يا بنات .. طلع الكلام صح لوووول .. حبوا نفسكم حبوا نفسكم هههه

[( مي )]

قوة














امس ما ادري شياب الطاري ،، بوسط السوالف مع زوجي
جان اقوله انا صايرة مغترة بروحي واضحك
يقولي ليش بالله ؟؟
اقوله صايرة احب شعري ،، احب روحي ,, احب شكلي ونفسي وجسمي
احس روحي حدي عاجبني نفسي

جان يتشقق ويقولي
كفوووووو والله
الريال شيبي غير جذي ؟؟؟؟؟

قلت له ليش ؟؟ الريال تعجبه ان زوجته تحب نفسها ؟؟
قالي اكيد

خل اقولكم عن الخلطة المطلوبة للأزواج ( سميته الخلطة السرية ) :eh_s(22):
الريال يبي زوجته تحب نفسها وواثقة من شكلها وروحها
ما تقول جني متنت ،، جنه شعري ما ادري شفيه ؟؟ جنه بشرتي انشفت ؟؟ جنه كرشتي كبرت ؟؟ جنه يبيلي عملية تجميل ؟؟

يبيها واثقة من روحها وثقيلة مو خفيفة منقوزة ،، بس وقت اللي خبري خبركم تقل روحها قل على زوجها وتسوي كل شي وبذاك الوقت تكون خفيفة مو متيبسة ومتحطبة ورسمية



قلت له كل الرياييل جذي ؟؟
يقول اكيد معظمهم واكثرهم يحبونن هالخلطة لووووول ماكو ريال يحب المرة المنقوزة ,, ولا في ريال يحب المتسمته وقت الهذا ذاك شسمه لووووووول



فيا زوجاااااااااااااااات
حبوا انفسكم ،، طلعت الدراسات اللي نسمعها بضرورة ان الزوجة تحب نفسها عشان زوجها ينجذب لها مو خربوطة ولا مجرد كلام

طبعا اكيد في دراسات ما تنطبق على الكل بس اتمنى انها تنطبق على اكثرنا ​

 

[Pretty Petite]

أنا أمشي و أقول

حظك زوجتك حلوة

واي ليش انا حلوة

واي اشحلاتي صايره

لوووووووووووول

بس ساعات قليلة اتحلطم واي صايره اشمتني زايده كيلو!!! واي ما نزلت الكيلو!!! واي لا يزيد الكيلو!! <--- واي حايشني وسواس!! مابي امتن بس لو الله يفكني من هالوسواس.. اصير اكثر وحدة تمدح روحها لووووووووول

 

[brettey]

اي حبيبتي عدل كلامج انا كله امدح بروحي جدامه عشان ما يغتر وانا زوجي ابيض ومملوح بس انا سمره قمحيه ومو غرور اجمل منه بشهاده الكل وساعات يطفرني شوفيني انا ابيض شوفي اشلون ابيض وارد عليه اي السمار ملح وقبله انا صج سمره بس اجمل منك والحق ينقال بشهاده احمد ربك ان الله رزقك بوحده حلوه مثلي
انت صج ابيض بس موذاك الزود
طبعا اطفره بس دايما امدح بروحي جدامه لان انا تعودت من صغرتي انا حلوه وانا جميله مع اني للامانه اشوف نفسي عاديه بس ما ابين هالشي لاحد
وصج عن تجربه الي تمدح بروحها عند زوجها يحترمها اصلا زوجي عمره ماقال لي سوي رجيم لان شايفني حيل واثقه من نفسي من ناحيه الشكل
بس الصراحه يبيلي اضعف وايد لان يوم خذاني كنت عصله بس عقب ولد الثاني بديت انتفخ والحين حامل وباذن الله عقب الولاده بسوي رجيم بس عشان نفسي اولا الصحه واقدر البس الي ابيه وثانيا عشانه

 

[frketa1]

كلامج صح 100% شكرا يا حلوة

 

[صخر جلمود]

حبي نفســج يحبج الكـل

مو بس الزووج

 

[كويتيه مذهله 87]

