اللي قبله لكنها تكتم كل شي في قلبها عن اهلها خوف انها تعذبهم معها:مدري والله مدري
فهد:انا بجي للمدينه بكره
شوق:لاتتعب نفسك انا بموت عاجل او أجل
فهد بصوت حاد:لاتقولين كذآ بعيد الشر عنك
شوق:فهد انا قربت من البيت اذا دخلت غرفتي اتصل عليك
فهد تنهد:استناك لاتتاخرين
شوق مسحت دموعها من تحت نقابها:مع السلامه ...انتظرت شوي لين خفت معالم البكاء المرتسمه على تجاعيد وجهها واحمرار عيناها ...نزلت من السياره وطلعت للبيت من حسن حظها ماصادفت أحد غسلت وجهها وغيرت ملابسها
طلعت ولقت عمهآ جالس بالصاله ودلة القهوه قدامه وجات بعدها سحر وشهد جلسوآ معهم
شوق طلت في عمها:عمي بطلبك طلب
ابو مها صحى على كلمتها من سرحانه وتفكيره العميق بقطعة قلبه واحب بناته لروحه:امريني يالغاليه
شوق: ابي تتصل على اهل خطيب سحر وتخلي موعد الملكه والشبكه بيوم الخميس
شهد وسحر بأستغراب:ليش
شوق اللي توترت وصارت تفرك يديها ببعض:عشان فهد بيجي المدينه ونسافر مع بعض برى المملكه مطولين برى يمكن ثلاث شهور
ابو مها لف على سحر:يبه سحر ويش رايك مانبي عزيمه ولاشي يكفي يجي المأذون يملك لكم وانتي تشوفين زوجك
سحر نزلت راسها: اللي تشوفه يايبه المهم عندي تكون شوق معي
شوق ضمتها لصدرها:ياعمري ياسحر الحمدلله شهد الحين بخير وتقدر تتحرك صح شهد
شهد ابتسمت:ايوه خلونا نفرح ونغير جونا شوي
ابو مها:الله يوفقك يابنتي ويكتب لك السعاده
سحر حمرت خدودها استأذنت وراحت لغرفتها بسرعه وهي تفكر برد اهل معاذ
امآ أبو مها راح لوآحد من اصحابه حتى يفتك من البيت اللي يسبب له الأكتئاب
شهد :شوقه ليش طلبتي يقدمون الملكه
شوق ابتسمت:عشان بسافر وأنآ حابه اكون مع سحر تعرفين هي صغيره ومحتاجتنا جنبها
شهد تفكر: معك حق
شوق طلت في شهد اللي تعدل شرشف ولدهآ وتحطه جنبهآ وتبتسم بين كل لحظة ولحظة ...قطعت انسجام شهد بكلماتها
..:شهد اذا صار لي شي لآسمح الله لآ أوصيك بخواتي حطيهم بعيونك كوني لهم الأم ترآهم يتيمآت محتاجات قلب حنون وحضن دآفي ... كوني قريبه لقلوبهم وأكسبيهم
شهد ركزت بشوق وعيونها وبريقهآ الدآمع ..انقبض قلبهآ من كلمآتهآ وهي تستمع لها بهدوء تآم
شوق:محد يضمن عمره وحياته ... وصيتي لك خوآتي وبنات عمي لاتقصرين معهم بشي
شهد بنبره قريبه للبكاء:ليش تقولين هذآ الكلام احنآ تربينآ على يدك وانتي ا شاء الله ربي يطول بعمرك وتكوني معنآ
شوق ابتسمت لهآ وبدآخلها غصه موجعه تُشرَّحِهآ اجزآء متجزئه لم يتبقى منهآ شيء يُذكر:مدري جاء ببالي اوصيك عليهم تعرفين انا بعيده عنكم
شهد ما أقتنعت:شوق لاتلفين وتدورين علي انتي فيك شي اعترفي
شوق :ايش بيكون فيني ..كل اللي فيني خوفي عليكم مو أكثر
شهد ضمتهآ بقوه:الله يخليك لنا بجد انتي أمي واختي وكل دنيتي
شوق زآدت بضغطهآ ولمت شهد لحضنهآ أكثر وغمضت عيونها تشم ريحتهآ وعطرهآ الهادي وكأنهآ تودعهآ بهذي الضمه التي تحمل أجمل معآني الأخوه والحب بينهم ..حاربت دمعتهآ التي اوشكت على الهطول وبعد صرآع دآمي قدرت تسيطر على نفسهآ
شهد بعدت عنها وابتسمت باستها بخفه على خدهآ ..قاطعهم صوت جوال شوق وبنفس الوقت جوال شهد
شوق وقفت: هذا فهد بروح اكلمه بغرفتي
شهد ضحكت: هههههههههه حتى انا يوسف متصل
شوق ابتسمت وراحت بسرعه للغرفه وقفلت الباب على نفسهآ وردت:هلا فهد
فهد بخوف: وينك خفت عليك قلتي بتدقين ومادقيتي
شوق انسدحت على السرير:كنت عند عمي اطلبه يقدم ملكة سحر
فهد:ماشاء الله سحر انخطبت
شوق بتعب:ايوه انخطبت من بكره بوديها السوق تشتري فستآن للملكه
فهد بنبرة حب: لاتشتري ولاشي فستآنهآ بيوصلهآ لحدهآ انا بطلبه لهآ من باريس
شوق بأعتراض: لا يافهد مايحتاج بشتري لها شي بسيط وهادي مامعنا وقت
فهد بأصرار: ماراح يطول نهائيا بعدين مابيك تتعبين ناسيه انك مريضه وفوق هذآ حامل ارتاحي بسريرك وكل شي بيوصلكم من تجهيزات الشبكه
شوق:بـس أخـتـ...
فهد بحده: انتهى ...قوليلي ايش قالت لك الدكتوره بالتفصيل
قامت تقوله كلام الدكتوره وبين كل لحظة ولحظة تأخذ نفس من بين شهقاتها وتكمل له الكلام



هنآدي & باسل
كآنت نايمه كل جسمهآ يألمهآ وأوجآعه مستقره في مفاصلهآ ... ماحست بنفسهآ من التعب ..أمآ هو أنتظرهآ لين تنآم ولف على جهتهآ يتأملهآ ..ملآمحهآ بريئه جدآ وطفوليه ممزوجه بقليل من الحده والشرآسه يحبهآ بكل حالاتهآ شخصيتها تجذبه ويخليه يتمتع بالنظر لها يكفيه أحسآسه انهآ طفله بين أحضانه والأجمل انه متفرد بهآ وحده.
يتأمل كل تفاصيلهآ خشمهآ الصغير المسلول ورموشهآ الشبيه بالأشواك لكثافتهآ وأسودآدهآ وحِدتَهآ ...جمالهآ الطفولي وملامحهآ الساكنه يعشقهآ عشقاً ابديآ

{باسل}
سبحان اللي صورك... جمالك مآمر علي كثر مآشفت اشكال وألوآن مالفتني غيرك ببسآطتك وروحك الحلوه وبرآئتك اللي تأسر القلب وتخليه متيم ولهآن...قلبتي حياتي وكيآني من عرفتك ...يأطهر وأجمل قلب عرفته في دنيتي ...مستحيل أسمح لأي أحد يقرب منك أو يمسك لو بكلمه بأمحيه عن الكون كله لجل عيونك اللي تعذبني .
طبع بوسه خفيفه على طرف خشمهآ الأحمر من كثر البكآء مسك يدهآ ورفعها بشويش لمستوآه وحطهأ على خده بهدوء وهي يستمتع بملمسهآ الناعم ...ضمهآ لصدره وأستسلم لعالم الأحلام بقرب الأنسآنه اللي قدرت تسرق قلبه بغمضة عين وبدون أحسآس وآعي منه


بعد ساعات طويله صحت من النوم ..صحت من الآلم اللي ينهش بطنهآ بدون رحمه فتحت عيونهآ ببطئ وأستوعبت المكآن اللي هي متوآجده فيه حست بثقل على كتفهآ بعدته عنهآ وهي تتألم ..ماقدرت تتحمل أكثر وقامت تبكي صرخت عليه
هنادي :قووووم انت ياغبي قووووم
قام مرعوب أول مره يصحى على صوت صرآخ: خير ويش صاير
هنادي اللي تبكي وتشهق شوي وتقتله:اعطيني مسكن بموت من الألم
باسل جلس وبعد الشرشف عنهآ: ويش يوجعك
هنادي صرخت بوجهه:تستهبل انت اعطيني مسكن وخلصني
فتح الدرج اللي جنبه وطلع بنآدول مد لها كوب مويه وحبتين بندول ..أخذتهآ منه بسرعه وبلعتهآ ..اخذت جوالها وشافت مكالمات كثيره من ابوهآ ورغد وشوق لكن تجاهلتهآ انتبهت للساعه اللي صارت 2 في الليل
هنادي نفخت عليه:قوم رجعني البيت بكره وراي جامعه
باسل طل فيها:بتروحين الجامعه وانتي تعبانه
هنادي: تعبي كله بسببك ياوآطي قوووم تحرك رجعني اعطيتك وجه انا
باسل بحده:طيب لاتنفخين علي وجع
هنادي: يوجع بطنك الله يفكني منك بموتك
باسل قام لبس ثوبه ورمى عليها عبايتها:البسيهآ فوق بجامتك ذي
هنادي ضغطت على نفسهآ ووقفت غصب عنها وهي تتحمل الوجع اللي تحس فيه اخذت كيس وحطت فيه لبسهآ اللي جات فيه الصباح اخذت شنطتها وطلعت ورآه متجهين للسياره
قرب السياره من باب العماره فتحت الباب ودخلت: بسرعه وصلني
باسل:ترى هذي يسمونهآ سياره ماهي طياره قدامنا نص ساعه مشوار ناسيه ان بيتكم بجنوب المدينه
هنادي بدون نفس ردت عليه واخلاقها واصله معها:لاتتفلسف علي عارفه المدينه من قبل أشوف وجهك المنحوس
باسل مد لها نسخه من المفاتيح اللي معه:هذي مفاتيح البيت اذا اتصلت عليك وقلت روحي له تروحين غصب عنك
هنادي سحبتها وشالتها بشنطتها: يصير خير
باسل:الصباح مسافر لجده
هنادي :عساك ماترجع
باسل عصب عليها: ماتعرفين تقولين كلمه حلوه
هنادي من بين اسنانها: من زينك اقولك كلام حلو كل على بعضك ما اشوفك
باسل انقهر منها وسكت لآنه مايبي يتناقر معها وهو خلقه معصب منها ...فجأه وقف قدآم باب بيتهم وهي سرحآنه مآ أنتبهت لوصولهم
باسل: خير ماتبين تنزلين بيتكم
هنآدي صحت على صوته من سرحانها:شنو ..وصلنآ
باسل: الله بالخير يالله انزلي انا مسافر
هنادي سحبت شنطتهآ والكيس: درب يسد مايرد
باسل: مع السلامه يازوجتي العزيزه
هنادي نزلت وقبل تسكر الباب بنبرة حقد:عسآك تحت تريله ..طبعت الباب بكل قوتهآ وطلعت جري لبيتهم ..فتحت الباب بشويش ومشت للغرفه بهدوء ..دخلت على أطراف أصابيعها سحبت لهآ ملابس ومنشفه وقبل تطلع شافت شوق قدآمهآ
شوق طلعت قبل هنآدي وانتظرت خروجهآ من الغرفه..لما حست بوجودهآ:كل هذآ عند صديقتك
هنادي بأرتباك:والله رآحت علي نومه أنآ وهي
لفت على هنآدي وكآنت مصدعه من قوة الآلم اللي تحس فيه:طيب نآمي ورآك جآمعه ماقدرت أنآم لين اشوفك بغرفتك
هنآدي ابتسمت لهآ:الله يسعدك ياررب ..يالله بروح اخذ شور وانآم قبل الفجر
شوق ابتسمت لهآ رغم أوجآعهآ:تصبحين على خير حبيبتي
دخلت غرفتهآ وأنسدحت على سريرهآ بتعب من عرفت نتيجة التحليل والأرق + الأرهآق هم أصدقآئهآ الوحيدين ...نامت بهدوء بعد صراع حاد مع النوم

 

[نبض روحك]

بالغرفه عند شهد
شهد: اممم لا رغد مآلآحظت عليها شي ..ليش صاير شي؟
يوسف : لالا مافي شي تطمني بس من زمان عن اخبارها وحبيت اسئلك
شهد بحب: ياعمري انت تطمنا كلنا بخير
يوسف : المهم عندي انتي ومشاري قطعتين من قلبي بعيده عني
شهد ضحكت:فديتك أنآ بجد مشتاق لنا
يوسف :يووووه مشتآق وبس اقول خلاص كافي جلسه عند أهلك ارجعي للبيت
شهد بصوت متغنج:نوو ابي ارتاح خواتي مدلعيني اخر دلع بعدين من يطبخ ويغسل ويهتم بميشو غيري والله أفطس
يوسف: اجيب لك شغاله ويش تبين بعد
شهد بأعتراض: أنا أدخل شغاله بيتي أعوذ بالله ماتسمع بالقصص اللي تصير من ورآهم لآ قلبي ماني عاجزه اهنيك واهتم فيك انت وميشو
يوسف يضحك: علينا ياقلبي
شهد:ترى من جدي اتكلم الشغآله مستحيل تدخل البيت ريح راسك
يوسف :الله يريحك ياشيخه كذآ ابصم اني متزوج أجمل وأسنع وأحلى بنت في الدنيا
شهد حمرت خدودهآ:وآآآآآي على كلامك يذوبني
يوسف يغمض عيونه:والله ماني قادر على بُعدك ذبحتيني بغلآك
شهد بخبث:بشوف قدري وغلاي عندك
يوسف:غلآكِ متمكن بروحي وحبك سكن الفؤآد
شهد :وآآآآآآآآآو كلامك يجنن..أحسن من مليون شاعر
يوسف: خليتيني شاعر يابنت القايد
شهد ضحكت بدلع وصوتهآ النآعم يتردد بالغرفه: أحبك يامعذبني
يوسف:لالالالالالا بكره جآيك يعني جايك اكثر من اربع ايام ماشفتك
شهد:زين تعال الصباح محد في الا شوق
يوسف ابتسم:زين خلاص بكره بعد 8 بجي
شهد :ياخبيث عارف ان بعد 8 كلهم في الدوآمآت
بغرفة يوسف اللي يشاركه فيهآ ماجد ماهو قادر ينام ويوسف يكلم زوجته ومسبب له ازعآج وكل كلمه يسمعهآ يتذكر هنآدي واللي سوآه فيهآ وقلبه يتقطع أكثر وأكثر
ماجد بحده: هيه أنت ازعجتني بنآم ياخي دور لك مكان تتكلم فيه اعوذ بالله قلق
يوسف يرمي عليه المخده: انطم انت وخلك بفرآشك
ماجد لف على جهته: ماني قادر انام من رجتك اطلع برا الغرفه والا انزل بيتك
يوسف يكشر ويقلد صوته: يالله بس اسكت عني واخمد
ماجد بتأفف: الله يفكني منك يارب ترجع زوجتك وترحمني من القلق اللي عايش فيه
شهد اللي كانت على الطرف الأخر ميته ضحك على مآجد وتأفف:خلاص حبيبي قفل خله ينام يحزن
يوسف يطالع بماجد اللي اعطاه ظهره:هذا يحزن هذا يقلب الدنيا علي وعليك ويطلع منها مثل الشعره من العجين
شهد :خلاص قلبي انت نام الحين وخله ينام يصير اشوفك الصباح اوك حبي
يوسف : اوك ياعمري ..تصبحين على خير
شهد: وانت بخير يالحب
قفلت منه وباست مشاري على جبينه ونآمت حتى تصحي قبل يجي وتجهز لهم الفطور

:::
:::

صباح اليوم التالي
وصلوآ كل وحده من أخوآتهآ لمكان دوآمهآ ..بقت هي وسحر في نفس الجآمعه ..نزلوآ من السياره
سحر عن البوآبه:يالله هنو رايحه مبنى الطب تبي شي
هنادي ابتسمت لها وباين عليها الأرتباك:سلامتك اشوفك بعدين بيننا فوون
سحر تأشر بيدهآ: باي حبي
رآحت هنآدي قسم دورآت الميآه زبطت شكلهآ ولبست بلوزه دآنتيل أسود برقبه فيهآ بروش فضي على جنب حتى تخفي أي علامآت وجروح في رقبتهآ وصدرهآ ..مع تنوره جينز رمآدي و فلآت أسود بتقليمآت رمآديه جعدت شعرهآ حتى تخبي وجههآ فيه وقصتهآ حطتهآ على جنب ..تعطرت ومشت في الساحآت الوآسعه متجهه للمبنى اللي تدرس فيه ..سمعت صوت روآهآ ينآديهآ ..لفت بسرعه خلفهآ وشافت البنت اللي قآبلتهآ قبل يومين
..: صباح الخير
هنادي عقدت حوآجبه مستغربه من تصرفات هذي البنت:أهلين صباح النور
..: كيفك ياقمر
هنآدي ابتسمت لها: بخير..انتي كيفك؟
..:من شوفتك اليوم صرت بألف خير
هنآدي خجلت من كلامها:تسلمي ياذوق
ابتسمت لهآ البنت برقه وعذوبه:عآدي أمشي معك لين يصير وقت محآضرتك حابه أتكلم معآك ماصدقت عيوني أول ماشوفتك نآزله مع الدرج
هنآدي تملكهآ الأستغراب:تفضلي
..:ممكن اعرف أسمك
هنآدي: هنآدي القايد وأنتي
..:أنآ روآن
هنآدي :تشرفنآ ياروآن ...سنه كم
روآن:ثاالث تخصص انقلش
هنآدي ابتسم: زيي أنآ تخصصي أنقلش
روآن بفرحه: صدق والله حلوو جمعنآ شي مشترك
هنادي جلست على طرف الرصيف:يامحآسن الصدف
روان:من شوفتك حبيتك خصوصا بعد ذآك اليوم لما حصلتك تبكي
هنادي تغير وجههآ: حصل خير
روآن: أنتي عندك احد ميت كل مره أشوفك لابسه أسود
هنادي ابتسمت:لا الحمدلله بس انا احب اللون الاسود اعشقه
روآن: غريبه ..ممكن رقمك عشآن وقت البريك أكلمك نتقابل ابي أعرفك على شلتي
هنآدي:اكيد ..يالله سجلي رقمي
بعد مآ أعطتها الرقم وسجلت بعد رقمهآ أستأذنت ورآحت لقاعتها وكلها أستغراب من هذي البنت وتصرفاتها الغريبه معها وكلامها الاغرب
هنادي(بالعكس افرحي ياهنادي الحين ماعندك احد تمشي معه عبير الحقيره تركتيها وانتهى كل شي بينكم..لازم تكوني لنفسك صدآقات من جديد والأهم يكونوآ احسن من عبير وتضيعي معهم وقتك وتنسجمعي بصداقاتك الجديده)
دخلت القاعه متجآهله كل اللي فيهآ عدت محاضراتها بسرعه وخلصت بدري من دوآمهآ ..نزلت للساحه تمشي ..حست بجوالها يدق
هنادي:هلا روآن ..فينك انتي ..زين انا جايه للمطعم
دقايق وكآنت عند المطعم الخاص بالجامعه حتى تشتري مشروب بارد يبرد عليها حرارة الجو ..شافت روآن تأشر لها ..ومشت لطاولتهم
هنادي بحياء:السلام عليكم
الكل:وعليكم السلام
روآن وقفت جنب هنادي ومسكت يدها:صبايا هذي هنادي اللي قولت لكم عنها
..:مشاء الله مُزه ياروآن
هنادي استحت وحست بالاحراج: كيفكم
الكل:بخير
روان:هنادي بعرفك عليهم هذي أيه وريناد وعلياء وبدور وهيام
هنادي صافحتهم كلهم:فرصه سعيده اللي اتعرفت عليكم
أيه:واحنا اسعد ياقمر "سحبت كرسي قريب منها" تفضلي ياقلبي ارتاحي
هنادي ابتسمت لها: شكرا
جلست روان على كرسيها:كيف محاضراتك ياهنوده
هنادي:الحمدلله ماشي حالها
أيه:انا زيك في سنه أولى
هنادي:اي كلاس
ايه:كلاس مس هبه
هنادي:يوووه انا عند مس أمينه
روان:شكلو أيه بتسرق هنوده مني
هنادي طلت في روان مستغربه من كلمتها:شلون تسرقك مني؟
سمعت صوت ورآهآ: هنــآآدي حياتي ليش ماتردي على جوالك
هنادي لفت وشافت سحر:هلا سحر ..ما انتبهت له سوري
سحرطلت في البنات اللي أول مره تشوف هنادي جالسه معهم:طيب بتخرجي اليوم بدري والا لا لان جدولك اليوم قصير
هنادي:شوي وبكلم السواق انتي بتخرجي معي
سحر:لا اليوم أتأخر احتمال ارجع 3 الظهر خبري شوق لاتقلق عندي تشريح في المختبر
هنادي :اوك حبيبي الله يوفقك
سحر باستها على خدها: انتبهي لنفسك حياتي
هنادي ودعت وجلست على الكرسي
ريناد:ماشاء الله باين علاقتكم قويه مره صديقتك هذي؟
هنادي:لا أختي
روآن شهقت وطلت في سحر اللي طلعت مع الباب:هذيك اختك مره مافي شبه بينكم
هنادي اتبسمت: مو اختي اختي ..هي اصلا بنت عمي بس عايشين في بيت واحد من يوم توفت امهآ وامي
ايه حزنت على هنادي ولمست يدها:سوري قلبو ماقصدي نذكرك بشيء حزين
هنادي ابتسمت:لاعادي
روان:يابختها اذا انتم عايشين في بيت واحد وتشوف كل يوم
هنادي ضحكت:غريب كلامك ياروان انتي شكلك ماعندك اخوات
روان:ايوه انا وحيدة بابا واعمامي كلهم في جده واحنا لوحدنا في المدينه انا وبابا
هنادي:طيب فين امك ؟
روان:ماما اجنبيه رجعت لفرنسا بعد ماطلقها بابا
هنادي: سوري
روان:عادي قلبي كلهم يعرفوآ دآ الشي
هنادي وقفت:طيب انا استأذن جلستكم حلوه وماتنمل بس مضطره ارجع البيت
روان تعلقت عيونها في هنادي:بدري هنادي خليك معانا شوي
هنادي:اعذريني ياقلبي بجد ميته تعب بأتصل على السواق
بدور:سلامتك قلبي ماتشوفي شر
هنادي ابتسمت:الله يسلمك ..يالله في أمآن الله
روان:حتصل المغرب اتطمن عليك
هنادي ضحكت:اوكِ باي
الكل :باي
بعد ما ابتعدت عنهم راحت تنتظر جلالي اللي كلمته وكان قريب منها وعلى طول اتجه للجامعه يأخذها
روان طلت في شلتها وابتسمت ابتسامه غريبه:ايش رايكم فيها
علياء:الله وكيلك ياشيخه ماتطيحي الا وآقفه البنت عذآآآب
ريناد:شوفتوا عيونها تهبل ماعمري شفت عيون حاده زيها
أيه: وألا بياضها تجنن بسم الله عليها
روآن رجعت على ورى: يجنن الأسود عليها قال ايش لونهآ المفضل ماتدري انو يخليها زي القشطه
بدور ضحكت:روآآآن وربي طحتي ومحد سمى عليك
روان :حبيتها والله حبيتها من شوفتها دخلت قلبي حاسه انها بتكون اعز صديقه ليا
علياء: يمكن ليش لا


صحت على صوت جوالهآ سحبته بتكآسل لها وردت بصوت كله نوم:ألووو
فهد: صباح الخير ياوجه الخير
شوق ابتسمت لآ أرآديا من سمعت صوته:صباح النور
فهد:لسى نآيمه؟
شوق تفتح عيونها بكسل:ايوه
فهد: متى ناويه تصحي
شوق بتعب:احس بتعب وخمول في جسمي أبي أكمل نومي حتى العصر
فهد ضحك:ياجعل كل التعب في عدوينك يارررب
شوق: فديتك أنت ...متى بتجي المدينه
فهد يفكر:أحتمال اليوم في الليل او بكره اذا طرآ لي شغل مفاجئ
شوق تذكرت: فهودي ايش صار على أهلك
فهد:ولآشي زي ماهم كل شي خسروه أحتمال حتى بيتهم يبيعونه
شوق فتحت عيونه من الصدمه:ايش يبيعون بيتهم فهد الله يخليك لآ تسمح لهم يبيعون البيت
فهد: هم أحرآر بمالهم وممتلكآتهم أنا يعتبروني عدوهم الوحيد
شوق تحاول تقنعه:حبيبي اذا أذيت أهلك كيف تبي ربي يوفقك في حياتك وشغلك
فهد:شوق انا مآسويت لهم شي وأفلآسهم مالي يد فيه ليش الكل متهمني
شوق:عارفه ياعمري أنآ أكثر وحده فاهمتك في الدينآ بس ابيك تساعد أهلك أتقرب من أبوك خله يحبك مهمآ صار هو أب تعرف أيش معنى أب انت لو صرت أب بتفهم معنى كلآمي مافي أب بالكون كله يكره ولده اللي من صُلبه
فهد توتر من كلامها:يصير خير انا كنت متصل أتطمن عليك وأشوف محتاجه شي
شوق: محتاجه شوفتك ووجودك جنبي
فهد: هآنت كلها يوم بالكثير وأكون جنبك ..اهتمي بنفسك وحافظي على موآعيد الأدويه
شوق:أن شاء الله
فهد تنهد:على فكره ترى كلمت محل أزيآء وطلبت لك ولأختك فسآتين
شوق :ليش كفلت على نفسك وربي ماله دآعي
فهد: يوم الثلاثآء يكون عندكم في المدينه لأن في طلبيه جايه للمدينه من نفس المحل
شوق بحب: ماتقصر حبيبي الله يخليك لي
فهد ارتاح من نبرتها: امين ..يالله بقفل الحين أذا بغيتي شي أجيبه لك كلميني او أرسلي مسج أذا مارديت ممكن اكون في أجتماع
شوق ابتسمت في دآخله على تغيره الجذري معهآ:من عيوني مع السلامه
فهد: مع السلامه
قفلت الخط منه وقآمت تغسل وجههآ وتفطر عشآن موعد الدوآء وتبدأ تسوي الغدآء لأخوآتهآ

 

[نبض روحك]

