يا حضرة جناب الضيق ارحمنا~~ترا ما للصدور أزرار

[سحر الشرق@]

السلام عليكم خواتي
اولا الحمد لله الحمد لله الذي لا يحمد على مكروه سواه
الصراحة ما ادري ليش كتبت الموضوع
مو عادتي اكتب اي شي يخصني
بس تعبت صج تعبت
احس الضيقة ذبحتني
لي اكثر من سنه مهما. حاولت أتفائل
مو قادرة أحاول اضغط على نفسي
أحاول أغير أسافر مافي فايده
ما عاد في شي يسعدني ويفرحني
مع ان ما عندي مشكله كبيره والحمد لله
دائماً اقول الحمد لله ظروفي احسن من ظروف ناس غيري
الحمد لله دام صحتي وصحة عيالي وزوجي واهلي واحبتي تمام الف الحمد الله
أخاف الله يسخط علي لأني احس بضيقه رغم هال نعم كلها استغفر الله
بنات دائماً ألجأ للصلاة لذكر الله للعباده عشان أبعد الوساوس
بس صج تعبت الضيقة ملازمتني
علاقتي بزوجي صارت متوترة الى حد ما هو شخصيته صعبه بس كنت متقبلتها
تصدقون الحين ماااا اقدر اتقبله حتى بالفراش احس مخنوقه
شكيت انه يمون سحر او شي بس اتوقع المسحور ما يحس بنفسه وما اتوقع في احد حولي يساويها مافي عداوات الحمد لله
بس بالنهايه اكيد في عدة أسباب تراكمت يمكن هي سبب ضيق تي
أمي الله يحفظها مرضت بمرض الخبيث بس الحمد لله الله شفاها والله لا يعيده علينا
أنا كان عندي حلم وانتهي الحين صعب حييييل يتحقق
واحس مؤ متقلبه المسؤوليات والهموم الي حولي شكثرها
يعني باختصار تعبت وأحاول أدور امل او حتى اي شي. يسعدني بس ماكو
ما بعد افرح لشي مضايقته ودي ارجع نفس قبل حيويه متفائله
للعلم لي تقريبا سنه ونص جذي
بنات أدعو لي الله يفرجها علي
و قولولي في احد نفسي كله مضايق

الله يجيب هم وضايقه ويفرجها علينا يارب

دعواتكم

 

[نهى الأحمد]

هلا حبيبتي

عسى ربي يفرجها عليج

مابعد الضيق الا الفرج حبيبتي


صدقيني ياقلبي اهم شي الصحة والعافيه واهم شي انكم بخير

وكل مشكلة بهالدنيا ولها حل

عليج بالدعاء والاستغفار وقراءة القرآن


احيانا الانسان من كثرت الضغوطات عليه ما يقدر يتحمل شي

بس لو توكل الانسان على ربه باذن الله كل اموره رح تنحل

 

[نهى الأحمد]

عزيزتي

رح انقل موضوعج لقسم المشاكل الاجتماعية

باذن الله رح يفيدونج البنات بآراؤهم

 

[روح مووود]

الله يفرجها لك اختى وتوكلى على واكثرى
من الاستغفاااار وسورة البقره الله يسعدنا
فى الدنيا والاخره

 

[....وبس]

شوووفي انا مرررت علي مصااايب مو مشاااكل

ومازلت اكاافح لان رب العالمين اكبررر من كل شي

حلووو الانتصار علي الهم واحلى بانج تتصدينه بذكر الله والاستغفاار وحفظ القران

والله انا من صرت احفظ ارتحت حيييل

داايما تذكري الاشيا الزينه

وعديها على اصابعج وقولي الحمدالله

يعني دااايما نووقف ونمر بلحظاات ياس

بس تفررررج من عند رب العالمييين

انا صار لي مهمووومه سنتين

بس دايماا اقوول الحمدالله على كل حاال

وان مع العسر يسررر

ربج حتي لما ينزل المرض ينزل معااه الدواا

والا بذكر الله تطمئن القلوووب

والله يفرررجهاا على كل مسلم ومسلمه ياااارب

 

