يا حوامل احذروا اعداء الرضاعة الطبيعية>> عن تجربة

[يا كويتنا]

يعطيج الف عافيه يا قلبي

وجزاج الله الف خير


انا الحين بالثامن وناويه باذن الله تعالى اني ارضع طبيعي



واظيف عاللي قلتيه الغازات اللي اتسببها المميه للجاهل


اما الام اذا اشربت يانسون وكمون وهالسوالف وابتعدت عن الشغلات السبايسي راح يرتاح الجاهل وينام عدل

 

[Lady-_-fushia]

مشكورة حبيبتي عالمعلومات الحلوة

والله يقدرنا عليها انا قلت حق امي و احس من اولها سكرتها بويهي
غير اللي يقولون ان لي داومتي شلون
يعني مادري الاحباط ممكن ييلج من اقرب الناس لج سبحان الله


عموما بغيت ازيد بعد جم فايده

الرضاعه الطبيعيه تحفظ الام من امراض الرحم و ترده لطبيعته بسرعه و تنزل وزن الولاده بسرعه
و بعد هم تشد الصدر ماترهله مادري ليش المعلومه هذي ماخذينها غلط
وانا قريت هالمعلومات من حريم اجانب بعد ورضعوا رضاعه طبيعيه و نزلوا وزن ولادتهم بوقت سريع حيل
وبعد يحمي المره من سرطان الثدي الله يكافينا الشر


مشكووووووووووووره مره ثانيه

 

[@الياسمين@]

يعطيج العافيه كفيتي ووفيني
وكل اللي قلتيه عدل ... اهم شي للاستمرار بالرضاعه .... الصبر
واللي ماتملك الصبر ماراح تقدر تستمر للاسباب الي ذكرتيها ببداية الموضوع
والمجتمع .... اااخ منه مايخلونج بحالج كل وحده تفتي وتفسر على كيفها
انا رضعت بنتي البجر سنتين الا جم شهر والحمد
والحين بنتي الثانيه عمرها 5 شهور والحمد الله ارضعها
ومتحمله بعض الصعوبات لان بنتي اولى
والله يسهل انشالله
واشجع كل وحده انها ترضع ولا تحرم الياهل

 

[طيبة83]

lady fushia عادي طنشي
وعن الدوام حاولي تاخذين اجازة امومة ترجعين الدوام البيبي عمره ٦ شهور ياكل
وان ماقدرتي اخذي شفاط medela وايد زين ووديه معاج الدوام وشفطي كل ساعتين ولا رجعتي خليه ف الثلاجه عشان يشربه البيبي يوم ثاني

بس اهم شي ان مانعطي البيبي ميمه الا اذا صار عمره عل اقل ٤ او ٦ اسابيع لان قبل هل سن ممكن يتعلق في الميمه ويعاف الصدر

وهل شي صار مع صديقتي وقامت تشفط له وتعطيه لما صار عمره ١٠ شهور وهذي ياكد ان الشفاط ما ينشف بس للامانه كانت تعطيه نص الرضعات من حليبها والنص الباقي صناعي

 

[طيبة83]

up
up

 

[ام الحلوااات]

مــــــــوضــــــوعــــــج وااايــــــــــــــد مــــفــــيـــــــد​

 

[كوكي العسل]

اخ عورني قلبي على ولدي :eh_s(16): مارضعته ابد لان للاسف مانزل مني حليب

المفروض تضيفين هالشي لموضوعج ان في امهات صدرهم مايدر حليب مثل ماصار فيني

لا كنت اتدلع ولا شي بالعكس تاخرت بالحمل وكنت حابة اجرب كل مشاعر الامومة مع ولدي

لكن قدر الله وماشاء فعل جربت وجربت كل شي يدر الحليب اكلته وجربت بالشفاطه ماتنزل ولا قطره

موضوعج بصراحه عور قلبي لان هالشي كان مو بيدي كان حلمي ارضعه بس الله مااراد والحمدلله على كل حال ..