دخلت المطبخ وصارت تحوس فيه..في عز أنسجآمهآ سمعت صوت الباب ينفتح ..رجعت للصاله وشآفت هنآدي دآخله البيت مرهقه وتعبانه
شوق:هنودتي سلآمتك فيك شي ؟
هنآدي: لآ حبيبتي مافيني شي بس اليوم محآضراتي قصيره ورجعت لآني نعسانه ماقدرت استنى سحر لآنهآ تتأخر أحتمال مآترجع ألا الساعه ثلاثه
شوق ابتسمت: الله يوفقها ..تجين تفطرين معآي
هنادي رمت عبايتهآ وشنطتهآ على الكنب:ايه يالله حدي جوعآنه بعدهآ بحط راسي وأنآم
جات شهد وحطت الصينيه على الطاوله: هنوده غريبه رآجعه بدري
هنادي اللي كآنت تصب لنفسهآ حليب:خلصت بدري ورجعت
شوق:شهد عندك أحد بالغرفه ؟
شهد ضحكت: يس زوجي في
هنآدي :يووه صح شفت سيارته تحت كنت بسأل شوق بس نسيت
شوق ابتسمت:غريبه مالكم حس
شهد تضحك:يعني لازم نسوي رجه أحنآ ناس عايشين على الهدوء والرومنسيه
هنادي تمد لسانهآ:كثري منهآ
سمعوآ صوت مشاري يبكي بحده ..وبانت تجاعيد ملامح شهد
شوق شرت بالعصير اللي تشربه وهي تضحك: كـح كـح
هنادي:عآفيه
شوق نزلت الكوب وانفجرت بالضحك:ارجعي لولدك يأم رومنسيه
شهد بقهر: كله منكم صكيتونآ عين
هنادي : من حلايا هالوجه أنتي وزوجك
طنشتهم شهد ورجعت للغرفه كآن الباب شبه مفتوح قبل تدخل حست بهدوء مشاري وتوقفه عن البكاء ..قربت من الباب وشآفت يوسف شآيله بحضنه ويغني له ..دخلت وسكرت الباب
شهد : ياعيني وتغني له كمآن
يوسف بتأفف: ولدك هذآ بس يبكي مايعرف يسكت
شهد جلست جنبه وطلت في مشاري:ياحبيبي يجنن بسكوته
يوسف بأبتسامة صافيه:ايش رايك تأخذيه أحسه بيطيح مني
شهد تميل فمهآ: تعلم تشيله وتسكته وألا تبي كل شي علي
يوسف:والله هذآ ولدك
شهد تتخصر: لآيكون جبته من الشارع ترآه ولدك كمآن
يوسف ضحك:أدري أنه ولدي أجل ولد البقال
شهد:الحمدلله انك تدري "أنطلقت صرآخت مشآري في الغرفه "
يوسف يمد لهآ مشاري بأنزعآج: خذيه مايعرف يهجد
شهد تربعت على السرير وحطته بحضنهآ:يانآسو أكيد حبيبي جوعآن ..بدت ترضعه وتطل بيوسف اللي يضحك على شكلهآ
شهد: وجع ايش فيك تقز
يوسف:عاجبني شكلك انتي وميشو
شهد : تدري تمنيت اجيب بنت يقولون البنت صديقة أمهآ
يوسف:حتى الولد صديق أبوه
شهد فتح عيونها على الأخير:الله يستر شكلك بتتعآون علي أنت وولدك
يوسف يضحك:خلآص المره الجآيه بنت ولآيهمك
شهد ضربت على يده وكشرت: مجنون
يوسف ارتفع صوت ضحكه :مجنون حبك يآسبايب جنوني
شهد انقهرت منه وطنشته وركزت بولدهآ مآحست على بيده حول رقبتهآ :أيش ذآ
يوسف يبعد شعرهآ ويقفل السلسال:هديتي لك ياعمري
شهد رفعت السلسال تتأمل: وآآآآو مرره حلو يابعد روحي انت
يوسف بآسهآ على خدها:تستآهلين أكثر لو بيدي أهديك عمري وقلبي ودمي
شهد:الله يخليك لي
يوسف من قلب :أمـيــن

::
::


في المستشفى
خلصوآ من التدريب الأول وأخذوآ بريك ربع سآعه
أروى : أوووف بجد اليوم تعب مره
رغد :آآآآه تونآ في البدآيه تحسبين أننآ بنرتآح
اسيل ترمي الكتاب على الطاوله:اكيد ماراح نرتاح طول العمر آآخ لو سمعت كلام أخوآني وتركت العناد
رغد ضحكت:ماينفع كلمة ياليت
اروى حطت راسها على الطاوله: بأخذلي غفوه ..صحوني مو تنسون
رغد :يابختك تقدرين تنآمين مو أنآ
أروى:قولي مشاء الله والله من الكرف اللي نكرفه
رغد ضربتهآ على راسهآ: نامي ويش وراك مآتنآمين
أسيل جلست جنب رغد: وانتي يالحلوه لاتقولين عآد اليوم مآ أنتبهتي لدكتور وليد ياربي شوي واقوله استح على وجهك عيب
رغد :ايوه اليوم انتبهت له كل ماطليت فيه وجات عيني في عينه قام غيرها قهرني احس الكل ملاحظ
اسيل :ايوه من الحين اقولك باين ان ورآه شي
رغد بتأفف:لويفكني من نظرآته بجد اتضايق منها مره وباقي القروب مره ملاحظين بعدين ايش بيقولون بتطلع اشاعات علي
اروى وهي تحارب نعاسها:شوفي مالك ألا تروحين وتعطينه على راسه قولي له لاتطالعني كذآ
رغد بخوف:لآلآ تبينه يحط حرته فيني خلقه أخاف منه ياشيخه يروح بستين دآهيه والله ولاهمني مصيره بيمل
اسيل:يالله نشوف أخرتهآ معه أيش تكون
رغد:اذا طنشته بيمل اتوقع انه مقهور من تصرفنا معه اول مره عشان كذآ حط عينه علي لاني رديت عليه بالكلام
اروى بترجي:أوووش بنآآم شوي
رغد: نآمي نآمت عليك طوفه
أسيل:قومي نتمشى عشآن مانزعجهآ ونشتري شي نأكله
رغد تأشر لأروى:ترى بنسكر عليك الباب مو تخآفين يا صغيرونه
أروى ابتسمت:سكريه يختي ههههههههههه
طلعوآ وتركوآ أروى لحاله في الغرفه المخصصه لطلاب الطب


بـجـده

كآن بمكتبه يرآجع الأورآق وبعض المستندآت المهمه الوآجب عليه أنجآزهآ بسرعه بعد مآخلص شغله طلع جوآله وأتصل على الشخص الذي يريده
بآسل:بشر عسى كل شي رسمي وتمآم
على الطرف الأخر:أبشرك كل شي رسمي في رسمي صآرت زوجتك بموجب الشرع والقانون
بآسل أبتسم: جزآك الله خير واللي وعدت فيه بيوصلك اليوم
..:مآتقصر أي خدمه حنآ حآضرين
باسل:أهم شي وثقت بالمحكمه
..:قلت لك زوجتك يعني زوجتك أتحدى أي احد يقول غير هذآ الكلام
بآسل أرتآح من كلامه اللي سلل الرآحه الى دآخله المتشتت: زين يالله مع السلامه بيننآ أتصال
بعد هذآ ألاتصال ... تذكر هنآدي بدون أي شعور منه أتصل على رقمهآ بعد الرنه الثالثه وصله صوتهآ المنغمس بالنوم
بآسل: سلآم
هنآدي بصوت شبيه بالهمس:وعليكم السلام
باسل غمض عيونه وهو يتخيل شكلهآ النآعس:كيفك حبيبي
هنآدي:هآآه مييين؟
باسل ابتسم:بسولك حبيبك
هنادي وهي منغمسه ومآتحس بأي شي يدور حولها:بعدين انا اتصل عليك بكمل نومي
باسل:أوكِ حبي أنتظر أتصالك ..أحلام سعيده
قفل الخط وتنهد ..أمآ هي أكملت أحلامهآ وأمنيآتهآ في عالم الخيآل بعد سآعآت شآقه ومتعبه لهآ نفسيا وجسديآ


بعد المغرب
الكل صاحي ومجتمعين بالصاله عدآ هنآدي اللي نايمه بعمق
شوق :زي ماقلت لك فهد رفض قال هو حجز الفستان وراح يوصل قريب
سحر ميلت فمها:اخاف ذوقه مش ولابد
شوق تتخصر:وربي ذوقه رهيب مافي منه اثنين عنده ذوق يجنن
سحر :على مسؤليتك
شوق رفعت حاجبه:على مسؤليتي اصلا مافي شي حلو كلها قديمه ومكرره جربي البسي من مصمم مالت عليك
سحر تضحك:طيب طيب ماقلنا شي وي اكلتينا
رغد جآت وجلست جنب شهد وطبعت بوسه على خدهآ: وحشتيني انتي والبيبي القميل دآ
شهد بزعل: مره وآحشينك وينك حتى مسج ماترسلين على طول الوقت بغرفتك حابسه نفسك قال أيش وحشتوني يالنصابه
رغد مسكت شخمهآ بقوه: الحين أنا نصابه يالبكاشه
شهد تضحك:اكـــذب بس فكي خشمي وجع
رغد بعناد:قولي توبه
شهد :والله توبه خلاص فكيني
رغد تضحك: جربي تقولي نصابه شوفي ايش بيصير فيك
شهد ابتسمت:اممم طيب ايش رايك تودين مشاري مع يوسف عشان بيطهره
رغد فتحت عيونها على الاخير:متى ؟
شهد: بكره المغرب هاه ايش رايك
رغد شوي وتبكي:حرام الصغيرون بيموت والله خلوه لما يكبر شوي
شهد بعناد: لا احسن لما يكون صغير
رغد حطته بحضنها:ياروحي بكره بيعورونك المجرمين
شهد فطست ضحك:هاه بتروحين معه امه رفضت وخواته يقولون مايتحملون يشوفون الدم عاد انتي دكتوره
رغد :انا مو دكتوره لسى قدامي مشوار طويل خلاص بوديه الله يعين
شهد: اوكِ بقول ليوسف انك تروحين معه انا مافيني اروح صراحه اعرف نفسي راح ابكي
رغد:خلي قلبك قوي ويش تبكين عشان طهور لاتصيرين مخفه
شوق شهقت:حرام عليك أيش قوي قلبك هذآ ولدهآ قطعه من روحها
رغد :ياشيخه ليش قلت لهآ ارميه في النار انتي الثانيه
سمر وقفت في الوسط:كأني أشم ريحة حريقه
شوق نقزت: يؤؤؤه العشاء انحرق "راحت تجري للمطبخ "
سمر تضحك:شفتوآ كنتوآ بتسوون هوشه لولا فزعتي لكم
رغد دفتهآ مع راسهآ:روقينآ قومي جيبي لي عصير فرآوله
سمر تتخصر:بقوم بس اخر الشهر بخذ منك 200 ريال قيمة مشاويرك اللي تمشوريني اياها روحي جيبي حطي هاتي
رغد:200 بس ابشري ماطلبتي شي بس قومي هاتي لي العصير
سمر لحقت شوق للمطبخ
سحر بتأفف:بنآت ايش أسوي في الشبكه ابوي جاء وقال أهل معاذ وآفقوآ احس مافي وقت مره اسوي اي شي
رغد: مو لازم ياختي بكره العصر روحي أحجزي في مشغل وانتهينآ الفستآن ماقصر فهد بيجيبه لك
شهد:رغد صادقه خليك على نعومتك وربي تجنني ماتحتاجي شي
سحرتلمس وجههآ:كأن وجهي مسمر
رغد وشهد :هههههههههههههههههههههههه
سحر عصبت:ايوه اضحكوآ مالت عليكم وأنا اقول عندي خوات يساعدوني
شهد: وربي ملكة جمال مآتحتجي اي شي هو يحصل وحده ببياضك ونعومتك فديتك انتي
رغد تلمس شعرهآ:والا نعومة شعرك والله غير ينصرع عندك
سحر كشرت: أكذبي علي أنتي وهي على مين تلعبون ؟
شهد:فاكره أنا كيف قابلت يوسف هنآ في المجلس
سحر تنهدت:ايوه افتكر
رغد :ياماما خليك كيوت بعدين قدآمك العرس سوي اللي برآسك
سحر اقتنعت:خلاص شوركم وهداية الله
شهد تركز نظرهآ على سحر:شوفي تحتاجين شوية سمكره يعني حمام بخار على قناع يطلف بشرتك المرهق عشان الشمس يعني الثلاثاء الله يعينك خذي أجازة وروحي من الصباح للمشغل عشان تصير زي الورده
رغد تحمست:ايوه صح
سحر شوي وتبكي:يعني بكره اروح أحجز والاثنين راحه والثلاثاء كرف والآربعاء قلق والخميس يؤؤؤ الله يستر منه وربي لما اتذكر ان مابقى وقت انرعب
شهد تغمز لها: عاآآآآدي بعدين تتعودين وتنبسطين اخر انبساطه
رغد:يوووه توي تذكرت لازم اشتري فستآن البسه ياررربي بلشه
شهد:شوفي بعطيك فلوس تجيبين لي معك مابحالي أروح
رغد تتخصر:أشتغل عندك مره ودي ولدي ومره اشتري لي فستان
شهد ضحكت:هههههههه مالت عليك بدل ماتريحيني تبين تشقيني
شوق دخلت الصاله على كلمتهم:خير ويش سالفة الشقاء
شهد:ابيها تجيب لي فستآن النذله ذي وتتمنن علي
شوق ابتسمت:لالا رغوده ماتسويها
رغد تطل بشهد بنص عين وابتسمت:امري لله بجيبلك على ذوقي بس أذا مآعجبك ياويلك
شهد ضحكت:افا عليك ناسيه ان ذوقي وذوقك وآحد
رغد تميل فمهآ:مآنسيت بس اعرفك مايعجبك شي
شهد:والله بسكت واحط لساني بحلقي انتي بس فكيني من روحة السوق

طلعت هنآدي من الغرفه ويادوب تقدر تمشي تحس بألم فظيع في رجولهآ وظهرها ..شافتهم بالصاله مشت للحمآم تغسل وتتوضى حتى تصلي الصلوات اللي فاتتهآ
سمر كانت شايله صينيه فيهآ كاسات عصير على عددهم:ايش فيهآ هنادي كأنهآ معصبه
شوق:توهآ صاحيه من النوم تتوقعين كيف بيكون مزاجها
شهد تمد يدهآ للعصير:هاتي وربي جوعانه وهذا النتفه بس يبي يرضع
سحر تضحك:الحين صار نتفه شوفيه يهبل ويش زينه
شهد تقلب عيونها بغرور:هو مو نتفه قلتها من ورى قلبي
رغد تنزله عن رجولهاوتحطه على الارض:الله يعينك مابغى ينام
شهد تطالعه بحب:فديته هو نايم زي القمر بسم الله عليه
سمر توزع على البقيه وتطالع مشاري من بعيد:سبحان الله زيك تمنيت يكون بنت مو ولد
سحر شرقت بالعصير:كـح كـح
شوق بسرعه دقتها على ظهرها:عافيه ..بشويش وانتي تشربي يالمشفوحه
سحر تطالع سمر بعيون ناريه:خير انتي تبين بنت المفروض تكونين ميته على ان البيت يصير فيه ولد مافي الأ ابوي الله يخليه لنا
سمر:البنات هم زينه الحياه
سحر:بالله نطقينا بسكاتك

 

[نبض روحك]

جات هنادي بعد ماصلت وجلست على الأرض جنب سحر وتحس بصدآع فظيع ضلت ساكته تستمع لسوالف خوآتهآ وتجهيزاتهم لملكة سحر
شوق حطت يدها على كتف هنادي:شو هنوده ليش ساكته
هنادي بدون نفس ردت:تعبانه ومصدعه ..في بندول ؟
سحر:شوفي بدرج الكمودينه حقتي تلاقي علبه امس شريتها وانا راجعه من الجامعه
هنادي وقفت ورجعت للغرفه وبطريقها مرت المطبخ اخذت لها كأس مويه ..جلست على سريرها واخذت حبتين بندول حتى يخف الوجع ويختفي عنها ...ماحست ألا بجوالها يدق
هنادي : الوو
روان:السلام عليكم
هنادي رمت نفسها على مخدتها وغمضت عيونها:وعليكم السلام ياهلا
روآن: كيفك قلبي
هنادي :الحمدلله...انتي كيفك
روآن:بخير ..خير ليش زعلانه
هنادي :ابد مو زعلآنه ولاشي
روآن:بس صوتك تعبان
هنادي: مصدعه شوي
روآن:سلآمتك ألف سلآمه ماتشوفي شر في عدوينك يارب
هنادي:الله يسلمك
روآن:يعني بكره جايه والا بتغيبي
هنآدي:والله على حسب بس احتمال اجي
روآن:حاولي تجي
هنادي استغربت اصرارهآ:قلت بحاول من هنا لبكره يحلها الف حلال
روآن: يصير خير ..طمنيني عليك اوكِ
هنآدي:أن شاء الله
روآن:قدآمك العافيه ..مع السلامه
هنادي قفلت منها وهي مستغربه حيل من تصرفاتها واصرارهآ على علاقتهم ..دقايق وأتصل ابغض شخص لقلبهآ..قفلت جوالهآ عناد فيه وطلعت عند خواتها في الصاله

:::
:::
:::

اليوم التالي لهذي الأحدآث
كانت تفكر فيه ..كرهت نفسهآ والايام اللي جمعتهم كآن فقير يشتغل في حديقة قصرهم الوآسعه ..حبته وأعجبت فيه وقت مراهقتهآ وصباها ...بعد تطور العلاقه بينهم أكتشف أبوهآ اللي صار وهددهآ بأنه راح يطرده من شغله عندهم لكن هو فضل كرامته على قلبه وحبه ..ترك المكآن اللي عاش فيه ابوه واهله في ملحق بسيط بزآوية الحديقه الواسعه ترك جده بأسره لأن كل مكآن فيها يذكره فيهآ بعيونها وكلمآتهآ وصدقها وأخلاصهآ له
صفاء( آآه ياعمر تخيلت عني بسهوله عشان فقرك وبساطة عيشتك وتركتني ..كنت مستعده اعيش معه على الحلوه والمره لكنك تخليت عني ...سنوآت طويله ارفض فيهآ كل من خطبني على أمل انك ترجع لي ...كملت حياتك بعيد عني وانا توقفت حياتي عندك ...كيف حقدر انساك وأكمل حياتي اللي ضاعت احلى أيامها عليك ..حتى الزوآج فرصه صارت قليله بالنسبه لي الناس بينظرون لي نظرة العانس اللي تجاوز عمرها الـ28..كيف بكمل حياتي بعد صدمتك لي..قوتي كلها تتلآشى اذا كان الامر متعلق فيك ..بس لازم انسى كل حاجه صارت معي واطوي صفحات الماضي وبدأ حياتي من أول وجديد)
رن جوالهآ ...تركت كوب القهوه اللي في يدها وردت
صفاء:أهلين يامنو ..وحشتيني
منال:وانتي أكثر ياصوفي ..كيفك ايش اخبارك؟
صفاء:الحمدلله بخير ..انتي كيفك وربي وحشآني مره
منال :هههه قريب حتشوفيني ..طمنيني كيف شغلك وامورك
صفاء ابتسمت:ماشي الحال على حطت يدك تعرفين السستم حقي شركه بعدين نادي وبعدين خرجات مع البنات ماتخفى عليك
منال ابتسمت:يابختك ماخذه كل حريتك
صفاء تنهدت:آآآآه يامنال من الفراغ اللي في حياتي مافي احد اجلس معها او اقضي وقتي الا في الخرجات ومع البنات او اسافر برى اتونس واغير جوي
منال:واللي راح تغيرلك حياتك كلها بأذن الله ايش تهديها
صفاء ضحكت:اهديها عيوني بس هي تقدر تبي الجد انا فقدت الامل بالمره
منال بنرة جد:صوفي حياتي انا متصله عليك في موضوع مهم
صفاء عدلت جلستها:ايش الموضوع حبيبي؟
منال:أحنا حابين نجي للجده نطلب يدك لأخوي نواف
صفاء أنصدمت سكن كل شي فيهآ حركآتهآ همسآتهآ وحتى أنفاسهآ:أيـــش؟
منال:صوفي حياتي اخوي دكتور في الجامعه انتي تعرفي أنه رافض فكرة الزوآج لكن من أول مآشافك حبك وارتاح لك وهو بنفسه طلبنا نخطبك له وأهلي موآفقين
صفاء بتردد:والنعم في أخوكِ بس أنتي تعرفي بابا مستحيل يزوج أحد من أولآد القبايل وانتي ادرى ليش؟
منال:ويش اللي يمنعه انتي فكري بالأول وأذا كنتِ موآفقه ابوي واعمامي واخوي بيجون ويخطبونك رسمي وبيقنعونه صدقيني ابوك بيوآفق مستحيل يدمر مستقبلك وحياتك
صفاء:عارفه دآ الشي بس مدري أيش أقولك الحين خليني أفكر واستخير واردلك خبر
منال:فكري زين ياصفاء اخوي شاريك
صفاء:الله يكتب اللي فيه الخير لنا
منال:أمين ..انتظر ردك
صفاء:قريب ان شاء الله وانا بكلم بابا واشوف رأيئه
منال:الله يوفقك يارب
صفاء:أمين
أنتهت المكالمه بينهم وتفكير صفاء أنحرف من مسآر الى مسآر مغآير تماما


{ بـآلمدينه حيث للقلوب خفآيآ وأسرآر}

بدت بعزف حزين على النآي الأليم قد تستطيع أن تُشفي بعض من الجَرِحْ العليل..او تُخفي منبع الدمع الكثيف..تراقصت أوتآرهآ طربا على انغآم متسلسله من الأهآت المُتعذبه بالكآد تخرج من صدرها العفيف ...تُزآحم أنفاسهآ التي بالكآد يُكتب لهآ الزفيرَ..في ضيقهآ وشغفهآ لموعد الرحيل ..يبقى الحنين هو لغة صمتهآ وروحهآ تُخرج أنفاسهآ النقيه بأنين

زحمة شعور ولخبطة بال وظنون​

تاكل من الضيقة يدين الكفاية​

كم للأمل في رمل الأحزان مدفون
وسيلتي فكري والأوجاع غاية!
كلي تسنبلت بيدك خذني بهون
جيت استريحك لا تجدد عنايه!
ماعاد باقي للبكا فيني جفون
ذبلت سنيني والهوى بحّ نايه
متناثره .. حلمي فقط اني آكون
بسمة رضا تحكي شفاتك .. روايه!
يا انت مدري يا انا عقل مجنون
من رتلك في آخر الليل آيه
من صبني في كاسة الجرح ليمون
او من رسم وجهي حزن بالمرايه
من مد غصني للشتا وانصرف دون
مايجمع اوراق الخريف / الحكاية
كذا تركني ضيم واحساس مغبون
عجزت لـ استر ضيقتي بالعباية
تعبت اقدّر ناس مايستحقون
وان جيت، مدري ! بس بي عقل تايه!
ياضيق بالي يالسهر .. بس ،، تكفون!
خلوني ارمي ضيق صدري ورايه
صبري نفذ ماعاد بي قوة متون
ما عاد بي حيل انتطر للنهاية​

لا تسألوني ليه؟ او كيف , وشلون؟​

كل الحكاية :مافهمت الحكاية !​

​

شالت أغراضهآ اللي تحتآجهآ اليوم ولبست عبايتها السودآء نتنظر وصوله مع المرافق الخاص به ثواني بسيطه بعدهآ انطلقت نغمة جوالها ليتردد صدآها في غرفتها المتوجعه مثل قلب من تسكنهآ
شوق:هلا فهد
فهد:صباح الخير
شوق:صباح النور
فهد:هيا أنزلي أنا تحت
شوق وقفت:طيب الحين نازله دقايق بس
فهد: انتظرك لا تتأخري
قفلت منه وحطت جوالهآ في شنطتهآ وشالت اغراضهآ وطلعت في الصاله لقت شهد ومشاري في حضنهآ وعمهآ
ابو مها:وصل زوجك
شوق ابتسمت:أيه عمي ينتظرني تحت
ابو مها:خليه يطلع يفطر معي
شوق بنفس الأبتسامه:مستعجل والله تعرف تعبان ويبي يرتاح
شهد :بتجين في الليل
شوق: احتمال على حسب فهد
قاطعهم صوت الجرس...وراح ابو مهآ يفتح الباب ..دقايق ورجع لقى شوق تلبس القفازات وتعدل غطاها
ابو مها:يبه شوق هذآ وآحد يبي يشيل أغراضك
شوق :زين انا بعطيه اللي في يدي ..يالله مع السلامه
طلعت واعطت مرافق فهد اغراضهآ ..ونزلت بعده ..بعد مادخلت السياره
شوق:السلام عليكم
فهد:وعليكم السلام ورحمة الله وبركاته
شوق قربت منه اكثر وهمست:كيفك؟
فهد مسك يدها وضغط عليها وهو يهمس:مشتاق لك مووت
شوق بعدت يده عنها:خلاص وصلت الفكره
فهد :هههههههههههه ..تبين يسرع عشان نوصل الفندق
شوق ابتسمت لنفسها:لا والله مبسوطه كذا
فهد يقرص يدهآ:عارفك بكاشه
شوق:طيب قوله يسرع بوصل الفندق ههههه
فهد: عجل شوي المدآم تبي توصل بسرعه
..:حآضر طال عمرك
شوق همست:الله يصلحك فشلتني
فهد يرفع حآجبه ويميل فمه:وليش فشلتك انتي تأمرينه وهو ينفذ
شوق:خلاص يووه منك
فهد:مانتي راضيه تتعودين على هذا الوضع شنو اسوي لك
شوق:ماحب التأمر الزآيد يمدحون التوآضع
فهد ابتسم على كلامها:طيب تبين نفطر بمطعم معين
شوق: ماني مشتيه بس أذا انت تبي نروح
فهد:انا أكلت في الطياره
شوق:اجل نروح للفندق احسن طول الليل مآنمت والحين تعبانه وحآسه بفتور
فهد:شكلك ماترحمين نفسك وأنتي ببيت اهلك
شوق:لا والله مرتاحه عندهم وخواتي يساعدوني انا بس اطبخ والباقي هم يسوونه
..:وصلنآ طال عمرك
فهد يفتح الباب:نزل الأغراض وأرسلهآ للسويت حقنآ زين
..: ابشر
أشر لشوق اللي جآت جنبه ودخلوآ أفخم مرديآن بالمدينه...طلعوآ لجنآحهم اللي حجزه أمس بأسمه وجهزوه له...نزل ثوبه وطلع من شنطته اللي دآيم معه ومخصصه لسفرياته المفاجئه بجآمه قطن كُحلي والتيشرت حقهآ رمآدي بكتابات كُحليه ودخل يأخذ له شور ينشطه شوي ويريح أعصابه المتوتره من مشآكل الشغل ومشآكله مع أبوه اللي بدت للتو ...أما هي تجهزت من بيت أهلهآ ولبست بجآمه سآتآن وردي وبدي عاري مُموج بالأبيض لفت شعرهآ شينون بسيط ونزلت خصله على وجههآ وحطت قلوس وردي طلعت عطرها الهادي من شنطتهآ وتعطرت فيه ومشت للشبآك تتأمل الناس وهي على أرتفاع شاهق ...كآنت ماسكه الستاره بيدهآ ونصف شوآرع المدينه وأحيآئهآ ترآهآ صغيره الحجم بيضآء مزدحمه وتشكو كثافة سكآنيه
شوق( يازين المدينه ويازين من سكن فيهآ ..شوآرعهآ الوآسعه وبيوتهآ الصغيره وأهلها الطيبين ولدت هنا وتربيت هنآ وأبي أموت هنآ مابي أندفن الآ في البقيع عند أمي وأبوي ودي يدفنوني بنفس الأرض اللي ضمت أضلآع ابوي وأمي ...يارب مآ أموت ألا هنآ في مدينتي ومدينة رسولك مآبي أموت ألآ وأنآ قريبه من الحرم وأندفن قريب منه يــآآآآرب )
حست بيده البارده تحوطها ..ارتجفت من لمسته لها ولفت بسرعه عليه
فهد: وين وصلتي
شوق نزلت رآسهآ:قريب
فهد حط يده على دقنهآورفع راسها: وين بالتحديد
شوق ابتسمت بذبول:عندك
فهد مرر يده على خدها:عندي وألا عند مرضك
شوق ركزت بعيونه:الأثنين
قربها منه ومشى وهي جنبه تتبع خطوآته جلسها على طرف السرير وجلس جنبها..مسك يدها بقوه وجديه
فهد:شوق هذا أمر الله مانقدر نرده
شوق نزلت دمعتها وافجرت بالبكاء وضمته بقوه:ماني قادره اتحمل وربي ماني قادره..كل شي يخنقني يعذبني ماني قادره افضفض لأحد حتى لمها
فهد لف يديه عليها وهي تتمسك اكثر فيه وتبكي:انتي أمريني وأنا أنفذلك اللي تبين
شوق رفعت راسها:مابي أسوي العمليه مافي أمل اني أتحسن كل يوم أتدهور مابي ادويه ولاشي
فهد :ياحياتي انتي افهميني هذا فيه خطر عليك وعلى الجنين يعني تبين تجيبين طفل مشوه والا معاق
شوق زادت دموعها:خلني اسوي اللي أبي يافهد خلاص أنا أيامي معدوده
فهد رفع راسها لها وبحده: مابي اسمع هذا الكلآم الأعمار بيد الله
شوق اللي تتألم:ليش ماتبي تسمعه هذا الصدق اليوم بعيش بكره احتمال اموت
فهد ضغط على يدها بقوه:شوق خلاص تعوذي من الشيطان واستغفري ربك ماتدرين وين الخيره
شوق:انا مستحيل اسوي العمليه بعد ما أولد وقتها اسويها اذا ربي كتب لي عمر لكن الحين لا وألف لا
فهد بترجي:وصحتك اهم شي عندي صحتك
شوق:فهد افهمني الأمل مبتور من مرضي تعرف يعني أيش ورم خبيث
فهد:اليوم بوديك لدكتوره ثانيه
شوق:كلهم نفس الكلام رحت لدكتورتين
فهد مسح دموعها:طيب ياعمري اهدي الحين والله انا مشتاق لك ومابي اي شي يعكر علينا حياتنا واحنا مرتاحين مع بعض
شوق تشبثت فيه بقوه وكأنه حبل النجاة لها أرتمت بأحضانه مثل الطفل اليتيم الذي يحث عن ملجأ الأمان والحب له:فهد لاتتخلى عني انا محتاجتك كثير ابيك جنبي لاتتركني
فهد اللي يتعذب من دآخله بدون مايوضح لهآ اي شي من تأثره لأنها الأنسانه الوحيده اللي أذآهآ وبالمقابل حبته وأسعدت في حياته اللي كانت كلها الألآم وجراح ثُكلا:ماراح اتخلى عنك ابد
بعدت عنه ومسحت دموعها اللي سالت على خدودها الورديه..مسكها مع خشمها الاحمر الصغير
فهد:يالله عاد اضحكِ كذا تستقبليني بالنكد والدموع
شوق ابسمت من بين دموعها:مو قصدي والله
فهد باسها على خدها بشويش:بذمتك مآ أشتقتي لي وألا أخوآتك نسوك فهد وطوايفه
شوق استحت منه وحمرت خدودهآ:مايقدرون ينسوني حبيبي
فهد يغمض عيونه:آآآه ايوه ذآ الكلام اللي ابيه فديتك وفديت كلمة حبيبي منك
قامت من جنبه شهق:وين وين ؟
شوق تمد لسانه:بنام في الصاله
فهد طير عيونه فيهآ:خيــر مآسمعت ايش قلتي ..اقول تعالي بس
شوق تضحك:بغسل وجهي عن الدموع والا عاجبك شكلي وانا متنكده
فهد يخزها:متأكده بتغسلين وجهك بس
شوق:وأحتمال اتروش
فهد: لا بالله راحت علينا
سحبت الشبشب حقهآ ورمته عليه ومشت بسرعه للحمآم وانتم بكرامه وهو يضحك عليهآ ويغني بصوت عالي

