يا حلاااااااااااااتج بالخبر

[نـــــآديـــة]

رد : يا حلاااااااااااااتج بالخبر

انشاء الله اروح لهاااا بعد دلونى الاماكن الحلوه فيهااااا

 

[T R F]

رد : رد: يا حلاااااااااااااتج بالخبر

شكرا عذوب وشكرا ترف وشكرا لكل خواتي بالخبر ويا حلات الخبر صارلي 3 ايام اسالح ابوا الشباب

يوديني للخبر والبحرين ميته عليها بس انصدمت لما عرفت ان هناك الحين زحمه بسبب الاجازة وكل

ما اتصل بشقق قفندقيه يقولي فل او الاسعار خيال وصراحه ابي اسكن مكان نظيف وسعره مناسب

وما ادري وين :krkrkr:

قلتله :ada: البحرين نسكن هناك وننزل الخبر بالنهار وبنشوف يمكن اروح الجمعه ان شاء الله

مبروك عرس رفيجتج ترف وما ادري اقول عقبالج او انتي متزوجه اقول عقبال عيالج ههههههه .

ادعولي اجي ويرضى ابوا الشباب ودي افصل عبي عندكم وبجهز لولادة بنتي بالمواعين .

ياهلا وغلا ... والشكر لله يالغاليه ...

الخبر يزيد نورها بوجودكم ... صحيح الأيام هاذي زحمه ... اتوقع الجمعه ممكن يكون مناسب ... لأن السبت بداية الدوامات ... او تكون زياراتك على إجازة نهاية الأسبوع ... بعد مناسب

وبالنسبه للسكن ... اغلب الأماكن السكنيه ... نظيفه ... وإذا تبين اماكن اكثر خصوصيه ... او قريبه من الأسواق .. او حيويه ... تدللي

والله يبارك بأيامك ... ومشكوره على التهنئه ... الف شكر ... آآآآآآه لو تدرين ... قاعده اتهرب منها ... وادش عندكم بالمنتدى ... الله يصبرني على فراقها .... وعسى الله يهنيها .... ويهني الجميع ...

وياهلا فيك يالغاليه

 

[T R F]

رد : يا حلاااااااااااااتج بالخبر

اختي بواسم ... إذا تبين افكار لتقديم ضيافه ... خفيفه وناعمه وستايلاته غريبه للضيوف ... تدللي ...

 

[عذوب79]

هلا حبيبتي بواسم نورتيني حبيبة البي


السعوديه اجازتهم اقل من عشر ايام وتخلص روحي بعدها احسن الشقق تصفرررررررررررررر وتطيح حيل حيل

لا تسكنين البحرين اغلا منها بالسكن نفس ماقلت لج نطري يداومون وروحي دربج خضر وسلمي لي على سوق السويكت محل محل
هههههههههههههههههههههههههههههههههههههههههههههههههههههههههههه
فديتس

 

[عذوب79]

ناديه اقري كل المشاركات وانتي تستفديدين ولا تنسين ورقه وقلم وسجلي

ماقصرت تروفه ياربي يخليها انشالله لعين ترجيها ويحقق امانيها يارب بدعت معاي فديتها والله

 

[مشتاقه لك يبا]

رد : يا حلاااااااااااااتج بالخبر

عليج بالعافيه

 

[شنطة سمسونايت]

إن شاء الله يكون لي لها روحه بإجازة العيد

 

[دآنة آلرشآيده]

بنات اسعارهم غاليه ولا ارخص من الكويت
والماركات نفس اسعار اللي عندنا ولا ارخص؟؟

 

[ديمـه]

بنات الله يعافيكم انا بروح الخبر ان شاءالله انا وزوجي بروحنا بس ابي اماكن غير السوق اروح لها عشان ما يمل زوجي من السوق ابي اغير جو معاه

ابي منتزهات او اماكن سياحيه اذا في لاني من زمان من 9 سنوات مو رايحة الخبر

 

[عذوب79]

شارع الكورنيش بروحه حيل رايق

ومني لتروفه هي اتفيدج لاني حافظه الاسواق بس

 

[T R F]

رد : رد: يا حلاااااااااااااتج بالخبر

بنات اسعارهم غاليه ولا ارخص من الكويت
والماركات نفس اسعار اللي عندنا ولا ارخص؟؟

هلا بالدانه ....

على حد علمي ... الأسعار عندنا ارخص ... بس عسى الله يثبتها ... وإذا جيتوا عندنا ... طلعوا عيونهم ... بالمكاسر ... ترى الأغلبيه وهذا ملاحظته .... يرفعون السعر عليكم ...

بالنسبه للماركات ماأدري ... بس اتوقع اسعارها هي نفسها ... بس البضاعه نوعا ما تختلف ... لأنها تختلف على حسب الوكيل ... وهذا لاحظته بمحل قوتشي ... لأني شريت من قوتشي الصالحيه ... وبنفس الفتره اللي شريتها ... ماكانت موجوده بمحلها اللي بالخبر ... وبعد ماركات البحرين ... تختلف وعلى احلى

والأذواق بعد تختلف

 

[T R F]

رد : رد: يا حلاااااااااااااتج بالخبر

بنات الله يعافيكم انا بروح الخبر ان شاءالله انا وزوجي بروحنا بس ابي اماكن غير السوق اروح لها عشان ما يمل زوجي من السوق ابي اغير جو معاه

ابي منتزهات او اماكن سياحيه اذا في لاني من زمان من 9 سنوات مو رايحة الخبر

هلا بقمرنا ( عذوب ) اسفرت وانورت ...

