يا اهل الذوق الرفيع ...... تكفون ساعدوني زهقت مليت ...

[غيمه ظميانه]

السلام عليكم

بنات باختصار انا مليت من غرفتي النوم مع انها حلوه وجديده بس صارلي 3 سنوات ماغيرت ولا شي فيها بس اغير الديباج والمفارش

انا ودي اغير الاماكن وودي بعد اغير او اضيف اي شي بس من غير تكلفه يعني شي ما يبيله فلوس وااجد لاني مقحطه حدي :krkrkr:

بس مو مشكله حدكم 15 دينار
،،،،،،،،،،،،،،،،،،،،


اللحين نجي للحمام مال غرفتي انا حمامي داخل غرفتي وشكله يضيق الخلق ابيض بأبيض وفي حزام ازرق بس

والمرايه مالت المغسله بس مرايه لازقه مافيها ستاند احط اغراضي عليها بس فيها على جنب ستاند صغير يا دوب يكفى فرش الاسنان والمعجون

وصراحه ملل ملل ملل ويجيب الضيقه جنه بمستشفى والشور بوكس ابيض بعد مافيه حركات



ابي اي شي اضيفه بالحمام يعطي لون ورونق

تكفون ابي صور وشي يكون سهل ومو مكلف وعملي لان حمامي عليه كد ههههههههههههههه:krkrkr:



بانتظار ردودكم لاتخيبون ظني فيكم يا اهل الذوق

 

[حصووونه]

المبلغ اللي حاطته حبطني صراحه 15 دينار يالظالمه لوووووووووول
عموما
انتي يبيلج سوق شعبي دام هذا حدود المبلغ ولاتحاتين الشغله ذوق لا اكثر ولا اقل حتى بو اميه عنده سوالف زقرت وتهبل وتزيين ورخيص
عاد انا لعبتي الديكوريشن والحركات القرعه بس ماعرف احكم الا بشوف العين

شوفي
جيبي زنار من ابو اميه او طيور الجنه تلقين اشكال والوان اختاري لون وحطيه فوق الازرق اليل بحمامج غيري اللون وجيبي اكسسوارات الحمام تكرمون على لون هالزنار اللي بتلزقينه بالطوفه اذا المنظره لازقه بالطوفه بصمغ جيبي خرز بلون الزنار ولزقيه دار مدارها بالصمغ السلكون يعطي نيولوك بدال ماهي مصلعه جذي

وحطي فوط على الستاند نفس اللون روحي جيان رخيص فيه ستاندات حق صابون وحق الكلنكس للحمام

وافصلي الغرفه عن الحمام بستاره خرز او خيوط نفس اللي بالشاويش بالفروانيه خيوط الوان واشكال

الغرفه غيري لو الكفر اشتري جديد مع اني مقاطعه الكفرات من سنين ومرتاحه على االحشوه الوحده واغير التلبيسات بس اريحلي وانظف اغسلهم في بيتي غيري اماكن السرير والكبت جددي بالتغير الاماكن

اتمنى اكون فدتج شوي

اذا نفعتج بشي امانه ادعي لي ربي يشفيني عاجلا غير اجلا ويهدي زوجي لي ويصلح حاله ويسخره يارب

 

[تنايفـ]

ماشاء الله حصونة ماقصرت اي عاد قرقشي جيبج شوي 15 شتسويلج لووووووووول
شوفي حياتي اخذي لج لوحات من ايكيا ولا صفاة الغانم ترى حلوين
واخذي لج بعد فازات مع الورود يعطونج جو .. شوفي فازات ماركس اند سبنسر حلوين وسنتربوينت عنده فناتق ماصارت .. حطي شموع معطرة من سنتربوينت مثلا لانهم روعه واشتري بوادي زجاجية شفافة (من الجمعيات وعلى 100 فلس) .. ترسيها ماي وحطي فيها ورد مجفف ووزعيه بغرفتج راح تحسين جنج برسبشن فندق 5 نجوم << شرايج
اممممم غيري ستارتج شوفي ستاير ميداس وايكيا وايد ناعمين
دايما عطري غرفتج وبخريها عشان تحبينها .. هذا الي في بالي الحين ان شاء الله ييوز لج شي منه
​