 

[نبض روحك]

بآلجآمعه

كآنت تمشي لوحدهآ بعد مآخلصت أول محاضراتهآ شآفت عبير ومعهآ صديقاتها اللي لهم سنوات طويله مع بعض لكن أبتعدوآ عنهآ من كلام عبير اللي قررت أنهآ تبعد أي شبهه عنهآ
ركزت نظرآتهآ على البقيه متجاهله عبير لكن حدث اللي كاكانت تتوقعه اعطوهآ ظهورهم وتركوهآ منصدمه من فعلتهم وبدآخلها كانت ناويه تسلم عليهم وتأخذ وتعطي بالكلام معهم
هنادي بكره وحقده متأجج دآخلها( طلعوآ حقيرات زيهآ فعلا ماعرفت أختار لي صديقات اكيد قايله لهم كلام عشان يطالعوني باحتقار ونظرات استهزاء ..هين ياعبير والله لا أرد لك الصاع صاعين احسن شي صار انهم بآنوآ على حقيقتهم الدنيئه)
أكلت في نفسهآ ونار الحقد والبغض تكبر أكثر وأكثر ...كل شي فقدته بلمح البصر صديقاتها وحياتها واستقلاليتها ..جلست على كرسي أنفرآدي وهي تتامل البنات وكثرتهم وانساجمهم بجو الجآمعه ..أمآ هي سرحت بعالم ثاني ..حياتها الجديده اللي ماتوقعت في يوم من الآيام يصير لها كذآ..زوآجها الفوجائي وتهديدات باسل لها..خيانة عبير ورضوخها لطلبات ماجد ..وحقارة ماجد اللي كذب عليها وسلمها بنفسه للموت بسهوله
هنادي( أكرهكم ..أكرهكم كلكم ...الله ياخذكم وأرتآح منكم الله ينتقم منكم اشوف فيكم يوم ياخونه الله حسيبكم ) حاربت دمعتها اللي أوشكت على النزول ودفنت حزنها بين أضلاعها وغطته بأشرعه من المشاعر المتبلده ..دق جوالها شافت رقمه واحتدت ملامحها وبانت تجاعيد وجهها من العصبيه والبغض
ردت بدون نفس وهي تتمنى انه قدآمهآ عشان تقتله بيدها وتبرد من النار اللي فيها:نـــعـــم
باسل :الله ينعم عليك
هنادي بصوت زآجر:خلصني ليش متصل؟
باسل: متصل اسمع اخبار زوجتي واشوف اذا نآقصها شي
هنادي بنبره حاقده:دآمك بعيد عني أنا بألف خير ومرتاحه ماينغص علي حياتي الا صوتك البغيض
باسل:افا ياهنودتي بدل ماتقولين مشتاقه لك وحشتني ..مافقدتني حبيبي ..تقولين هذا الكلام الله يسامحك
هنادي:الله لا يسامحك يالحقير بعقلك أنت تبيني اقولك كلام حلو من زينك عاد ياربي لك الحمد
باسل يضحك:على مهلك حاس انك بتنجلطي
هنادي تنرفزت وظغطها ارتفع:منك هو يجي من وراك خير
باسل ابتسم: انا متصل اقولك ان زواجنا تم اثباته بالمحكمه مبروك علي وعليك
هنادي حست بشي يخنقها بعد كلمته:الله ياخذك اخذ عزيز مقتدر
باسل: الله ياخذني ويجيبني لك ياااارب
هنادي بعصبيه: جرب تدق علي مره ثانيه وشوف ايش بيصير فيك
باسل:زوجتي وحلالي اتصل بالوقت اللي أبيه سمعتي
هنادي بسخريه:من زين هالحلال اكرررهك ما اطيقك ماحب اشوف وجهك النحس ولاصوتك اللي يجلطني
باسل ضحك:مصيرك ترضين بالامر الواقع وقرريب بعد
هنادي:اقول لاتتعب نفسك وترجع للمدينه لانك لو تموت ماراح تشوفني
باسل :ههههههههههه شكوى في قسم الشرطه ويجيبونك لي
هنادي نفخت عليه:وآآطي "سكرت جوالهآ وأحدآث تلك الليله لا تغادر خيالها ابدآ ..ابتدأ من خروج مع عبير مرورآ بماجد وأخيرا عند باسل اللي اعطهآ خيآرين لآثالث لهم ..قررت تكون قد أختيارهآ أفضل من أنهآ تبين لها ضعفهآ من البدآيه
هنآدي(اصبر ياباسل الكلب وشوف أنآ ويش بسوي فيك ان ماخليتك تعلن زوآجنآ غصب عنك ومن فوق خشمك بعدها يصير ألـــف خير بس أنفذ هذي الخطوه أنآ أوريك كيف تأخذني للمتعه بس)
كانت تتوعد وتحيك بعض من الأفكار حتى تنفذهآ ف القريب العاجل وتكون انتصرت عليه بأول محآولآتهآ ...قاطع انسجآمهآ بتفكيره بوسة روآن اللي طبعتهآ على خد هنآدي ولفت بسرعه على جهتهآ زي المقروصه من حركتهآ اللي ماتوقعتها
هنادي شهقت:روآآن
روآن ابتسمت: كيفك ياقمر وحشتيني
هنادي أخفت رعبها من حركتها اللي فاجئتهآ ورجعت طبيعيه بعد مارمت كل شي ورآهآ:الحمدلله بخير
روان تمرر يدها على خد هنآدي وتمسح أثر الروج اللي بقى بخدها:سوري خربت كشختك ببوستي
هنادي ابتسمت مجامله لهآ:عادي ياقلبي ..اخبارك أنتي
روآن: منيحه ..توي مخلصه محاضراتي أأووف تعب مره وشفتك هنا سرحآنه وجيتك
هنادي:ههههه كنت افكر بالمحاضره والمشروع اللي طلبوه منا
روان توقف:ياختي طنشيه ولاتعطيهم وجه يالله قومي نروح نشتري شي نأكله ميته جوع وكمان ندردش شوي دآم القروب مشغولن مع بعض
هنادي وقفت وشالت شنطتها:يالله مشينآ (ياربي انا ويش بلآني بذي البنت ياليتها قدي بعد لا بسنه ثالث كملت والله ..بس غريبه انها تتودد لي ومهتمه فيني كل هذآ الأهتمام حاسه ورآهآ شي يالله ياخبر اليوم بفلوس بكره يبقى ببلاش )


العصر في ابو رياض
لمت أغراضهآ وهي تبكي ومنهاره وأمهآ تهدي فيهآ..جآء هزآع وريآض يشيلون الشنط مع بعض الخدم اللي رحلتهم بعد يومين
ابو فهد جلس على الدرج بتعب:حسبي الله ونعم الوكيل فيك يافهد الله لايوفقك
ام رياض تمسح دموعهآ:حرآم عليك يارجال ..لاتدعي عليه
هزآع بحقد:اجل اللي سوآه فينآ قليل حنآ بعد البيت الكبير هذآ نستأجر شقه وعمي ابو رزان يسكن معنا قولي لي يمه كيف بنأخذ رآحتنآ
ندى:يبه انا مابي أعيش مع أعمآمي خلنا نروح ان شاء الله خرابه بس مانسكن معهم
ابو رياض عصبيه:نآقصك أنت ودلعك مايكفي اللي سوآه أخوك فينا الله لايوفقه بدنيته وأخرته قلب غضبان عليه ...وعلى سواته فينا انا واعمامك احمدي ربك لقينا لنا بيت يضفنا عن الشارع
رياض تنهد:آآآه يايبه ماني متخيل ان فهد يسوي فينا كلنا كذا ..حتى بيتنا اللي عشنا وتربينا فيه بينباع في مزاد علني ..كله بسببه
ام رياض بحده:رياض خلاص يكفي كل وآحد يدعي عليه من جهه
ابو رياض بعصبيه وقف:انتي يامره علامك كل كلمه وثانيه تدآفعين عنه عآجبك الوضع اللي وصلنا له
ام رياض: يابو رياض الدنيا يوم لك ويوم عليك هذي حوبته طول عمرك متبري منه جاء الوقت اللي تدفع فيه الثمن
ابو رياض صرخ عليها: أسكتي ..أنتي بعد تتشمتين فيني مآهقيتهآ منك
أم رياض: أنآ ما أتشمت أنا أقول الصدق ...اتق الله في نفسك وولدك مآصار فيك كذآ الا ذنبه اللي في رقبتك
ابو رياض:خذوآ أمكم من قدآمي
ندى تمسك يد أمهآ:أمشي يمه خلينآ ننزل بقية الأغراض
هزآع يطالع أمه بعيون تآيهه هو وريآض أمآ أبو ريآض ترك البيت وطلع برى كل شي في هذآ البيت يخنقه ويزيد ألم صدره المتزآحمه أنفاسه
هزآع:والحل الحين
رياض يشيل بعض الشنآط:شيل وأنت ساكت لآيرجع أبوي ويعصب علينا
هزآع:طيب زوجتك وعيالك
رياض:مع اهلها لما نستقر بجيبهآ عندنا أسم ان ابوهآ مآخسر كثير مثلنا
هزاع بتحطم:الله يسامحك يافهد هذي سوآه تسويهآ الله يسامحك
ندى وقفت عند الدرج:بدل مآتتحسب على اخوك تعال ساعدني
هزاع بحده: طيب لاتنفخين وجع
ندى: تعال خلصني بروح اشوف امي
تركت الأغراض على طرف الدرج ورجعت عند امها

:::
:::
:::

بعد المغرب في المدينه
جآء يوسف عند شهد حتى يأخذ مشآري مع رغد ويودونه لعيآده خآصه
شهد بخوف:يوسف الله يخليك بشويش عليه هو صغير مايتحمل
يوسف ابتسم:لآتخافين ان شاء الله مايتعور
رغد اللي كآنت لآبسه عبايتهآ ومتحجبه:هذي خوآفه زياده عن اللزوم هو صغير مابيحس بألم كثير بس اعطينا الولد نوديه

بهذا الوقت دخلت شوق وفهد البيت وفتحت له المجلس
شوق :ارتاح هنآ بجيب لك القهوه
فهد:مآيحتاج بجلس أنتظرك هنآ أو انتظر يوسف
شوق تعدل طرحتهآ وتتغطى حتى لو يطلع يوسف صدفه بوجهها:طيب بروح للمطبخ واشوف خواتي وراجع لك
دخلت الصاله وشافت هنادي وسمر جالسين:اخبار الحلوين أيه
سمر: نبوس أيديك
هنادي:غريبه جايه وتاركه زوجك
شوق ضحكت:زوجي بالمجلس
هنادي بكره: ايه اقول مايفرط فيك فهيدآن
شوق نزلت عبايتهآ:وين زوج شهد شفنا سيارته تحت
سمر:جوآ عندهآ بالغرفه بيأخذ مشاري مع رغد ويطهرونه
شوق :الله يكون في العون شكل بيطفشنا اليوم بالبكآء ...الآ ماسويتوآ قهوه
هنادي بدون نفس تستند على الكنبه وتمدد رجولهآ:أضن عند شهد بالغرفه
دخلت رغد بتأخذ شنطتهآ شافت شوق وباستهآ على خدهآ:هلا والله متى وصلتي
شوق ابتسمت :من شوي "قاطعهم صوت الجرس "
رغد طلت في شوق:مين اللي جاي الحين
شوق تهز أكتآفهآ:الله أعلم ..بروح أشوف مين
أتجهت للباب بعد مآحطت الطرح على شعرهآ وسكرت الباب اللي يفصل المجلس وغرفة شهد عن بقية البيت فتحت الباب بهدوء وكآنت صدمه شلت كل حوآسهآ وأستيعآبها ..تفاجئت من وجود أشخآص مآتوقعتهآ بتآتآ
..:ايش فيك ياشوق بتخلينا مطولين برى
شوق اللي حست على نفسها وأستوعبت اللي يصير قدآمهآ:هــآه ..لا حياكم ..تفضلوآ زآرتنآ البركه
جدتهآ( أم أمهآ) سلمت عليهآ وباست راسهآ:كيفك ياشوق وكيف حال خوآتك
شوق تطالع في خالهآ اللي كآن ورى جدتهآ:كلنا بخير الله يسلمك ..تفضلي ياجدتي نورتي البيت
جدتهآ: من دريت أن شهد ولدت جيت ولو اني زعلانه عليكم لاتتصلون ونآسين جدتكم
شوق: منشغلين ياجدتي "فتحت الباب وقربت من المجلس وفتحت بابه على الأخير:حيآكم هنآ شهد عندهآ زوجهآ
خالهآ اللي ساعد جدتهآ بالدخول:كيفك ياشوق
شوق وعيونهآ على فهد اللي وقف على طول وألأف الأستفهامات تطري في باله:بخير انت بشرني عنك كيفك وايش مسوي
خالها: الحمدلله ماشي بدنيتي
جدتهآ وقفت على طول بتعدل نقابها:ياويلي من ذآ يابنت مدخلتنا على رجال مآنعرفه
شوق ارتبكت من نظرآت فهد اللي تحرقهآ ومن جدتهآ اللي تعرف طبعهآ خايفه انها تجرحه بكلمه او تصرف: هذآ زوجي فهد
جدتهآ نزلت الغطآء عن وجههآ وهي تطالعه بتفحص:هذآ زوجك ولد الجابر
شوق أخفت ارتباكهآ:ايه تفضلوآ تفضلوآ ارتآحوآ
خالهآ قرب من فهد:السلآم عليكم
فهد بصوته الرجولي الممزوج ببحه ثقيله:وعليكم السلام ..يآهلآ
جدتهآ: كيفك ياولدي ويش مسوي
فهد :بخير عسآك بخير ..كيف حالك ياخالتي
الجده: الحمدلله
شوق:استريحي جدتي بروح أجيب القهوه وأجي
خالها:خذي راحتك
طلعت جري للمطبخ وسوت قهوه بسرعه والأرتباك باين عليهآ مرت عليها رغد قبل تطلع مع يوسف
رغد: خير شوق ايش فيك مرتبكه كذا ومرعوبه
شوق بخوف:تخيلي مين جآء ؟
رغد عقدت حواجبها بأستغراب:مين ؟
شوق: جدتي وخالي ..تصوري
رغد شهقت شهقه قويه: شنو جدتك ..لا والله جاء الخير الله يستر منها ومن عيونها الحاره
شوق ترتجف: ياخوفي ناويه على الشر زي عادتها احنا مرتاحين في بُعدنآ عنهم ايش ذكرهم فينا
رغد:روحي شوفيهم يالله انا بروح لشهد أزف لها الخبر التعيس وبأخذ مشاري ونروح قبل تدخل جدتك تسمعنآ كلمتين
مشت رغد بسرعه لغرفة شهد وفتحت الباب انصدمت لما شافت الجده جنب شهد وتسلم على مشاري ..طلت في يوسف اللي باين على وجه علآمآت الخجل
الجده: مين هذي ياشهد
شهد تطل في رغد وتبلع ريقها:هذي ...هذي ..هذ.
الجده:علامك انتي يابنت ماتتكلمين زين الخلق
شهد تمالكت نفسها :هذي رغد بنت عمي محمد
الجده لفت على رغد وعدلت نظاراتها:هذي رغيد أم لسان طويل
رغد طلت فيها بحقد وكره( عجوز النار هي ويش جابها عندها أوووف ناقصه كلامها اللي زي السم الله يجيبك ياطولة البال): أيـه أنآ
الجده: وليش داخله وين الحياء يابنت ماتشوفين زوج شهد هنا بالغرفه والا تتعمين
رغد بتقهره:عادي انا قابل يوسف زي اخوي فيهآ شي ذي
الجده قهرها اسلوب رغد المتطآول: بلآك مآعندك أمك ترببيك تعلمك الحياء
يوسف بينهي النقآش اللي باين أخره حامي:يالله ياشهد بأخذ الولد ونوديه
شهد : أنتبه له
الجده:خلي الرجال مع ولده ويش يحشرك بينهم انتي بعد
شهد رفعت حاجبها:وولدي أنا بعد
رغد جات شالت مشاري بسرعه بدون مآتعطي أي اهتمام للجده وسبقت يوسف برى ولحقهآ هو بسرعه ...نزلوآ مع بعض للسياره متجهين للعياده اللي حجز عندهآ يوسف

 

[نبض روحك]

عند شهد

دخلت شوق بصينية القهوه بعد مامرت على فهد خالها وقهوتهم ...مدت فنجان القهوه لجدتها
شوق: تفضلي
الجده بنظرات تفحص:ماشاء الله ويش ذا الزين تغيرتي بعد الزواج انتي وأختك
شوق طلت في شهد كأنها تستنجد فيها ترد على كلام جدتها
شهد تداركت الموقف: طبيعي تتغير البنت بعد الزواج وأنتي ادرى ياجدتي
الجده: ايه ايه معك حق طايحين بذا المزايين من فهد ليوسف
شوق ( بسم الله الرحمن الرحيم منها هذي ماتبي تفكنا من شرها): اذكري الله
الجده: لا اله الا الله ...كأني سمعت ان سحر انخطبت
شهد :ايه انخطبت وشبكتها الخميس
الجده:ماشاء الله ويش تسوون للناس انتم صفيتن مابقى منكن احد كلن مخطوبات ومتزوجات
شوق: قسمة ونصيب ياجدتي هذي ارزاق من رب العالمين محد يقدر يعترض عليها
الجده: ما أعترضنآ الحمدلله على كل حال ...الآ وين سحر وسمر ماشفتهن والا مايبن يسلمن على جدتهن
شهد: سمر صاحيه وسحر نايمه
الجده: قومي ياشوق ناديهم قولي لهن يجون يسلمون وألا بزعل عليهم
شوق قامت وهي متأففه من جدتها ...وراحت تصحي سحر وتنادي سمر ..رجعت ومعهآ سمر
سلمت على جدتها وباست راسها
سمر: كيفك ستي
الجده: بخير يالغاليه ماشاء الله والله كبرتي يالصغيره
سمر حمرت خدودها:كل صغير يكبر ياستي
الجده: ويش ستي ذي اسمي جده والله حتى كلامك ماهو زي كلامنا
شهد بتغير الموضوع:وين خالي ماجاء يسلم علي
شوق:جالس مع فهد بالمجلس






بالصاله



شف كيف ...؟؟!
يوم إحتجتهم مـآوفولي..
لآ وآحسآفهـ كيف ظني بهم

" خاآاآاب " !!

وقت آلسعهـ ..
ياكثر آلأصحاب حولي..
ووقت آلشدآيد..
لآحبآيب ولآأصحآب..!!!
وآللي قطع قلبي وسبَّب ذهولي
إني قبل لآ أحتاجهم..
........... كـآنوآ[ أحبآإآإآإآإب ] !!!




كانت تقلب بجوآلهآ تشوف مكالمات باسل اللي حرقت جوآلهآ لكنهآ مطنشته ولا تفكر ترد عليه أبدآ...أخذت نفس طويل وخوفهآ من الجاي بدأ يزدآد ..رجعت بهآ الذاكره الى الخلف عدة أيام تجتر مرآرة الذكرى وقسوة الألم الوآخر لروحهآ قبل أن يمُس جسدهآ الضعيف

::
::
هنادي بترجي: الله يخليك ياماجد خلني أرجع بيتنا ..الله يخليك
ماجد بأبتسآمه خبيثه: ربع ساعه بس وترجعين البيت لاتخافين
هنادي تبكي: انت وين بتوديني ..ماتوقعت حقير كذآ
ماجد: احترمي نفسك يالله عاد انزلي وادخلي جوآ في وآحد يبي يكلمك بشي خآص بينكم
هنادي عقدت حواجبها بأستغراب وسيطر الخوف عليها: مين اللي يبيني
ماجد فتح لها باب السياره: ادخلي وبتعرفين من هو
نزلت بسرعه ودخلت لجوآ الأستراحه الصغيره مرورآ بحوشها الضيق ..حست بوحشة المكآن ورعبه دخلت مكآن فاضي لا يوجد به سوآء عدد من الكراسي وشخص تذكر ملامحه التي اسدلت عليها ستار الصمت والدهشه من توآجده هُنـــآ

هنـآدي بشهقه :أنـــــــــت





؛؛؛
؛؛

 

[نبض روحك]

البارت الخآمس والأربعون


مهمــآإ آع'ـطيّ لـ | آلزهرٍ ڪْلٍ آهتمآإميُ ~
مآ يفتحُ غيـْرٍ . . [ فيّ موٍســمِ ربيع'ـًـَـَــہْ . . !



