يا ترى شنو نهاية قصتي مع شريجتي؟

[كتكوته22]

ليش كتبتي هالكلمتين وعلقتينا جان قعدتي من النوم وكتبتي مره وحده

 

[السلطآنه]

نصيحه انتحري اول ماتقومين من النوم .. حلوه ازوجه ماكو شغل ؟

 

[خذاني الشوق]

ياكرهي للتقطيع

 

[noo7a]

اكره هالحركات

 

[سنفوره8]

up up up up up

 

[حورية الجنه]

وينج ناطرينج

 

[noo7a]

ملخص القصه للي مو قادره تنطر مثلي



http://q8yat.net/showthread.php?t=664973&page=3

 

[عنود الريم]

bbbbbbbbbbbbbbقولي والله

 

[إيمان قلب]

قهر قهر قهر ترا انا ما نمت وقعدت اكلمها وما كان قصدي

اقطع لقصه
بس لاني كل يوة اقول باجر بكمل

فقررت اكتب جزء و بعدين اكمل

توني كتبت ثلاث ارباع القصه

جان ينلغي

 

[عادت ذكرياتي]

أبييييييييييييييييه حدج نكتة!!!!
شنو كاتبة يمكن 5 أسطر عقبها ياتج النومة خخخخخ

 

[حجيه هيونه]

رد : يا ترى شنو نهاية قصتي مع شريجتي؟

صح النوم لوول


ياختي ترا ممنوع جذي لايحذفون مووضوعج

 

[Lechi]

رد : يا ترى شنو نهاية قصتي مع شريجتي؟

انتي اصلا بارده امبين من نومتج بنص الموضوع للوحده اذا بغت تقول مشكلتها تكتبها بقهر اشدعوه ياتج النومه عالعموم ناطرينج sleeping beauty

 

[إيمان قلب]

المهم انه لما كنت اقوله ليش تزوجتي علشان تتزوج علي

كان يقولي لا انا اخترتج علشان اخلاقج و دينج

واهو كان يبي موصفات خاصه طول و شعر و بياض

وجسم وانا حيل عاديه مو طويله و حنطيه وعاديه

المهم اني قلتله انزين اخاف ما اقدر اتحمل

كان يقولي صبري و تلقينها عند رب العالمين

اهو الي بيصبرج

لأني والله احبج صارحتج ولا اقدر اسويها من وراج

المهم يا بنات اني كنت اموت بجي ويقولي و الله احبج

بس و الله محتاج اتزوج الله يعلم ليش و لو تعرفين ابتعذريني

وصار على زواجنا تسع شهور و ما حملت

المهم حجزنا علشان نسافر احدى الدول العربيه

والقهر انه السفره كانت على احسابي

ادري بتقولون مينونه

لأني أنا لي يومكم كل ما أذكر أموت حره على عمري

وكان المهر بعد على حسابي.

المهم لما وصلنا اهناك

كان معاه لسته بأسامي الخطابات

وكنت اصر عليه اروح معاه على شان اشوف العروس

كان يقولي اخاف ما تتحملين

كنت اقوله مالك شغل انا بروح

 

[إيمان قلب]