 

[zezo113]

صااااجه
وياج ١٠٠بال١٠٠

 

[بتبوتااا]

انا من مشجعي الرضاعه الطبيعيه والحمدلله عيالي كله ارضعهم طبيعي اصلا انا ارتاح 
ومشكوره حياتي

 

[طيبة83]

بشروا بنات اللي ولدوا عسا ترضعون؟

 

[noonaa-thn]

انا اايد كلامج ميه ميه لاني جربت مع بناتي

الاولى عطيتها صناعي واخ من الصناعي كل يومين مريضه وتعبانه ولويه المميات وتنضيفهم وتعقيمهم وياربي كل دكتور يقولج نوع حليب وتغيرين لها كل شوي
هذا غير بالليل اف اف حدج تعبانه ولازم تقومين على حيلج تسوين لها رضعتها
والثانيه كله طبيعي ورضعه وحده صناعي لاكن الحمد الله البنيه الله يخفضها من كل شي ما تعبتني كثر الاولى
ولا حليبها دايما جاهز ولا اروح ولا ارجع ولا اغسل مميات ولا اخاف اني لازم اعقم المميات على طول بس تبي حليب اعطيها ما انطرها تبجي وتعور راسي
وبالليل وانتي منسدحه تعطينها وتكملين نومج

 

[bubble.gum]

انااااا متحسفه قد شعر راااسي لاني ما كملت الرضاعه بس بالنفاس رضعت وبعد النفاس باسبوعين سافرت اي حليب راح يبقى ... بعد تووووبه خلاااص راح ارضع بنتي وعليه عليها تكسر الخاطر على اقل شي تمرض اسم الله عليها

 

[ام اغلى الناس]

جزاج الله خير

 

[فـراوله]

صح كلامج


بس بالنسبه للمرض

أنا أمي رضعتني طبيعي ورضعت أختي صناعي لانه كانت ترفض طبيعي

أنا دايما أمرض واهي لا اسم الله عليهاااا

وأختي ما رضعت ولدها طبيعي ومشاءالله عليه ما يمرض وانا رضعت طبيعي بس ما طولت
وولدي كله مريض


​

 

[ميس:)]

شجعتيني استمر يعطيج العافية بس مشكلة لارحتي حق الاوادم الرضاعة صعبة وخصوصا الياهل بوشهر وشهرين مايكمل رضعته لمن يشبع كل شوي ينام ويصحي يبي يرضع وانا لمن ارضع بنتي. اشوفها تمص بس لمن اشفط مايطلع وايد تهقين بنتي موقاعد تشرب كفاية؟!!*

 

[simtonguri]

انا رضعت ولدي شهرين و الحين متحسفه عمرة اربع اشهر وقعد احاول فيه يرضع موراضي يلقط قلبي قعد يعورني
كله من الناس الي اييون و يقولون لي صدرج ما يشبع و انا الخبله الي مصدقتهم

 

[احلى عروسه]

جزاج الله الف خير موضوع في غاية الروووووعه

 

[Om Ghalia]

4= مرات الحليب يتاخر ومايدر الا ثالث او رابع يوم

صح بس مب معناته ان البيبي بييوع لا بالعكس بيكون يشرب ال colostrum وهذي مادة صفرا ولزجه كلها اجسام مضادة تبني جهاز المناعة للبيبي ويقولون من كثر ماهي مفيدة يسمونها الحليب المصنوع من ذهب gold milk ولاحظوا سبحان الله هذي المادة اهي الي تقوي البيبي وتبني له جهاز مناعته

وطبعا يا بنات بتحسون ان صدركم هذا هو ما تغير وبتحسون يمكن انه خالي ولا بتسمعون صوت والبيبي يشرب وصج صج بتشكون اذا في شي ولا لا>>> اانا مرات كنت ابي ابطل حلج بنتي اتاكد اذا كانت تشرب شي والنرس اكدت علي ان هل مادة اصلا قليلة والبيبي معدته تكون صغيييرة فلا تحاتون ابد