هنادي بترجي: الله يخليك ياماجد خلني أرجع بيتنا ..الله يخليك
ماجد بأبتسآمه خبيثه: ربع ساعه بس وترجعين البيت لاتخافين
هنادي تبكي: انت وين بتوديني ..ماتوقعت حقير كذآ
ماجد: احترمي نفسك يالله عاد انزلي وادخلي جوآ في وآحد يبي يكلمك بشي خآص بينكم
هنادي عقدت حواجبها بأستغراب وسيطر الخوف عليها: مين اللي يبيني
ماجد فتح لها باب السياره: ادخلي وبتعرفين من هو
نزلت بسرعه ودخلت لجوآ الأستراحه الصغيره مرورآ بحوشها الضيق ..حست بوحشة المكآن ورعبه دخلت مكآن فاضي لا يوجد به سوآء عدد من الكراسي وشخص تذكر ملامحه التي اسدلت عليها ستار الصمت والدهشه من توآجده هُنـــآ

هنـآدي بشهقه :أنــت
ابتسم بفرح لأن مخطآطآته نجحت بشكل أسهل ممآ أتخيله :هلا والله بهنادي
هنادي ركزت عيونها فيه وبالمكآن اللي تنفر من تواجدها فيه:ويش تبي خلصني ماني فاضيه لك
باسل جلس على الكرسي واشر لها عشان تجلس:كلامنا بيطول فأرتآحي بالأول
هنادي بنظرآت شرسه:مرتاحه كذا يالله قول اللي عندك
باسل يحط رجل على رجل ويبتسم:ماجد اللي وصلك هنا
هنادي بحده:ويش خصك انت
بآسل وقف وبنبرة لئيمه:يخصني ونص
هنادي رفعت حاجبهآ بأستغراب: بأي صفه يخصك
بآسل مد لها ورقه:عندك خيآرين مالهم ثآلث ياتتزوجيني وألحين توقعين وألا بيصير لك شي ماترضينه
هنآدي أنصدمت من كلامه وبحده صرخت:أيــش قلت أكيد أنجنيت مو أنآ اللي أسوي كذآ فاهم
بآسل ضحك:بكيفك بس أعرفي أن مآلك طلعه منهآ الآ وانتي مختاره ياتكوني زوجتي وألا تشيلين عآرك لوحدك
هنادي صرخت في وجهه:يــآحقير مستحيل يصير اللي تقول عليه
بآسل :معك 10 دقايق تفكرين فيهآ وأذا مآقررتي اعرفي انك رآيحه فيهآ يعني رايحه فيها
رآح لغرفة ثانيه



بالسياره
راحت مع يوسف وهي مقهوره من كلام الجده لهآ
يوسف:تصدقين يارغد ماعمر شهد جابت لي سيره ان جدتها وخوالها عايشين على بالي انكم مقطوعين ماعندكم أهل
رغد سكتت شوي بعدها ردت:هم تركونا من زمان من قبل أم شهد وامي يموتون بس مدري ليه رآجعين لنا الحين
يوسف:يمكن يبون يصفون القلوب
رغد: هذيك العجوز مايجي من ورآهآ الا المصايب ياما تكلمت بعرضنا وعن اهلنا واحنا ساكتين ..كلنا نكرها محد يحبها ولا يتقبل منها كلمه
يوسف استغرب كلامها:افا لهدرجه كلكم تكرهونها
رغد: يوسف الله يخليك لاتقلب الموآجع وتفتح أوراق قديمه خصوصا شهد لآتسألهآ عن شي ولاتسمح لذي العجوز تدخل حياتكم لأنهآ بتخربها
يوسف عقد حواجه من الكلام اللي يسمعه:اعوذ بالله شكلها شرانيه
رغد تغمض عيونها وتتذكر كل شي زي لمح البصر:فوق ماتتخيل
يوسف يغير الموضوع:وأخبار درآستك ؟
رغد:الحمدلله ماشيه فيها
يوسف ابتسم:شدي حيلك عاد ابيك تغطين على الكل
رغد ضحكت: انت ادعيلي وان شاء الله يصير خير
يوسف:الله يوفقك ياررررب ..يالله انزلي وصلنا
فتحت الباب وشالت مشاري وطلعوآ للدور الثاني ينتظرون دورهم


:::
:::
:::

الساعه 10 بالليل
رجعوآ للفندق على طول هربت من فهد اللي باين على وجه العصبيه ...واخذت لها شور عشان مايسألهآ وينسى ...اول ماطلعت وقفت قبال المرايا تنشف شعرها ..سمعت صوته الحاد
فهد: شوق ليش ماقلتي ان عندك خوال وجده
شوق ارتبكت اخذت اللوشن حتى تنشغل فيه:ماهو ضروري تعرف ما اضن انه شي مهم
فهد نفخ عليها بنبره ارعبتها:شلون ماهو مهم ...انا احسب بس لك عم ولا عمري سالتك عن أهل أمك ..بس ماتخيلت انك ممكن تخبي عني شي زي هذا
شوق لفت عليه:هم قاطعونا يعني نرمي نفسنا عليهم الحمدلله عمي ماقصر علينا ربانا احسن تربيه بالنسبه لي مابي اعترف فيهم اللي جاني منهم خلاني اكرهم واكره سيرتهم سنين وسنين ماشفتهم مدري ليش جوا اليوم
فهد بسخريه:ويش جاكِ منهم
شوق طلت فيه بنظره حارقه وبنبره قويه :نفسك اللي جاك من أهلك ..لفت تمشط شعرها وهي مطنشته
عصب منها ومن طريقة كلامها صرخ عليها بنبره اربكتها:ايش قلتي ياهانم ماسمعت
شوق رمت الفرشه على التسريحه ولفت عليه وهي تتخصر: تبي اقولك ليش؟
فهد رفع حاجبه الأيمن وحط يده على خده:ياحبذآ لو تقولين عشان لآ أعرف بطريقتي
شوق جلست على الكرسي الدآئري:بسببك أنت أهل أمي قاطعونا
فهد وقف بعصبيه ومشى لها بسرعه ومسكها بقوه مع يدها:انتي كل شي ترمينه علي بسببك وسببك ؟
شوق طيرت عيونها فيه وبقوه دفته عنها:ياشيخ كأنك الملاك البريء بعدين ما اسمح لك ترفع صوتك علي
فهد اعطآهآ نظره شراريه وهمس لها بصوت غاضب:وقمتي تتطاولين علي ياشوق
شوق نفذ صبرها منه:بعد ماخطفتني جدتي ماخلت ولابقت من الكلام الا وقالته لي ...وخوالي ماقصروا كثر الله خيرهم جوا وضربوني لو ستر الله كان مت ذيك الليله مارحموني ابد وقتها كان عزاء ابوي وتوي طالعه من عمليه ..شلون تبيني احبهم نفس المشاعر اللي تكنها لأهل أبوك أنآ أكنها لأهل أمي ...فهمت الحين ليش قلت بسببك
فهد كتم غضبه وتدآرك اعصابه: ايه فهمت بس زين منك أنك ماكرهتيني للحين
شوق بعدته عن طريقه ومشت للدولاب تطلع له بجامه: كرهتك بما فيه الكفايه وبالمقابل ايش كانت النتيجه ؟...طبعا ولا شي ليش اتعب نفسي رضيت اتزوجك وانت تدري ليه وشفت من الدنيا كثير ماعدت اهتم لأي حدث بحياتي الأهم عندي اعيش يومي بحلوه ومره وأأدي فروضي على أكمل وجه
مدت له البجامه: نعيما مقدما ..انا بنام
فهد اخذ بجامته ومنشفته منها ودخل الحمام بهدوء وهو يفكر بكلآمهآ اللي قالته بنبره كلها برود وعدم أهتمآم ..حس أنه أنظلمت كثير قبل مايتزوجهآ وحتى لما تزوجهآ والحين يكفيهآ معنآتهآ مع مرضهآ مايبي يزيد عليهآ بسبب أشياء تافهه بنظره
جلست على السرير تتأمل الفرآغ اللي تركه ورآه
شوق (أيش اللي قاعد يصير معي ..انا ماغلطت لما خبيت عنه أصلا نسيت موضوع جدتي الله يصلحهآ مدري كيف طلعت لنا ) أنسدحت في مكآنهآ واتحلفت ...سمعت صوته وغمضت عيونهآ على طول ماتبي تحتك معه بنقاش أو كلام يمكن يوصلهم للمشاكل

:::
:::
:::

بنفس الوقت ببيت أبو مها
رجعت مع يوسف بعد مآ طهروآ مشآري ..ودخلت غرفتهآ تذاكر قبل تنآم ..على العشاء
سحر شهقت: لآلآلآ مابي جدتي تجي والله تخرب علينا ماتعرفيهآ
شهد بتأفف:شنسوي احرجتنآ انا وشوق فعزمتها شوق
سمر تضحك:ياحرآآآم
سحر بعصبيه: اسكتي انتي
هنادي :علامك عليهآ كل ماقالت شي سكتيهآ
رغد تشرب من عصيرها:والله مآ ألومك ياسحر جدتك هذي محد يتحملهآ
شهد : بسكم حش مآ حنآ ناقصين ذنوب
رغد: على قولتك ..كيف ميشو الحين ؟
شهد تطالعه بحنيه:ياروحي عليه نآيم
رغد تدقهآ: انتبهي له زين والطريقه اللي قالهآ الدكتور علمتك عليهآ
شهد ابتسمت: ياعسى ما افقدك قولي أمين
رغد من قلبها:أمــيــن
سحر بغيره : دعوآتك بس لرغد وحنآ ضايعين
شهد: افا عليك والله حتى انتم غالين
هنادي تغمز لسمر: ايوه باين صرآحه تودعينآ بأبتسآمه ودعوه
رغد انفجرت ضحك:ههههههههههه انتم تغصبونها تعصب عليكم حركآت مدري كيف
هنآدي: أفآ حتى أنتي تصرفاتك عوجآء بس الحب من الله
سمر تضحك:أنا مع هنآدي
شهد: بس بس يالله كل وحده على سريرها
سحر::كأنه بدري
شهد ابتسمت:لا قلبي صارت الساعه 11
هنادي قبل تتكلم دق جوالهآ ..طلت بالرقم وتأففت وحطته سايلنت
رغد :ول ول مين اللي اتصل عكرلك مزاجك
هنادي تتنهد:وحده تعرفت عليها بالجامعه غثتني كل شوي تتصل ماصارت
سحر عقدت حوآجبها:لايكون الشله اللي شفتك معهم بالمطعم تبع الجامعه
هنادي : ايووه هم
سحر:انا قلت غريبه ويش عرفك عليهم
شهد بشك: أيش سر المعرفه بينكم
هنادي أعتدلت بجلستهآ واخذت نفس طويل:تخيلوآ أنهآ بثالث
رغد شهقت:افاااا...حكينآ شكل في اكشن
بدت تحكيهم عن اللي صار بأحدآث مختلفه عشآن ماتكشف نفسهآ..وكآن باين بكلامهآ التناقض
سحر حطت يدها على خدها:طيب عبير وينها مختفه دآيم اشوفكم مع بعض
هنادي تغيرت ملامحها:هاه ..بصراحه حنا متهاوشين ومانكلم بعض
شهد استغربت من كلام هنآدي وتناقضه تعرف قوة علاقتها مع عبير:غريبه انتي وعبير متهاوشين ؟
هنادي: سوء تفاهم راح ينحل قريب بس لآتجيبون لها سيره عشان تحس على نفسهآ
رغد بلقافه: طيب ايش صاير بينكم يمكن نعطيك حل
هنادي وقفت:لالا شي سخيف وبايخ يالله بروح ارتب اغراضي واجهز ملابسي لبكره
ركضت لغرفتهآ وسكرت الباب عليهآ ...وعكر مزآجهآ أتصال باسل طنشته خصوصا انه سايلنت رمت جوالها في الدرج وفتحت دولابها وتفكيرها محصور في باسل وحياتها مع باسل
رجعت انسدحت على السرير

 

[نبض روحك]

{هنادي}
اووووف وبعدين راسي بينفجر من التفكير ...واخرتها مع اللي مايتسمى بسيلووه...لازم اسوي شي اخليه غصب عنه يتزوجني صدق "رد عليها صوت بداخلها" يعني كيف يتزوجك مو قال توثق بالمحكمه ..يارب يارب يارب استر علي ودبرني من عندك ...يارب يكفي الي صار مع شوق مابي احد يعرف بموضوعي ...يارب لاتنسى أمتك بنت عبدك هي بحاجتك
اخذت جوالها وشافت 5 مكالمات 2 من باسل 2 من روان
هنادي بتأفف:أوووف وبعدين معها ذي بسحب عليها ...دقت على رقم باسل دقايق وسمعت صوته
باسل: هلا والله
هنادي كشرت من سمعت صوته(الله ياخذك على هذا الصوت البشع):مساء الخير
باسل:مساء النور ...اخيرا حنت هنادي هانم واتصلت على باسل
هنادي نفسهآ تخنقه تشنجت كل عضلاتها:لقيت لك اتصال بغيت شي
باسل:بشوف محتاجه شي
هنادي عصبت: كم مره قلت لك ماني محتاجه شي
باسل: طيب طيب لاتنفخين
هنادي: أنت ماتفهم كلامي غصب تبيني اقولك محتاجه الحمدلله اذا انت فلوسك كثيره اتصدق فيهآ ترى خيرنآ مكفينآ وزود
باسل يضحك:انتي دآيم متهوره بقراراتك وأحكآمك ..انتي زوجتي ووآجب علي نفقتك على العموم اذا جيت المدينه أعطيك بطاقة الصرآف حقت حسابك تصرفين منهآ بكيفك
هنادي أنقهرت منه وزآدت عصبيتها: انت بأي لغة تفهم تراني اتكلم عربي
باسل:وانتي ليه حمقانه ومنقهره بدل ماتفرحين اول مره تقابلني بنت زيك شرسه وعصبيه
هنادي :والله هذي أنا عاجبتك اهلين وسهلين غير كذا يفتح الله
باسل:زين زين ..واخبارك
هنادي : تمام دآمني ماشو خشتك المنحوسه
باسل أبتسم :حلو أهم شي انك بخير
هنادي :يالله بنام مع السلامه
باسل: باياتووو
هنادي قفلت منه وحطت جوالهآ على الكمودينه وزفرت انفاسهآ اللي محبوسه بصدرها:غثيث ليش ماهو زي أخوه فهد بس حتى فيه لفه بسيطه ماتعجبني لكن باسل مو زيه لابالشخصيه ولا بالشكل يقهر
حطت راسها على المخده وهي تتذكر ملامح باسل وتسبه بنفسهآ كأنهآ تطلع غلها وحرتها فيه


عند شهد ورغد
رغد : بس هذي الحكآيه
شهد تسكت ولدهآ اللي يبكي :رغد حياتي انتبهي لنفسك هذآ الدكتور شكله يلف حولك
رغد طلت بشهد وتذكرت موقفهآ مع عبدالله:مآ أتوقع المهم ..أنا رايحه أنأ واخليك مع ولدك اذا ارتفعت حرارته اعطيه خآفض حراره
شهد: طيب تصبحي على خير
رغد: وانتي من اهله
مشت لغرفتها تأخرت هذي الليله بنومتها ودموآمهآ بكره طويل ..سمت بربهآ وهدأت انفاسها ونامت

:::
:::
:::

فتحت عينها ماقدرت تنام والظلام شديد بالغرفه حاولت تسترق النظر وتشوف اذا صاحي أو نآيم لكن ماقدرت ..ماحبت تتحرك كثير عشان ما تخرب نومته ..بعدت الشرشف عنها بشويش ونزلت رجولها بتلبس الشبشب
..:وين رايحه
شوق خافت لما سمعت صوته الثقيل:رايحه اشوف التلفزيون طفشت
فتح الأبجوره اللي جنبه وجلس:ويش سبب طفشك المفاجئ
شوق: بدون سبب
فهد:اها قلتِ بدون سبب ...دايم توجد اسباب
شوق لفت عليه وبنظره جامده: ايش فيك ؟!.. غصب بتخلق سالفه
فهد ميل فمه بسخريه:ليه اخلق سالفه ..المهم حاولي تنامي لأن بكره الساعه 9 بوديك المستشفى
شوق :فهد حكينا بذا الموضوع كثير قلت لك ماعاد أني رآيحه المستشفى
فهد بحده: انا اللي اقولك تروحين والا لا ..انا زوجك غصب عنك تطيعين اوآمري والا اغضب عليك
شوق تنهدت:ياحبيبي كل شي يجي بالتفاهم
فهد رفع حاجبه: انتي قلتيها بالتفاهم ..بس انتي ماتبين نتفاهم
شوق تربعت على السرير:طيب ايش تبيني أسوي شور علي يمكن القى عندك حل
فهد بأصرار:تجهضين
شوق بحده: مجنون انت ..فهد اذا اجهضت هذي مره ماعاد اني بحمل افهم ذا الشي
فهد بعصبيه:شوق لاتجننيني الحين انا قلت لك ابي عيال لنا كم سنه متزوجين وراضي بنصيبي
شوق :بس أنا أبي الحمل صار صدفه ليش تبيني اجهضه بعدين الأجهاض حرام
فهد يحاصرها لانه عارف انها تجاكره: لأنه بيضرك حلال
شوق بترجي: فهد الله يخليك انت ويش خسران خلني اسوي اللي ابيه ليش معترض الحين؟
فهد تنهد ببطئ سكت فتره يفكر بكلامها بعدها قال: شوفي ياشوق بكره نروح للمستشفى ونشوف الدكتور شيقول وقتها اعطيك ردي
شوق ابتسمت:توعدني
فهد: اوعدك بس بشرط
شوق كشرت وقطبت تجاعيد جبينها:ويش شرطك يابو شروط
فهد:مايكون فيه خطر كبير على حياتك
شوق ابتسمت: خلاص صار
فهد يمسك يدها وبنبره تهديد:شوفي بعدين ترى مافي نقاش بتسوين العمليه مره ثانيه يعني بتسوين اوكِ
شوق ميلت فمها لأن كلامه ماعجبها وقررت انها تسايره عشان يسكت عنها:طيب
فهد بدهاء:كأنك تقولين شي بنفسك
شوق ضحكت: ابد ماقلت شي بسم الله علي
فهد أرتسمت ابتسامه رضا: مشكلتي فاهمك وفاهم اللي تفكرين فيه
شوق ترمي الخدآديه عليه: ويش اريك تنام مو أحسن
فهد يبعد الخداديه عن حضنه:لا مو أحسن ويش رايك انتي تنآمين
شوق: مالي نفس أنآم
فهد: ليش ؟
شوق: حاسه بشوية غثيان وصداع
فهد :هذي اولهآ الله يستر
شوق تمد لسانها:شي عادي مو قلت لك نآم أحسن
فهد: جالس على قلبك احس وراك شي
شوق ضحكت:ياربي على الشك اللي ماهو بوقته اطمنك ماوراي شي
فهد يسدحهآ بقوه ويغطيها بالشرشف: طيب أخمدي اقلقتيني
رجع لمكآنه وطفى الأبجوره:لا اسمع صوتك ولا تتحركين عشان لا أعصب
شوق: طيب لاتهدد ياقلبي وألا بعآندك
فهد لف على جهتهآ وتحسس شعرهآ:جربي انتي
شوق تضحك:ياربي منك مآكأنك عجوز ويش كبرك حركآتك حركآت بزرآن
فهد شد شعرهآ وصرخت وهو يضحك بخبث: لا يالأميره الصغيره...كأني طآيح من عينك
شوق تدف يده بغرور:لايكون زعلت عشان قلت لك عجوز
فهد: بسم الله عليه من العجز والكبر توني بأول شبابي
شوق انطلقت ضحكآتهآ: مشاء الله الله يخليك لأهلك يالشبابي ...ترآك بتخلص الـ35
فهد: وانتي ياصبيه كم عمرك خلينآ ساكتين
شوق:هو يحصلك وحده مثلي نآم الله يستر عليك
فهد:تخمدين على خير
شوق: وانت بخير


:::
:::
:::


صباح اليوم اللي بعده
صحت شهد بدري بسبب بكآء مشآري ...بعد مآنومته راحت للمطبخ تسوي فطور للبنآت وعمهآ وتزبط له قهوته ...بعد مآ أنتهت وحضرت سفرة الفطور أتجهت لغرف البنآت وصحتهم
سحر بنعآس:اليوم مآني رايحه للكليه عندي مشآوير اخلصهآ قبل ملكتي
سمر اللي ميته تبي تغيب لكن شهد غاصبتهآ تروح:شفتي مايصير سحر تروح لحالهآ خليني أغيب واروح معهآ
شهد تفكر:يالله اليوم بس لو كآن ميشو مو تعبان رحت أنا معهآ بس حظك يكسر الصخر
سمر ترجع تنسدح وتغطي وجههآ:قفلي النور
شهد بحده:قومي صلي عمى بعينك
سمر فزت بخوف:ابشري الحين اصلي
شهد:وانتي هنو بتروحين وألا لا؟
هنادي تتمدد بجميع الجهآت:لا بروح مع سحر عشان نخلص كل شي مره وحده
شهد ميلت فمهآ:زين قوموآ صلوآ وافطروآ وارجعوآ نآموآ
سحر توقف:زين انا الحين اجي افطر يالله هنو قومي غسلي واتوضي
طلعت شهد قبلهم وجلست بالصاله تنتظر عمهآ اللي مآ تأخر بخروجه من غرفته
ابو مهآ : صبحك الله بالخير شهوده
شهد بأبتسامه عذبه: صبحك الله بالنور عمي حياك فطورك وقهوتك تنآديك
ابو مهآ جلس جنب السفره وأبتسم:الله يعطيك العافيه ...ألا كيف ولدك بعد الطهور
شهد: الحمدلله تعبني في الليل بالبكآء والفجر نام
ابو مها : انتبهي له يابنتي لا ترتفع حرارته
شهد : ان شاء الله
جات رغد: صباح الخير
ابو مها + شهد:صباح النور
رغد: كيفكم اليوم
شهد:بخير ...بتدآومين
رغد كشرت:ايه لازم ادآوم
ابو مها: شدي حيلك يبه ابيك تصيرين احسن دكتوره
رغد ضحكت: ان شاء الله يبه انت بس كثر دعوآتك لي
ابو مها: الله يوفقك ويفتح عليك ويرزقك من وآسع فضله ورحمته
رغد رفعت يديهآ وبكل أحساسيهآ: أمين أمــــيـــن
جوآ البقيه يفطرون ويسولف مع أبوهم
ابو مهآ: كأنكم مآتبون تدآومون
سحر: أنا بعد الساعه 10 بروح السوق اخلص اغراضي وبيروحون معي هنادي وسمر
ابومها:ايه ازين عشان ماتروحين لحالك
رغد تتخصر:يعني بس انا اللي بروح قهر
شهد: ويش تسوين عاد يالله قومي البسي مابقى وقت
رغد توقف: كذآ تنسد نفسي عن الروحه بس يالله بأغض نظري بسوي نفسي ماشفتكم بالبجآيم ولا سمعتكم
سمر:هههههههه شكل ماراح ننام من نفسها
رغد طنشتهآ وراحت تلبس عشآن تلحق على دوآمهآ قبل يهزئهآ الدكتور على تأخرهآ
طلع ابوهآ
رغد تلبس عبايتهآ:شوفوآ ترى المغرب دوري أنا اروح للسوق ولآ وحده بتروح معي يعني خلصوآ اغراضكم بعدين فآآآهمين ؟
هنادي تتخصر:يصير خير يالله روحي دوامك
رغد تأشر بيدهآ: سيووو ياحلوين
ومشت للمستشفى بنفسيه حلوه ورآيقه


بآلفندق
صحى على صلآة الفجر بعد مآصلى نزل لمطعم الفندق قرآء الجرآيد زي عادته في أي صباح تعرف على رجل أعمآل كآن يسمع بأسمه لكنه حصل وتلاقوآ في هذي اللحظآت ...بعد مآ أستئذن منه الرجال جلس يكمل الجرايد ويستطلع الاخبار ...فجأه دق جواله
فهد استغرب لما شاف الرقم وخصوصا بهذا الوقت:هـلا
صفاء: صباح الخير
فهد: صباح النور ..هلا صوفي كيفك
صفاء:بخير الحمدلله انت شو عامل
فهد: بخير وعافيه ..بشريني عن اخبارك
صفاء:في شوية تطورات
فهد ابتسم: صدق ..بشريني ويش صاير
صفاء :هههههههههه اتوقع شو صاير
فهد: يالله قولي بلا تناحه
صفاء: أنخطبت
فهد بفرحه: احلفي ؟
صفاء ضحكت: لهدي درجه ماعندك امل اني اتزوج
فهد :ههههههههههههه لا والله موب قصدي ..ومين سعيد الحظ
صفاء:واحد من الرياض عشان كدا اتصلت عليك قبل اكلم بابا
فهد عقد حواجبه: خير ان شاء الله
صفاء: صراحه فهد ابي منك خدمه ازا تقدر
فهد: ابشري والله ماقصر أمري انتي

 

[نبض روحك]

بعد نص ساعه من الحوار بينهم قفل الخط وطلع لجنآحهم عشآن يصحي شوق
فهد: شوق ..يالله قومي نآسيه ان ورآنآ روحه للمستشفى
شوق تلف عنه وهي مستمتعه بنومهآ:مآبي مو لازم
فهد بجديه:اقولك قومي يالله
شوق:خلها بعدين والله فيني نوم
فهد بأصرآر بعد عنه الشرشف:قومي يالله
شوق قامت بكسل وبنبره طويله: يعني مصر مصر مررره
فهد يمسك يدهآ ويوقفهآ:ايه مصّر بس خلصيني الساعه صارت 8 مايمدينآ نلحق
شوق ميلت فمهآ: نروح خآص
فهد بأعتراض: نجرب الحكومي يمكن يكون في خطآء
شوق مشت للحمآم وهي تقول: خطآء ..ياحليلك مصيرك تعرف أنهآ الحقيقه المره
غسلت وبدلت ملآبسه ...وقبل تمد يدهآ على التوست
فهد صرخ: لآآآآآآ
شوق فزعت ولفت عليه بعصبيه:خــــيــــر خوفتني
فهد ضحك على شكلهآ: مايصير تسوين تحليل وانتي مفطره
شوق شوي وتبكي:بموت من الجوع مافيني حيل اروح على لحم بطني
فهد: بعد مآنخرج بوديك احسن مطعم
شوق تشد شعرهآ:كرهت المطآعم كرهتهآآآ اووووف
فهد يضحك عليها:يالله جيبي عبايتك بنمشي
شوق مشت للغرفه ولبست عبايتهآ وأخذت شنطتهآ وطلعت معه لأكبر مستشفى حكومي بالمدينه
بعد نص سآعه وصلوآ
شوق : كلمت صآحبك انت ؟
فهد: ايه كلمته بس الحين عنده تدريب لطلاب الطب نص ساعه ويخلص على بال نسوي التحليل والأشعه يكون خلص
شوق بتأفف: يالله طيب خلنا نخلص
دخلت أول شي قسم الأشعه كونه فاضي وسوت رنين مغنآطيسي ..وبعده سحبوآ منهآ دم
شوق: كم يأخذ وقت؟
النيرس:من 10 دقايق الى ربع ساعه مو أكثر
فهد: حاولي تستعجلين
بعد مآطلعت النيرس من عندهم
شوق:تعبت نفسك على الفاضي نفس النتيجه بتطلع يعني الدكآتره اللي رحت لهم كذآبين والآ مايفهمون
فهد عصب: ياربي منك تعرفين تسكتين
شوق لفت عنه: ايه أعرف
جآت النيرس وحولتهم لقسم النسآء ودخلت شوق عند الدكتوره اللي بدت تشوف الأشعه ونتيجة التحليل وفهد برى يستنآهآ ...مآحس الآ بصوت بنت ورآه
رغد بصدمه: فـــهــد
لف بسرعه وشآف رغد أرتبك: هلآ
رغد استغربت وجوده بالمستشفى: كيفك
فهد :الحمدلله ..انتي كيفك؟
رغد لفت على صديقآتهآ: أوك بنات شوي ولاحقتكم
اسيل:بنروح للروم
رغد هزت راسهآ بالأيجآب وسالت فهد:خير فهد فيك شي؟..شوق مريضه فيهآ شي؟
فهد ضبط نفسه: لآلآ تطمني كلنا بخير ..بس جاي هنآ أقابل صديق
رغد ماتطمنت له ولكلامه تحسه يكذب عليها:أهآ ...مين هذآ دكتور وألا مريض؟
فهد :دكتور
فجأه وصل الدكتور وليد:السلآم عليكم

رغد طيرت عيونهآ فيه(هذا ورآي ورآي ويطلع بوجهي فكل مكآن اوف منه):وعليكم السلآم
فهد ابتسم: هلآ وليد "ضموآ بعضهم وسط استغراب رغد" كيف حالك مشتاق لك
وليد:بخير انت شخبارك من تزوجت ماشوفك كثير
فهد: لآهي بالدنيآ
رغد تسبل بعيونها :انتم تعرفون بعض
فهد: هذآ وليد صديقي اللي جاي أقابله
وليد أستغرب من استفسآر رغد وركز نظرآته عليهآ
رغد ارتبكت: طيب انا رايحه توصي شي فهد
فهد:سلآمتك
رغد: الله يسلمك مع السلامه ...لحقت صحباتهآ بسرعه
وليد بسرعه:تعرفهآ ؟
فهد عقد حوآجبه: هذي أخت زوجتي
وليد انصدم وطير عيونه بفهد: تتكلم من جد؟
فهد: اي والله أخت المدآم اللي تنتظر جوآ المهم وليد انا قلت لك السالفه بس بعد في شي أبيك تسويه
وليد: حآضرين للطيبين ...كل اللي تبيه بخدمك فيه بس تفضل لمكتبي نتكلم على رآحتنآ
مشوآ للمكتب اللي كآن بُعد خطولآت بسيطه جدآ