انا عكسكم ماأحب نفسي ودي أصير احلى من جذي بكل شي بس ما اذم روحي قبال ريلي

 

[قهوة برية]

حزب الطماشة
طال عمرج

 

[شقرديـه عالطل]

يعيش حزب الطماشه
ومنكم نستفيد

 

[FeShinGoOo]

كفو والله
وصح الريال يحب مرته واثقه وساعات ساعات مغروره

 

[ياملحي]

يعطيك العاافيه

 

[** باربي **]

لي عوده

 

[حبـ admant ـك]

عدل كلامج

 

[لجين]

والله صح كلامكم

انا من تزوجت كله اقول حق ريلي

لا انا ما احب اشرب الغازات

لاني جسمي حلو واخاف يخرب

.. وانا احب الجنزات لان جسمي حلو ولايقه علي

ومن هالكلام واحب اشتري من محلات معينة

حتى لما اخذه للسوق .. اوديه للغالي

.. وفجاه رحنا بالغلط لسوق الجهرا

وحده امدحتلي كفر ياليتني ما رحت

>>> لاعت جبودنا

ومسك علي كلمة طول الطريج

اي مو مستواج ..

ولي اليوم ما يوديني الا اماكن كشخه وغاليه

وينحرج مني لووووووووووووول

والكلمة الشهيره .. طبعا مو مستواج

 

[حليبه]

صاجه

كله اقول يا حظك انك خذيتني

 

[الريشة]

اكيد كلام ناعمة الهاشمي مو خرابيط و مبني على أبحاث و تجارب
بس همن الوحدة لازم ما تغتر بنفسها وايد
لأن الرسول عليه السلام قال:
" لا يدخل الجنة من كان في قلبه مثقال ذرة من كِبَر."

و الريال يحب زوجته تكون واثقة من نفسها و تتدلع و تهتم بنفسها.

 

[miss swan]

نفس كلام ريلي يموت بمداحة نفسها
واول ماتزوجت نصحت مره ريلها يموت فيها مشالله الله يتمم عليها قالتلي
حبي نفسج ريلج يحبج
دللي نفسج ريلج يدللج
وانا شايفه كلامها صح100%

 

[وجدان الكويت]

صح كلامج

حبي نفسج علشان ريلج والناس تحبج

ولهنا على مواضيعج مي

 

[( مي )]

عاشوا عاشوا
جميلات ورشيقات المنتدى

ههههه

بنات حتى لو بينا وبين نفسنا يبيلنا رجيم
كنت انا اتحلطم جدامه على نفسي
الحين هونت
خلي تحلطمج بينج وبين نفسج لووول

وترى السالفة صارت صدفة لووووول مو من معرفة او خبره
يعني الكلام اللي كنت اقراه ماكان يخطر على بالي الا لما شفت ردة الفعل

 

[جوري وبنفسج]

السلام عليكم

أنا ماشية على هالقاعدة طول عمري

لأن معروف أن الصورة اللي تأخذها عنج الناس تكون نفس الصورة اللي أنتي مكونتها عن نفسج

والواثقة من نفسها تحس الناس بثقتها

وحتى لما تنتقدج الناس طالعيهم بنظرة كلها ثقة مع أبتسامة كبيرة وبيني لهم عكس رأيهم اللي هم شايفينه فيج ​

 

[.،:"$الـعـوبــــة$":،.]

ياحلو مواضيعك يامي ،،
هالكلام صح مليون مرة مو بس لأني أطبقه على نفسي مع زوجي ،
لأني اعرف وحدة وربي شقول الله يستر علينا وعليها !! وزوجها يموووووووووووت فيها !!
ووحدة ثانية ملكة جماااال ملكة جمااال ! بس ماعندها ثقة بنفسها !
كل يوم تجي تقول زوجي قول لي كرشة وهي والله العظيم منيكان !
يقولها ليش مو صافيه مثل الاجنبيات وهي وربي شحلاتها !
واقولها منك ! انتي ماعندك ثقة بنفسك !
وزوجها عليه جكر الدنيا !!
شي يقهر وربي !
وأنصح الكل يطبق هالشي وهي الثقة بالنفس مو بس المدح ،​