وضروري ضرووووري ما تدخلون صناعي هل 3 ايام لان الصناعي بيسد معدة البيبي ومابيخليه يشرب هل مادة كلها>>>> معليش تعب وخاصة الي والدة قيصري بس يعني انتوا صبرتوا 9 شهور صبروا 3 ايام مافرقت

5= لا تخافون من ال cluster feeding و ال growth spurt

ال cluster feeding اهوا لما البيبي يرضع ويكمل رضعته وينام ويرجع عقب دقايق يبي يرضع ويكمل رضعته وينام ويرجع عقب دقايق يبي يرضع>>>>>> يعني باختصار لما البيبي تنفتح شهيته عل آخر وبس يبي يرضع ويرضع ويرضع

ال growth spurt وهي طفرات النمو الي يمر فيها البيبي

والحين الشرح>>>>> خخخخخ احس جني مدرسه

مرات البيبي لما يمر بطفرات نمو والي عادةً تكون في الاسبوع الخامس او السادس- الشهر الثالث- الشهر الرابع-الشهر السادس واظن بعد الشهر التاسع
البيبي ايجن بس يبي يرضع ويرضع ويرضع ويرضع وهل طفرات تستمر بين يومين الي 7 ايام
وهني نرجع للقاعدة الي قلناها في رقم 3 "كل ما زادت الرضاعه كل ما زاد الحليب"

لان سبحان الله بعد الاسبوع السادس البيبي بيحتاج كمية حليب اكثر وشلون ايزيد الحليب؟ يزيد الحليب اذا زادت عدد الرضعات
ونفس الشي بالنسبة للشهر الثالث والرابع وغيره

ومرات البيبي ما يكون في مرحله طفرة نمو ومع ذلك تنفتح شهيته وبس يبي يرضع وتالي ينام نومه حلوة

ويا بنات ديروا بالكم

ترا هل وقت اكثر الامهات يقطعون الرضاعه فيه لان ما تفهم البيبي ليش بس يبي يرضع وتقول "ما فيني حليب" وتعطيه صناعي وبدال ما تزيد كميه الحليب عندها تظل مثل ما هيا

مثال

البيبي كل يوم يرضع 8 رضعات وصار له طفرة نمو او بس انفتحت شهيته فقام رضع 11 رضعه
يوم ثاني سبحان الله جسمج بينتج حليب يكفي 11 رضعه
اما الي تكيسلت ورضعت البيبي بس 8 رضعات والباقي صناعي فكمية الحليب الي بينتجها جسمها بتظل مثل ماهيا


وعلي فكرة بنات هل فترة صج صج صج صعبه وتعالوا شوفوا النفسية والصياح والنياح:eh_s(16):
لان انتوا بتحاتون البيبي وجد بتشكون انه ما يحصل حليب وبتقولون وداعا للنوم >>>>>> محد قال الامومة سهلة
بس لا تحاتون
اهم شي الصبر وان يكون عندكم احد يساندكم
انا بنتي ثاني يوم ولادة سوت لي جذي بس تبي ترضع الله يحفظها وقالت لي النرس عااادي عشان حليبج يدر بسرعه
ومرات اتسوي لي باليل فقمت اشفط لها في النهار واعطيها اياه باليل وتالي بالنهار تنام نومه حلوة

للحديث بقية
تعبت

يعطيج العافية على هالكلام الأكثر من رائع ...

 

[طيبة83]

بابل قم اي اذكر انتي كنتي ترضعين عدل بس سافرتي حسافه جربي لها ابتاميل مناعه احسه زين لان فيه فيتامينات تقوي مناعه الياهل

ميس دام وزنها طبيعي ما عليج من الشفاط لو كانت يوعانه جان جفتيها تبجي

باقي البنات حياكم الله

 

[طيبة83]

فراوله تراه العكس حبيبتي الي يرضع طبيعي تكون مناعته احسن من الي يرضع صناعي