عند رغد وصحبآتهآ جلست وهي مستغربه من علاقة فهد اللي بنظرهآ رجل أعمال كبير بالدكتور وليد صحت من تفكيرها العميق
اروى: مين ذاك المزيون اللي كلمتيه؟
رغد ضحكت: يؤؤؤ على عيونكم الطويله
اسيل حطت يدها على خدها:أأأخخخخ عليه هيبه وطول وجسم يخبل
رغد ضربتها على يدها: عيب عليك احترمي وجودي على الأقل
اسيل بحماس: بجد انك نذله تعرفين واحد زيه وماتقولين لنا
رغد ضكت بصوت عالي: يمه منك انتي وهي هذا زوج اختي وبنت عمي شوق
اروى فتحت عيونها على كبرها:زوجهآ ؟
رغد: يس زوجها ...بطلوا بصبصه انتي وهي سامعات
اسيل : ماشاء الله تبارك الله الله يخليه لها لو اني منها ما اخليه يطلع من البيت
رغد ابتسمت: غريبه عمركم ماشفتوآ صورته بالجرايد او بالتلفزيون كم مره يجيبون لقاء معه
اروى عدلت جلستها:لا اجل باين انه ولد عز
رغد :خلاص عاد لاتسئلوني عنه بأكل قبل يبدأ التدريب بموت من الجوع

نرجع لمكتب الدكتور وليد
د وليد اخذ نتيجة التحليل من فهد والاشعه وعاينهآ لف على فهد اللي واقف جنبه:اللي قالته الدكتوره صحيح ..للأسف يافهد حالتها متقدمه مره
فهد تجمدت كل خليه بجسمه :يعني مافي أمل
د وليد:الحل المؤقت هو العمليه اللي قلت لك عليها لكن حط ببالك انه حل مؤقت مو نهائي
فهد جلس على الكرسي :حتى اذا أجهضت
وليد طل بفهد بحزن وهو شايفه متأثر مره:للأسف ايه بقاء الحمل او أجهآضه ماراح يأثر بحالتها
رمى الأشاعه من يده وتنهد فتح ازآرير ثوبه: أنا لله وأنا له لرآجعون
وليد:انت اقوى من كذا تحمل يافهد خاصه ان نفسيتهآ متدهوره وهذا يزيد حالتها سوء انت طلعها من هذا الجو ولاتحسسها بأي نقص
فهد: هي تدري بكل شي
وليد ابتسم: عارف انت قلت لي بس الشي اللي قلته لك مؤكد ماتدري عنه لأن الدكتوره جاتني وقالت انه ماقدرت تقول لها وزوجتك قالت ايش قالوا اللي قبلنا وكلامه صحيح لكن ما انتبهوا لهذا الشي
فهد: ألطف فيني وفيهآ يارب ...الطف فيهآ
وليد مشى بأتجآه فهد وحط يده على كتفه:خلك ايمانك قوي بالله وأصبر مابعد الصبر إلآ الفرج
فهد :والنعم بالله ...يالله انا تأخرت توصي بشي
وليد:سلآمتك اي شي تحتاجه أنت ومدآمتك كلمني
فهد: ماتقصر ...لاتنسى اللي وصيتك فيه
وليد ابتسم له:تطمن مايصير الا اللي تبيه
فهد صافحه وودعه ومشى بأتجآه شوق


في بيت أبو مهآ
سحر: يالله عآد اخلصوآ علي ودي اروح بدري صارت الساعه قريب 10
هنآدي تلف الطرحه:شوفيني خلصت باقي سموره
سحر صرخت: سمور يالله بننزل قبلك
سبقوهآ للسياره ..دقايق ولحقتهم وأتجهوآ للسوق
هنادي :ويش اشتري فستآن قصير أو طويل
سمر تنزل طرحتهآ عن وجههآ:بما أن طولك زآد وجسمك صار حلو وانتفختي شوي اشتري شي يبين مفاتنك يمكن تخطبك وحده لولدهآ
تغير وجه هنآدي وتلون بجميع الألوآن:لا بشتري شي ساتر وزين
سحر اللي مسترخيه:لاتحطين الفكره براسك الحين شوفي السوق وايش موجود فيه بعدين أختاري
هنادي:على قولك...يالله وصلنا
سمر تتغطي: يارررب خلنا نقضي بسرعه ومافيني الف ادور لي فستان
ريم تدفها: يالله بعدي بنزل
دخلوآ السوق وبدوآ يلفون فيه وكل وحده تحآول تنقي اللي تبي بأتقان
دق جوالهآ وعكر عليهآ انسجآمه مع الفسآتين اللي محتاره تختآر اي وآحد فيهم ..طلعت جوالها وشافت رقمه تأففت ..تذكرت ان سحر وسمر بنفس المحل ردت بسرعه
هنادي: الــو
باسل يلف بكرسي مكتبه:صباح الحب والوله والأشتياق لأحلى بنت في الكون
هنادي تشد على شنطتها بقوه:صباح الزفت والخياس يآ أبغض مخلوق في الكون
باسل بنبره حاده:لسآنك السم هذا يبي له قص
هنادي تهمس: ويش تبي متصل؟
باسل:بسأل عن زوجتي حرآم
هنادي: أن شاء الله اسئلك عنك في مقبرتك شنو تبي خلصني
باسل: وينك فيه ؟
هنادي رمت اللي بيدها: في السوق
باسل يطالع ساعته: هذا الوقت بالسوق ويش عندك ياقلبي
هنادي: ويش خصك يالله لاتكثر هرج خواتي معي مابيهم يحسون بشي
باسل: أوكِ هنودتي بدق الظهر
هنادي:لاتتعب نفسك بقفل الجوال عشان لآ أسمع صوتك اللي يجيب لي القلب والظغط والسكر
باسل يمد كلامه:بعيد الشر عنك تبيني اموت
هنادي بكل حوآسها :يارب تموت ياررب عشان أرتاح انا
باسل:مااتوقتعك حقوده ادري تقولينها من ورى قلبك
هنادي: الا من كل عرق في قلببببي ..يالله عاد مابي أطول معك كافي الوقت اللي ضيعته
باسل بتهديد: هين ياهنادي برجع للمدينه وأكسرلك رآسك تستقوين علي خلي قوتك لمآ اشوفك يازوجتي المصون
هنادي عصبت منه ومن كلامه اللي يخنقها:طيب يصير خير لما أشوفك ...انصحك اكتب وصيتك لأني بقتلك عاجل غير أجل
باسل ضحك في نفسه على تهورهآ:اوك بسلمك نفسي على طبق من فضه
هنادي وصل ضغطهآ h وقفلت الخط بوجههآ وحطت جوالهآ سايلنت عشان مايزعجهآ ...رجعت عند سحر وسمر وهي معصبه لكن متمالكه نفسهآ لايبان عليها
سمر: هنو ايش رايك بذا الفستان سحر تقول حلو
هنادي تلفه وتتفحصه:اي مره حلو لايروح عليك
سحر:وانتي ماشريتي لك شي
هنادي: عجبني وآحد لونه بحري تعالي شوفيه نآعم مره ..اخذت سحر وسمر لمكآن الفستآن
سحر:وآآآآآو يجنن ياهنو موديله روعه
هنادي: يعني اخذه
سحر :مجنونه انتي من جدك ما اقتنعتي وربي يهبل يبين جسمك بالتفصيل
هنادي ابتسمت:اوك بخليه يطلع مقاسي ..لوسمحت تعال شوي

 

[نبض روحك]

بالمطعم
بعد مآ افطرت ومسحت يدهآ بالمنديل المعطر
شوق: شنو قال صاحبك
فهد ابتسم:تطمني ماقال الآ الخير
شوق عبست:فهد لآتلف وتدور علي يالله قول ويش قالك؟
فهد مسك يدهآ بحنآن:شوقه ياقلبي قلت ماقال الآ الخير تطمني انتي
شوق بنظرآت جديه:ادري انه قال شي مو زين ابيك تصارحني لا تخبي علي
فهد رفع يدهآ وباسهآ:أنا أخبي عليك..حاول يغير الموضوع"ودك بأيسكريم ؟
شوق :لا شبعانه
فهد رجع وتكى على كرسيه:بكيفك لكن اذا طلبت لي ياويلك تمدين يدك عليه
شوق تضيق عيونهآ وتميل فمهآ:أشبع فيه يالدب
فهد ضحك:لالا يالرشيقه
شوق ابتسمت: رشيقه غصب عنك رضيت وألا مارضيت
فهد:خلاص خلاص رآضي ...بروح دقآيق ورآجع
بعد مآرجع جلس على الكرسي:اليوم يوصل فستآنك وفستآن سحر
شوق ابتسمت: الله يخليك ولايحرمني منك
فهد من كل قلبه:ولآمنك
شوق تكت على الطاوله:حآسك في شي بتقوله؟
فهد يفكر :عآدي أعزم باسل للملكه
شوق فرحت: ايه عآدي حبيبي اعزمه هو وحدآني خله يجي ينبسط ويفرح
فهد (ان شاء الله يصير اللي أبي وقتهآ صدق بأنبسط): يمكن الملكه عائليه ؟
شوق: حتى لو عآئليه باسل أخوك يعني منآ وفينآ يالله عاد عن التغلي كلمه وأعزمه
فهد: طيب بكلمه لمآ نرجع الفندق
شوق مسكت يده بحنآن: فهد انت ويش مخبي عني عيونك فاضحتك
فهد (معقوله حست بشي ):مافيني الا العافيه بس قلقآن على الشغل اتصل سلطآن يقول في شوية مشآكل بسبب أبوي تعرفين مآهو مصدق اللي صار
شوق زفرت انفاسهآ: ماله دآعي كل اللي صار
فهد بخبث: وهم اللي مغفلين وبآعوآ أملاكهم محد غصبهم على شي
شوق: بس هذول أهل تعرف يعني ويش أهل
فهد: ايه اعرف انا مآ أقصر معهم ان شاء الله بس كرههم لي ماله مبرر ابد
شوق: طبيعي يكرهونك لآنك سبب أفلآسهم
فهد عصب وبنظره حاده: ويش قلت توي ..انا مالي صآلح انهم يفلسون لمآ شفتهم يعرضون املآكهم قلت أشتريهآ ومآ اخلي كل من هب ودب يدخل بيننآ
شوق خآفت من نظرآته: طيب طيب لاتعصب ويش رايك نرجع الفندق كأن الجو بدأ يحتر
فهد وقف ومزآجه متعكر: يالله مشينآ
شوق ( يالله على غبائي يعني لآزم انكد عليه واخليه يعصب مآيكفي اني كل شوي انرفزه بكلمه مش ولآبد ...انا مدري ويش صاير فيني اقول كلام مالازم ينقال ..لآحول ولاقوة الا بالله يارب صبرني )
فهد بحده: مطوله بوقفتك
شوق صحت من سرحآنه بأرتباك: هآه ..خلآص مشينا يالله
أتجهوآ للفندق


بآلمستشفى

كآنوآ مع وليد بغرفة الملاحظة
وليد: يالله تعال عبدالعزيز طبق اللي علمتكم
عبدالعزيز يتهرب: دكتور ابي أخر وآحد يمكن ماتزبط من اول مره
د وليد بعصبيه:ويش قلت؟..تعال اقولك طبق لا تخليني اعاقبك
جاء بسرعه ووقف يطبق والكل منتبه معه الا الدكتور وليد اللي حافظ اللي يطبقونه عن ظهر قلب وعيونه على رغد اللي تساعد عبدالعزيز بخفيه حتى مايشوفها ويهزئهآ بمساعدة اسيل واروى والبقيه
وليد( مآتوقعت انهآ أخت زوجته سبحآن الله يالدنيا )قاطعه صوت عبدالعزيز:دكتور خلصت
د وليد: برآفو عليك مين يبي يجرب
اسيل بحماس: أنــأ
د وليد:يالله
أروى تهمس:شوفي كيف يطالعك وربي سرحآن ماهو يمنآ
رغد تقرصهآ: لا يحس عليك
اروى شوي وتضحك: اقولك رايح بعالم ثاني طلي أنتي فيه بس راح تتاكدين من كلامي
رغد تشجعت تشوف كيف يطالعهآ دآرت بنظرهآ وطآحت نظرآتهآ عليه وارتجفت من نظرته نزلت رآسهآ على طول وبدت ترجف
اروى أنطلقت ضحكآتهآ مآقدرت تتمالك نفسهآ أكثر..والكل لف عليهآ بصدمه
د وليد بصوت زآجر:أيش المصخره هذي
اروى حطت يدهآ على فمهآ بخوف كتمت ضحكآتها ..ورغد تقرصهآ مع يدهآ
د وليد عصب من تصرفهآ: نبي نضحك ضحكينآ معك انسه اروى
اروى بلعت ريقهآ وهي تشوف نظرآته الحارقه :مآفي شي يضحك
د وليد ميل فمه بسخريه:يعني مجنونه تضحكين من حالك
رغد أنقهرت منه وردت: أنا اللي ضحكتهآ
د وليد ببرود: برى أنتي وهي
رغد طيرت عيونهآ فيه : ايش ؟
د وليد صرخ: مآسمعتي ويش قلت ...بـــرى
اروى مسكت يد رغد وقالت:دكتور والله رغد مالها ذنب انـ..
قاطعم بصوت حآد:قلت برى ...دورآ احد غيري يستقبلكم
رغد رمت السماعه على الطاوله الصغيره اللي تفصل بينه وبين الطلاب:انت شايف نفسك على أيش ..يعني صرت دكتور محد قدك
د وليد انصدم منها:مشاء الله وقحه كمآن
رغد قربت اكثر بعصبيه حاده وفتحت عيونهآ على الأخير: أتعلمتها منك يا دكتور متوحش
اروى سحبت رغد وبترجي:خلاص يا رغد "لفت على الدكتور" سآمحنآ دكتور اخر مره الله يخليك
رغد دفتها بعيد عنه وبحده: لآتترجي وآحد مثله ..عن نفسي مآيشرفني أنه أطبق عنده
د وليد ولع من كلامهآ: أطلعي برى ولآعآد أشوف وجهك هنآ فآآآهمـه
رغد حطت عينهآ بعينه وببرود قالت: مو أنت اللي تطردني اذا بغيت اطلع من هنا اطلع بكيفي مو غصب عني
وليد جن جنونه رمى اللي قدآمه بقوه على الأرض وصرخ بوجههآ: قلت بــــــــــــرى
طلعوآ بسرعه وتركوه مع البقيه ..والكل يرجف من نظرآته وهم يشوفون تشنج عضلآته طل فيهم :أطلعوآ ورآهم يآلله

اروى : اسفه يارغد مادريت بيصير كذا
رغد جلست على الكرسي بقهر: ماعليك منه اصلا هو حقير من نظرآته اللي يطالعني فيها يستاهل نفسي اطلع كل غلي فيه
اروى تبكي: والله ورطنا انفسنآ الحين ويش بنسوي اكيد بيكلم دكتوره انعام ويش بيفكنا من لسانها
رغد: لاتخافين أنا أوريك فيه
اروى: رغد الله يخليك ماحنا ناقصين هو حطنا براسه خلاص انا بعتذر منه بس لما يهدأ
جآت أسيل تركض: أيش اللي سويتوه وربي معصب مرره الله يستر
رغد بحقد: بالطقاق اللي يطقه
جآت وحده من البنآت اللي معآهم: بجد نآس وقحين
رغد أنقهرت منهآ: انتي الوقحه مو حنآ عمى بعينك
البنت: اذا تبون تخربون علينآ دوروآ لكم قروب غيرنآ
أسيل : أيش دخلك انتي روحي بحالك
رغد بعصبيه:أذا تبين روحك أنقلعي من وجهي
ياسر: صلوآ على محمد يابنآت بعدين أنتم الغلطآنين يارغد
رغد تتخصر: طيب وغلطنآ فيهآ شي
ياسر طل فيهآ مستغرب:انتي برآسك شر اليوم فكينآ يابنت النآس
رغد: أجل مسوي فزعه ليه ..خذ هالوقحه معك ورحوآ عنآ
اسيل تغمز لهم: خلاص روحوآ ..انتي تعالي اجلسي خلينآ نتفاهم
اروى :ايه رغد أهدي مايصير اللي تسويه
رغد وقفت: أنا اوريكم فيه اكيد بمكتبه الحين ...مشت بسرعه لمكتبه وأسيل وأروى يحاولون يمنعونهآ لكنهم مآقدروآ
اسيل توقف بينهآ وبين باب غرفة د وليد:والله ماخليك تدخلين
أروى تبكي:اذا لي غلا عندك ترجعين
رغد بأصرآر: انتم على عيني وعلى رآسي بس أنا ابي اتفاهم معه ...دفت اسيل ودخلت عليه وأسيل ورآهآ
أسيل:رغد ارجعي مانبي مشآكل
وقف د وليد وبنظرات ناريه: خير ليش جآيه ماقلت مابي أشوفك
رغد: مو بكيفك تشوفني وألا ماتشوفيني انا ماني جايه عشان سوآد عيونك
أروى تسحب رغد : أسفين دكتور على اللي صار ..يالله أمشي
رغد وقفت بمكانها وبأسلوب لبق: ل سمحتوا خلونآ لحالنآ
وليد : ماعليش أطلعو الحين بشوف رغد ويش تبي
دقآيق وأختفوآ من قدآمه ورجع بنظرآته يطآلع رغد اللي باين عليهآ العصبيه
د وليد انقلب حاله من العصبيه للبرود: ويش تبين
رغد انفجرت عليه بسيل من الكلام اللامنتهي: ويش فيك تطالعني بنظرآت غبيه في كل محآضره على بالك ماني ملاحظتك ترى نظرآتك يادكتور تضآيقني ياليت تحتفظ فيهآ لنفسك لأن الكل يحسب بيننآ شي وهذا كله من غبائك ونظرآتك الأغبئ
د وليد فتح عيونه من كلامهآ سكت شوي مايدري كيف يرد عليها تدآرك نفسه: ومين قال اني أطالعك ..اذا تحسبين نفسك خآطفه أنظاري احب اقولك انك غلطانه وتعلمي تتكلمي بأسلوب ارقى من ها الاسلوب الرخيص
رغد قربت من الكرسي وبقوه قالت: دكتور لاتلف وتدور علي حركآتك هذي عدت علي كثير وعارفتها زين يعني لاتحط نفسك بموقف بايخ
د وليد عصب اكثر: شكلك ماتبين تفهمين
رغد ضحكت:المشكله اني فاهمتك زين..وبعدين ليش حاط دوبك من دوبي سويت لك شي من قبل ..كنت أتعامل معك بأحترام ولاعمري غلطت عليك بس انت حاطني برآسك
وليد أنقهر منهآ ومن جرآئتهآ: الحين أنتي بأسلوبك الغجري هذآ تكلميني شكلك مآتعرفين مين أنآ يا رغد
رغد: أتمنى أنك تفوق لنفسك وخلك حركآت المراهقه للصبيان
مآقدر يتحمل أكثر من كذآ مشى له بسرعه ومسكهآ مع كتفهآ بقوه وصرخ بوجههآ: حركآت مرآهقه ..والله ماندري مين عايش بحركآت المرآهقه يآ أنسه
رغد قدرت تحرر يدهآ منه كآنت المسآفه بينهم تكآد لآتذكر توتر من قربه: توصل فيك لهذي الدرجه "مدت يدهآ بتضربه وقبل توصل يدهآ لخده انفتح الباب ودخلوآ مجموعة طلاب اللي صدمهم الموقف اللي قدآمهم
رغد لفت بصدمه وعيونه تعلقت بالأشخاص اللي واقفين قابلهم صرخت بوجهه: حــقـــيــر
ركضت لبرى الغرفه ودفتهم عن طريقهآ اخذت اغراضهآ وكتبهآ ونزلت في الباركنج دقت على السوآق يجيهآ ..وخبت نفسهآ بمكآن محد يشوفهآ فيه ..وقامت تبكي
بعد فتره بسيطه مرهآ جلالي وكآنوآ معه سحر وهنادي وسمر ...اول مالمحت السياره مشت بسرعه ودخلتهآ وهي تشهق
البنآت بخوف: أيش فيك ؟
رغد: ولاشي جلالي بسرعه روح البيت
هنادي مسكت يدها:رغوده ويش فيك تبكين صاير شي؟
رغد: متضايقه شوي
سحر ضمتها: ياعمري قوليلي ويش صار؟
رغد: الدكتور طردني
سمر ببرود: على بالي شي كبير اثاريه كذا مالت
هنادي بنظرآت حارقه: أنطمي "لفت على رغد" خلاص حبيبتي يروح بستين دآهيه ولايعكر لك مزآجك
رغد بقهر: يرفع الظغط حيوآن
سحر:لاتغتابينه ويش بتستفيدين يالله قلبي امسحي وجهك أول مانوصل البيت خذي شور يروق اعصابك
رغد مسحت دموعها:وهذا اللي بيصير
هنادي ابتسمت: أخص يالدآفوره ياما اكلت طردآت وانتي لأول مره تبكين
رغد ضحكت: والله انك فالتهآ ياهنو
هنادي تنهدت جآء ببالهآ باسل فتحت شنطتهآ وشافت جوالهآ بين الأكوآم..رفعته وانتبهت لعدد المكالمات رجعته وبدآخلها شي يجبرها تكلمه ...أول ماوصلوآ البيت كل وحده اتجهت لغرفتهآ
هنادي تتحلف:سحر لاحقين على القربعه ودي أنام قبل العصر عشان بروح معك المشغل اتزربق
سمر حطت الفرشه على التسريحه بأستغراب:ياويلي على الفاظك ياهنو كل يوم شي جديد ..ويش أتزربق
هنادي بعدت البطآنيه عن وجههآ: ويش فيها الكلمه تهبل
سمر ترجع شعرهآ خلف أذنهآ وجلت على سريرها تستعد للنوم:حسسيني أنك أنثى نآعمه لو بألفاظك
هنادي مدت لسآنهآ ورجعت تنآم وقالت بصوت عالي: سحر طفي النور
سحر اللي عقلهآ بعالم ثاني:بالله شوفوآ
سمر لفت: والله حلو بس فكينا بنام
سحر بتأفف: حسوآ فيني

 

[نبض روحك]

هنآدي بعدت البطآنيه عنهآ أخذت جوالهآ ورآحت لغرفة شوق تنام فيهآ لآنهآ عارفه سحر ماراح تخليهم ينآموآ ...قفلت الباب على نفسها وأنسدحت على السرير
هنادي: الله يسامحك ياسحر طيرتي النوم عني ..لفت على يمينهآ بكسل طرت ببالهآ فكره ..انغمست بتفكيرهآ أكثر والمستوحذ على تفكيرهآ بآسل لآغير
(الظآهر أني بديت أخرف ...بس اللي برآسي لآزم أسويه يعني أسويه) مدت يدهآ على جوالهآ وأتصلت عليه ...بعد دقايق طويله مارد عليهآ أستغربت
هنادي:ماهي من عوايده مايرد وانا ويش علي منه لا ياهنادي بديتي تستخفين وتخرفين بقوه
قبل تحط الجوال رجع دق عليها
هنادي: نـعـم
باسل تعود على صدهآ ونبرتها المتأففه:الله ينعم عليك ..ويش فيك متصله ؟
هنادي: السموحه بالغلط اتصلت
باسل مامشت عليه:اخلصي علي ويش كنتِ تبين
هنادي: ولاشي بس طفشآنه قلت اتصل اتهاوش معك
باسل بسخريه:بس من صوتك حاس انك مروقه وماتبين شي يعكر مزاجك
هنادي بنبره طويله: لايكون اتصالي ازعجك
باسل :نهآئيا كنت اصلي عشان كذا مارديت
هنادي تصفر: حركآآآت أنت تصلي
باسل بنبره حاده:ليه شايفتني يهودي ما أصلي
هنادي خافت من نبره: سوري ماقصدي
باسل بنفس الحده: ترى في حدود ياهنآدي أنتبهي لا تتعدينهآ وتندمين
هنادي: والله ياحبيبي ماعندي خلفيه عن هذي الحدود اعطيني نبذه عنهآ
باسل :مايصير بالجوال لازم فيس تو فيس
هنادي ببرود:طيب بس ذكرني وقتها
باسل انسدح على سريره وتمدد:على فكره ترى بحضر ملكة أختك
هنادي ارتجفت وشهقت:أيــش؟!
باسل يضحك:اللي سمعتي..والا ماتبيني أحضر
هنادي انقهرت: من جد بتجي؟
باسل: اذا بتستقبليني راح أجي
هنادي نفخت عليه: بُعدك انطق بديرتك ابرك لك
باسل:افا لهدرجه جيتي غير مرحب فيها
هنادي عصبت ..تعدلت وجلست وهي تضغط على الخدآديه اللي مآسكتهآ بيدها:ايه غير مرحب فيك
باسل بعنآد:أجل بجي عنآد لك كآن عندي أجتمآع مقدر اكنسله بس نكد لك بكنسله
هنادي أنقهرت منه:انت تبي أبوي ينجلط لمآ يشوفك اذا بايع عمرك تعال برجولك عنده
باسل سكت مافهم كلآمهآ بعد سكوت بسيط: ليه ماتبينه يشوفني
هنادي:أنا قلت لأبوي كل شي سويته فيني
باسل انصدم :أيـــــــــــــــــــش
هنادي تنهدت:ماتفهم قلت لأبوي انك تزوجتني مدري لعبت علي يعني ياشاطر وقعت في شباك العنكبوت
باسل بعصبيه: أي عنكبوت انت الثاني
هنادي ميلت فمهآ بقهر: ماهو لازم تفهم ...انت من عقلك بخبي شي كبير مثل هذا عن ابوي حشى منت بعقلك
باسل بلع ريقه:هنادي أنتي صاحيه لكل كلمه قلتيهآ
هنادي عصبت: شايفني مجنونه مدري ويش اقول ؟
باسل : خلاص خلاص اوووف منك يالله باي "قفل الخط بوجههآ"
(ويش هذي الورطه اللي تورطهآ ياباسل ..أحسن حل انك تعتذر من فهد وتدبر لك اي شغله عشان لآ يحس بشي ...مصيبه أذا حس بشي بيني أنا وهنآدي والله غير يقتلني )
رمت جوالهآ جنبها وزفرت أنفاسهآ الحارقه بكل تثاقل ..غمضت عيونهآ تحاول تهرب من وآقع مؤلم

:::
:::
:::

