يا حريم المنتدى ((ان كيدكن عظيم)) خلنا نتعاون؟

[tota-tears]

السلام عليكم

يا بنات تكفون ساعدوني بالحيل زوجي رافض فكرة السفر يقول وفري فلوسج حدي متضايقة ابي اسافر مو راضي اشلون اقنعه لدرجة اني قلت له المصاريف كلها علي مو راضي يوافق معنا مسافرين من قبل ساعدوني ابي اسافر الكل هذي السنه حاجز يعني محد بظل من اهلي بالبيت غيرنا حدي بنقهر

 

[nouran84]

موضوع رائع شكرا على الموضوع


يسلموووووووووو​

​

​

 

[حربيه وبس]

سوي نفسج متضاايقه وحني عليه ترى الحنه لها فواااااايد وقولي له انت ودني ولو بس يومين واول ما يقتنع انتي مدديهم اسبوع وموفقه يارب

 

[• الْـڪَـونّتيسَـہٌ «]

لو اتنزيلينه بقسم الزوجيه اعتقدر راح يفيدونج أكثثر ,

 

[دمع القلوب]

ابجي حطي شدو احمرر عند رموش عينج التحتيه واعصري البجيه غصب وصدقيني اذا قال شفيج راح تبجين صج لا شعوريا

قولي الكل رايح انا ليش تحسسني اني ناقصه عنهم شنو مالي قيمه عندك ليش ما ترزني جدامهم وتبين غلاك هههههههههه

انا راح اسوي هالفيلم اليوم ويا رب يجيب نتيجه

 

[tota-tears]

يعطيكم العافيه على الردود بس المشكله ان عنيد وكلمته صعب يغيرها والمشكله الاكبر ان مواعدني ومسوي نفسه ناسي هذا اللي قاهرني بعد ما عشمني ووما خليت شركة طيران ما دشيت عليها وعقب مالقيت حجز بسعر خيالي يقولي ما في سفره
بس ان شاء الله بيوافق لانه ظني بالله ان شاء الله ما راح يخيب قولو امين
هو حبيب وطيب واحنا نستاهل غصب لازم نتفاءل

 

[aحلم عمريa]

ياقلبي صادقه دمع القلوب سوي مسلسل مصري عنده عشان يرحمج

وحني واذا ما تعرفين بس قولي لي ترا ان اكبر حنانه بالشرق الاوسط

وددددددددي لك^-*

 

[tota-tears]

والله انا ما اعرف احن وهذا اللي وداني ورى الشمس وخلاني اتنازل عن وايد اشياء
حلم حياتي
على ايدج نتعلم الحنه وان شاء الله ما تقصرين عمليني هذا النوع من الكيد

 

[tota-tears]

وينكم يا محبات السفر .. علمونا شنو مخططات الحنه عندكم
علموني تراني ما اعرف احن ويقولون الحنه تسوي معجزه صج عاد

 

[tota-tears]

سبحان الله وبحمد سبحان الله العظيم

 

[tota-tears]

up..,up..,up

 

[HaYoOoMa]

الحنه والتزعل والدموووووووووووووووووع
اهم شي الدموووووووع والحقرااااان والنفسيه عشان يوافق هههههههههه

لا لا بس صج صج حني .. وناقشيه اقنعيه
الرياال ما ايي الا بالحنه بس يبي يفتك راسه يعوره لووول

 

[@الليدي لين@]

حننننننني ولاشي يفيدج غير الحنه هههههههههه

سوي افلام تمسكني المهم تخلييينه يوافق


جنج انا اموووووت عالسفر :$

 

[lolly]

يمكن فيه فوبيا السفر؟!! او يخاف يركب الطيارة!! زمستحي يقول لج!! وايد ناس جذي

جربي تسافرين قروب مع ناس وسفرة منظمة ومرشد من المطار في الكويت ليما تردون الكويت او انكم تسافرون مع احد من اهلكم كلش كلش سفر سيارة

ما اقتنع روحوا شالية وفندق في الكويت و قوليله بتطير الفلوس هني او برا

 

[هدوءءء]

​

موضوع رائع شكرا على الموضوع


يسلموووووووووو

​

​

​

سؤااااااال محيرني شنو هو اللي موضوع رائع وجميييييييييل
كل الردووووووووود بكل المواضيع
((( موضوع رائع وجميل )))
وحده تقول عندي مشكله ؟؟ وين الجميل يانوران ؟؟؟

قولي اب احسن :eh_s(4):
​

 

[أم سيف وسلطان]

ماشي غير الحنه

وقوليله الفلوس طايره هني والا يرا خلنا احسن انطيرها على وناستنا

 

[tota-tears]

يعطيكم العافية صج انا ما نفع فيه الحنه ومافيه فوبيه سفر كل سنه نسافر عادي بس يبيني اوفر فلوس
مادري ليش وقلت له ان الفلوس طايره طايره وقهرته رحت السوق شريت 3 ساعات ماركه وجنطتين بقى يموت اسم الله عليه

 

[أم حسيب]

ان شاء الله يوافق في الآخر
بس خليج صبوووورة وحني عليه بذوووووق

 

[جوان 2020]

مثل حالتي بس انا موراضي اسافر برا وكل سنه يطلع حجه شكل بس السنه هاذي بحن عليه حتى يوافق
الله يعين

 

[tota-tears]

مشكورين على الردود
انزين شرايكم ماليزيا ولا تايلند ولا دبي