يا بنات ضايقه فيني الوسيعه ,, الشخص اللي احبه من جم سنه تزوج :((

[أم الغاااالية]

الله يريح قلبج

 

[ربيعه]

يا ريت تعتبرون من هالعلاقات هذي حرام بحرام والله ماراح يوفقج لو اخذتيه

مافي احلا من الحلال وانطري قسمة ربج ليش هالتعارف اللي ما وراه الا الفضايح والبلاوي

 

[كســـرني غيـابه]

وربي قطعتــي قلبـي ....
ياعمـــــــري انتي إذا ربي حرمنا من اللي يعطينـــــــاااا ...
مو كل شي بـ هالدنيـــاااا تبينـــه وتحبينه تاخذينـــــه..!! >> عن تجربـــــه

عسى ربي يعوضج بلي احسن واطيب منه ويااا علهـــــــا خيره ....

 

[mizyana]

حاسه فييج يا بعد عمري بس اللي باعج بييعييه و كلا ادعي ربج ان يطلعه من قلبج

 

[شــــــــــــــوقــــه]

والله حاسه فيج

بس راح تنسين صدقيني

و عسى ان تكرهوا شيئا و هو خير لكم

ما تدرين يمكن الله شايف انج ماراح ترتاحين و يبي راحتج

حبي الله بس و راح تتوفقين ما اعتقد في احد راح يحبج كثره

 

[(( أم نــونــا))]

شكو تدقين عليه وتشوفينه

الريال تزوج وان شالله ربي يهنيه بزواجه
واحد مايبيج تقطين نفسج عليه ليش
لو يبيج باع الدنيا واشتراج
حاله حال غيره

بس هو حاله حال كل رجل عاقل لما يفكر يبني اسره وييب عيال
بيفكر ياخذ المرا اللي يثق فيها وتصونه وتحافظ على عياله وبيته
مو ياخذ وحده مثل ماطلعت معاه بالحرام بتسوي اكثر من جذي مع غيره بالحرام بعد
ورجاء فكيييييييييييه من شرج وفكي مرته من شرج
مالج شغل فيهم

لو يبيج يعرف شلون يلقاج بس مايبيج
تعرفي على غيره ودام الشيطان زين الحرام بعينج راح يزين بعينج كل شي حرام بتسوينه

 

[$ فراولة $]

الحال من بعضه ياقلبي
بس

 

[AnGel GirL]

شكو تدقين عليه وتشوفينه

الريال تزوج وان شالله ربي يهنيه بزواجه
واحد مايبيج تقطين نفسج عليه ليش
لو يبيج باع الدنيا واشتراج
حاله حال غيره

بس هو حاله حال كل رجل عاقل لما يفكر يبني اسره وييب عيال
بيفكر ياخذ المرا اللي يثق فيها وتصونه وتحافظ على عياله وبيته
مو ياخذ وحده مثل ماطلعت معاه بالحرام بتسوي اكثر من جذي مع غيره بالحرام بعد
ورجاء فكيييييييييييه من شرج وفكي مرته من شرج
مالج شغل فيهم

لو يبيج يعرف شلون يلقاج بس مايبيج
تعرفي على غيره ودام الشيطان زين الحرام بعينج راح يزين بعينج كل شي حرام بتسوينه

لاحول ولاقوة الا بالله
حبيبتي يا تقولين خير يا تسكتين
شنو تعرفي على غيره
انتي قاعده تحثينها عالغلط وشنو يعني الريال بياخذ بنت نازله من السما ماغلطت بحياتها
حبيبتي الطيبون للطيبات والخبيثون للخبيثات
اذا اهو انسان خبيث وقلبه خبيث شلون بياخذ وحده زينه وحتى لو كانت زينه وربت عياله عدل اللي سواه ببنات الناس دين وراح يرد على بناته

واختي صاحبة الموضوع انا عجبني اكثر من رد لبنات ماشالله تفكيرهم حكيم راح احطه لج بخطوات عشان تنسين


ما حطيتي في بالج إن هالإنسان خاااااااين!! عشمج وعقب تركج وقالج نصيب!! وهذا ويههي إذا عقب جم شهر إذا مل من المره إذا ما رجع يتصل ويقولج أحبج ومن هالخرابيط!!! والله تحذري يلعب بعقلج وتضعفين!
علاقه بنيت على خطأ نهايتها خطأ وبعد فتره لما يشبع من حياة الزوجيه يرجع ويتصل ويقول انا احبج غصبن عني سامحيني
ماخذج تسليه وانجاز وقت ووناسه (( اتخذي القرار من الان ))


