يا حضرة جناب الضيق ارحمنا~~ترا ما للصدور أزرار

[سحر الشرق@]

الحمد الله على كل حال
أنا ما اشتغل تخرجت وقعدت
مؤ مفكرة الحين لين يكبرون عيالي شوي ان شالله

 

[h1ollo]

الله يفرج همج وضيقتج ويبعد عنج شرور وعيون الجن والانس
حبيبتي حاولي ماتفكرين بالضيقه وعليج بالوضوء والاستغفار سبحان الله كلنا بعمر صغير وكلنا امراض نفسيه من الواقع اللي نعيش فيه وكثرة الضغوط اللي نعيشها طرت علي سالفه امي قالتها لي الله يطول بعمرها تقول ياسبحان الله الحين الحريماهم الرياجيل والرياجيل اهم الحريم قلت لها ليش يمه قالت لي على ايامنا الرجال اهو اللي يقوم بكل شي من احتياجات البيت ومقاضيه والجهال اهو المكلوف يوديهم لامرضوا والمره اكبر همها مقابل رجلها وتربية اعيالها وامور البيت من طباخ وغسيل وامورنا شحلاتها ووقتنا يهبل وعيشتنا حلوه اما الحين الرجال اهو اللي يدور راحته بالمزارع والدواويين والوناسه ويقط الفلوس على المره واهي اللي تعابل بعيالها من طبيب ومراجعات وتشتري اغراض الجمعيه ومقاضي البيت وتداوم ومعاشها مو لها قبل احنا الرجال اهو اللي يصرف واللي يعطي وهذي الرجوله عنده اما الحين حدث ولا حرج...
انشهد انج صدقتي يالغاليه،،
وهذي اهم اسباب الضيقه فينا *

 

[سحر الشرق@]

الحمد لله
استغفر الله العظيم وأتوب اليه

 

[زَهر تِشرينْ]

.◈|❀|◈..
تصدقين جزء كبير من مشكتلك كأنك تتكلمين عني ..
انا بعد صايرلي اكتئاب من اكثر من كم سنة كل شوي اطلع منه وارجع
له مرة ثانية .. اعتقد والله اعلم مع العمر والظروف والضغوط الي تمر
ع الواحد من كل جهه .. اوامر من الزوج وعدم اهتمام ولامبالاة واحساس بالخواء وان حياتك مالها اي معنى اوطعم مهما حاولتي التغيير في نفسك ومعاه وفحياتك
للاسف ترجع الامور مثل ماهي .. روتينية بحتة ..
وبعد ضغوط العيال وهمومهم ومشاكلهم والحياة بصفة عامة
كل ما الانسان يضغط ع نفسه يتعب اكثر واكثر واحيانا يوصل لدرجة من الاستسلام للحزن والضيق والتعب حتي الاشياء الي كان يتحملها قبل ماصار يتحملها الحين ..!!
تحسين الدنيا سودة بعيونك ولولا الايمان بالله والصبر واليقين ان كل هذا
ابتلاء ولازم الانسان يكون على قدر هالابتلاء كان الواحد راح فيها من زمان وتعب اكثرررر واكثررر ..
عشان كذا انصحك تشغلين نفسك حبيبتي وتحاولين تتقربين اكثر من الله
هو وحده القادر يطلعك من هالحالة وهو وحدة سبحانه قادر يعوضك بكل الخير الي
في الدنيا الي مايجي ع بالك .. سواء بتغيير فجاة ماكنتي تتوقعينه او دخول
صديقة في حياتك تشيل عنك هالهموم وتجدد حياتك وتخلي نفسك مُشرقة بالامل من جديد ..
احيانا الانسان يحتاج فقط من يسمعه ويحس فيه ويشيل همومه ويربت
ع كتفه بحنان وعطف ورحمة كانه طفل صغييير ويحتاج لحضن امه
وحنانها خاصة اذا هالانسان فاقد لكل مصدر للحب والامان والحنان فكل
فترات حياته ..
..
اعذريني طولت عليكِ بس اعتبربت هالموضوع متنفس لي من قريت
كلامك الي اثر فيني حيل ..
مابيدي غير الدعاء لك ان الله يفرج همك ويمسح ع قلبك الغالي
ويريح نفسك المُتعبة ويرزقك الاستقرار النفسي وترجعين لطبيعتك
وتكونين بافضل حااال ​

 

[شماسه]

داومي على الاستغفار واقري يوميا سورة البقره وباذن الله بتروووح الضيقه .