[ابي اصير ممثلة]

انا عمري 20 سنة وضعي اخس منج لا وظيفة ولا ريل ولا صيقات انتي احسن مني لا تتضايقين ولا شي عندج ريلج وعيالج الحم لله

 

[غلآ نوآف]

ماعليه يالغالية
تحملي وتعوذي من ابليس واكثري من الاستغفار
كل مامرت عليج الضيقة
واظن الاغلبية صار يحس بهذا الشعور بكل متكرر
مافي شي يونس او يفرح
صايرة الدنيا كلها هم ومشاكل ونفاق ومجاملات
ومع كثرة المسؤوليات مثل ماقلتي
يسبب ضغط نفسي عليج
بس ان شاء الله لماتتوكلين ع ربج
وتدعين وتتصدقين للفقراء او اي حد محتاج
ربي يرزقج ويسعدج ويفرج همج
مهما كان لاتنسين الابتسامة
وحاولي تتفائلي قدر الامكان

 

[روح مغليهاM]

تعوذي من الشيطان واقري البقره كل يوم
والله يفرج همك

 

[كوكو_شانيل]

للاسف الشدييد انا نفسسس حالتج بالضبط شي يعور القلب بعدنا صغار وجي نحس
وصارلي 3 سنوات على هالحال

شو الحل

 

[الزيـــــ^^ـــــن]

اقري هذي وان شاءالله بترتاحين ولاتنسيني من دعائج لي بالذريه الصالح

سأل رجل مهموم الامام علي عليه السلام
فقال: يا امير المؤمنين لقد أتيتك وما لي حيلة مما أنا فيه من الهم؟
فقال امير المؤمنين :سأسألك سؤالين وأُريد إجابتهما
فقال الرجل: اسأل.
فقال امير المؤمنين : أجئت إلى هذه الدنيا ومعك تلك المشاكل؟
قال:لا.
فقال امير المؤمنين : هل ستترك الدنيا وتأخذ معك المشاكل؟
قال : لا
فقال امير المؤمنين : أمرٌ لم تأتِ به، ولن يذهب معك ..
الأجدر ألا يأخذ منك كل هذا الهم فكن صبوراً على أمر الدنيا ،
وليكن نظرك إلى السماء أطول من نظرك إلى الأرض يكن لك ما أردت ،
ابتسم ... فرزقك مقسوم
وقدرك محسوم..
وأحوال الدنيا لا تستحق الهموم..
لأنها بين يدي الحي القيوم.
يقول عليه السلام :
يَحيا المؤمن بيَن أمرين يُسر وَ عُسر ) ،
وَ ڳلاھما " نِعمة " لو أيقَن !
…
ففِي اليسر : يكون ☇ الشكر
[ وَسَيَجْزِي اللَّهُ الشَّاكِرِينَ ]
وَ في العسر : يكون ☇ الصَبر !
[إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ ]


كلام رائع يستحق النشر
اذا اردت ان تعيش سعيدا
فلا تفسر كل شي
ولا تدقق بكل شي
ولاتحلل كل شي
فان الذين حللو الالماس
وجدوهـ ((فحمــا)

 

[ترنيمة سكون]

شقولج يااختي انا فيني هم مايعلم فيه الا الله احيانا احس اني خلاص شويه واموت من الهم اللي داخلي بس مالنا الا الصبر

هالفترات الكل يمر فيها واحيانا يحس انه متضايق ومهموم من ولا شيء

والحمد لله على كل حال \ قراءة القران والاستغفار والصلاه على محمد وال محمد من اعظم الاشياء اللي تمسح على القلب