هذا خاين وأناني لا تفكرين بسعاده عشتيها معاه لأنها سعاده وهميه وغلط

ترى رب العباد ما ينزل المصيبه إلا أنزل قبلها الصبر على عبده. وهذا إختبار ودرس لج

والكلمه اللي كنت بقولها لج قالتها اختي داعيه الى الله
صغيرتي ابدلي حبه بحب الله تجدين السعاده والمتعه والراحه وسوف تأتيكِ الدنيا رغما" عنها
(( من ترك شيئا" لوجه الله بدله بأحسن منه ))

انا ماراح الومج على اللي سويتيه لج رب يحاسبج وانتي تعرفين الغلط من الصح الحين دورنا ننبهج على اللي قاعده تسوينه بعمرج
اهو يستاهل انج تضيعين لحظه من عمرج عشانه ؟ يستاهل دموعج .؟ يستاهل انج بكل يوم تموتين الف مره ؟ قلبج قاعد يتفتت على شنو ؟ لانه تزوج والا لانج حاسه انج غبيه وانقص عليج (سوري على هالكلمه) فكري شوي بالعقل لو كان يحبج صج تتوقعين تزوج ؟
حبيبتي لا تتأثرين بافلام الرومانسيه ترى الواقع غير والشباب همهم وناستهم وبس ونادرا ماتلاقين واحد يحب من قلبه ويخاف على اللي يحبها
بالبدايه لو كان يحبج جان ماعرضج للقيل والقال وطلع معاج ولا سمعج كلام امه
حمدي الله على هالابتلاء وصبري وابتسمي وطلعي من قوقعتج محد يستاهل تنزلين دموعج عشانه وخلي دموعج عزيزه للي خلقج تضرعي له بكل وقت وابجي خوف من عذابه وعقابه لج
بدلي حبج لهالشخص الخاين بحب ارقى واعظم خلي حبج لله اكبر وبتشوفين شلون يصغر هالانسان بعينج
لا تفكرين بأمس ولاتفكرين بباجر اذا تبين تعيشين السعاده والراحه فكري بس بيومج فكري تعيشين يومج باللي يرضيج ويونسج ولا تفكرين لو لحظه وحده انج تتجهين لشي غلط صدقيني السعاده والراحه ماراح تكون بشي يشوه سمعتج
اشتري راحتج وكل مابتنزل دمعه والا بتحسين بضيق فكري بأي شي يسعدج أو فكري بحلم ودج تحققينه وقطي كللللل شي يذكرج فيه ومثل ما العافيه بالتدريج النسيان بالتدريج وبتنسين كل شي اوعدج بس بشرط انج تقطين كل شي وتصفين عقلج منه ومن ذكرياته الوهميه
والله يعوضج انشالله باللي احسن منه اللي يخاف عليج ويعينج على طاعة الله

 

[om Firas]

الله يفرج همج يااارب

 

[queen pink]

الله يفرج همج ان شاء الله

 

[رتو الكيوت]

غبيه لو تضيعين احلا ايام عمرج علشان واحد !

انتي مافقدتي ام ولا ابوج ولا اخوانج الي مايتعوضون !

فقدتي واحد بداله الف مو اهو لحاله بهالدنيا في الي احسن منه وفي الي يستاهلج اكثر منه


هو مستانس ولادرى عنج وانتي تحوسين مضيعه عمرج

عيشي عمرررج بسس كم مره الواحد بيعيش ؟؟؟؟؟؟؟؟

 

[ماحدا لحدا]

أنا كنت مثلك حبيته كان كل حياتي وعدني يبقى لي لو مهما العمر طال بس ياخساره مرة الايام وسنين بيني وبينه وجا يقول لي أنا بتزوج كانت صدمه لي وقالي ياريت نكون أصدقاء وبس

تمنيت اني اكون بحلم لين سمعت هالكلام لا ماصدق حبيبي يتزوج

بتسألوني ليش ماتزوجني ؟

لانه كل سنه يقول هالسنه بتقدم لج طبعا أنا مصدقه وصابره لاني أحبه معميني الله وانعميت

