يا ترى منو هذيل؟؟؟؟؟(اتمنى توضحون لي)

[عاشقة ليلى مراد]

السلام عليكم ورحمة الله وبركاته

قوه بنات شلونكم شخباركم اتمنى انكم تكونون بخير وتقبل الله صيامكم وقيامكم وعسى الله يبلغنا ليلة القدر قولو امين

المهم ادش بالموضوع:

طبعا كلنا نعرف البدون بالكويت الي اهم من غير محددين الجنسيه وكلنا سمعنا عنهم وعن الظلم الي يتعرضون له

ابي اعرف يا بنات من هم البدون؟؟؟؟؟ يا ترى ليش مو معطينهم الجناسي ؟؟؟؟؟ هل اهم مظلومين ولا لا؟؟؟؟؟

في ناس يقولون لي انهم مو مظلومين وجذاذبه ويايين من العراق وايران وشققو جوازاتهم وهوياتهم وقالو احنه بدون

اتمنى توضحون لي من هم البدون وجم عددهم او وين يعيشون وهل اهم مظلومين ولا جذابين وليش مو راضين يعطونهم الجناسي؟؟؟؟؟؟؟؟؟؟

اتمنى توضحون لي ومشكوريييييييييييييين:eh_s(7):

 

[غَـنْـجَـى و دَلـوعْ]

الموضوع متشعب حده و معقد و متراكب و كل كلمة صعبة حطيها كوصف له
اللي أقدر أقوله ألحين في منهم شق مظلوم لكن الشق الآخر هم ظالمين نفسهم بنفسهم

و لا ننكر إن فيه واجد منهم يستحقون الجنسية
يمكن أكثر من بعض اللي يتجنسون هالأيام و اهم مو كفو حتى إقامة بالكويت


طبعا ً بتقولين ليش اهم ما تجنسوا وقت التجنيس و فكوا عمرهم ؟
لأنه بذيج الأيام كان فيه جهــــل و أميّة كبيييييييرة
و واجد ناس رفضوا الجنسية على إنه وجودهم بهالأرض و شغلهم و عيشتهم فيها
دليل على انتماؤهم :q8: و هذا اللي وهقهم ..

الحمدلله الذي عافانا مما ابتلاهم به و الله يرفع عنهم ابتلاؤهم و يعينهم !

 

[غَـنْـجَـى و دَلـوعْ]

اللي أعرفه واجد منهم يعيشون بالجهراء و بالصليبية عاد ما أدري إذا فيه بمناطق ثانية و لا لأ ..
و عددهم كبير بس ما أذكر صراحة جيكي على تصريحات أعضاء مجلس الأمة اللي تتعلق بهالقضية
لأنهم دايما ً يذكرون عددهم ..

 

[miss-Dior]

يا حبيبتي صكري الموضوع احسن ..