والأخت ديمه ... 9 سنين ... حبيبتي انتي ... ابشري باللي يدلك على الأماكن الرومانسيه .... حاضرين للطيبين

شوفي يالغاليه ... احنا اغلب سياحتنا .... بالتدريج ... اسواق " مجمعات " ... مطاعم ... اماكن سياحيه وقليله

انتي طبعا تبين اماكن سياحيه ... المكان العام اللي انصحك فيه بالدرجه الأولى .... الواجهه البحريه بالخبر ... على الكورنيش .. تحديدا ... فيه مدخل عباره عن منارتين ... ونخيل على مد النظر على شكل ممر ... بيطلعك لمرتفع ... مسطحات خضراء ... يبيلك ياطويلة العمر .... فرشه وتجلسين مع ابو الشباب ... مطله على الخبر ... ووراك مطله على البحر ومنظر الجسر باليل ..... إذا حابه تنزلين لجهة البحر ... انزلي يالغاليه ... ممشى على مد النظر ... والكل يمشي ومحد حولك ... حدود هذا المكان فقط .... من عماره الأمير سلطان " جنوبا " إلى فندق المرديان " شمالا" غير هالمحيط لاتعدين ... موجود فيه ... مطاعم وجبات السريعه العالميه ... كوفيات ... ومجمع افنيوز الخبر ... مطاعم " لبنانيه - إيطاليه - برازيليه .... ورا مجمع السيف مباشره .... بعد المرديان مانصحك فيه ... وقبل عمارة الأمير سلطان ماأنصحك فيه ... ككورنيش ... بس فيه مطاعم بجزيرة الدغيثر .... روعه وغاليه ... وفخمه

فيه حديقه مختصره ونظيفه ... يعني للتغييير ... إذا حابين الهدوء اكثر ... حديقة الأمير عبدالعزيز بن جلوي ... جديده ... على شارع الملك عبدالله ( شارع الظهران سابقا) قريبه من شارع السويكت

شاطي نصف القمر ( هاف مون ) شغل اول ... بس روعه ... كل شي مكشوف ... مافيه خصوصيه ... الحلو فيه ... تبسطين فرشتك ... وبتلاقين الموج داخل على الفرشه ... يبيلك كراسي رحلات ؟؟؟ بس روعه ... يذكرني يساهر الليل ... وفيه منطقة التزحلق على الرمال ... رياضة الشباب المفضله ... عسى الله يهديهم ... مزار من جميع الدول ... رياضيتهم كل جمعه بالعصر ... ضروري ابو الشباب يمرها ... بينبسط ... بالمختصر ( وقائع ساهر الليل بتحصلينها ) بس يبيلكم غراش بيبسي

نجي للمنتجعات السياحيه ... منتجع الهوليدي إن ... انصحك فيه ... نظيف وراقي ... بس منطقته شوي بعيده ... يستاهل ... نظام شاليهات ... تبين فيلا دورين ... او دور ... مطله اولا ... ببركه اولا .. مانصحك فيها بعيد الأضحى ... إزعاج ومافيه خصوصيه

شاليهات شاطي الغروب .... حلو ... أنا بصراحه .. مازرته ... بس خاص جدا

شاليهات شاطئ الشمس ... روعه ... وغريبه .... لايوجد فيها شي من الخصوصيه .... ماأنصحك فيها ابدا ... وللأستفسار اكثر ارسليلي على الخاص

إذا حابه سينما ورومانسيه ومرتبه ... سينما السيف ... بمجمع السيف بالبحرين ... مش بعيده عن الخبر ... يبيلك تمرينها ... اروع من اللي عندكم ...

 

[عذوب79]

ماقصرت ترف احلا بوسه امووووووووووووووووووووووووووووواح حتى انا استفدت

 

[Um ЯaYaN彡]

عذوب حبيبتي حياج الله بين اهلج
ونورتينا بوجودج يالغلا

والله يشفيج حبيبتي ويريحجدنيا واخره
وفديت اهل الكويت تنورونا بوجودكم

 

[الــــغاليـــه]

رد : يا حلاااااااااااااتج بالخبر

بنات شنو ارخص واحسن سكن "شقق فندقيه" هناك يعني رخيص وكويس بليز عشان انا بروح قريب والمطاعم بعد !!
ياحلاتج يالخبر فديتج وفديت اهلج

 

[عذوب79]

كل الفنادق اللي بدواعيس الخبر رخييييييييييييييييييصه حيل حيل لا تاخذين فنادق غاليه وبتحصلين انشالله

 

[بنوتة نجد]

رد : يا حلاااااااااااااتج بالخبر

اشتقت للشرقيه ولجوهآ ابي بحر هع

 

[عذوب79]

شكلك بالرباض

 

[T R F]

رد : يا حلاااااااااااااتج بالخبر

ياهلا بعذوب ....

ايه يالغاليه .... اي أحد يقولك احب البحر اوابيه ... رأسا اعرفي إنه من الرياض

وياهلا فيك اختي ....

 

[عذوب79]

والله صدقتي انا بنت خالتي اهناك من اهل الرياض ومسيكينه تقولي ودي اسحب البحر لين الرياض عاد هذي شبون مادري