تألمت وايد فالبداية عانيت بكيت ماكنت اقول الا حسبي الله ونعم الوكيل

كملت دراستي الجامعيه وتخرجت واشتغلت كله عشان انسى بس ماقدرت أحبه

حاول وايد يكلمني بس عزة نفسي منعتني وماكنت أرد غيرت رقمي عشان لايحاول يوصلي

كل شي يذكرني فيه رميته بس الا شي واحد

ماقدرت هو الذكريات ايه الذكريات مستحيل نقدر نرميها أو نشطبها من حياتنا



يارب سامحني وعوضني خير

 

[بيرلا ستور]

ربي يعوضك مثل ماعوضني
قصتك قريبة مني
وربنا مابينساكي
بس الماضي رح يبقى ببالك وهو اللي هيقويكي

عيشي حياتك وبسسسسس
الدنيا كلها رايحة

اي شي تبينه راسليني بقويكي وبخبرك قصتي حتى تعرفي في قصص اشد الم من قصتك

ربي يقويكي

 

[تيوليب]

اااااااااااه ياقلبي علييييييج والله والله حاسه فيييج ... اقووووولج انسي انسي انسي ... هالعمر ضااايع منج وانتي اللي بتحسفين ... عيشي حياااتج لا تقعدين بروووووووووووحج .. لاتسمعين اغاني حزينه اللي يابه اييب غييره عن تجرررررررررررررربه

 

[غنج اهلها]

 

[ام القمرالمطيري]

حبيبتي الرجال مايمنعه شي عن الزواج بالي يحبها الا رب العالمين

ودام انتي تبينه صدقيني كل الاعذار كذب بكذب

واشكره يقول انتي اكثر وحده حبيتها من الي عرفتهم مفروض من عرفتي انه يعرف واجد قبلج تاكدي انه ماله امان وقال لهم نفس الكلام

وهالطريق الي كنتي مختارته مايجيب الا الغثا والدمار

واعذارهم معروفه ماكونت نفسي اهلي رافضين ماعرفتج عدل وسخافتهم ماتخلص بعدي عن هالطريق وريحي راسج

احمدي ربج الي افتكيتي منه وتاكدي زوجته نفس طينته وخياسه

 

[سفرجل]

الله يصبر قلبج يارب مومن نصيبج حبيبتي والله يعينج
دام اهو قدر على نسيانج انتي بعد تقدرين بس يبيلج وقت حبيبتي

 

[q8engineera]

رد : يا بنات ضايقه فيني الوسيعه ,, الشخص اللي احبه من جم سنه تزوج (

الله يعينج

 

[هيبة ملك]

عمرهم مايتزوجون وحده عرفوها قبل الزواج

ياقلبي هم يلعبون إيه لكن زواج لا

تلاقينه عايش ومستانس يمكن يحب لج بعدين

لكن لاتخلينه يضحك عليج مرة ثانية ويخليج لعبة بيده

حضرته متزوج ومتهني وأنت معاه للمتعة دري بالج

والله يعوضج بخير منه

حمدي ربج أنه فكج منه

 

[مذهــ ksa ــله]

رد : يا بنات ضايقه فيني الوسيعه ,, الشخص اللي احبه من جم سنه تزوج (

حبيبتي اول شي تذكري الايه ((وعسى ان تكرهوا شيئا وهو خير لكم وعسى ان تحبوا شيئا وهو شر لكم والله يعلم وانتم لا تعلمون ))
ثانيا ترا الحاله اللي انتي فيها صدقيني حاله مؤقتتته لانها صدمه بالنسبه لك مع الانسان اللي ماعرفتي غيره وحطيتي امالك عليه
بس ترا الدنيا ماوقفت عنده
وربي خيرررره ماتدرين وش اللي ربي كاتبه لك في الايام الجايه ماتدرين لو انك ماخذته وش راح يصير ياما بنات تزوجوا رجال يحبونهم وحياتهم صار مافي اسوأ منها والعكس
وربي مايظلم عباده يمكن ربي كاتب لك رجال احسن من هذا
يارب يجبر كسرك ويرزقك من حيث لا تحتسبيييين
وكثررري من الاستغفاااار
الله يفرج همك ويشرح صدرك حبيبتي