 

[بيت التوت]

الحمدلله رب العالمين كما ينبغي لجلال وجهه وعظيم سلطانه



مادري والله بس الله يوفقج

 

[غيمه ظميانه]

مشكورين يا حبايب قلبي

شسوي ماكو الا 15 ههههههههههههههههههههههههههههههه مفلسه

وعسى الله شافيج ويسخر لج زوجج يا حصووونه وانشاالله بطبق اللي سويتيه


تنايف مشكوره ياحياتي وافكارج روووعه وانشالله بطبقها


وبزيد عشره يصيرون 20 هههههههههههههههههههههههه انشالله يكفىمشكورين عالمرور

 

[بنت الكويت العسل]

رد : يا اهل الذوق الرفيع ...... تكفون ساعدوني زهقت مليت ...

فعلا بو اميه تلقين فيه بلاوي نصيحه طيور الجنه لحقي على السوالف اللي فيه وهم ايام زمان وقبل روحي سوق الابراج الثلاثه بالمباركيه اخ1ي ستيكرات ورد على 150 فلس هناك يا بلاااااااااااااااااااش

 

[انتظر حبه]

المبلغ اللي حاطته حبطني صراحه 15 دينار يالظالمه لوووووووووول
عموما
انتي يبيلج سوق شعبي دام هذا حدود المبلغ ولاتحاتين الشغله ذوق لا اكثر ولا اقل حتى بو اميه عنده سوالف زقرت وتهبل وتزيين ورخيص
عاد انا لعبتي الديكوريشن والحركات القرعه بس ماعرف احكم الا بشوف العين

شوفي
جيبي زنار من ابو اميه او طيور الجنه تلقين اشكال والوان اختاري لون وحطيه فوق الازرق اليل بحمامج غيري اللون وجيبي اكسسوارات الحمام تكرمون على لون هالزنار اللي بتلزقينه بالطوفه اذا المنظره لازقه بالطوفه بصمغ جيبي خرز بلون الزنار ولزقيه دار مدارها بالصمغ السلكون يعطي نيولوك بدال ماهي مصلعه جذي

وحطي فوط على الستاند نفس اللون روحي جيان رخيص فيه ستاندات حق صابون وحق الكلنكس للحمام

وافصلي الغرفه عن الحمام بستاره خرز او خيوط نفس اللي بالشاويش بالفروانيه خيوط الوان واشكال

الغرفه غيري لو الكفر اشتري جديد مع اني مقاطعه الكفرات من سنين ومرتاحه على االحشوه الوحده واغير التلبيسات بس اريحلي وانظف اغسلهم في بيتي غيري اماكن السرير والكبت جددي بالتغير الاماكن

اتمنى اكون فدتج شوي

اذا نفعتج بشي امانه ادعي لي ربي يشفيني عاجلا غير اجلا ويهدي زوجي لي ويصلح حاله ويسخره يارب

الله يشافيج ويصلح ويهدي ريلج صراحه اخذت كم فكره

 

[شقاوه وحلاوه]

رد : يا اهل الذوق الرفيع ...... تكفون ساعدوني زهقت مليت ...

غيري شكل تسريحتج مثلا اذا لون غرفتج بني جيبي متر خام ستان بني او بيج او نحاسي وحطية علي التسريحة ورتبي اغراضج عليها ونثري ورد مجفف .

طلعي صور قديمة او شهادات تقدير لج او لزوجج ورزيهم علي الطاولة او الكمدينا .. وحطي حولينها ورد مجفف او شموع كشكل بس .

حاولي تستغلين الاشياء اللي عندج واللعلب اللي ما تبينها .. وموفقة ان شاء الله ..