المغرب
صحت بسرعه وصلت وأكلت شي يسد جوعهآ طلعت للصلآه
شهد: ويــن؟
رغد: بروح السوق خلاص مابقى شي على الخميس وأنا لسى مآشريت لي ولك
شهد: ذكرتيني اعطيك صرآفتي اسحبي منهآ اللي تبين
رغد ابتسمت:خلآص معي اذا نقص شي بسحب من حسآبي
شهد شهقت:أيـــه تعالي قالت لي سمر انك لما رجعتي كنتِ تبكين
رغد تعكر مزآجهآ وهي تتذكر اللي صار اليوم:شهد وربي ماني رآيقه أتكلم بأي شي بروح الحين بكره مآراح اروح للمستشفى بجلس معك وأحكي لك اللي صار
شهد تتخصر:والله تسحبين زي العآده تعلميني فيك
رغد قربت منها وباستهآ على خدها:أنا أقدر أسحب عليك في أشياء كثيره بقولهآ لك بس مو وقتهآ الحين
سحر وهنآدي طلعوآ من الغرفه لآبسين عبايتهم وجآهزين:يالله رغد
رغد فتحت عيونهآ: وين رايحين ..لآيكون معي ؟
سحر:لآ بنخلي جلالي يودينآ المشغل في كم شغله بسويهآ عندهم وهنادي بتروح معي تقول بتسوي بخار
رغد: زين يالله عشان انا يمكن اطول في السوق عاد انتظروني
نزلوآ مع بعض كل وحده فيهم متجه للمكآن اللي تبيه

عند فهد
كآن معصب من بآسل رد عليه بحده: شوف بآسل تجي يعني تجي لآتعتذر لي بأعذار سخيفه
باسل :فهد اقولك اجتمآع مهم
فهد:ألغيه أجله دبر عمرك ...شوف لو مآتجي مآيصير لك خير ..في شي ظروري
بآسل بدأ يتسلل الخوف لقلبه(الله يستر لايكون أبو هنآدي كلمه ..ويش الحل الحين):بحآول واعطيك خبر
فهد بنبرة حآده:قلت لك تجي وكلمتي مآ أثنيهآ فــهــمــت
قفل الخط بوجه بآسل ورمى جواله بقوه على الكنبه اللي قبآلهآ ...صحت من نومهآ على صوت صرآخ فهد بمكالمته لبآسل ...عدلت بجآمتهآ وطلعت له
وقفت عند الباب وهي تشوفه يروح ويرجع بعصبيه وحيره ...همست بهدوء: فهد
لف عليها بسرعه وشآفهآ وآقفه وملامحهآ نآعسه : ويش صحآك
شوق مشت خطوتين: سمعت صوتك وصحيت ...ايش فيك معصب؟
فهد جلس :مافي شي كنت أكلم باسل وعصبت منه
شوق قربت منه أكثر:خير لايكون صاير بالشغل شي
فهد: لآلآ تطمني
جت جلست جنبه وبعدت شعرها عن وجهها:انت مانمت؟
فهد ابتسم لها:لا مانمت انتي عساكِ أرتحتي بنومتك
شوق طلت في بطنها: الحمدلله " بدت تحس بالمغص يزيد عليها وغثيان غمضت عيونها حتى تتحمل الألـم حط يده على يدها بشويش
فهد خاف من ملامحها المتجعده :شوق ويش تحسين فيه
قآمت بسرعه زي المقروصه وركضت للحمآم تستفرغ...مشى بسرعه ورآهآ كآن يسمع صوتهآ تتأوه أنتظرهآ برى ..لكنهآ طولت قرب من الباب
فهد:شوووووق ...شووووق
شوق بتعب غسلت وجههآ وتحس كل جسمهآ يتضآمن مع ألمهآ حطت يدها على بطنهآ أخذت المنشفه اللي معلقه جنبهآ مسحت وجههآ ويدهآ فيه ..أخذت نفس وهي تسمع ندآءات فهد المتتآبعه ...فتحت الباب بشويش ومدت يدهآ له حتى يسندهآ
بتلقآئيه سريعه جدآ مسك يدهآ ولف يده الثانيه على ظهرها ..أركزت كل ثقلهآ عليه
فهد بنبره مرتعبه: ويش صار لك؟
شوق تتنفس بسرعه: مدري أحس بدوخه وغثيآن
فهد : ارتاحي على سريرك لآتتحركين كثير ...سآعدهآ تنسدح حط يده على صدرهآ وحس بحرارة جسمهآ ...مشى للتلفون وأتصل على الرسبيشن يطلب أكل لهآ حتى يأكلهآ بنفسه ويعطيهآ من الأدويه
شوق فتحت عيونهآ وشافته وآقف بعيد عنهآ ( معقوله فهد يخآف علي لهدرجه ...تغير جذريا مآعآد فهد اللي زمآن قلبه يحَّن علي أكثر من نفسي أيش اللي غيرك يافهد خلآك تعلقني فيك
أشوف بعيونك نظرة الخوف ...يآترى قدرت أكسبك قلبك يـــآ أغلى حبـيـب)
رجع لهآ وجلس على طرف السرير ...ضم كفوفهآ لكفه وابتسم:كأنك صرتي احسن؟
شوق ضغطت علي كفوفه:دآمك معي أكيد بكون أحسن
فهد تنهد:شفتي هذي البدآيه كيف بعدين بيزيد تعبك أكثر
شوق مررت يدها على خده بهدوء سَلِسَ: خآيف علي ؟
فهد ركز عيونه عليها وهو يتأمل كل جزء فيهآ:تهقين أني مآ أحس فيك
شوق ابتسمت:سؤآلي وآضح
فهد يعقد حوآجبه: وأنأ بعد وآضح
شوق لمعة عيونها ونطقت بحروف مرتجفه:قول أنك تحبني
فهد مسك كفهآ اللي على خده: والله أحــبـــك

في بيت أبو مهآ
وصلت مهآ وبنتهآ للبيت وسووت رجه برجعتهآ
شهد: يوه عليك يامهآ ازعجتيني
مهآ تضحك: هذا بدل مآتقولين أشتقتي لي ولسوآلفي
شهد تلبس ولدهآ:والله أنك رآيقه انا خايفه على ولدي وانتي مصدعه راسي انتي وبنتك
مها تشيل مشاري: يانآس يهبل هو وخدوده المتورمه بس خساره ان اللي جنبي أمك
شهد تتخصر: ماشاء الله تسبين عيني عينك
مها تضحك:خذي ولدك ثقيل دم زيك
شهد: احلى منك أنتي وبنتك
مها تبوس بنتهآ: وه ياحلاتهآ
شهد :بالله الشينه ذي تشوفينهآ حلوه صدق محد عايف نفسه
رنيم تسمك وجه أمهآ وتلفه على جهتهآ:سوفي هذي تقول أنا مو حلوه
مهآ تشيلهآ:هذي خبله لآتسمعين كلامها مجنونه كل الجمال هذآ وماتشوفه
رنيم كشرت:ماما خاله سهد مآ أحبهآ بقول لبابا أنها تقول عني مو حلوه
شهد : لاتكفين لآتقولين لآبوك تفشليني معه
مدت لسآنها :ألا بقول كيفي
شهد تميل فمهآ: يمه من بنتك شرآنيه
مهآ:اقول شوق مآرآح تجي الليله مشتاقه لهآ الدوبه
شهد :والله مدري جربي دقي عليهآ يمكن تجي اذا عرفت أنك هنا
مهآ تطلع جولهآ من الشنطه: يالله بشوف حظي معهآ ..ثواني ووصلهآ صوت شوق
شوق: هلا مها وحشتيني
مها : هلا وغلا بالزين كله كيفك
شوق بصوت تعبان:الحمدلله انتي كيفك ؟
مها ماتطمنت لصوتها سألتهآ بفزعه:شوق فيك شي ..صوتك مره تعبان؟
شوق: مافيني الا العافيه بس توي صاحيه
مها: شوق لاتكذبين علي قولي فيك شي ..تبين أجيك
شهد انفجعت من شكل مها اللي احتد:خير شوق ويش فيها
مها:اصبري اكلمها
شوق طلت بفهد وميلت فمها (الحين ويش اقولها ):وين تجين انا طيبه وفهد عندي قلت لك توي صاحيه
مها بأصرار:انا اعرفك اذا تعبانه احس فيك ..قولي ويش اللي يوجعك
شوق بترجي:مهاوي اللي يخليك لاتدوشني قلت لك مافيني شي
مها :احلفي
شوق بتهرب ونبره حاده:مـــهـــآ ..وبعدين معك شوفيني اكلمك وزي العسل
مها بقهر: لايكون زوجك مسوي لك شي ضاربك والا مزعلك
شوق : ماصار شي من هذا ابدآ
مها لازالت شاكه من صوتها: اجل ليش صوتك مبحوح وكأنك تعبانه
شهد اللي جالسه على اعصابه تأش لمها ومها تسكتها واضطرت تتحمل اكثر لين تنهي المكالمه
شوق تغير الموضوع:انتي ليه متصله ؟
مها:هذا جزاي اللي خايفه عليك ومشتاقه لك والله منتِ كفو احد يشتاق لك
شوق حطت يدها على بطنها لان المغص كل ثانيه يزيد عليها:هههههههههه افا يامهاوي يهون عليك تقولين عني كذا
مها:ايه يهون ..كنت بسئلك بتجين الليله بيت ابوي
شوق: مو اكيد على حسب
مها رجعت تشك:ليش مو اكيد تعالي وحشتيني ابي اسولف معك ونخطط لملكة سحر
شوق تصبر نفسها:مقدر اخلي فهد لحالها صعبه شوي
مها عصبت: فهد وفهد ساعتين ثلاث ماراح تطولين عليه
شوق: بشوف بس مو اكيد اجي
مهآ: حآولي قدر ألأمكآن ابي أشوفك
شوق ابتسمت: ان شاء الله
مهآ: أخليك الحين باي "اول ماقفلت"
شهد بخوف: علآمهآ شوق تكلمي وربي وقفتي قلبي

عند شوق وفهد
سكرت الجوال وحطت جنبهآ لفت على فهد وأبتسمت وهي تشوفه يطالعها بنظرآت متفحصه
شوق: مآتبطل تسبيلآتك هذي
فهد: لآ...ويش تبي أختك شآده عليك بالكلآم
شوق ابتسمت وهي تتذكر مهآ وكلامه:تقول مشتاقه لي وتبيني اجي عندهم بعدين
فهد بأعتراض: أنتي تعبانه ماراح أوديك ولاراح تتحركين من سريرك
شوق تبعد الصينيه عنها وبترجي: برتاح للعشاء بعدين توديني لهم والله مشتاقه لهآ بعدين هي شآكه فيني شي وأنآ مابي أحد يعرف شي
فهد بأستغراب:ليش طيب ..مهآ تعرف انك مريضه
شوق: ايه تعرف بس انا كل مآسألتني اخبي عنهآ اعرفهآ بعدين تروح تقول لأبوي وحالتي أنت أدرى فيهآ كل يوم تتدهور أكثر
فهد :شوق أهلك لازم يعرفون ...على الأقل لو يعرفون انك حآمل
شوق ارتجفت: لآ مابيهم يعرفون شي ..تكفى فهد لاتقول عن حملي هو مو على أي حال يتم وأكمل
فهد تنهد:والحل معك ياشوق والله تعبتيني معك ترى أنتي مآ غلطتي كل شي صار بالحلآل وألا انتي متأثره باللي صار زمآن
حست بتشنج كل أعصاب جسمهآ من طاري الذكرى الأليمه ..كأن سهم تصوب على قلبهآ وأخترقه ... غصت بأنفآسهآ هذه اللحظة وعينآهآ تشكو حرآرة الدمع
أنتبه لتغير ملامحهآ المفاجئ تأكد أنه جرحهآ في أعمآقهآ ...تلخبط كل شي فيه هو مآكآن يقصد أي كلمه قالهآ
فهد :حبيبتي والله ماكنت أقصد أجرحك أو أزعلك ...انا قصدي

 

[نبض روحك]

شوق قآطعته: فاهمتك مايحتآج تكمل
فهد باسهآ: أنا أسف
شوق بنفس طويل: حصل خير
فهد :شوقه أنا ابيك تصارحين أهلك أخاف يصير شي وتندمين بعدين انك مآخبرتيهم
شوق بأصرار:أرجوك فهد هذي رغبتي ياليت تحترمهآ
فهد : الى متى ؟!...بيجي وقت تندمين صدقيني
شوق بتأفف: وبعدين يافهد ..على العموم انا ابي اروح عند اهلي
فهد : طيب بعد العشاء أوديك

بعد العشاء
رجعت رغد من السوق مبسوطه ومرتاحه ...طلعت فستانها تقيسه
مها: روعه يارغود
رغد: حتى حق شهد الوانه حلوه
مها لفت على شهد اللي واقفه قبال المرايا وباين التحطم عليها:ياربي شوفي كيف أنتفخت
رغد شهقت:حرام عليك والله بتموتين من النحف كٌلي غذي نفسك
مها قربت منها:اي والله رغد معها حق شكلك صايره حوله اذا كل هالنحافه تشوفينها زياده
شهد: شكلي مابروح الملكه بشتري باهته
رغد شوي وتخنقها:الله عليك ياشهد زي القمر مافيك شي غصب تطلعين بنفسك عيب هذا يسمونها عدم ثقه
شهد تتخصر:والله انا واثقه من نفسي
مها تضحك: اجل لاتجلسين تعذربين في نفسك ..اسم الله عليك حلوه "لفت على رغد وغمزت لها"
شهد بسرعه: ايه تغامزوا علي
رغد رمت الكيس اللي بيدها: خذي لبس ميشو قيسيه عليه تذكرته بالصدفه
شهد ابتسمت:سبقك ابوه جابه له لبس يجنن
رغد فتحت عيونها على الاخير:وليش ماورتيني والله انك نذله
شهد: ماجات فرصه
مها تمشي لبرى الغرفه: بروح اكلم سحر اشوف متى يخلصون عشان يكون العشاء جاهز وانتم غيروا فساتينكم لا تخربونها " بعد ماطلعت من الغرفه ..قفلت شهد الباب"
رغد ترقص بفستانها:شوفي شهد بالله مو لايق علي
شهد ضحكت: يجنن ان شاء الله تنخطبي
رغد كشرت: لا تكفين مابي انخطب ولا اتزوج الفكره ذي راحت من راسي بدون رجعه
شهد :طيب يالله اطلعي بغير ملابسي
رغد مشت للباب: معك خمس دقايق فاهمه والا بخش عليك
شهد:اوك


بغرفه ثانيه كانت تكلم سحر مآحست الآ بدخول شوق عليهآ
شوق أخفت كل معالم التعب فيها: ســــــلآم
مهآ رمت الجوال وضمتهآ بقوه: وعليكم السلآم ...وحشتيني موووووووت
شوق زآدت بضمتهآ لمها:وأنتي اكثر الله يشهد علي
مها تبعد عنها: ويش ذا الحلى صايره تهبلين
شوق حمرت خدودهآ وابتسمت: عيونك الحلوه .. اعطيني علومك واخبارك؟
مها جلست :بخير الحمدلله ..انتي ويش مسويه كيف مع زوجك؟
شوق نزلت عبايتها وزينت تنورتهآ جلست قبال مها: الحمدلله كويسين
مها تدقق بملامحها:كأنك تحت عيونك هالات سوداء
شوق ضحكت: يمه منك كل شي تنتبهين عليه ..ماعلينا وين سحر وشهد ورغد ما اشوف احد
مها:رغد وشهد بالغرفه يقيسون فساتينهم ..سمر تحل واجباتها سحر وهنادي بالمشغل
قبل تتكلم شوق دخلت ريم وصرخت: يآظآآآآلمـــآت انا زعلانه عليكم
مها وقفت بسرعه وحضنتها: اشتقت لك ياحياتي وين الغيبه هذي
ريم باست مها ودفتها بقوه وهي تهاوش: يعي لو ما اتصلت على سمر وقالت انك وصلتي كان انا نايمه بالعسل
شوق تضحك:على مهلك شوي والله بيطق فيك عرق
ريم جلست جنبها وقرصتها مع خدها بشويش: انتي اسكتي شايله عليك ..وين البقيه؟
رغد وشهد دخلوا مع بعض: هلا ريوم وحشتينا
ريم تميل فمها بزعل:ايوه باين اني وحشتكم ولاوحده تفكر تكلمني تطمن علي الا انا اركض وراكم زي المجنونه واتصل ماتدرون انا حيه او ميته
رغد :مشغولين ياقلبي اعذرينا ..الا تعالي ماشريتي لملكة سحر
ريم الا شريت وخلصت كل شي ...المهم عندي لكم خبر يجنن اكيد بتفرحون
كلهم بحماس: ويــــــش ؟
ريم تحرك شعرها بدلع : يالله الشاطره فيكم تتوقع ايش هو؟
مها بتلقائيه سريعه: حـــــــآمــل
ريم ابتسمت: يس حآآمل بالشهر الثاني
رغد بصدمه: أحلفي
ريم حمرت خدودها: والله
شوق ضمتها :الف مبروك ياقلبي الله يتمم لك على خير
ريم : امين يارررب ...يالله عاد مهاوي ما استاهل قهوه على ذي البشاره الحلوه
مها ضحكت : احلى قهوه لأحلى أخت بالدنيا ...دقايق والصينيه قدآمك يابعد عمري
ريم ترمش بعيونها: ياويلي على هذا الغزل ..الله لايحرمني من صاحبه
شوق مسكت يدها وحضنتها بين كفوفها: ولايحرمنا من شوفتك
شهد : على البركه ريومتي الله يوفقك ويرزقك الذريه الصالحه
ريم :أمـــيـــن
شهد ركزت بنظرها على شوق وقالت بنبره غريبه: وانتي متى ناويه تجيبين لنا بنت والا ولد نفرح فيه
شوق ضحكت: قريب ان شاء الله
رغد تضحك: كل مره تقولين قريب قريب ولانشوف شي
شوق عبست وبنبره حاده :ايش فيكم علي ؟
شهد طلت برغد وقاموا يضحكون: سلامتك ولاشي
شوق: احس وراكم شي اعترفوا يالله
ريم تطالعم بنظرات استحقار: هذول ماعليكم منهم يحبون ينرفزون الواحد ماحفظتي حركاتهم
شوق انطلقت ضحكاتها: والله معك حق ناس ماتنعطي وجه
رغد تتلفت حولها: خساره مافي شي اصككم فيه عشان تتركون المسبه عيني عينك
شوق توقف: بروح المطبخ ابرك اشوف مها ويش تخترع
ريم بصوت ضاحك: تخترع الذره ههههههههههه
شهد بسخريه: ياقديمه
بعد مآوصلوآ هنآدي وسحر أتعشوآ مع بعض كآن الجميع مجتمعين على العشآء
سمر: يالله من زمآن ماتعشينآ كذا
مها ابتسمت: اي والله أشتقت لذيك الأيام
سحرأبتسمت:بجدكم تشتاقوآ لبيتنا
شوق غمضت عيونها :يووووه بشكل ماتتخيلين راح تجربين هذا الشعور
سحر تركت كل اللي في يدهآ :خــايفه
ريم تضحك:بدري ياقلبي ماشفتي شي خلي خوفك لوقته كٌلي الحين
شهد تمد لها ملعقه :يالله افتحي بؤك ياعسل
سحر تبعدها عن فمها: مابي انسدت نفسي
شوق كشرت:لودريت ماتكلمت ..يالله بلا دلع
هنآدي وقفت : الحمدلله
اتجهت لغرفتهآ وقفلت الباب على نفسهآ أسند ظهرهآ خلفه ومعدل تنفسهآ في تزآيد ...اقتربت دموعهآ على النزول وقلبها تزدآد نبضآته مشت لسريرها ورمت نفسها عليه بكل قوتها وكأنهآ تخرج كل الأهات والتعب الموجود داخلها وتفرغها فيه ..ضمت وسادتها بحزن مؤلم ولوعة تشرح بلعومهآ بألم مُتعب كل الذكريات تزدحم في مخيلتها ...سألت نفسها ألف مره عن سبب وضعهآ الأن لكن مالقت اي اجابه تشفي تسآؤلاتها انفجرت بالبكاء ماتقدر تبوح لأي شخص حولها ..هي بتضل تحمل همها لوحدها ...خايفه من مستقبلها المنتظر ..اشياء كثيره تجبرها وحده على الصبر ...تتنمى غيبوبة زمن تفيدها ولاتزيد لوعتها بسبب امسها ..فشلت فشل مُزري في حياتها ماكانت تدري عن اللي بيصير
هنآدي( هذا جزآء الحب ياماجد ... كنت اضحك على نفسي وابعد حبك وهوآك عنها كذا تجازي قلبي اللي حبك ليش معك اكون فاقده نفسي ...كيف بتأقلم مع وضعي ؟!..الله يسامحك كنت كنت ...كنت أبيك لي وحدي كنت بعيني كبير وفوق أي شك في قلبي صديت عن قلبي ألف مره ولما اعترفت بودي لك لقلبي جيت وقتلتني بأيدينك ...آآآآآآه يارب رحمآآآك رحــمــآآآك رحــــــمـــــــآآك)
مسحت دموعها بعد ماسمعت صوت الباب يندق
هنادي:ميــن؟
كانت شوق اللي ماتطمنت لشكل هنادي وسرحانها الدائم في الفتره الأخير وهدوئها المريب:افتحي ياهنو ابيك
هنادي :شوقه انا تعبانه ابي ارتاح خليني بروحي
شوق بأصرار: هنو افتحي ابي اتكلم معك حبيبتي
هنادي برفض تام لأنها عارفه نفسيتها اللي يادوب قادره تتحملها لو بتجي شوق بتقول لها كل اللي بنفسها بدون ماتحس:قدري رغبتي مابي اتكلم مع احد الحين
شوق بحده:هنادي انتي فيك شي افتحي بسرعه والا بروح اعلم عمي
هنادي استسلمت وفتحت لها الباب ورجعت على طول لسريرها وكأنهآ تهرب منها ..دخلت شوق وقفلت الباب طلت في هنادي وجهها احمر وأثر الدموع باين عليها ..مشت لها بشويش وجلست جنبها على السرير حطيت يدها على كتف هنادي
شوق بحنان أمومي: مايرضيني اشوفك بهذي الحاله سألتك كم مره ورفضتي تجاوبي لكن الحين أبي أعرف كل السالفه منك تأكدي انها بتظل بيني وبينك...ايش مضايقك وتاعبك؟
هنادي بدون ماتحس ذرفت دمعه كسيرة ذليله: ولآشي
شوق خآفت عليهآ أكثر مآتطمنت ابد انقبض قلبهآ أكثر رفعت وجه هنادي ومسحت دمعتها:كل هذا وتقولين ولاشي
هنادي:شوق ودي أموووت قولي كيف أمووت؟
شوق انرعبت من كلامها شهقت بصدمه:أيــش قلتي ؟!..موووت ..هنادي انتي وآعيه للي تقولينه حرام تقولي هذا الكلام
هنادي مسكت يديهآ بترجي:مابي أعيش ابي أروح عند امي محد حآس باللي فيني كل شي في هذي الحياه ضدي الحياه نفسها ماتبيني
شوق بحده: أستغفري ربك أيش قاعده تقولين انتي ..اتقي الله هذا أعتراض وتسخط على القدر
هنادي حطت راسها على صدر شوق وصارت تبكي زي الأطفال:مقدر أعيش أكثر ..والله مقدر قلبي ماصار يتحمل اكثر أعز صديقاتي تخوني وترميني بالنار مافكرت فيني ولافكرت بصدآقتنا ..حب عمري رآح زي لمح البصر
شوق كل خليه بجسمها متجمده وهي تسمع كلام هنادي اللي قالت كل اللي فيها ...ساعه من الوقت مرت بدون ماتحس ..كانت هآديه وجآمده في محلها ماهي مصدقه اللي سمعته ...كآنت تبكي على صدرهآ الأبيض بحراره دموعهآ تسيل عليه بهدوء ذرفت دمعه وحيده من رمشهآ الذي أثقلته الدموع بأنهمآرهآ الدآئم ...أوجآعهآ لآ تنقص كفتهآ بل في أزديآد ...لمست شعرها ببرود أكتسى كيآنهآ
شوق لفت يدها على ظهر هنادي ومسحت عليه بخفيف:هذآ نصيبنا من الدنيا
هنادي تبكي بحده: مآني رآضيه فيه والله مآني رآضيه
شوق ابتسمت بألم وتحولت ملامح البسمه على وجههآ الي تجآعيد حزينه مُخلفه من بعدهآ سيل من الدموع المآلحه التي تتذوق ملوحتهآ مع كل نفس تتنفسه أخرت زفره طويله من صدرهآ الضيق
هنادي مسحت دموعهآ وبصوت شبيه بالهمس:لآتبكين يكفيك اللي شفتيه بحيآتك
شوق نزلت رآسهآ تحس روحهآ بتخرج من جسمهآ:ما أكتفيت والله ما أكتفيت
هنادي مسكت يدها :لاتشيلين همي واللي قلته يضل بيني وبينك
شوق بنظرة حزن: احس أن هذي روحتي الأخيره من هنا ...ماعاد لي رجعه
هنادي ارتجفت بخوف:لا اعوذ بالله"رجعت تبكي"مابي اسمعك تقولين كذا
شوق مسحت دموعها ووقفت:بتصل على فهد يجي يأخذني احس البيت كله يخنق انفاسي
طلعت من هنادي وراحت للغرفه الثانيه تطلع جوالها ...انصدمت لما شافت الساعه 12 كلمت فهد يجي يأخذها
سحر: ماجلستني عندنا
شوق تلبس عبايتها:بكره اجي على فكره فستانك الحين يطلعه لك جلالي
سحر حمرت خدوده:تسلمي انتي وزوجك الله لايحرمنا منكم
شوق: ولا منك ياقلبي ...يالله انتبهوا لنفسكم
مها :كان نفسي تجلسين
شوق حست بدوخه تمست بالجدار اللي جنبه وكلهم لآحظوآ ميوله
رغد مسكتها بسرعه:شوق فيك شي
شوق بتعب: لا بس حسيت بشوية دوخه
رغد تسحبها بتجلسها لكنها رفضت: اقولك اجلسي ممكن ترجع لك الدوخه
شوق: يمكن ضغطي هبط شوي ..الحين احس نفسي احسن أعطيني طرحتي
بعد مالبست وخلصت دق عليها فهد اللي كان ينتظرها تحت واستغرب تأخرها
شوق: مع السلامه ...نزلت بشويش وهي تحس بالدوخه ترجع لها بين فتره وفتره ...دخلت السياره وكأنهآ بذلت مجهود كبير
فهد لف على جهتها قبل يسوق السياره:حبيبتي علامك
شوق :حاسه بدوخه فظيعه
فهد: اوديك المستشفى ..الدوخه هذي ماهي طبيعيه
شوق :لا خلنا نروح الفندق احس بأرهاق ودي انام
فهد : ابشري دقايق ونوصل ...حرك السياره متجه للفندق بسرعه
كآن يلتفت عليهآ بين فتره وفتره وهي شآرده بخيالاتهآ بعيد عنه ..ماتدري ويش مخبيه لهآ الأيام من مفاجئآت ممكن تعجل بعجزهآ ...تختزل أوكسجينآتهآ دآخل رئتاهآ بأختنآق قآتل وكأنهآ تتنفس سمآداً ليقتل كل أحآسيسهآ وبقايا الأمل فيهآ بعُنف
وصلوآ للفندق بعد أنتظآر ممل وخآنق ...رمت عبايتهآ عل الأرض وبدلت ملآبسهآ بسرعه حست فيه يمشي بخطوات هاديه خلفها
فهد :ويش مكدر خآطرك
شوق بصوت مُتعب:تعبآنه الألم كل شوي يزيد ...محتاجه أنام تصبح على خير
حطت صندوق فستآنهآ وفستآن سحر على جنب فتح الدولاب وطلع له بجآمه ..دخل يأخذ دوش بعد الجو الساخن اللي كآن يتمشى فيه ...بعد نص ساعه طلع بشويش وشآفها نآيمه بسلآم
فهد(ويش تخبين علي ياشوق ... ليه ماتبين تفتحين لي قلبك معقوله مرضك يبعدك عني بدل مآيقربك مني ...انا اذا مآشفتك مدري ويش يصير فيني ملكتي قلبي وأحسآسي )
تنهد وأنسدح جنبهآ كآن يوم متعب عليه صآحي من الصبآح الي هذا الوقت أستسلم للنوم بدون أي منغصات
أمآ هي حست بسكون حركآته أكتفت بالدموع الحارقه والبكآء الصامت وبرآكين الحزن المتفجره دآخلهآ ...تصرخ دوآخلهآ بعنف لكن لآمجيب لهآ حالتهآ صعبهآ وأكتملت حكآية شقاء عمرهآ بهنادي بعد أعترافاتها التي دمرت شوق أكثر وأكثر
قل للحزَن :
آللي سكُنبآطرآفي يستكَين ..!
قله خَلآص ولله خلآصُ
مآ عآدَ تغرينيَ آلحَيآة .!
مَآ عآدَ يغريٌني فرحُ .!
مآ عدٌت آفرح بآللقآ .!
مآعدت بعيوٌن آلحيآَة جنونَ
( وضَحكآت وشغٌب ) ..!!
آنآ غديٌت بعيَنهآ طفلهَ ولعثمَهآ آلحزٌن !
طفله ٌممزوجٌه بوجعَ
طفله تبيٌ تنطق " حََ ل َم"
ومآتَت آلكلمَه جَفآء , مآتت حُزن , مآتتَوجع.!

