يا جماعه زوجي متغير اميه بالأميه شالحل

[يتيمة جابر العز]

ليش ما عندج إلجرآه !!

ليش هالسلبيه الي فيج !!

انتي مؤ قاعده تفتحين فون ولد الجيران ترا قاعده تمسكين فون زوجج

أختي لا تصيرين مغفله لاينقلب كلشي على راسج

وثقي تماماً الي تقولج لاتفتشين لا مؤ عيب مافيها شي فون زوجج حلالج شريكج شنو المشكله

لاتلعب فيه بنت ابليس ولاتسكتين على هالوضع صدقيني بعدها يصير شي مالا تحمد عقباه بنات الحرام على قفى من يشيل

ترا والله ناصحتلج وناقله همج طمنيني بعدها شنو يصير معاج

 

[orange blossom]

هلا حبيبتي
الريال من كلامج حسيته انه توه يهب بهالبرامج
و ما اعتقد انه عنده سوالف غيرها
لو اهو يبي يكلم غيرج جان سواها من زمان مو من البرامج
على العموم الله يهديه و يبعده و يبعدكم عن كل شر

 

[في قلب البحرين]

الله يهديه يارب ويبعد عنه بنات وربع ابليس يارب العالمين
والله هالبرامج الخايسه ماخلت احد
لو الواحد يدش وفي حاله هل بنات قليلات الادب
قليلات الذوق والتربيه يتعدون ويطيحون الواحد يعلهم يطيحون ومايردون يقومون
انا ماقصد ريلج تحديداً لا في بنات يركضون ورى اي احد وفي بنات يدورون المتزوج بالعماااااااااله مادري شهل برود وهي تعرف ان بتخرب بيت


الله يهدي ريلج يارب ويطمن قلبك ويبرد اعصابج اعرف شي صعب وكلامنا وشعورنا مابيكون مثلج ان بس ماحبيت اطلع بددون ماشارك ان شاءالله الحكيمات يفيدونج ​

 

[بكيزة هانم]

لصاحب ساحب شكله صديقه الجديد مدليه على هالسوالف ومو دليل ترا
مافي رجل الحين مو شابك نت على طول بس هم مو دليل
راي ادعي ان الله يبعد عنه صاحب السوء

 

[بحور العنا]

الله يعينك حبيبتي

اذا عطاك فلوس اخذي منه قد ماتقدرين والله في هالزمن الرجال مالهم امان
حاولي انك تهيئن الجو عندك في البيت اشغليه في قصص بينك وبينه تكلموا عن المستقبل اطلعوا تمشوا سينما مطعم اي شي المهم تشغلينه معك في اي شي لعل وعسى انه ينسى هالخرابيط شوي
والله يسخره لك يارب ويصلح حاله

 

[ماكواسم2]

عطيه وقته لمن يمل لان واضح داش دنيا جديده يسمع فيها ويبي يجربها وكل شئ له زهوته في البداية وانتي اهتمي بنفسج علشان هو عارف انج احسن من اللي يعرفهم علشان جذيه حاس بالذنب وانتي باسلوبج جذبيه

 

[دانة_ دبي]

الله يحفظج اختي و يحفظ لج زوجج
بس لا ادققييييييين عليه و تراقبين كأنج رادار متحرك ترى صدقيني بتتعبين نفسيا

و بقولج شي الحين اللي ف تويتر وانا مثلا عندي اكاونت اكيد في شباب و بنات بس طريقة الكلام و الاحترام ولو انتي ما سويتي فلوو غيرج بيسوي لج فلوو صح ولا انا غلطانة

بالعكس سوي لج اكاونت ف تويتر و خلج معاه و سولفي معاه و خلج ايجابية لا تحسسين زوجج انج تراقبينه
و حسسيه انج واثقة فيه و مأمنة عليه و معاه دايما يعني خلج عنده

الحين الشايب عنده اكاونت بتوتر

 

[انت مناي]

الله يهديه وييسخره لج

 

[أميـــرته]

اهم شي بتويتر لايضيف البنات
واذا هم ضايفينه طقاق فيهم
لان دام مو ضايفهم ماراح يكون في تواصل الا بالعام
وبالعام

والانستغرام
يخلي حسابه خاص
ومايقبل بنات وبسس


وانه مرافج مطلق
شنو يعني ؟
اامطلق مو مضبوط ؟
والا انه مطلق خايفه ؟


ومن ناحيه الفلوس
اخذيهم :/
وعقب فكري ليش عطاج خخخخ

 

[أميـــرته]

وحابه اقول شي
ترا احنا واتكلم عن نفسي
الانستغرام ادمنته
والله زوجي يمي ومبققه عيوني فيه

عادي



ترا مو شرط خرابيط

 

[سندرلا]

Upppppp ما قصروا البنات كلهم

 

[غلا الغوالي]

الله يفرج همك احسن حل ادعي ربك يصلحه
واستشيري اخصائي اسري
راح تلقين حل المشكله عندهم بإذنه
تمر عليهم مثل هاالمشاكل يوميا
:eh_s(17):​

 

[انيقه الملامح]

الريال متى ما نشف جييبه

مايقدر يطل ببنت


واذا طل

البنت عطته طاف



نشفيييييييييييييييييييه


اشتري ذهب و حجزي شاليه


وسافري وياااه


وسوي كل اللي بخاطرج

معاها 1000٪

 

[عيوني شقااقيه..]

الله يهدي زوجج ان شاء الله و يبعد عنه عيال الحرام و يسخره لج يا رب

 

[زوجة عزيز]

يبي يشتري سكوتج بالفلوس واضح انه يخربط ديري بالج

 

[شندوخه]

والله ياختي الريال شكله مستانس بنفسه مو اكثر
واعتقد انه مايفكر يرتبط بعلاقه بس عاجبه مدح البنات المشفح له
الحل سويلج انستغرام وقفليييييييييييييييه وكل مانزل صوره لنفسه مدحيه وبيني انه زوجج
مثلا ياحلو بو عيالي
فديتك يا زوجي الغالي

يعني يأسي البنات منه اتوقع هذا انسب حل
والله يهديه ويسخره لج ويبعد عنكم بنات الحرام

 

[zain alhla]

ايه حبيبتي مثل ماقالو البنات انتي طنشي ولا تنبشين شي من وراه
واهتمي في نفسج واطلعو واتمشو وغيري روتين حياتكم عشان ينشغل معاج
والله يهديه لج يارب

 

[سندرلا]

الله يهدي الجميع أنا هذا اللي سويته بطنش بس يراقب من بعيد و على قولة أمي انا ما مسكت دليل قاااااطع عشان اشرشحه و أن شاء الله أتكون كل هالسالفه أوهام و وسواس

 

[Bent AlNoor]

اذا السالفه يديده حقري و لا تعطين هم....يمكن يبي يعيش الجو...خليه فتره و كل شىء يبين

 

[ميمي..]

اهم شي الحين لاتخلينه يسافر لحاااااااله لو شنووو
وفتحي عيوونك عليه