يا بنات الاجاويـــــــــــــــد بغيت طريقه العصيده للنفاس

[! بنت العاشره !]

مرحبا خواتي ابي عصيده ميه ميه للنفاس الثقيله بالسمن وكل شئ

كيف طريقتها :tek:


وسؤال معترض كم يوم تاكلونها بس اول عشر ايام والا ليمتى

 

[جارة القمر]

تفضلي طلبج

المقادير ...
كوبين طحين ( محمر ,مشفشف , محمص ) اكثر من تسميه له بس اهم شي يكون لونه فاتح
مب غامق ...
كوب سكر ( يعادل 5 فناجين سكر ) لاتقولون وايد لانها تحتاج سكر ولا بتطلع ماصخه
الماء ( عباره عن 6 اكواب ماء )
ملعقه كبيره زعفران منقعه بفنجان ماي ورد , ملعقه هيل مطحون
دهن او سمن مب زيت ..حلاته مع الدهن القطري يمي يمي


الطريقه :
نحمر السكر على النار لين يصير لونه عسلي اهم شي لايحترق
نضيف عليه كوبين ماء فقط ..ونخليهم يطبخون لين يذوب السكر تماما

طبعا الطحين جاهز ومشفشف ... انخليه عشان الكتل تروح منه وضيفي عليه 3 اكواب
ماء وحركيه وخليه على جنب

اول مايطبخ السكر والماء عدل ضيفي ماء الورد والزعفران والهيل
...ومن ثم ضيفي الطحين ( الي خلطيته بالماء ) ضيفيه كامل مع الماي حقه

طبعا اول ماتضيفينه بتلقينه يغلظ حركيه ..وزيديه كوب ماء ( هذا اخر كوب )
وقعدي حركيه ..وخليه على نار هاديه ..وحطي الدهن عليه تقريبا مقدار ملعقتين طعام
او اكثر على حسب الرغبه ... اذا حسيته يحتاج سكر زيديه لان حلاته بالسكر

وبعد 5 او 10 دقايق سكري النار وقدميه وهو حــااااااااااااااار ولو بغيتي حطي علي الوجه
شوي دهن ....وتمتعي بالطعم الرهييييييييييييييييب ..

 

[جارة القمر]

طريقة ثانية


المقادير:

ثلاث كوب ماء
نصف كيلو تمر
نصف كيلو دقيق
زبدة
نصف كوب سكر


الطريقة:

- اغلي الماء و التمر جيداً ثم صفيه لتحصلي على سائل .
- احمسي الطحين ثم ضعيه على سائل التمر و اخلطيه جيداً .
- ضعي على المزيج السكر و القليل من الزبدة حتى يعطي لمعة .
- ضعي المزيج على نار هادئة و دعيه حتى ينشف ماءه قليلاً ثم اخلطيه بواسطة خلاط الكيك (استخدمي العصا السميكة ) .
- صبي العصيدة في الصحن و ادهنيها بالزبدة .
- اصنعي حفرة في وسط العصيدة بالفنجان الصغير للزينة ,و تقدم .


منقوووووول

 

[شيهانه]

بنات ما تعرفون العصيده الي تمغط اشوي مع الاكل وفوقها بيض ... ؟؟؟ منو عندها طريقتها ؟؟؟

 

[ريميــه]

مرحبتين

الطريقه اللى اعرفها وكلن يقول عنها انها :s142: وكنت اسويها لاختى الكبيره ياااا لبـــــــــــه قلبها

المقادير :
قلاص سكر

م هيل

قلاص ماى مذوب بطحين والطحين حسب العصيده تبينها ثقيله والا لا

ماى حسب الكميه

م سمن عدانى والا اى سمن

نجى للطريقه _03BA:


تحطين قلاص السكر على النار مع التحريك لما يصير ذهبى

بعد ما يذوب تحطين عليه الماى بس مو واجد

مع التحريك تحطين رشه هيل فى ناس تحط بصل بس محموس قبل

الحين تحطين قلاص الماى اللى مذوب فيه الطحين وعلى طوووول تحركين

عشان ما تتكتل معاج (ادرى قرقتى واجد )

بعدين بالصحن وتزينينها بالهيل والسمن او البصل

ما بغيت اخلص:cxxxp:

صحتين ( بس مو تقولين لاحد طريقتى ) ههههههههههههه

 

[غنوة ستايل]

انا مثل ريميه جذي نسويها .. و نحطها بالصحن و ازيد فوقها شوي زبده او سمن ...
ومرات فلفل اسود حسب

 

[! بنت العاشره !]

مشكورين يا بنات وفالكم طيب جاره القمر الله يوفقج ويفتحا عليج طريقتج نفس امي الغاليه :eh_s(15):
وريميه مرسي من كل قلبي بس طريقتج قالوا لي انها مثل الحلوى يعني موثقيله حق نفاس


وعموما يعطيج الف عافيه والله يوفقج ويسر امرج وغقبال ما سويها انا لك وانتي نفاس:sfg:

 

[هوى الدار]

سوي عصيده التمر افيد

اخذى التمر وشيلي النوا والكميه الي تبين وحطيه على ماي مغلي على النار ليما يذوب بعدين شخليه واخذى الماي بس ورديه بجدر نظيف

اخذي طحين اسمر وشوى ابيض وخلطيه بماي دافي ليما يذوب عدل بعدين صبيه على ماي التمر على النار مع التحريك ليما يثقل وقبل تخلص حطي هيل وكركم وفلفل اسود وقصري على النار وخليه شوي

انا اسويها بالنظر ماكو مقادير محدده واذا تبينها حاليه حيل زيدي شوي سكر

وسلامتج

 

[! بنت العاشره !]

هلا بالغاليه هوى الدار هذي العصيده المباركه اللي شفتك فيها هههههههههههههههه

بسوى التمر حلوه مره شكلها

 

[جلالة الملك]

مشكورين يا حلوين كنت محتاج الطريقه وايد واتمنا ان تضبط معاي

:eh_s(6)::eh_s(6):​

 

[ضحكة الدنيا]

ان شاء الله تضبط
وبالعافيه

 

[سلطـ زمانها ــانة]

ابيييييييييييييييي


شهيتوووني فيهاااا