يا امهات .. سويتي هالشي لعيالج!!علميني شلون!! عشان مستقبل ولدي بأسويها من ورى ابوه !!

[ام اغلى الناس]

خرعتوني بنات
الحمدلله انه علمتوني

 

[روان_الكويت]

التمويل غيرو نظامهم لازم الاب الي يفتح
رحت بفتح حساب لعيالي ما صار

رحت التجاري وفتحت لهم
بس لازم البطاقه المدنيه وشهاده الميلاد ضروري

 

[Ba$ko0oTa]

أنا قبل سألت موظفة في بنك التمويل وقالتليي عادي وحتى الحساب ما يقدر أحد يسحب منه الا انتي وولدج

انا فحت حق ولدي حساب التمويل
بس شنو المشكله ان احط فلووس عادي بس ما اقدر اسحبهم ولا اتصرف غير ابوووه
وان لازم يسويلي توكيل
تحسفت ليش فتحت انا احط فلوووس وابوووه يتصرف فيهم ما يصير
فمن هاليوووم وانا مو حاااطه ولا فلس وفوووق هذا يعني يسحبهم بطاقة ولدي المدنيه مو كرت البنك بعد
ما ادري شسوي الصرااحه وانا ولدي عمره الجين سنه ونص ولا فلس عنده

 

[ام اغلى الناس]

بسكوته الله يعينج
تسلمون بنات

 

[ذهبيه مرصعه بألماس]

سويلج حساب باسمج ثاني و حولي عليه المبلغ بشكل استقطاع

احسن

ليش بأسمه و من هالسوالف يمكن تصير مشاكل او شي

على الاقل المبلغ منج و انتي اللي بتحفظينه

و اذا الأبو يحب الصرف باجر لمن يصير بإسم ولدج الف الفين بيقول باخذ منهم و ارجعهم بعدين :s141:

لاتقولين ان هالحساب لولدج خلي هالشي بينج و بين نفسج

حطي نفسج بحارة الامان و سويلج حساب ثاني باي بنك ثاني و حولي عليه و الكرت لاتجيسينه

 

[ام اغلى الناس]

تسلمين يالغاليه

 

[kooka83]

رد: رد : يا امهات .. سويتي هالشي لعيالج!!علميني شلون!! عشان مستقبل ولدي بأسويها من ور

الحين كل البنوك جذي سألت كذا بنك عن حساب اليهال
الابو الوحيد الي يقدر يبطل الحساب ويتحكم فيه
الحل الوحيد
ان تبطلين حساب توفير عادي بأي بنك وباسمج انتي وسوي استقطاع ويمعي فيه وانتي الوحيده الي لج حق التصرف لا الابو ولاغيرة
وبس انتهى الموضوع

 

[يمة يادلبي]

بصراحة خوش فكرة
ماشالله مخج تجاري
انا حسبتها اذا صج استمريتي على هالمنوال راح يكون عنده فوق الـ 10 آلاف اذا وصل الـ 18 اكيد هالمبلغ بيساعده بدراسته او بزواجه او اذا بغى يشتري سيارة او يدش مشروع صغير

وانا اقول لو تقولين حق ريلج احسـن عشان يكون بالصورة خاصة اذا بتدفعين من معاشج لان اولا انتي مو قاعدة اتخشين حق واحد غريب وحتى لو حق واحد غريب خو معاشج وانتي تتصرفين فيه مثل ماتبين

 

[ام اغلى الناس]

تسلمون حبيباتي

 

[%F&R%]

اذا انتي فتحتي وحطيتي الفلوس من حسابج صدقيني ريلج مارحيقولج شي
انا بداية كل شهر اخذ من مصرف البيت احط بحساب بناتي بعدين اقول حق ريلي علشان يرد الفلوس الي خذيتهم من المصرف
بس نصيحه لا تخشين شي عن ريلج

 

[ام اغلى الناس]

تسلمين يا قلبي

 

[TRETRA]

رد : يا امهات .. سويتي هالشي لعيالج!!علميني شلون!! عشان مستقبل ولدي بأسويها من ورى اب

انا بعد مسوية حق بنتي معاشي كل شهر 30 استقطاعب بنك التمويل انتي قنعي اكثر وصدقيني بوافق انشاله

 

[أم حمد =)]

انا من يبته وانا اقول بفتحله حساب .. ولا فتحت ..

بس شجعتوني ..

 

[ام اغلى الناس]

تسلمون على مروركم

 

[* فطامي *]

اي والله خوش فكره

ريلي الحمدلله انه مقتنع من هل السالفة بس ما ادري متى يشد حيله ويروح يبطل له حساب

بس انا احاول كثر ما اقدر ما اصرف فلوس الهدايا والعيديه خاشتهم عندي وناطره احطهم بالرصيد ان شاء الله

 

[ام اغلى الناس]

تسلمين على مرورج
خلاص روحي انتي افتحي لها الحساب دام انه ماله خلق

 

[سراب ملموس]

فكرة حلوة انا فكرت فيها
بس مابي احبطج انا ليلحين ما طبقتها


الله يعينج

 

[ام اغلى الناس]

تسلمين حبيبتي على مرورج
يالله تشجعي و طبقيها
يستاهلون الحلوين

 

[عيون كحـال]

خوش فكره اشجعج عليهااا

موشرط باسم ولدج افتحي باسمج وحطي فيه كل شهر 50 دينار

 

[ام اغلى الناس]

مشكوره على مرورج يالغاليه