 

[نبض روحك]

لفت على فهد تتأمله وهو نايم مآيدري شنو صآر من ورآه بالخفاء غمضت عيونهآ الحاره من تبعثر دموعها لمست يده بهدوء وكلهآ حزن وانكسآر ....بعد معآنآه من التفكير قدرت تهدأ وتنآم ...مرت سآعتين من سكون أنفآس هذآن الشخصين
ظلآم حآلك + جو بآرد + انفاس منتظمه
فجأه أنطلقت صرخآت مفجعه من أحدهمآ أهتزت لهآ الجمآدآت حولهم صرآخ بصوت محتد خآئف ..وَجِل ممآ رآئه
صحت مرعوبه من صرخته القويه اللي افزعت قلبها ..فتحت الضوء بسرعه
شوق بخوف شديد: فــــهــــد
فهد بعد عنهآ وهو يشهق يبي يأخذ أكبر كميه من الهوآء وتسارعت أنفاسه ونبضآته
شوق مسكت أكتافه: بسم الله عليك حبيبي ..أيش فيك
فهد بفزع: مين انتي ...مــــــــيــــــــن ؟!
شوق فتحت عيونها مصدومه: انا شوق ...بسم الله الرحمن الرحيم عليك
فهد حط يده على صدره وهو يتذكر الكابوس اللي شافه: اعوذ بالله من الشيطآن الرجيم
قامت بسرعه جابت له كأس مويه :أشرب ياقلبي ...جلست جنبه وقرت عليه المعوذآت
بعدهآ بدأ يرجع طبيعي لكن انفاسه لسى مآ أنتظمت
شوق تمرر يدها على خده وعيونهآ تتفحصه بنظرات خايفه: ايش فيك حبيبي قايم مفزوع
فهد: شفت كآبوس الله يكفينا شره
شوق:أكيد نمت بدون ماتقول أذكار النوم
فهد طالع فيهآ بأحراج: هاه أيه صح ماقلتهآ ( على اللي حافظهآ اصلا ..استغفر الله العظيم واتوب اليه)
شوق ضمته: الحمدلله انه كآبوس تعوذ من الشيطآن وأقراء الأذكار وان شاء الله تنام مرتاح
فهد رفع راسها لوجه: انتي فيك شي حآسه بشي ؟
شوق ابتسمت له بحب: مافيني الا العافيه
التقت عينه بعينهآ ..تذكر شكلها بمنامه بكآهآ وصرآخهآ كل توسلآتهآ له ظهور أمه وقتلها له اللي أرعبه لف يديه على ظهرها وحضنها لصدره: الحمدلله
شوق كانت تسمع نبضات قلبه المتلاحقه بعدت عنه وطالعته بقلق:فهد قولي ويش فيك ؟ وجهك مصفر
فهد : ولاشي..خلينآ ننآم أحسن
رجع أنسدح ..وهي رجعت مكآنهآ وطفت النور..حست بقربه منها ويده اللي تلتف على خصرها قآبلته وباسته على خده
شوق تبي تفرفش عنه شوي: يمكن كابوسك عشان ماقلت لك تصبح على خير
فهد ضحك:والله يمكن مو طلعت ولقيتك نايمه ويمكن نمت زعلان عليك
قرصته على خده بشويش:ايه اعترف انك زعلت علي
فهد :آآآح قرصتك تعور
شوق :يوووه نسيت انك حساس
فهد يخرب شعرها: تتريقين علي يابنت القايد
شوق قربت وجهها منه: افا انا اتريق على فهودي "سكتت شوي وبعدها قالت بنبره حلوه" فهد اذا جبت ولد ويش بتسميه؟
فهد تفاجئ من سوالهآ اللي ماتوقعه أبدآ :امممم انتي ويش خاطرك تسمين الولد؟
شوق: رآكآن
فهد : اسم حلو ...بس ويش معنى راكان ؟
شوق تذكرت أخوهآ الوحيد اللي مآعآش الا اسبوع ولحق امه اللي توفت بعد مآولدته:على أسم أخوي الله يرحمه
فهد سكت مصدوم بعد دقايق قال بصوت مندهش:كآن عندك أخ؟
شوق: امي مآتت بعد ماولدته وهو عاش أسبوع لان وقتها جاء وعمره 7 شهور وتوفى على طول
فهد: أذا خاطرك بأسم رآكآن ان شاء الله اكون ابو رآكآن يآ أم راكان
شوق ابتسمت: عاجبك الأسم
فهدبنبره حلوه: عجبني حيل يكفي انه على ذوقك ...طيب أذا بنت
شوق بسرعه قالت:ابي أسميهآ نجد
فهد بأستغراب:ويــش نجد ..لالا ماعليش ماهو حلو غيريه
شوق بدلع:ياسلام هو انت اللي بتتعب بالولآده وألا أنا يعني الحين وآفقت على راكان ورفضت نجد
فهد يضحك:بالله هذآ أسم ..دوري غيره
شوق كشرت: بس هذآ عاجبني
فهد بأعتراض: لآ ...طيب ويش رايك بأسم نسـ.."سكت على طول"
شوق فهمت قصده: حبيبي أذا تبي تسميهآ على أمك ماعندي مانع نسميهآ نسرين اسم حلو وسهل
فهد: لا ماهو هذا قصدي ...ويش رايك نسميهآ جومانه
شوق :وووع ماهو حلو ..شوف يانسرين أو نجد وآحد منهم
فهد يضحك: طيب خلاص تأمرين أمر يأم ركوني
شوق ضحكت:وآآآآو ياحلآته على لسآنك
فهد يمسك خشمهآ:اللي محليته رآعيته
:::
:::
:::

يوم ملكة سحر

الكل كآن مشغول بنفسه وتحضيراته بالأضافه للكوآفيره المتواجده عندهم عشان تجهز سحر
شوق: انتم اذا خلصتوآ روحوا للاستراحه انا فهد بيجي يأخذني وسحر معاي
مها: زين انا خلصت بشوف هنادي وسمر ورغد اذا خلصوآ
شهد توقف: بروح البس ميشو يوسف رفض أروح مع جلالي
مها تغمز لها: ولهان الرجال
شهد حمرت خدودها وسوت نفسها معصبه: روحي شوفي شغلك
مها ماتت ضحك على شكل شهد اللي تحول الي لون الدم ..طلت بشوق اللي مبتسمه لهآ
مها :ديري بالك عليها
شوق عقدت حوآجبها : مين ؟
مها تتخصر: سحر يعني مين
شوق انفجرت ضحك:على بالي شهد
شهد لفت وهي تزبط شعرها:ايش رايكم احط شعري على جنب والا لا
شوق مسكت خصل عشوآئيه وثبتتها على جنب: كذا أحلى
صدح صوت نغمة جوال شهد في الغرفه :هذا يوسف اكيد وصل ..ألقت أخر نظرة على نفسها وطلعت من الغرفه متجه الى غرفتها عشان تشوف مشاري
شهد: هلا حبيبي
يوسف: هلا وغلا بالزين كله ..بشري خلصتي
شهد:لا والله حبي باقي شوي ..لا يكون وصلت تحت
يوسف: لا بعد مامشيت من بيتنآ يمكن أوصل امي وغدير ..وبعدين أرجع لك
شهد ابتسمت: زين ماتسوي يكون أنا وميشو خلصنا
يوسف: نص ساعه واكون عندك تعرفين الآستراحه قريبه من البيت
شهد تضحك: ايه نسيت انها قريبه من بيتكم ...يالله بخلص قبل توصل "قفلت الجوال وبدت تلبس ميشو وتجهز أغراضه "

في الغرفه الثانيه
كآنت ميته من الخوف ومتوتره ..تهز برجولهآ بشكل فضيع وتقضم أظافرهآ من شدت الخوف والتوتر
مسكت يدهآ بحنيه وعلى شفتاها ابتسامه هاديه:صلي على النبي وأذكري ربك ..ماله داعي الخوف أجل كيف بتكوني يوم الزواج
سحر: بموت من الخوف أحس قلبي بيوقف شوقه اكيد حآسه فيني انتي جربتي من قبل نفس الأحساس
شوق تغمض عيونهآ وتتذكر كيف كآنت مجبوره على زوآجهآ من فهد مشاعرهآ كآنت غير عن أي بنت في الدنيآ وقت ملكتهآ طردت كل الافكار اللي هجمت على مخيلتهآ وركزت بسحر اللي محتاجتهآ بهذا الوقت:اي حبي مريت فيهآ انتي بس استغفري وأدعي الله انه يبعد الخوف عنك ..لاتضيعين أحلى لحظات عمرك بأشياء مالها داعي
سحر تأشر للكوآفيره توقف: لاتتركوني انا معرف أتصرف
شوق ضحكت: من عيوني كلنا جنبك ..بخلي الكوآفير تكمل شغلها بروح اجلس بالصاله ارتاح شوي
سحر: أوك
أتجهت للصاله وشآفت مها لابسه عبايتهآ ومعهآ رغد وسمر وهنآدي اللي كآنت ملامحهآ متغيره 360 درجه بسبب نفسيتهآ المتدهوره والميك أب اللي محليهآ ومعطيهآ نعومه وبرآءه طفوليه
مهآ تمسك بنتها: احنآ رايحين جلالي ينتظرنا تحت أنتبهي لسحر وقبل توصلون كلميني على الجوال
شوق: طيب
سمر :شفت شكلها وربي ميته من الخوف
شوق ابتسمت:بيجي يوم ان شاء الله تكوني بنفس مكآنهآ
سمر ترفع يديهآ:يآآآرب يكون قرريب
هنادي تدفهآ: يالله عاد تأخرنا
رغد :اي والله تأخرنا ..يالله خلصونآ
طلعوآ كلهم وبقت وحدهآ في الصاله ..بدأ يرجع لهآ الألم من جديد يوخز جسمهآ أكثر وأكثر
شوق ( يارب تعدي هذي الليله على خير ..يارب مابي فرحة خوآتي وفرحتي تخرب يـــآآآآرب)
نست الآلم أو بالأصح تناسته لما سمعت صوت شهد ورآهآ
شهد تدور شنطتها:اقولك ماشفتي شنطتي؟
شوق: لا انا رايحه ألبس سحر قريب تخلص وأنا لسى مالبست ولا سويت شعري
شهد ابتسمت لها: طيب ترى انا شوي وخارجه يوسف وصل تحت
شوق:اشوفك في الأسترآحه ..مشت للغرفه وشهد تدور شنطتها اللي ماتذكر وين حطتها
بعد ربع ساعه لقتها ..رجعت للغرفه وشافت يوسف شآيل مشاري ويبوسه
شهد (الله لايحرمني من شوفتكم):ويش رايك بميشو وهو كاشخ
يوسف لف عليها صفر تصفيرة اعجابه لانه وصل ودخل الجلس على طول وماشافها:اكيد مو أحلى من أمه
شهد حمرت خدودهآ:عجبك الفستان؟
يوسف رجع مشاري على السرير ومشى بأتجآه شهد: يجنن انتي اي شي تلبسينه تزيدنه حلى
شهد نزلت راسها واشغلت نفسها بشنطتها اللي تدخل فيها جوالها وعطرها وبصوت مستحي: الحلا منك وفيك
يوسف قرب منها وباسها على خدها:مشتاقلك ياغلاي
شهد بعدت خصله متمرده عن وجهها:مو كثر شوقي
يوسف ابتسم: ويش رايك بالرجعه ترجعين معي للبيت
شهد فتحت عيونها على كبرها وشهقت: من جدك تتكلم؟
يوسف عقد حواجبه:ايه من جدي ليش ماترجعين خلاص مابقى الا اربع ايام وتخلصين الأربعين
شهد كشرت: ماشاء الله عليك دقه بالحساب
يوسف ضمها: الشوق ومايسوي
شهد باسه على خده ومسحت روجها: يالله حبي تأخرنا
يوسف يضحك: ياحبك للتصريف
شهد تشيل مشاري واغراضه:انت شايف الوقت منآسب
يوسف نغزهآ مع جنبهآ:ايه شايفه منآسب
شهد ضحكت :طيب خذ ولدك وأنزلوآ بألبس عبايتي وألحقكم
يوسف: لا تتأخرين

 

[نبض روحك]

بعد سآعتين من هذآ الوقت
الكل متوآجد في المكآن الذي سيشهد أول خطوه لحيآه جديده أبطالهآ شخصين لآثالث لهم سينفردون بذآتهم عن الجميع ويكون لهم مسآحه حره مولوده شرعآ ليبدوآ لحظآتهم الآولى بين أحضآن أهلهم وأحبائهم ...وبعدهآ يكملون مسيرتهآ التي ستكون عمرآ من أيام متكوره بالمجهول لآ أحد يعلم غيبهآ سوء الوآحد المعبود
قلوب أجتمعت على وقت فرحه وسعآده كثيرآ مـآ أنتظروهآ بالأخص قلب عآشق متيم في حبهآ المجنون وقلب فآتنه تخوفآتهآ تكدر أحآسيس الفرح والحياء المتزآحم بنظرآتهآ خليط مشآعر يتفاعل مع أوكسجين الجو لِـ يخلق على رمشهآ دموع مالحه لآتجد حيله لتنفيس ألا بهآ..تشبتث يدآهآ وعينآهآ بالتي تقف أمآمآ لتسآندهآ في صعود أول خطوآت حيآتهآ الجديده التي تحمل لهآ كثير من المفاجئآت ..تستنجد بهآ روحياً وجودهآ معهآ يشعرهآ ببعض الأمآن الذي تلاشى ويُذكرهآ بأحضآن دآفئه أفتقدتهآ منذ الأزل
شوق همست لهآ:سحر يالله وقعي البنت تنتظر والرجال برى ينتظرون
سحر مسكت القلم وهي ترجف وبصوت يكآد لآيُسمع:بـ..بـسم الله
ابتسمت وهي تتأمل حبر القلم يرسم توقيع الموآفقه على أرتبآطهآ المصيري بزوج وحبيب قد يكون الدنيآ بأسرهآ في عينهآ ..نزلت رآسهآ لمستوى جبين سحر وطبعت قُبله تحمل معآني الحنآن والآمومه الصادقه
شوق: ألف مبروك حبيبتي ..الله يجمع بينكم على خير
سحر نزلت رآسهآ بحيآء وخدودهآ تعلن حاله من الهيجآن الخجول مكتسيه لون الورود:الله يبارك فيك
شهد ضمتهآ بقوه لصدرهآ بحب أخوي:على البركه حياتي الله يوفقكم مع بعض ويكتب لكم السعآده
لينا بآستهآ على خدودهآ بقوه:مبررووووكـ سحورتي ألف مبروك "لفت على شوق وأخذت الدفتر منهآ ..طلت في ريم اللي تسلم على سحر وتبارك لهآ
لينا:بروح أبشر حبيب القلب تلقين مغمي عليه الحين
أم لينآ وخلآتهآ أمتلت زغآريطهم في المسآحه الضيقه بالغرفه المتوآجده فيها سحر
مهآ تسلم على أم معآذ:الف مبروك الله يتمم على خير
ام معآذ بأبتسامه رضا: أمين يارب "مشت لسحر وسلمت عليهآ بحراره وباركت لهآ ولشوق وشهد والبقيه
رغد كآنت منتبه لهنآدي وتصرفاتهآ الغريبه ..ماهي عآدتهآ تكون أنعزآليه بمناسبه زي هذي بالعآده تكون خالقه جو حلو ..أفتقدت حسهآ ومرحهآ ..ملامحهآ تبوح بحزن لكنهآ تكابر وتحآول تروض طغيان مشاعرهآ الجآمحه
مشت لهنادي وقربت منها لآحظت سرحآنهآ الغير طبيعي :هنوده
هنادي فزعت لآنهآ كانت بعالم ثاني:هلا رغد
رغد: خير حبي فيك شي كأنك متضايقه في شي مزعلك
هنادي ابتسمت: ابد مافيني شي
رغد مدت يدها:قومي يالله نسلم على سحر قبل تفقدنآ وتزعل علينا
هنادي وقفت ومشوآ بأتجآه سحر ..ورغد تراقب هنادي بكل حركه تصدر منهآ
بعد مآسلموآ عليهآ..طلعوآ لمكآن الحفله وبقية المعازيم ...بدأ الرقص على أنغآم الديجي اللي أضافه جو على السهره الحلوه ..وكل قلب من قلوب المتوآجدين ينبض بوآدي مختلف عن أي قلب أخر ..البعض يتألم والبعض يُحب والبعض يشتآق وقلب وآحد فقط يحتضر أخر اللحظآت بألم فآدح يسكن الجسد الضعيف ...جلست على كرسي بعيد عن الكل ..تتأملهم عن بُعد ابتسمت على نفسهآ وحركتها
(شايفه ياهنادي كل وآحد لاهي بعمره ودنيته أذا أنتي مافكرتي بحياتك وكيف تغيرينها محد بيتهم فيك أو يغيرهآ لك ...ليش مآتخلين كل الموآزين تنقلب وتنحرف عن مسارهآ الصحيح ..ليش رآفضه دخول باسل في حياتك ..صحيح أنه دخل بطريقه غير مرغوب فيهآ لكن انتي بس تقدرين تخلين دخوله لصالحك مآهو ضدك ..فكري زين لآتتسرعين بقرآرآتك وأحبكي كل شي على مهلك وخلي السحر ينقلب على الساحر)
حست بيد تنلف على رقبتها وصوت تقدر تميز صاحبه لفت راسهآ بتلقائيه للخلف وابتسمت بفرح :هلآ وغلا روآن توقعتك ماتجين
روآن تبوسه على خدهآ: أقدر ارفض لك عزيمه ..كيفك اليوم حبيبتي؟
هنادي: الحمدلله مبسوطه ..انتظرتك تتصلين بعدين شفتك طولتي قلت اجل ماراح تحضر
روآن ضحك: شوفيني قدآمك ..يالله على الكوشه نفسي ارقص لين أشبع من الرقص
هنادي توقف: يالله نروح عشان اعرفك على خواتي وبنات عماتي اكيد راح تنبسطي زياده
روآن بحماسيه: يالله هنوده
أتجهوآ للكوشه وهم يسولفون مع بعض..مرت هنآدي من عند عبير اللي جآت مع امهآ بالغصب وشآفت هنادي اللي طنشتهآ وكأنهآ ماشافتهآ ولآ شالتهآ من أرضهآ
أم عبير بصدمه:أيش فيهآ هنادي ماسلمت عليك ؟
عبير عقدت حوآجبهآ بأستغراب:ليه سلمت عليك ؟
ام عبير:أيه اول مآدخلنا سلمت علي وبسرعه رآحت ..ليه مآجآتك دآيم على طول تكونين معهآ
عبير أرتبكت:هآه ..ايه حنا متهاوشين ؟
ام عبير رفعت حآجبهآ بحده واستنكار:انتم تتهاوشون خير ويش اللي صار؟
عبير:ولاشي زعلت مني على سبب تافه كها يومين ونتراضى
ام عبير :ان شاء الله ..بس مين اللي معها الحلوه كأنهآ أجنبيه
عبير:صديقتهآ بالجامعه يقولون البنات أن أمهآ فرنسيه مدري اوربيه الاكيد أنها ماهي سعوديه
أم عبير بأعجاب: ماشاء الله

شوق كانت تراقب هنادي وصديقتها من بعيد وفرحت لما شافت هنادي مبسوطه وتضحك وعآيشه جوهآ بدون منغصات
شوق(الله يوفقك ياقلبي واشوفك سعيده ومبسوطه ومافي شي يجيبلك الهم وينغص عليك حياتك)
جات مها جلست جنبها وتتكلم معهآ عن ام معاذ وكلامها عن سحر اللي حبتها على طول

بالكوشه
رغد ابتسمت:ماشاء الله اجل ابوكِ تاجر معروف
هنادي : هي عايشه لوحده في قصرهم ماعندها اخوان ولاخوات وكل اهلهم في جده
رغد حزنت على روان:ان شاء الله نكون مثل اهلها
روان بحياء:والله حبيتكم ودخلتوا قلبي
سمر: وانتي بعد تدخلين القلب
روان:انتي ايش تدرسي رغد ما اشوفك بالجامعه ؟
رغد :انا ادرس طب والحين تدريب في مستشفى .....
روان بصدمه: والله
هنادي ضحكت:ايش فيك انفجعتي مو قلت لك ان اختي تدرس طب
روان:نفس المستشفى اللي ولد عمي يشتغل فيها؟
هنادي عبست:اي ولد عم انتي قلتي كل اهلك في جده
روان ابتسمت: ايه نسيت اقولك ان ولد عمي جاء وكمان عايش معانا في البيت بس له قسم خاص فيه
رغد: أيش يشتغل ولد عمك؟
روان :دكتور أسمه وليد الـراجح
رغد انصدمت وشهقت :أيـــش؟
روآن استغربت ردة فعل رغد : الدكتور وليد الراجح
رغد :مـتأكده ان الدكتور وليد ولد عمك ؟
روآن:انتي تعرفينه؟
رغد ارتبكت وتغيرت ملامحهآ بشكل ملحوظ:ايه اعرفه هو الدكتور اللي أتدرب عنده"حاولت ماتبين اي شي قدآمهم" أنصدمت لما قلتي انه ولد عمك
روآن ضحكت:قآل لي أنو بينقل لجده في مستشفى التتخصصي عند مامته واهله
رغد بعد سكوت طويل:كأني سمعت أنه متزوج
روآن احتدت ملامحهآ وبعدهآ انفجرت ضحك:مين قصدك وليد ..أخر شخص يفكر أنو يستقر وليد ماعندوه مشروع زوآج ابدآ
رغد ابتسمت:أهآ الله يوفقه بحياته
روآن تغمز لها: رآح أوصيه عليك وأخليه يسآعدك
رغد بحده:لآ "كلهم طلوآ فيها بصدمه تمالكت نفسها"قصدي مولازم انا اعرف أدبر اموري مشكوره حبيبتي "وقفت"عن أذنكم بشوف شهد وميشو
روآن وهنادي تفضلي
سمر جرت هنادي قريب منها وهمست:أيش فيها رغد
هنادي تهز كتوفهآ بسلبيه: الله أعلم

في مكان الرجال الذي سيشهد حكآيه أخرى
فهد ويوسف وأبو هديل جالسين جنب ابو مهآ اللي يسلم على الحآضرين من العآئلتين
كآن خآيف أن باسل مآيحضر ويفشل كل اللي خطط له ...حس بجوآله يدق ..طلعه بسرعه ورد
فهد بهدوء: هلا والله ...وينك فيه ؟..طيب بطلع لك الحين
دقايق وطلع عند مواقف السيارات يستقبل بآسل ...اللي وصل بعد ثواني
سلم عليه بحراره واشتياق:كيف حالك وكيف الشغل معك
باسل ابتسم له: بخير انت شخبارك عسى امورك تمام؟
فهد:الحمدلله احوالي ماشيه
باسل التفت على البوابه وبدأ اعصابه تتوتر:مين جوآ ؟
فهد ابتسم ومسك يده: يالله قدآمي انت ماتعرف احد فيهم بعرفك عليهم شخص شخص
باسل اخذ نفس طويل ومشى للبوآبه خلف فهد اللي انبسط بجيته
دخل وهو يتأمل الرجال اللي وقفوآ عن يمينه ..سلم على معاذ وأبوه واعمآمه ..بعد التبريكات والسلام وقف قبال ابو مها اللي أول مره يشوفه بحياته
فهد: سلم على ابو مها عم شوق
باسل فتح عيونه على كبرها وحاول يخفي ارتجافه وهو يشوف نظرآت ابو مها الحارقه له وعيونه على فهد اللي يعرفه على باسل بلباقه وأحترام وبدآخله خوف تبددت مساحته وطغت على كيانه




^^
^

 

[نبض روحك]

البارت السادس واللأربعون






كلٍ مآ ح'ـَآوٍلتُ أسأل ]-

وٍشْ هُوٍ آلليّ صآرٍ فيك . . !

رٍدنيّ عنكّ ( آلسكوٍت ) . . ‘

وٍصَآحتِ آشوآقيّ عليكّ ~

يآ عُيَـَـَوٍنيّ آلليّ | تشوفٍ ‘

رٍآجَعّ أحسَآسِك | وٍشوٍفُ ‘

يمْكنْ تحْسّ وتقدّرٍ ]-

أإنْ " حٌبّيْ فيّكٍ " حَيْ . . !