كنت اتنتقش انا معاه هناك

اقوله قولي شنو ناقصني اعدل على عمري

شنو تبيني اسوي لك

كان يقولي والله مو ناقصج شي كامله و الكامل الله

تلبسين لي و اطيعيني مو مقصره معاي

بس محتاج اتزوج

المهم بدى المشوار وقمت اروح وياه بعض البيوت الي

راحلهم مع الخطابه

واشوف الشقره ة الحمره و العطره

ونسيت اقولكم ريلي حيل حجر

يعني لا روحات ولا ييات و لا مجمعات

اللهم طلعت بحر لا و بس وياه


ويبي وحده ترضى بشروطه الخاصه

المهم الي رحت وياه نخطبهم ما صارله وياهم نصيب

في مره خلاني عند ناس من اهلنا هناك

وراح يكمل مشوار خطبته

واعجبته البنيه

وبنفس اليوم قالوله اهي لك خلاص وما نبي مهر و هالسوالف

واحنا شارين الريال

المهم تمت الخطبه

و الحين تبدى قصتي الحزينه

يوم يه من الي خطبها

قالي خلاص انا ملجت

اهني انا انهرت( حده تو الناس توج تستوعبين )
ياحسرتي على عمري

قمت ابجي و قلتله خلاص طلقني ما اتحمل وقمت اصرخ

واهو هني قام يلمني و يقول تكفين لا تهديني

انا اذا هديتيني اموت

قلتله لا العروس راح اتنسيك ايمان

انهار وقام يبجي مثل اليهال لا تهديني

و الله ريلي متناقض لا تهديني بس ما اقدر لازم اتزوج

صبري

المهم ايمان انكسر خاطرها

وقلت خلاص بحاول اصبر

المهم تمت الملجه قبل رجعتنه الكويت بيوم

ورجعنه الكويت وبدا يكلمها كل يوم وانا قاعده بناري

​

 

[إيمان قلب]

​

بعد ما رجعنه

كان يكلمها بشكل يومي

وكانت تطلب منه فلوس

مره اشترلي تلفون

ومره بسوي عرس و اشترلي ذهب

قال ما عندي اشتري ذهب

شرالها هدايا هدوم و اكسسوارات

وقالتله لازم اتيي و تعطيني فلوس بسوي عرييس

وسافرلها على انه بياخذها

لما راح البيت الي وصفوه لقاهم مو بهالبيت

واعدوه بمطعم قالو قاعد نصبغ بيتنه

وخذو الفلوس 


المهم وعقبها قالتله ما اقدر اسوي العرس الحين

وما اقدر اشوفك لين نسوي عرس و يصير الشي علني

ورد اهو الكويت عن طريق البر

اول ما طلع من ديرتهم

جان اتدق علي ام العروس

وتقولي و الله احنا بنحبك و مو هاين علينه ناخذ زوجج منج

وخلاص بنتركلج اياه

بنتي مو هاينه عليها انتي

طبعاً ريلي ما كان قايلي انهم خذو همجه منه

الزبده انهم انصبو عليه

دقيت و قلتله شصار واهو بطريج الرده بس ماكو فايده

عطوه واحد صفر

وسكرو اجهزتهم

مات قهر

وحمد ربه انه ما تزوجها رسمي يعني مو على ورق

يا بنات صبركم علي قصتي طويله و ما خلصت

انتظروني. *

 

[فراولة شريرة]

رد : يا ترى شنو نهاية قصتي مع شريجتي؟

اصراحــــــــــــــــــــــــــــــه لا تزعلين بس انتي غبيه !!

في وحده تروح تقط روحها بالنار !!

شنو يعني قوله يا انه يالي بتاخذه وانه مستحيل اقعد معاك ومعاش شريجه !!

بعدين اذا صارت اهيا اليديده بتتحكم في عقله وقلبه وبتغيره عليج وجوفي اي قصه مأساوية تنتظرج

اقولج عرررررررررررفي اسبابه احسن لازم تعرفين الاسباب ترى انتي جدي مثل الرمله الي يمشيها الريح بكيفهـــــ!!!

لا تسكتين ولا تدوري له يا حظي والله قهرتيني وهذه ريلج يبي له طق من قلــــــــــــــــب

 

[مي الحلوة]

رد : يا ترى شنو نهاية قصتي مع شريجتي؟

الله يعينج.. بس ياليت تكتبين القصة مرة وحدة وتنزلينهااااا ماله داعي التقطيع..

 

[إيمان قلب]

خلاص يا بنات ولا تزعلون بكتب القصة باذن الله باجر بالدوام اكون
فاضيه بكتبها كلها و بعدين بنزلها عذروني
و الاخت الي تقول الي غبيه مشكوره وما قصرتي
و الله مو قصدي اقطع بس ريلي يه و ما راح اعرف اكتب
واهو يمي و لهيت مع عيالي بكتبها كامله

بعدين بنزلها
واذا بيلغونها مو نصيب اكتبها

اراكم على خير مع السلامه

 

[q8ya-barby19]

استغفر الله والله اني عرفت الجنسيه هذي
وانتي ماعندج سالفه بس ماتدرين الخيره وين
الله يعقل ريلج لج

 

[q8ya-barby19]

استغفر الله والله اني عرفت الجنسيه هذي
وانتي ماعندج سالفه بس ماتدرين الخيره وين
الله يعقل ريلج لج