وكل يوم قولي ( سبحان الله والحمد لله ولا إله الا الله والله اكبر ) خمسين مره وفوق وطلعي صدقه صدقيني حيل حيل حيل تزيح همج وتغير نفسيتج


وبقولج شيء على الاقل عندج زوجج وعيالج وامج موجوده الله يحفظها لج شتقولين عن اللي فاقدين احبابهم يكفي وجودهم جنبج صدقيني لان الهم اللي بتشوفينه اذا فقدتي واحد فيهم بتقولين اللي انتي فيه الحين ولا شيء فقولي الحمد لله وتذكري هالامور والله يفرجها عليج ويمسح على قلبج



.
.

 

[*الهنوف*]

العين حق ومذكوره
انصحج تسبحي بماي وملح وسدر مقري
عشر ايام متواصله
لان انتي مافي سبب معين لضيقتج
يمكن وحده طاقتج عين لحياتج او سفره او او


انا امر بنفس حالتج بس انا لي اسبابي واعرفها ومالي خل اني اعدلها او اغيرها لان كلها بيد رب العالمين

كثري قراءة صورة الانشراح بالصلاة

 

[سحـورة]

ربي يطمن بالج و ييسر أمورج ،
شنو حلمج اللي ما حققتيه ؟! أعتقد منه السبب
مم إتفائلي و إبتعدي عن كلمة مستحيل ، الله قادر على كل شي
يغير أحوالنا بـ لحظه ،

 

[✿ячǿőƒ✿]

عليج بسورة البقرة لا تخلينها كل يوم اقريها كاامله وانشالله تروح عنج الضيقه حبيبتي

 

[بنت الأجوااد]

عسي ربي يفرج عنا الهم جميعا

 

[دانه ابوها]

اللهم فرج هم اخيتي واجعل لها من كل هما فرجا ومن كل ضيق مخرجا
حبيبتي انصحك بقيام الليل وبث شكواكي لله ف سجودك ولا ترفعي راسك الا بعد ان تفرغي ما في قلبك له سبحانه صدقيني ستشعري براحه عجيبه
وانصحك بقراءه سوره البقره والمداومه عليه مع اذكار الصباح والمساء
والصدقه وكثره الاستغفار --

 

[سحر الشرق@]

حبايبي جزاكم الله خير
والله يفرج همومكم وضيقتكم
والله يرفع الهم عن أمة المسلمين يارب
الحمد لله الحمد لله الحمد لله
دعواتكم حبايبي

 

[بحر الرمال]

الله يفرجها عليج
حاسه فيج
بس الحمدالله طالما مافي شي جايد بصحتج او صحه عيالج و لا في مشاكل مادية ان شالله الموضوع هين
يمكن من الملل صاير جذي نفسيتج متضايقة؟ انتي تشتغلين؟

 

[مناوي الكويت]

والله انا مثلج بضيقه وياس واكتاب مليت كل شئ نفس الشي بس الوحده شتقول غير الحمد لله الله معانا

 

[راقية بذوقها]

يارب يفرجها عليج كلنا صدقيني مو بهم الا بهموم كثيير بس وربي من اشووف اللي يصير بخوانا بسوريا او غيره من الدول العربيه استحي احس همومي ولاشي قداممهم شوفي فيني شي واحد حلووو رغم كل الاحبطاات اللي فيني رغم ان مافي شي ابيه يصيير ويخترب بسرعه بس وربي ماعمري تزعزعت ثقتي بربي لحضه وحده دايما اقول الحمدلله لان عارفه نهايه هالصبر شي حلووو وحيل بعد وان ماحصلت عليه بالدنيا بحصل عليه بالاخره مابي اقولج همومي اخاف تنصدميين بس وربي عايشه حياتي بحدود يومي واضحك وابجي بنفس اليوم واللحضه لانها دنيا وبنعيشها بحلوها وبمرها مو مصبرني غير ربي اكيد والصلاه والدعاء ربي لك الحمد