عند الرجال

فهد ويوسف وأبو هديل جالسين جنب ابو مهآ اللي يسلم على الحآضرين من العآئلتين
كآن خآيف أن باسل مآيحضر ويفشل كل اللي خطط له ...حس بجوآله يدق ..طلعه بسرعه ورد
فهد بهدوء: هلا والله ...وينك فيه ؟..طيب بطلع لك الحين
دقايق وطلع عند مواقف السيارات يستقبل بآسل ...اللي وصل بعد ثواني
سلم عليه بحراره واشتياق:كيف حالك وكيف الشغل معك
باسل ابتسم له: بخير انت شخبارك عسى امورك تمام؟
فهد:الحمدلله احوالي ماشيه
باسل التفت على البوابه وبدأ اعصابه تتوتر:مين جوآ ؟
فهد ابتسم ومسك يده: يالله قدآمي انت ماتعرف احد فيهم بعرفك عليهم شخص شخص
باسل اخذ نفس طويل ومشى للبوآبه خلف فهد اللي انبسط بجيته
دخل وهو يتأمل الرجال اللي وقفوآ عن يمينه ..سلم على معاذ وأبوه واعمآمه ..بعد التبريكات والسلام وقف قبال ابو مها اللي أول مره يشوفه بحياته
فهد: سلم على ابو مها عم شوق
باسل فتح عيونه على كبرها وحاول يخفي ارتجافه وهو يشوف نظرآت ابو مها الحارقه له وعيونه على فهد اللي يعرفه على باسل بلباقه وأحترام وبدآخله خوف تبددت مساحته وطغت على كيانه ..مد يده بهدوء وثقه تخالف مآبدآخله
بآسل: السلآم عليكم
أبو مهآ ببرود ونظرآت حآرقه: وعليكم السلآم
بآسل: كيف الحآل
ابومهآ: الحمدلله ..كيف حآلك أنت
بآسل غيرت نظرآته بأتجآه فهد تهرباً من ابو مهآ:بخير
فهد بأبتسامه رضا:وهذا يوسف عديلي
باسل ابتسم وسلم على يوسف ..والبقيه برحابة صدر ..بعدهآ مشى لكرسي بعيد وجلس أشر لفهد اللي جاء جنبه
فهد : ويش فيك انعزلت تعال عندي انا ويوسف
باسل :لا لا ماودي ازعجكم
فهد: اقول يالله تعال عندي بسرعه
باسل:فهد ترى ما تركت اشغالي والغيت الاجتماع الا عشانك يكفي تتأمر علي ..على فكره وصلني خبر ان ابوك بآع قصره وكل شي يملكه
فهد: بجد ..متى صار هذا الكلام؟
باسل سحب له كرسي: أجلس اجلس ورانا هرج طويل
فهد جلس جنبه: خير قول باين عندك اخبار كثيره
باسل:كنت بقولك بعد ان الشركه اللي كتبتها لي وصلت اربآحهآ للنص
فهد رفع حاجبه بأعجآب: ماشاء الله ..شاد حيلك
باسل يغمز له: ولو ترى أعجبك رآعي شغل تخبرني
فهد: أسمع بكره الصبح ابي أقابلك بمكآن في موضوع مهم ابي أحآكيك فيه
باسل عقد حوآجبه بأستنكآر:خير ويش فيه؟
فهد حط يده على كتفه: كل خير بأذن الله اقولك بكره ..الحين بروح عند عمي
بآسل ابتسم له وطالعه لين وصل لمكآنه بجنب يوسف اللي بدأ يقهوي الضيوف بمسآعده من بندر وأبو هديل
بآسل( ويش بتسوي يافهد لو تدري اني تزوجت هنآدي ...الله يستر لايصير شي أنا ماحسبت حسآبه )
تذكر هنآدي طلع جوآله بسرعه واتصل عليهآ ..مآجآه رد من أول مره لكـن رجع كرر المحاوله عدة مرآت



بجآنب أخر من هذآ المكآن الصغير

كآنت مبسوطه بهذي المنآسبه رمت كل ألألـم خلفهآ خشية من تنتصر عليها ...كآنت ترقص مع روآن بفرحه والبسمه مآتفارقهآ ..عآشت هي والبقيه ساعتين من الفرحه والمشآعر الجميله التي ابعدت كل قلب عن مآيعانيه لبُرههَ من الزمـن
هديل تصرخ:أي عليهم ..عآشت هنوده
هنادي تضحك:بدل الصرآخ قومي ارقصي معنآ
هديل تضحك وتدف خلود:يالله خشي أتحفيهم برقصك
خلود تتخصر: يوم قربت الأغنيه تخلص منتِ صاحيه
هنادي رجعت جلست مكآنهآ وعيونها على روآن اللي ترقص مع رغد وأنسجمت معهم ..حست بحركه جوآلهآ لآنهآ حاطته سآيلنت ..رفعت بتلقآئيه وارتسمت تجآعيد الكره على جبينهآ
هنادي(ويش يبي ذآ بعد ..أووف منه ناشب لي) ...نزلت من الكوشه المصغره ومشت لمكآن بعيد محد يلمحهآ فيه ..قربت من الغرفه اللي جالسه فيها سحر وأنتبهت لغرفه صغيره فآضيه ..دخلتهآ وسكرت الباب وجلست على أقرب كرسي لهآ ..رجع دق للمره الالف عليهآ وردت
هنآدي: نـعـم
بآسل: مسآء الخير
هنآدي ميلت فمهآ وسندت ظهرها على الكرسي ردت بدون نفس:مساء النور
باسل:وحشتيني
تجآهلت كلمته ومآردت عليه أبد ..مرت خمس دقآيق صآمته بين الطرفين وهي تنتظره يستكمل حديثه
بآسل انقهر من سكوتهآ حس أنهآ كارهته ولآتبيه ابد تنرفز وحاول يكبت نفسه ولايزيد الطين بله: كيف الحفله؟
هنادي تمد صوتهآ بنبرة دلع: حلوه حلووووه مرررره
بآسل: ان شاء الله مبسوطه فيهآ
هنادي بنفس النبره: أيوه بشكل ماتتخيل
بآسل حط رجل على رجل وهو يتأمل الرجال اللي جوهم هآدي مره: ويش رايك بعد الحفله تروحين معي
هنادي فتحت عيونها وبنبره حاده:أيـــش؟!
باسل يمد صوته بنفس نبرتها: تروحين مــــعــــي
هنآدي: انت جيت هنآ؟
باسل بسخريه: تخيلي !!
هنادي انقهرت منه: تستهبل أنت وألا أيش؟
باسل: أدري عنك ..ايه انا بالميدنه وقريب منك مابيننا الا كم خطوه
هنادي:طيب والمطلوب يعني؟
باسل عقد حواجبه:اتوقع انك فاهمه بس تستهبلين
هنادي بنبره جديه:شوف بآسل روحه معك لو تموت تعرف معنى لو تموت ماراح اروح معك ..بعد العشاء تقدر تمسك طريق جده وترجع لآنك مآراح تشوفيني فآهم
باسل ببرود:بكيفك بس انآ بروح لأبوك واقوله أبًّيِ "يصر على اسنآنه بالنطق"زووووجتي
هنادي بعصبيه:حشى والله انت ماتركت للأصول شي
باسل: ادري عنك ترآنا زوجين يابنت النآس افهمي ذا الشي وألا انا بفهمك غصب عنك
هنآدي:شوف يابسيل ...انت تزوجتني غصب عني ماهو برضآي ..ومن شروط الزوآج ترآضي الطرفين مآهو طرف وآحد
باسل: عاد تزوجنآ وانكتب العقد وتوثق بالمحكمه يعني كل شي رسمي وعلى السنه
هنادي بتأفف: وبـعـدين؟
باسل:ولآ قبلين ترى انا بنآم بشقتنآ بنتظرك هناك
هنادي بحده: مآتفهم انت ترى اتكلم عربي انا
باسل بنبرة تهديد: انتي حره ..لاتلوميني على اي تصرف بعدين
هنادي أنقهرت منه نفسهآ تذبحه وترتاح منه ومن كلامه اللي يرفع ضغطهآ ويخليهآ ماتقدر تتمالك أعصابها : بحاول
باسل: مدآم ابوكِ عارفه كل شي ماعاد للخوف دآعي يعني مالك عذر تتهربين مني
هنادي بكره: الله يأخذك
باسل ابتسم بمكر: يأخذني ويجيبني عندك
هنادي عصبت منه: قفل الحين
باسل تعلقت عيونه بشخص دخل وسلم على أبو مها بحراره وعلى البقيه ..ضحك:على فكره توقعي مين دخل قسم الرجال الحين ؟
هنادي زفرت أنفاسهآ بحرقه تبي تنهي هذي المكالمه بأي طريقه بدون وعي قالت: مـــيـــن؟!
باسل بنبره خبث ومكر: مــآجد
هنادي انصدمت وبشهقه غير أرآديه قالت: ميــن؟!...مــآجد !!
باسل ميل فمه بقهر: ايه ماجد
هنادي ببرود يُغلف أحقادهآ وكرههآ لهم جميعآ:ويش خصني فيه اذا جآء وألا مآجاء ؟
باسل ابتسم: قلت يمكن يهمك امره اكثر مني
هنادي انقهرت:لاهو ولا انت تهموني
باسل:متأكده أنه مايهمك
هنادي عصبت:باسل ترى فاهمه قصدك زين ..ماله دآعي تلمح على شي ماهو موجود من الآساس
باسل بلين: أنا مالمحت على شي أنتي تفهمين الامور غلط ..اخر الكلام اني أنتظرك بالشقه سامعه
هنادي طرت في بالهآ فكره:خلاص بجي ..بروح قبل احد يحس بغيابي بآي
باسل أستغرب ردهآ توقعهآ بتصر على رفضها :باي ( زين أنهآ وآقفت والا كنت بطنش فهد وأرجع جده احسن من الجلسه هنا بدون فايده)
هنآدي قفلت الجوال ووقفت تأملت الشاشه وابتسمت( خـــلآص لحد هنآ وبس ..لآزم تمحين شكوك باسل وتخلينه يوثق فيك ..انتي طحتي ياهنوده وانتهى الأمر تقبلي الوضع ولاترفضينه يمكن يكون أحس من مآجد الحقير ..وبعد ما أثبت نفسي وأرجع لقوتي من جديد ياويلك ياماجد مني انت وعبير ) عدلت شعرها وأخذت نفس تجدد فيه أوكسجينآتهآ ..ورجعت للكوشه كأن شي لم يكُن ..تخفي خلفها الكثير والكثير

 

[نبض روحك]

عند مهآ وشوق ..كآنوآ مع سحر اللي بالغرفه تنتظر دخول معآذ
لينا تضحك على شكل سحر المتوتر: سحوره هدي نفسك
سحر تهز رجلها بتوتر:انا هآديه بس انتي ماتشوفين
شوق طلت بلينا ومسكت نفسها عن الضحك:ايه خليك كذا هاديه
لينا تهمس لشوق:تقول هاديه ماتشوف شكلهآ كيف ترتجف هههههههههه
شوق:أوووش لاتعصب هي اخلاقها مش ولابد
لينا ابتسمت:خلاص بسكت لا تذبحني
مهآ لفت على سحر: بسم الله عليك تجننين ..يالله عآد اقري على نفسك
شوق: انا قريت عليهآ بس أفضل ترجع تقرأ مره ثانيه
لينا تقرب من سحر وتحط يدها على شعرهآ اللي مستشورته على طوله ومسويه من الأمآم حركه نآعمه وطالعه كيوت مره:انا اقرأ على زوجة أخوي مابقى شي ويدخل معاذ
شوق حطت المبخره على الطاوله:انا بطلع عند عماتي عاد الباقي على ليونه وبنآدي ريم
قبل تلف وتمشي أنفتح الباب بشويش ودخلت ريم
ريم بصرآخ: وآآآآآآآآآآآآآآآآآآآآآو سحووووورتي
سحر أبتسمت لشوفة ريم :ريومه تعالي ابيك جنبي
ريم تغمز لها:عرفتي قيمتي المعنويه الحين
لينا: خليهآ تجرب اللي جربنآه وقتها كنت تتكركر علينا
شوق :انتبهوآ لهآ حطوهآ بعيونكم ..يالله مهآوي تركتي رنومه مع عمتي اكيد جننتها
مهآ بشهقه: ياويلي راح عن بالي ...لبست صندلهآ وطلعت جري قبل شوق
شوق قبل تطلع لفت عليهم:لآ أوصيكم انتبهوآ لهآ اذا جآء رجلها
سحر ارتجفت من سيرته وبسرعه تعلقت عيونها بريم اللي ابتسمت لا أرآديا على شكل سحر الخآيف

قفلت الباب ورآهآ وفتحت شنطتهآ ..شآفت علبه الدوآء والآلم يزدآد عليها أخذت علبة مويه من المضيفآت ..وأرتشفت منهآ خلف قرص الدوآء دخلت القاعه الصغيره ومشت للكوشه تشارك البقيه فرحتهم وفرحتهآ بأختهآ وشقيقة قلبها
هنآدي وقفت لمآ شافت شوق قربت منهم :شوآقه تعالي بعرفك على صديقتي
شوق بحب :مآشآء الله صديقتك جآيه وينها ؟
هنادي لفت على روان اللي وقفت لما صارت شوق قبالهم:هذي روآن صديقتي
شوق مدت يدهآ تصافحها وارتسمت على شفايفها بسمه حب:اهلين روآن ..كيفك؟
روان بمرح:الحمدلله بخير ..أنتي كيفك ؟
شوق: بخير ...هنوده ماقلتي لي ان صديقتك تهبل
هنادي تضحك:الله الله يارونآ شوق تمدحك
روآن :الحق عليك ياهنوده مآعرفتي توصفي اختك مآشآء الله جميله
شوق: فديتك ياعيوني ..ان شاء الله مبسوطه معآنآ
روآن ابتسمت وطلت في هنآدي: دآم هنوده موجوده اكيد مبسوطه
هنادي:شوقه تعالي اجلس بمكاني انا برقص
روان :لالا خليها ترقص معنا
شوق تتهرب:لا ماعرف ارقص واستحي ..انتم ارقصوا وانا هنا بجلس
هنادي تضحك:خلاص يالله روان نرقص
روان تمسك يد هنادي:يالله نرقص ...هديل تعالي معانا
هديل تبعد خلود عن طرقها: احم احم يالله طبينا
هنادي ابتسمت: وربي انك هبله ...بس يالله ارقصوا
جلست على الكرسي تتأملهم والفرح دآخله يترآقص على انغام الموسيقى ..وتضحك على حركات هنادي وهديل ورقصهم مع بعض ...طلعت جوالهآ بتشوف الساعه لقت مسج من فهد ...فتحته بلهفه وحب


من ليلة البارح ،،~
وصوتك له صدى في مسمعي . .
يالبي نبرتك ،،~
والحنان اللي حواه بنبراته

ابتسمت من قلبهآ على رسآلته اللي أبعدت كل التعب عنهآ ودبت الحياه فيهآ ...أخذت نفس تبعد فيه كل ألأمهآ وتستمع بلحظآتهآ مع أهلها

بعد ساعتين كانت طويل على قلوب ابطالنا المنتظره .. انتهت السهره بهدوء كمآء بدأت وهي تخفي ورآهآ الكثير من المفاجئات ...رجعوا الكل للبيت
رغد بحماس: هاه سحور ايش صار
سحر اللي ميته من الخجل: كل خير ..بكره اقولكم فيني تعب وارهاق ابي أنــآم وارتاح بعد هذا الهم
سمر تضحك:قال هم قال
هنادي كانت بالغرفه تبدل ملابسها ولبست بنطلون برمودآ رمادي وبلوزه دآنتيل وردي كت تعطرت واخذت شنطتها وجوالها وبجامه احتياط لو تنام برى البيت ...خرجت وشافت الكل بالصاله مجتمعين حول سحر ويحققون معهآ ..عدى شهد اللي بالمجلس تكلم يوسف ومخليه مشاري مع رغد
الكل بأستغراب:على وين
رغد تطالع بجوالها تشوف الساعه:خير خير وين رايحه كاشخه كذا الساعه 2 نص الليل
هنادي ابعدت كل التوتر عنها وبثقه:بروح انام عند روان ابوها مسافر وماعندها احد بالبيت كلمت ابوي ووافق
دخل ابو مهآ على كلمتها وسكت لما شافها ناويه تخرج
سحر:يبه شوف هنادي بتطلع الحين ؟
ابو مها: ايه استئذنت مني وانا موافق ...وين مها
سمر : تنوم بنتها بغرفتها
ابو مها لف على هنادي: انتبهي لنفسك يابنتي ..الله يحفظك يارب
هنادي حست بغصه من كلام ابوها ..نزلت راسها بانكسار ومشت بأتجآه الباب وكلام ابوها يتردد بأذنهآ..لفت طرحتها ونزلت بسرعه عشان لاتتردد بالروحه
بعد ماركبت بالسياره تنهدت ..كأن جبل من الهموم والاحزان انزآح عن صدرها ..تذكرت باسل وانها بتكون معه بعد دقايق معدوده
هنادي(يارب ارزقني الصبر على هذي المصيبه اللي انا فيها) اتصلت عليه ومن اول رنه وصلها صوته
باسل :هلا وغلا
هنادي: وينك؟
باسل ببرود: يعني وين؟..بالشقه
هنادي: اوك كنت بتأكد خفت اجي وما القاك
باسل ابتسم وأمتزجت الفرحه بنبرته:انتي بالطريق ؟
هنادي بدون نفس: اي بالطريق..دقايق واكون عندك ..باي
قام بسرعه رتب ملابسه اللي كآن راميهآ بعشوآئيه ..وتعطر وعدل شعره اللي كان بشكل عشوآئي فتح الأضاءه وطلع للصاله ينتظرها ...ثوآني وسمع صوت جرس الباب
مشى للباب وفتحه ..دخلت وهي متمآسكه بالكامل ولكن الخوف بدأ يتسلل لقلبها نزلت الطرحه عن وجهها بشويش وبصوت خافت قالت: صباح الخير
باسل سكر الباب: صباح النور
بدت ترتبك لانها ماهي عارفه كيف تتصرف بهذا الوضع ...نزلت عبايتهآ وعلقتها وقامت تتأمل الشقه كأنهآ اول مره تدخلها
هنادي: وين المطبخ ؟
بآسل ضحك:ويش تبغي بالمطبخ ؟
هناد كشرت:الحين بتدلني عليه والا اروح افتش بنفسي
باسل قرب منها:لالا بدلك "مسك يدهآ" يالله امشي
أستغربت من هدوء وسكينته وتعالمه اللطيف معهآ عكس أول مره كانت تقوي نفسهآ أكثر وأكثر وبالها ايش بيصير بعد دقآئق من الآن ..سرحت بملامحه وشعره المتمايل مع حركاته
باسل فتح الضوء:هذآ المطبخ
هنادي دخلت وصارت تتأمله :اممممم حلو ماشي حاله
باسل تكى على الباب بحيث انهآ ماتقدر تطلع:صرتي بالمطبخ ويش تبغين تسوين ؟
هنادي احتدت ملامحها:بغيت مويه عطشانه "أعطته ظهرها وفتحت الثلآجه اللي انصدمت بفروغهآ من اي شي "لفت على باسل وحطت يدها على خصرها: الحين بيت ويش كبره ثلاجته فاضيه ..حتى علبة مويه مآفي
باسل كآن متنح فيهآ وبجمالها الطفولي وحركآتهآ تزديها برآءه باله بعيد عنهآ مايسمع أي كلمه من اللي تتفوه فيهآ ...لآحظت سرحانه وحركت يدهآ لكنه ما صحى من سرحانه
هنادي صرخت : بسوووول
باسل ارتجف: بسم الله ....نعم
هنادي رجعت تتخصر:الله ينعم عليك ..وين سرحت يالحبيب ترآني اكلمك مآ أكلم الجدار اللي وراك
باسل مشى لهآ ولف يده على كتفها ..لاحظ تغير ملامحها وجمودها :أمري ويش تبين اجيب لك
هنادي بدت ترتجف بدآخلها:سلامتك مابي شي ..."حاولت تبعد عنه لكنه ماسكها بقوه"خلاص مابي شي
باسل قربهآ لحضنه:يآبخت العيون اللي شآفتك الليله
زآد كلامه توتره وبدت تحس بحرآره تسري بجسمهآ وأنفاسها تختنق دفته بشوش تبي تغير هذا الوضع اللي يربكها:عطشانه ابي مويه
باسل:بالغرفه في مويه
هنادي انقهرت من بروده:لي ساعه اقول عطشانه بالاخير تقولي بالغرفه ...الله يعيني على برودك "مشت من جنبه وراحت لغرفة النوم ...شآفت على الطاوله علبه مويه وكأس ..صبت لهآ وشربت منه يمكن تخف الحراره اللي فيهآ ...حست بدخوله ورآهآ لفت بسرعه وشآفته جنب التلفزيون
بآسل: ويش رايك نتفرج على فيلم
هنادي(جايبني من البيت عشان تتفرج على فيلم والله حلال فيك الذبح) ابتسمت ابتسامه صفرآء:برآحتك
باسل يجلس على الكنبه ويمد رجوله:أنآ أهم شي عندي راحتك
هنادي شوي وتنتف شعرها من العصبيه مسكت نفسها لاتزل بشي:رآحتي هي راحتك
باسل طل فيهآ بأعجآب :هنودتي انت متأكده من اللي تقولينه والا بديتي تخرفين
هنادي كبت المويه الباقيه في كآستهآ عليه: ليش متزوج عجوز خرفانه
باسل فتح عيونه وهو يتحسس قطرات المويه على وجهه:لا والله متزوج غوريلآ متوحشه
هنآدي شهقت بصدمه وطيرت عيونهآ وبحقد قالت:أيـــش ؟..غوريلا يآ ذيب مسعور
باسل انفجر من الضحك على تشبيههآ:ويش قلتي..بالله عيديهآ تكفين
هنادي مشت له وهي منقهره : تبيني أعيديهآ هآه ..هين أوريك الحين
شآفهآ ماشيه بأتجآهه وبدآخله يبتسم ( جت برجولهآ لي ريحتني والله) مدت يدهآ لرقبته بتخنقه مسك يدهآ وبآسهآ
هنادي عصبت:بااااااااااااسل اكرررهك
بآسل ضمهآ لصدره:بس أنآ أحبك
هنادي بحقد :كيف تحب غوريلآ متوحشه
باسل يضحك:احلى غوريلآ بالكون
هنادي بعدته عنها وخنقته بقوه وجلست على ركبها على الكنب:ولك عين تعيدهآ بعد
باسل ميت ضحك على شكلها :فكيني
هنادي:تأسف والا ما افكك
باسل:بتأسف بس على طريقتي
هنادي بأصرار:قول أســف
باسل :اسف بس فكيني ...عدلت جلستها وصارت تطالع بنظرات غريبه
هنادي :احد قالك انك اغبى مخلوق
باسل عقدت حواجبه:لا والله بالعاده يقولون اذكى مخلوق
هنادي عبست بحده:سخييييف
باسل ابتسم:سخيف اثول غبي عبيط ..كل شي يهون لأجل اشوفك
هنادي طلت فيه:زين انا تعبانه برجع بيتنا انا قلت اجي اشوفك يمكن عندك شي مهم طلع ماعندك ماعند جدتي
باسل طير عيونه فيها:خيييير خيير..وين رايحه ؟
هنادي ترفع صوتها وتطول كلامها:بيتنآآآآآآآآ
باسل:هذا انتي ببيتنآ ...وبعدين ماشبعت منك ولا من شوفتك من جيت وانتي شابه علي
هنادي شهقت:أنا شابه عليك؟.."وقفت بعصبيه "شوف بسيل انا ماني جايه هنا عشان اسمع منك كلام يضيق الخلق ..مره شابه عليك ومره غوريلا متوحشه انا الزم ماعلي كرامتي ..ولا طبت رجلي هذا البيت الا عشآن ما يغضب علي رب العالمين وتلعني الملائكه واضن انت فاهمني زين
باسل وقف جنبها:حقك علي والله امزح معك بس انتي اخلاقك مره ضيقه اي شي يعصبك ويعكر مزاجك ماتتركين لي فرصه اتقرب منك
هنادي لفت على يمينها وصار وجهها مقآبل وجههآ بفرق الطول بينهم:هذاني جنبك بس أنت ماتعرف تقول كلمه زينه ماتعرف الا تهددني وإلا تجاكرني
باسل فتح عيونه على الاخير:أهددك والا اجاكرك؟
هنادي تميل فمهآ:أيه
باسل:وهذآ اللي مزعلك ويخليك تعصبين
هنادي جلست على الكنبه: أيه بعدين تسنع معي والا ماعاد بتشوف وجهي مره انه
باسل جلس جنبها وحط يده على كتفها: الحين مين اللي يهدد
هنادي(بدينا بالنكد وضيقة الخلق):خلاص خلاص حصل خير ...شغل الـ tv خلنا نغير جو
بآسل ابتسم وجلست جنبها وهو يهمس:بنغير جو ..لاتستعجلين

:::
:::
:::

في أحد الفنآدق
تعبت اليوم مع خوآتهآ وخآصة سحر اللي قضت أغلب وقتهآ معهآ ...شآفت فهد جالس يقلب بالقنوآت وبآين الملل عليه ..وقفت ورى الكنبه اللي جالس عليها
شوق:فهودي
فهد رفع رآسه وابتسم: عيونه
شوق باسته على خده: تسلم لي عيونك حبيبي ...كأن الوقت تأخر ماتبي تنام؟
فهد عقد حواجبه:لا والله مافيني نوم
لفت وجلست جنبه: أحس بالك مشغول بشي ..قولي يمكن ترتاح
فهد ابتسم لها بحب صادق: لي صديقه أنخطبت وتبيني أسئل عن خطيبهآ أذا رجعت للرياض
شوق طيرت عيونهآ فيه: مــيــن ..صديقه ؟ويش تطلع هذي ؟
فهد ابتسم على شكلها المتحول للعصبيه:ايه صديقتي ايام الدرآسه وابوهآ كآن صديق جدي الروح بالروح ..صعبه ارفض طلبهآ البسيط خصوصا انها عزيزه علي
شوق رفعت حآجبها بكره:ماشاء الله صديقآت وابوها وجدك ...ألا أيش أسمهآ ؟
فهد بانت غمآزة خده:صفــآء ..ان شاء الله اذا جآت الرياض بعرفك عليها متأكد أنك راح تحبينها قلبها طيب وبنت حبوبه
شوق بحقد:فهد لاتجيب لي سيرتهآ اصلا لو فيهآ خير ماكآن تتصل عليك وين ابوها واهلها عنهآ
فهد انطلقت ضحكته بالصالون: لالاحبي لاتقولين عنهآ كذآ ..بعدين هي مجرد صديقه وبس ليش تتكلمين وتسبينها من ورآهآ البنت خلوقه مره وتعتبرني زي اخوها
شوق تتخصر: لاتكون اخوها ولا عمها ..اذا تبي تتزوج يروحون أهلها يسألون عنه مو أنت
فهد :بس الولد أعرف أبوه رجل اعمال وناس كويسين وهو دكتور يعني ترضين أعرفهم وما اقولها عنهم شي
شوق بتأنين ضمير: طبعآ لا بس شوف ما اسمح لك تكلمهآ ..والله أزعل منك اذا كلمتهآ
فهد ضحك: خلاص من عيوني بس اعطهآ خبر عنهم وبعدهآ مآ أكلمها
شوق بتغير الموضوع:كأنك مآ سألت عن شي يخصني ؟
فهد بسرعه: تعبتي اليوم ؟
شوق ضحكة:بدري والله سؤآلك
فهد بغرور: من عمرك حبيبتي بس تعرفين انا رجال مشغول ما أفضى اوقاتي محسوبه علي
شوق بغيض:تصبح على خير
فهد مسك يدها وهو ميت ضحك عليها:فديت اللي زعل علي
شوق لفت عليه: اقدر ازعل عليك ...بس انا تعبانه مرره بروح انام
فهد وقف وشالهآ: يخسي التعب وأشكآله الزم ماعلي صحتك
شوق باسته بقوه:أحــبـــك