يا جماعه الله يرضى عليكم ... ابي اسوي عملية وابي رايكم

[amoona_q8]

السلام عليكم..

انا عزمت اسوي عملية باي باس " تحويل مجرى المعدة "..مع اني ميتة من الخوف بس مليت من الرجيمات وحبوب التخسيس ..
مادري ....
شرايكم ...؟؟؟

بس انا قاعدة احاتي ..شلون على الحمل ......؟؟ و اذا في اثار جانبية ...؟؟
بليز .... اذا تقدرون تفيدوني ...
ابي ارائكم ...

شكرا :tek::tek:

 

[كلـــــي غنج]

انا بعد مثلج ودي اسوي .. اتمنى البنات يفيدونا ..

 

[ســكــّر]

الله يوفقج بس اتمنى قبل لاتغامرين بعمرج تسالين ناس متخصصه افضل هل ينفع ولالا
وهل فيها سلبيات ولالا

والله يعينج ولو من الافضل تستشيرين
وانا حبيت ارد وأرفع موضوعج

 

[شوارفسكيه حمره]

لالالالالالالالا ما ينفع

الله يعافي عيسى بشوور طقي ابرتييين والدهووون اللي فيج كلها ترووح

اووو اقوولج زورينا مادري شسمه شحلاته لوووووول

هالسوالف تضر حيل
انا عمتي طقتلها ابرتين عند الدكتور صارت اضعف مني كانت من الاوزان الثقيله 180
وطقت ابره برااسها وشعرها صااار وايد

 

[مناتي]

لا عاادي ماله شغل وحده من اهلي مسويه تحويل مسار صارلها سنه وحملت شهر 4 اللي طاف ولدت ماكو الا العافيه وسألي الدكتور نفسه اللي بيسويلج العمليه

 

[amoona_q8]

شكرا لكل من رد عليي..


انا اذا بطق ابرة يبيلي بالله جم ابرة ههههههه لان وزني فوق ال 100 انا بعد مو مقصرة من الاوزان الثقيلة
وبصراحة زهقت ابي اكون ضعيفة البس واكشخ
وهم دكتورة النسا تقولي ضعفي علشان تحملين ..

 

[amoona_q8]

انا بعد العيد انشالله بروح حق الجار الله اسألة لأن الحين ما بقى شي على العيد وما اعتقد في عيادات..
بس حبيت اسأل ناس مجربين لان المثل يقول اسأل مجرب ولا تسأل طبيب

 

[دعاني الشوووق]

ووووووووووووووووووووووووووووو حتى هنا بالسعوديه
ناس كثير سوتها وناس تبي تسويها
وانشاء الله ناويه اسويها 2010

 

[Nice Lips]

شووفي حبيبتي انا مسويه العمليه وسالت الدكتور قالي عادي احمل بس اكيد مو ورى العمليه على طول
بس الحمال والولاده ماله شغل بتحويل المسار لانه هذا له جهاز وهذا له جهاز
اللهم بوقت الحمال لازم تتغذين عدل علشان الجنين يعني فيتامينات وهالسوالف
واللحين حتى اللي مو مسوين العمليه ولا حمل ياخذون الفيتامينات يهتمون بالشعر والاضافر
استخيري
وتوكلي على الله
بس حبيبتي انتي مجربه الرجيم والرياضه ولا لأ
لانه انا يوم سويتها كنت مجربه دكاتره الكويت اغلبهم اذا مو كلهم حزتها
وكل شي جربت ماكو فايده
واخر شي سويته العمليه
وربي يوفقج يارب

 

[نــ..الوجود..ـــاادرة]

أنا أخوي سوا تدبيس المعده واليوم طلع من المستشفى ودكاترته تقول تحويل المسار ماينصحون فيها ألي صغار بالعمر وأكبر أستشاري بالكويت

الدكتور محمد العجمي أهوا ألي سواله العمليه والحمدلله عدت الأمور على خير

 

[amoona_q8]

انا جربت رجيمات ورحت لدكاترة سهير اللي عند عفاف الرومي وطالب الشمري و محمد ربيع
انا لما ضعفت قبل عرسي كنت ماخذة حبوب تايلاند اللي يكونون سبع حبات ياليوم جان سمعتي عنهم صج نزلت 25 كيلو عليهم
رحت نوادي ....جربت حبوب التخسيس....وايد اشياء

الحين اشوف الدنيا كلها تسوي هالعملية وعادي...
انا بس احاتي الحمل ..كل الدكاترة يقولون لي ضعفي وتحملين ..لدرجة اني سويت عملية حقن مجهري وصار معاي زيادة سوائل بالجسم على الرئة والكبد والكلى ودخلت العناية المركزة 3 ايام وقالولي كل الدكاترة ضعفي وسويها مرة ثانية ...ويا ربي ماني عارفة اضعف !!!! حياتي كلها واقفة على اني اضعف:tek::tek:

 

[amoona_q8]

Nice lips اذا ما عندج مانع ....
ممكن اسألج انتي متى سويتي العملية؟؟
وشكثر نزلتي ليلحين ... ؟؟

 

[فوفو00]

سويها وتوكلي عى الله نصيحة انا سويتها قبل وسنة ولله الحمد كنا وين وصيرنا وين

 

[q8teya2010]

انا جربت رجيمات ورحت لدكاترة سهير اللي عند عفاف الرومي وطالب الشمري و محمد ربيع
انا لما ضعفت قبل عرسي كنت ماخذة حبوب تايلاند اللي يكونون سبع حبات ياليوم جان سمعتي عنهم صج نزلت 25 كيلو عليهم
رحت نوادي ....جربت حبوب التخسيس....وايد اشياء

الحين اشوف الدنيا كلها تسوي هالعملية وعادي...
انا بس احاتي الحمل ..كل الدكاترة يقولون لي ضعفي وتحملين ..لدرجة اني سويت عملية حقن مجهري وصار معاي زيادة سوائل بالجسم على الرئة والكبد والكلى ودخلت العناية المركزة 3 ايام وقالولي كل الدكاترة ضعفي وسويها مرة ثانية ...ويا ربي ماني عارفة اضعف !!!! حياتي كلها واقفة على اني اضعف:tek::tek:

امونه حبيبتي
شنو هذي حبوب تايلند , ومن وين حصلتيهم

 

[عاشقة الكاكاو]

حبيبتي لا تعورين راسج ولا شي روحي حق دكتورسنع غير الجارالله طبعا وسوي عنده تحويل مسار

انا رفيجتي سوتها وتزوجت وحملت مافيها شي

بس مو عند الجارالله لان مره مريضه عنده دشت بغيبوبه خلاها وساافر

ماكو اهتمام بالمرضى طاااح حظه

روحي حق باسل السميط او خورشيد بس باسل احسن انا مجربته مسويه حلقه

والحين بشيلها واسوي تحويل عالاقل الرشاقه حلوة

واي سؤاال حبيبتي انا موجووده

 

[amoona_q8]

حبيبتي q8tya 2010

حبوب تايلاند هذول اللي قامو يبيونهم من تايلاند هبو فيهم سنة
2000

يكونون 7 حبات باليوم شي قبل الوجبة وشي بعدها وشي على الريج
بس كانو وايد خطرين وفي ناس ماتو بسبتهم

 

[شهدالعسل]

انا خالتي مسويه و نازله للحين 90 كيلو كانت وزنه 180 كيلو و خلال سنه 90 كيلو بس اول 3 اشهر تعبت وايد بس راحت منه ضغط و سكر ز نسبته الكليسترول نزل و هرمونات الي كانت تطلع بويهه نفس لحيه راحت و شكله اتغير وايد و عادي تقدرين تحملين و ما في مشكله بس دايما لازم تكونين تشاورين طبيبج و اذا وزنج فوق 140 كيلو انا انصحج و اكثر عمليه نجاخا في نزول الوزن بايباس

 

[amoona_q8]

مشكورين حبيباتي...

ما تقصرون ...

انا بشوف شالله يكتب.. وانشالله خير..
واذا سويتها راح اقولكم شصار

 

[بوسيcat]

انا بنت عمي قبل رمضان بفترة مسويتها تعبت وايد والله خاصة النفسية وكله تبجي وبعدين ترهل جسمها وايد واضطرت تسوي شد حق الجسم سوته قبل رمضان وللحينها تعبانه من عملية الشد موسهله العملية والحين تقول قبل انا كنت بنعمه وموحاسة فيها تحويل المسار صعب وايد بتعيش طول حياتها على سوائل البنت ماقامت تقدر تاكل التدبيس غير اخف بوايد0

 

[نسمه بارده]

اختي تكفين خليج علي الريجيمات ابرك
وحده نعرفها ماتت من هالعمليه وهي شباب وصاحيه مافيها مرض وغير جذي مسويتها عند دكتوووووووووور كبير انا الحين اخذ ريدكتيل واحس نزلت عليه رغم انه موزين
بس كله ولا العمليات غير جذي تصير ريحه حلجج خايسه من افرازات المعده وهالشي ماله علاج
غير ترهل الجلد وحده من اهل زوجه اخوي صارت اول شهرين تجنن روعه والكل تشجع يسوي العمليه بعد الشهرين جلدها ترهل جنها عجوز تخرع
ولاتشوفين جسمها وزنودها استغفر الله بالون مفشوش
وسوت نفخ لويهها بس مافي فايده خطوط عميييييقه وانا قلت لج الي شفته بكل امانه وانتي حره عسى ربي يوفقج بكل مقاصدج